لاہور: پی سی بی کے چیئرمین نجم سیٹھی نے امید ظاہر کی ہے کہ ورلڈ ٹی ٹوینٹی کے افتتاحی میچ میں روایتی حریف بھارت کے خلاف پاکستان فتح سے ہمکنار ہوگا۔ قذافی اسٹیڈیم لاہور میں میڈیا سے بات چیت کرتے ہوئے نجم سیٹھی کا کہنا تھا کہ ایشیا کپ میں شاہد آفریدی کے دو چھکے لگانے سے ملنے والی فتح سے گرین شرٹس کا مورال ہائی ہے۔ شاہد آفریدی بھی نوے فیصد فٹ ہوچکے ہیں اور کھلاڑیوں کے متحد ہو کر کھیلنے کی صورت میں فتح پاکستان کا مقدر بنے گی۔ چیئرمین پی سی بی نے کہا کہ میدان میں کھلاڑیوں کو لڑانا کپتان اور کوچز کا کام ہے جبکہ چیئرمین کا کام کھلاڑیوں کی حوصلہ افزائی کرنا ہے جو وہ کررہے ہیں۔

ڈھاکا: جنو بی افریقا کی کرکٹ ٹیم ٹیٹوئنٹی ورلڈ کپ میں کپتان فیف ڈوپلیسی اور فاسٹ باﺅلر ڈیل اسٹین کے فٹنس مسائل کے باعث پریشانی کا شکار ہوگئی ہے۔پروٹیزہفتے کو سری لنکا کے خلاف اپنا افتتاحی میچ کھیلےں گے تاہم کپتان فیف ڈوپلیسی اور ڈیل اسٹین کی شر کت مشکوک ہے، دونوں کھلاڑی ہمسٹرنگ کا شکار ہو گئے تھے۔ڈیل اسٹین آسٹریلیا کے خلاف حالیہ سیریز میں ہمسٹرنگ کا شکار ہوئے تھے تاہم ٹی ٹوئنی ورلڈ کپ کے پہلے وارم اپ میچ میں 2.2اوور کرانے کے بعد دوبارہ انجری کا شکار ہوگئے تھے ۔ کپتان فیف ڈوپلیسی کے سری لنکا کے خلا ف میچ میںشرکت کے حوالے پچاس فی صد امکان ظاہر کیا جا رہاہے۔ کر کٹ جنوبی افریقا کی جا نب سے جاری اعلامیے میں کہا گیا ہے کہ میڈیکل ٹیم کھلاڑیوں کی زخموں کے علاج کے لیے بہت محنت کر رہے ہیں،انھیں بہترین علاج دیا جا رہا ہے اور امید ہے کہ ورلڈ کپ کے پہلے میچ سے قبل فٹ ہو جائیں گے ۔ فیف ڈوپلیسی کی غیر حاضری کی صورت میں ان کی جگہ اے بی ڈی ولیئر پروٹیز کی قیادت کریںگے،جنوبی افریقا کا دوسرامیچ پیر کو نیوزی لینڈ کے خلا ف ہوگا ، جبکہ سیمی فائنل تک رسائی کے لیے انگلینڈ اور فرسٹ راﺅنڈ کوالیفائر ٹیم کے خلا ف کامیابیاں حاصل کر نا ہو گی۔

ڈھاکا: پاکستانی کرکٹ ٹیم کے کپتان محمد حفیظ نے کہا ہے کہ شاید آفریدی سو فی صد فٹ نہیں ہیں لیکن ٹی 20 ورلڈ کپ میں شرکت کے لیے پرجوش ہیں۔ڈھاکا میں میڈیا سے گفتگو کرتے ہوئے قومی کپتان محمد حفیظ کا کہنا تھا کہ شاید آفریدی سوفیصد فٹ نہیں ہیں لیکن ٹی 20 ورلڈ کپ میں شرکت کے لیے پرجوش ہیں۔محمد حفیظ کا مزید کہنا تھا کہ آل راونڈرز کی کارکردگی بہتر ہے۔ایونٹ میں فاسٹ بولرز اہم ہوں گے۔دوسری جانب بھارتی کپتان مہندر سنگھ دھونی کا کہنا تھا کہ اس سے فرق نہیں پڑتا کہ پاکستان ٹی 20 میچز میں بھارت سے ایک بار بھی نہیں جیت سکا ، یہ ایک نیا میچ ہے اس میں بھرپور کارکردگی دکھانی ہو گی۔

ممبئی: کرکٹ بگ تھری کے روح رواں سری نواسن کے داماد کے گرد گھیرا تنگ ہوگیا، آئی پی ایل اسکینڈل کی فرانزک رپورٹ میں گروناتھ میاپن کی آواز کی تصدیق ہوگئی۔آئی پی ایل 2013ءسیزن میں چنائے سپر کنگز اور راجستھان رائلز کے میچ کے علاوہ دیگر مقابلوں میں ممکنہ فکسنگ سے متعلق مختلف ایجنسیوں کی تحقیقات جاری ہیں۔ممبئی کرائم برانچ کی جانب سے فرد جرم عائد ہونے کے باوجود گروناتھ میاپن سمیت بیشتر ملزمان ضمانت پر رہا ہیں، کرائم برانچ کی فراہم کردہ ٹیلی فونک گفتگو کی فرانزک رپورٹ آنے کے بعد گروناتھ میاپن اور وندو دارا سنگھ کے گرد گھیرا تنگ ہوگیا ہے۔گروناتھ میاپن کی آواز کو اصلی قرار دیدے دی گئی ہے ،جس میں میا پن نے وندو دارا سنگھ سمیت کئی افراد کو چنائے سپر کنگز سے متعلق اہم معلومات دیں۔ممبئی کرائم برانچ کے ترجمان کے مطابق فرانزک رپورٹ آنے کے بعد اب تحقیقات کا دائرہ مزید وسیع ہوجائے گا جس میں بہت سے سنسنی خیز انکشافات کے سامنے آنے کی توقع ظاہر کی جارہی ہے۔

ڈھاکا: بنگلہ دیش کے دارلحکومت ڈھا کا میں واقع آسٹریلیوی کر کٹ ٹیم کے ہوٹل کو بھاری سیکورٹی حصار میں دیا گیا ۔ ٹی ٹوئنٹئی ورلڈ کپ کی انتظامیہ بنگلہ دیش میں جا ری مخدوش حالات اور دہشت گردکے واقعات پر کوئی رسک لینے کے لیے تیار نہیں ہے جہاں پر پوری دنیا کے مشہور کھلاڑی ایک ہی جگہ جمع ہیں ، ڈھاکا میں وقع ہوٹل جس میں آسٹریلیا کے علاوہ ویسٹ انڈیز اور آئر لینڈ کی ٹیمیں قیام پذیر ہیں کو سیکورٹی اہلکاروں نے گھیرا ہوا ہے ، جس میں مقامی پولیس ، فوجی اہلکار، اور سیکورٹی آفیسرز شامل ہیں۔ ہوٹل کے تمام گیارہ فلور زمیں سیکورٹی کے فوری حصول کے لیے پولیس اسٹیشن قائم کر دیے گیے ہیں، ہوٹل میں آنے والی گاڑیوںکی چیکنگ بھی سخت کی گئی ہے جہاں بمب ڈسپوزل اہلکار موجود ہیں، کرکٹ آسٹریلیا کے مطابق وہ بنگلہ دیش میں جنوری میں منعقد ہوئے عام انتخابات کے بعد جاری حالات اور دہشت گردی کی لہر پر نظر رکھے ہوئے ہیں۔