کراچی: ڈاﺅ یونیورسٹی آف ہیلتھ سائنسز میں جاری تین روزہ بین الاقوامی شماریاتی سائنس کانفرنس آج اختتام پذیر ہوئی۔کانفرنس میں ماہرین اور مقررین نے شعبہ طب میں شماریاتی تحقیق کو ملک میں مختلف بیماریوں پر قابو پانے کی حکمت عملی ترتیب دینے کے لیے وقت کی اہم ضرورت قرار دیا اور کہا کہ اس ضمن میںنہ صرف شماریاتی تحقیق سے بھرپور استفادہ کیا جاسکتا ہے بلکہ ملک میں صحت کے نظام کو بہتر بنانے اور ملکی ترقی کیلئے معاون ثابت ہو سکتی ہے۔اسلامی ممالک کی تنظیم برائے سوسائٹی آف شماریاتی سائنسز (ائی ایس او ایس ایس )نے پاکستان کو شماریات کے حوالہ سے بین الاقوامی برادری کے برابر لاکھڑا کیاہے ۔یہ کانفرنس ڈاﺅ یونیورسٹی نے اسلامی ممالک کی تنظیم برائے سوسائٹی آف شماریاتی سائنسز ، ہائر ایجوکیشن کمیشن، ڈی ایچ اے صفہ یونیورسٹی، کراچی یونیورسٹی، فیڈرل اردو یونیورسٹی اور پاکستان سائنس فاﺅنڈیشن کے باہمی اشتراک سے اوجھا کیمپس کراچی میں منعقد کی ۔ کانفرنس میں نیپال، ملائیشیا، چین، قطر اور دیگر مختلف ممالک سے ماہرین اور مقررین نے شمارتی سائنسز پر اپنے مقالوں سے شرکاءکوآگاہ کیا۔تقریب میںماہرین اور مقررین سمیت یونیورسٹی کے فیکلٹی اراکین سمیت طلباو طالبات نے بھرپور شرکت کی۔اس موقع پر ڈاﺅ یونیورسٹی کے وائس چانسلرپروفیسر مسعود حمید خان سمیت دیگر ماہرین نے اظہار خیال کیا۔ پروفیسر مسعود حمید خان نے کہا کہ شماریات کوملک میں پیدائش، اموات، مختلف بیماریوں اور اس پر قابو پانے کے ساتھ ساتھ تحقیقی سرگرمیوں میں بھی بروئے کار لایا جاسکتا ہے۔

حیدرآباد: جمعیت علماءپاکستان ضلع حیدرآباد کا اعلیٰ سطحی اجلاس عبدالروف الوانی کی رہائش گاہ پر ہوا جس میں جمعیت علماءپاکستان کی جانب سے66ویں یوم تاسیس کے موقع پر نظام مصطفیﷺ ریلی کا فیصلہ کیا گیا جو28مارچ جمعة المبارک کو شام 6:30بجے جامع مصطفی مسجد سابقہ کمیلا چوک پریٹ آباد سے نکالی جائے گی ۔تنظیمی امور کا جائزہ لیتے ہوئے رکنیت سازی مہم شروع کرنے اور عوامی رابطہ مہم تیز تر کرنے کا فیصلہ کیا گیا اجلاس میں29مارچ کو نشترپارک کراچی میں ہونے والی اتحاداہلسنت کانفرنس میں بھرپور شرکت کرنے اور ضلع کے مختلف حصوں سے قافلوں کی شرکت کے لئے انتظامی کمیٹیاں تشکیل دی گئیں، اجلاس میں حیدرآباد میں بڑھتی ہوئی قتل اور ڈاکوں کی وارداتوں صحت وصفائی کے ناقص انتظامات پرپولیس اور بلدیہ کے ناقص انتظامات پر سخت تشویش کا اظہار کرتے ہوئے جرائم کے خاتمے اور صحت وصفائی کی صورتحال بہتر بنانے کا مطالبہ کیا گیا ۔اجلاس سے ڈپٹی سیکریٹری اطلاعات ڈاکٹر محمد یونس دانش ،ناظم علی آرائیں ،عبدالروف الوانی ، محمد ارشاد نقشبندی،سیدعبدالغنی شاہ ،ڈاکٹر عاف اللہ شاہ ،سید منیر حیدرشاہ،محمد عارف قائم خانی ،جمال راشد ،محمد اقبال میمن نے خطاب کرتے ہوئے کہا کہ جمعیت علماءپاکستان (نورانی ) قائد ملت اسلامیہ علامہ شاہ احمد نورانی کی فکر پر چلتے ہوئے ڈاکٹر صاحبزادہ ابوالخیر محمد زبیر کی قیادت میں منظم ہے اور اتحاد اہلسنت کی سب سے بڑی داعی جماعت کے طور پر آگے بڑھ رہی ہے نشتر پارک کی اتحاد اہلسنت کانفرنس انشاءاللہ اہلسنت کے وسیع تر اتحاد کےلئے سنگ میل ثابت ہوگئی اور شرپھیلا کر اتحاد کی کوششوں کو سبوتاژ کرنے والوں کے مکروہ عزائم خاک میں مل جائیںگے۔ ڈاکٹر محمد یونس دانش نے کہا کہ جمعیت علماءپاکستان نے ہمیشہ حق وصداقت کا درس دیا ہے SMSاورفیس بک پر جعلی ناموں اور لوگوں کا جمعیت علماءپاکستان سے کوئی تعلق نہیں ہے عوام اہلسنت ان شرپسندوں کی سازشوںسے ہوشیار رہیں جو جماعت کو بند گلی میں دھکیلنے کی کوشش کررہے ہیںاجلاس میں جمعیت علماءپاکستان سے تعلق رکھنے والے تمام احباب کو ہدایت کی گئی کہ وہ موبائل اور فیس بک پر کسی بھی قسم کی اختلافی معاملات کو خاطر میں نہ لائیں اور جماعت کے کام پر توجہ دیں ۔

کراچی: شاہ فیصل ٹاﺅن کے فٹ بال کے کھلاڑیوں کا ایک وفد سابق فٹ بالر اظہر احمد کی قیادت میں ایڈیشنل ڈپٹی کمشنر ضلع کورنگی وسیم الدین سے اُن کے دفتر میں ملاقات کی اور انھیں بتایا کہ شاہ فیصل کالونی فٹ بال اسٹیڈیم میں گول پوسٹ نہ ہونے کی وجہ سے اس اسٹیڈیم میں کوئی فٹ بال ٹورنامنٹ کا انعقاد نہیں کیا جاسکتا ،اسٹیڈیم میں کھلاڑیوں کو در پیش دیگر مسائل سے بھی آگاہ کیا گیا،شاہ فیصل ٹاﺅن کے فٹ بال کھلاڑیوں کے مسائل سننے کے بعد ایڈیشنل ڈپٹی کمشنر ضلع کورنگی وسیم الدین نے شاہ فیصل ٹاﺅن کے فٹ بال کھلاڑیوں کو یقین دہانی کراتے ہوئے کہاکہ بہت جلد شاہ فیصل کالونی فٹ بال اسٹیڈیم میں گول پوسٹ کی تنصیب اور دیگر مسائل کو حل کرکے شاہ فیصل اسٹیڈیم کو ضلع کورنگی کا ماڈل فٹ بال اسٹیڈیم بنایا جائے گا۔ ملاقات میں ایڈیشنل ڈپٹی کمشنر ضلع کورنگی وسیم الدین کو ان کی اسپورٹس کے فروغ کے حوالے سے گراں قدر خدمات پر انہیں شاہ فیصل ٹاﺅن کے فٹ بال کھلاڑیوں کی جانب سے اعزازی شیلڈ پیش کیا گیا ۔