لاہور (پی پی آئی)پاکستان تحریک انصاف کو 22 اکتوبر کو لاہور میں جلسے کی اجازت مل گئی۔ ضلعی انتظامیہ نے پی ٹی آئی کو 22 اکتوبر کو لاہور کاہنہ این اے 123 میں جلسے کی اجازت دے دی۔ پی پی آئی کے مطابق اس سے قبل صوبہ پنجاب کے دارالحکومت لاہور کی ضلعی انتظامیہ نے پاکستان تحریک انصاف کو لبرٹی چوک میں جلسے کی اجازت دینے سے انکار کردیا تھا۔۔
خواتین ہاکی کھلاڑیوں کا ٹی بنگلہ دیشی بورڑ کے خلاف احتجاج
میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
ڈس ایبلڈ ون ڈے سیریز : پاکستان کی انگلینڈ کو شکست
وومنز قومی ہاکی چمپیئن شپ کا آغاز
سست اوور ریٹ ، جنوبی افریقی ٹیم پر جرمانہ عائد
تازہ ترین خبریں
- April 22, 2026
اشتہار
تازہ ترین
پاکستان آپ کے استقبال کے لیے تیار ہے،شہباز شریف کی نوازشریف سے ٹیلیفونک گفتگو
دبئی/لاہور(پی پی آئی) سابق وزیراعظم نواز شریف کی پاکستان آمد کے سلسلے میں سکیورٹی انتظامات کے حوالے سے شہباز شریف اور نواز شریف میں ٹیلی فون رابطہ ہوا ہے۔ مسلم لیگ ن کے صدر شہباز شریف نے نواز شریف سے فون پر رابطہ کیا اور پاکستان واپسی کے حوالے سے استقبال کی تیاریوں کے حوالے سے بریفنگ دی۔پی پی آئی کے مطابق ٹیلیفونک رابطے میں سعودیہ اور دبئی میں اہم ملاقاتوں کے حوالے سے بھی بات چیت کی گئی۔شہباز شریف نے کہا کہ پاکستان آپ کے استقبال کیلئے تیار ہے، مینار پاکستان پر تاریخ کا سب سے بڑا جلسہ ہوگا۔ پنجاب اور پاکستان کے دیگر شہروں سے قافلے لاہور پہنچ رہے ہیں۔ نوازشریف نے استقبال کیلئے بھرپور انتظامات اور مہم چلانے پر شہباز شریف کو شاباش دی۔ نواز شریف نے شہباز شریف کو اہم ہدایات بھی دیں۔
پی پی والے کہتے تھے کہ میاں صاحب واپس نہیں آئیں گے، اب ڈیل کا الزام لگارہے ہیں: امیر مقام
اسلام آباد (پی پی آئی)مسلم لیگ ن خیبرپختونخوا کے صوبائی صدر امیر مقام نے کہا ہے کہ ’جنوری میں الیکشن ہوتے نظر نہیں آرہے ہیں کیونکہ پہاڑی علاقوں میں برف باری کی وجہ سے انتخابی سرگرمیاں متاثر ہوسکتی ہیں۔ اس لیے میرا خیال ہے کہ مارچ کے فورا بعد انتخابات منعقد کیے جائیں گے۔‘پی پی آئی کے مطابق لیگی رہنما نے کہاکہ پیپلز پارٹی کے رہنما پہلے شرطیں لگایا کرتے تھے کہ میاں صاحب واپس نہیں آئیں گے، اب وہی لوگ نواز شریف کی واپسی کا سن کر ڈیل کا الزام لگارہے ہیں۔ ’پرویز خٹک اور محمود خان دونوں سابق وزرائے اعلٰی رہ چکے ہیں مگر صوبے میں آپ ان کی کارکردگی دیکھ لیں تو آپ کو کچھ نظر نہیں آئے گا، امیر مقام نے مزید کہا کہ ’مسلم لیگ ن کا کسی سے اتحاد کرنے کا فیصلہ قبل ازوقت ہے کیونکہ قائد محمد نواز شریف کے واپسی کے بعد اس پر مشاورت ہوگی۔ متعدد سیاسی رہنما ہماری پارٹی میں شمولیت کے منتظر ہیں ’میاں محمد نواز شریف نے جن رہنماؤں کو سب سے زیادہ نوازا انہوں نے پارٹی کو بدلے میں کیا دیا، یہ سوال ان سے ہونا چاہیے؟ جو لوگ آج پارٹی سے گلے شکوے کر رہے ہیں انہوں نے مشکل حالات میں خود کو پارٹی سے الگ کیا اب ایسے لوگوں کو کیوں اہمیت دی جائے۔‘
مراد سعید کا چیف جسٹس کے نام خط، اہلخانہ کو ہراساں کرنے کا نوٹس لینے کی استدعا
اسلام آباد(پی پی آئی)پاکستان تحریک انصاف کے رہنما مراد سعید نے چیف جسٹس پاکستان سے جعلی مقدمات کی آڑ میں اہلخانہ کو ہراساں کرنے کا فوری نوٹس لینے کی استدعا کرتے ہوئے خط لکھا ہے۔چیف جسٹس کے نام خط میں مراد سعید نے لکھا کہ اپنے بنیادی حقوق کے تحفظ کی خاطر سابق چیف جسٹس عمرعطا بندیال اور صدر مملکت کو بھی متعدد خطوط ارسال کیے جنہیں بدقسمتی سے نظر انداز کر دیا گیا۔خط کے متن کے مطابق مراد سعید نے لکھا کہ وہ ریاستِ پاکستان کا ایک ذمہ داراور قانون کی پاسداری کرنے والے شہری ہونے کے ساتھ سابق وفاقی وزیر کے عہدے پر بھی فائز رہ چکے ہیں لیکن اپریل 2022 میں حکومت کی تبدیلی کے بعد سے ان کے خلاف جعلی اور بے بنیاد ایف آئی آرز کا ایک نہ ختم ہونے والا سلسلہ شروع ہے، جن میں دہشت گردی اور غداری جیسے سنگین الزامات عائد کیے گئے ہیں۔خط میں پی ٹی آئی رہنما نے یہ بھی لکھا کہ پولیس کی جانب سے میرے اہلخانہ کو تضحیک اور بدسلوکی کا نشانہ بنایا گیا اور گھر کا فرنیچر اور دیگر قیمتی اشیا توڑ دی گئیں، میری اہلیہ اور رشتہ داروں کو بغیر کسی مقدمے کے بلاجواز انتقام کا نشانہ بنایا گیا۔انہوں نے چیف جسٹس کو لکھا کہ 9 مئی کے بعد سے پارٹی کے دیگر قائدین کی طرح ان پر بھی بغیر کسی ثبوت کے انتشار اور جلاو گھیراومیں ملوث ہونے کے جھوٹے الزامات لگائے گئے۔ وہ عدالت عظمیٰ کے روبرو جان کو لاحق خطرات اور قتل کے منصوبے کے خدشات کا برملا اظہار کر چکے ہیں۔
تلاش کریں
خبریں
خواتین ہاکی کھلاڑیوں کا ٹی بنگلہ دیشی بورڑ کے خلاف احتجاج
(March 26, 2014)
کراچی: ٹی ٹوئنٹی ورلڈ کپ میں اسٹیڈیم میں غیرملکی جھنڈے لہرانے پر پابندی لگا نے پر بنگالی حکومت کے خلاف کراچی میں ہاکی کی خواتین کھلاڑیوں نے احتجاج کیا ۔بنگلہ دیشی حکومت کی پاکستان دشمنی کے خلاف خواتین کھلاڑیوں نے کراچی کے نیشنل ہاکی اسٹیڈیم میں بھر پور احتجاج کیا، انھوں نے مطالبہ کیا کہ آئی سی سی جھنڈے لہرانے پر پابندی کے فیصلے کے خلاف خاموش نہ رہے بلکہ فوری طور پر بنگلادیشی کرکٹ بورڈ کے خلا ف سخت کارروائی کرے۔
میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
(March 25, 2014)
میامی: انگلینڈ کے لیجنڈری فٹبالر ڈیوڈ بیکھم کا کہنا ہے کہ امریکی ریاست فلوریڈا کے شہر میامی میں بڑے فٹ بال اسٹیڈیم کی تعمیر ان کا خواب ہے ۔ ڈیوڈ بیکھم پر امید ہیں کہ میامی میں ایک بڑے اسٹیڈیئم کی تعمیرکا ان کاخواب ضرور پورا ہوگا، بیکھم کے مطابق اس حوالے سے سامنے آنے والے اختلافات جلد دور کرلئے جائیں گے۔امریکی ریاست فلوریڈا میں میڈیا سے بات کرتے ہوئے بیکھم نے کہا کہ بڑے منصوبوں کی تکمیل کے لئے وقت درکار ہوتا ہے، امریکی سوکر لیگ کو مزید آگے بڑھانے میں یہ اسٹیڈیم ایک تاریخی کردار اداکرے گا۔ مانچسٹریونائیٹڈ اور ریال میڈرڈ کی نمائندگی کرنے والے بیکھم کے مطابق اسٹیڈیم کی تعمیر میں دو سو ملین امریکی ڈالرز سے زائد اخراجات آئیں گے جبکہ پچیس ہزار سے زائد تماشائی یہاں کھیل سے لطف اندوز ہوسکیں گے۔
میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
(March 25, 2014)
میامی: اسپین کے رافیل نڈال اور سوئٹزرلینڈ کے اسٹانسلاس و اورنکا نے میامی ماسٹرز ٹینس ٹورنامنٹ کے چوتھے راﺅنڈ میں جگہ بنا لی۔ میامی میں جاری ایونٹ کے مینزسنگلزکے تیسرے راﺅنڈ میں عالمی نمبر ایک رافیل نڈال نے ازبکستان کے ڈینس اسٹومن کو باآسانی اسٹریٹ سیٹس میں شکست دے کر پری کوارٹر فائنل میں جگہ بنالی۔ نڈال اسٹومن کوایک گھنٹے سے بھی کم وقت میں6-1 اور6-0 سے زیرکیا۔ آسٹریلین اوپن چیمپئین اسٹانسلاس واورنکا کوچوتھے راﺅنڈ تک رسائی کے لیے جدوجہد کرنا پڑی۔ واورنکا نے تیسرے راﺅنڈ میں فرانس کے ایڈورڈ راجر کو7-3 اور 6-4 سے مات دی۔ ٹینتھ سیڈ امریکہ کے جان اسنراسپین کے نکولس الماگرو کو شکست دے کر چوتھے راﺅنڈ میں پہنچ گئے۔ اسنرنیالماگرو کے خلاف 7-5 اور6-3 سے فتح سمیٹی۔
ڈس ایبلڈ ون ڈے سیریز : پاکستان کی انگلینڈ کو شکست
(March 25, 2014)
دبئی: پاکستان ڈس ایبلڈ کرکٹ ٹیم نے انگلینڈ ڈس ایبلڈ کوپہلے ون ڈے میں33 رنز سے ہراکر تین میچز کی سیریز میں ایک صفر کی برتری حاصل کرلی۔ دبئی میں کھیلے جانے والے 40اوورز پر مشتمل ون ڈے میں پاکستان ڈس ایبلڈ نے ٹاس جیت کر بیٹنگ کا فیصلہ کیا اور مقررہ اوورز میں نووکٹوں پر 233رنز بنائے۔ کپتان حسنین عالم نے 95، دانش احمد نے50 قیمتی رنزبنائے۔ جمی ولیمز اور کلم فلائن نے دو دو وکٹیں حاصل کیں۔ جواب میں انگلش ٹیم ہدف کے تعاقب میں نو وکٹوں پر200 رنزبنا سکی۔ کلم فلائن 69 اور جمی 28 رنز بناکرنمایاں رہے۔ عامراحمد، عبداللہ آفریدی، اور راﺅجاوید نے دو دو کھلاڑیوں کوآﺅٹ کیا۔ پاکستان کے حسنین عالم مین آف دی میچ قرارپائے۔
وومنز قومی ہاکی چمپیئن شپ کا آغاز
(March 25, 2014)
کراچی: 28ویں وومنز نیشنل ہاکی چمپیئن شپ آج کرا چی میں شروع ہوگی۔ پاکستان ہاکی فیڈریشن خواتین ونگ کی چیئر پر سن خوش بخت شجاعت کا کہنا ہے کہ فنڈز کی کمی کے باوجو د ایونٹ کا انعقا د کیا جا رہا ہے اور اسے کامیاب بنا دیا جائے گا۔ہاکی کلب آف پاکستان کرا چی میں پریس کانفرنس کر تے ہوئے انھوں نے کہا کہ نیشنل چمپیئن شپ میں ملک بھر سے دس ٹیمیں شر کت کر رہی ہیں ۔ سیکرٹری پی ایچ ایف تنزیلا عامر چیمہ نے اس موقع پر کہا کہ قومی سینئر اور جو نیئر ٹیموں کے لیے غیر ملکی دورے فیوچر پروگرام میں شامل کر دئیے گئے ہیںلیکن ہمارا سب سے بڑا مسئلہ فنڈز کی عدم دستیابی کا ہے ، انھوں نے کہا کہ ایونٹ میں 25لاکھ خرچے کا تخمینہ لگا یا گیا ہے مگر یہ اخراجات کیسے پورے ہوں گے اس سوال کا جواب پی ایچ ایف وومنز ونگ ہی دے سکتی ہے ،چمپیئن شپ کا فائنل 4اپریل کو کھیلا جائے گا ۔
سست اوور ریٹ ، جنوبی افریقی ٹیم پر جرمانہ عائد
(March 25, 2014)
ڈھاکا: جنوبی افریقا کو نیوزی لینڈ کے خلاف سلو اوور ریٹ کی بنا پر جر مانہ عائد کر دیا گیا ۔ ٹی ٹوئنٹی ورلڈکپ کے گروپ میچ میں نیوزی لینڈ کے خلا ف سنسنی خیز مقابلے کے بعد شاندار فتح حاصل کر نے والی جنوبی افریقی ٹیم کو سلو اوور ریٹ پر کپتان کو میچ فیس کا 40فی صد جبکہ بقیہ کھلاڑیوں پر 20فی صد جر مانہ عائد کر دیا گیا ہے ۔ میچ ریفری جواگل سری ناتھ نے آئی سی سی کوڈ آف کنڈکٹ برائے کھلاڑی اور سست اوور ریٹ کے تحت ہر کھلاڑی پر میچ فیس کا بیس فیصد حصہ جبکہ کپتان پراس کا دگنا جر مانہ عائد کر دیا۔ اگر کپتان ڈوپلیسی اگلے بارہ مہینوں کے اندر ٹی ٹوئنٹی میچ میں ایک اور سست اووریٹ کے مر تکب ہوگئے تو انھیں آئی سی سی کوڈ آ ف کنڈکٹ کے مطابق ایک میچ کی پابندی کی سزا دی جائے گی۔