ہے اس ٹرین میں ہزارو ں افراد سفر کیا کرتے تھے اسے 2020میں کورونا کے باعث بند کر دیا گیا تھیاجسے ایک سال بعد بحال کیا گیا لیکن چند ماہ بعد ہی ٹرین سروس دوبارہ معطل کردی گئی جس کے باعث مسافروں کو مشکلات کا سامنا ہے اور وہ بذریعہ روڈ سفر پر مجبور ہیں، پی آئی کے مطابق کوئٹہ کراچی شاہراہ سنگل ہونیکی وجہ سے حادثات کی وجہ سے سالانہ درجنوں قیمتی جانیں لقمہ اجل بن جاتی ہیں۔
اسلام آباد (پی پی آئی)روسی سفیر ڈینیلا گانیچ کاکہنا ہے کہ روسی صدر ولادیمیر پیوٹن پاکستان کا دورہ کب کرینگے اس حوالے سے کوئی تبصرہ نہیں کرسکتا۔روسی سفیر ڈینیلا گنیچ نے انسٹیٹیوٹ آف پالیسی ریسرچ میں پاک روسی تعلقات پر گفتگو کرتے ہوئے کہا ہے کہ ہم یوکرین کے ساتھ جنگ جیتنے کی پوزیشن میں ہیں، یوکرین کے ساتھ جنگ ہماری شرائط پر ختم ہوگی، روس، چین، بھارت اور پاکستان کبھی اکٹھے نہیں ہوئے، روس، چین، پاکستان اور ایران ایک کور گروپ ہیں۔طالبان کو تسلیم کرنے کا فیصلہ بین الاقوامی ہوگا، چند ممالک نے انکو تسلیم کیا تھا ہم نے نتائج دیکھ لئے، ماننا پڑے گا کہ طالبان نے مغربی حکومت کو اپنے ملک سے باہر پھینک دیا، ہم سمجھتے ہیں کہ طالبان اس حوالے سے فاتح ہیں۔پاکستان روس کے نارتھ ساؤتھ منصوبے کا اہم حصہ ہے، ہم پاکستان میں روسی زبان کی تعلیم پر کام کر رہے ہیں، ہم پاکستانی حکام کے شکراگزار ہیں کہ انہوں نیاپنی جامعات میں روسی زبان شروع کی، ہم نے علامہ اقبال اوپن یونیورسٹی میں حال ہی میں روسی زبان کا سینٹر کھولا،، روس میں ہم اردو سیکھ رہے اور یہاں روسی زبان سکھا رہے ہیں، انہوں نے کہا کہ روس کے وجود اور سالمیت کو خطرہ ہوا تو پھر کچھ بھی ہو سکتا ہے، مگر یہ اتنا آسان نہیں ہے، بھارت کے ساتھ روس کے روابط زیادہ ہیں کیونکہ ہم بڑے پراجیکٹس میں ساتھ ہیں۔روسی سفیر نے پاکستانی سیاست پر بات کرتے ہوئے کہا کہ پاکستان کی اندرونی سیاست پر تبصرہ نہیں کر سکتا، بھارت اور امریکہ چین کے خلاف الائنس کی صورت میں ہم کیا کرسکتے ہیں، ہم امریکہ کی نسبت بہتر معاونت کر سکتے ہیں، سمجھتا ہوں بھارت کسی کی جیب میں نہیں، وہ اپنے ساتھ مخلص ہے۔ان کاکہنا تھا کہ ایٹمی ہتھیاروں کے استعمال کے حوالے سے ہمارا قانون واضح ہے، روس ایٹمی ہتھیاروں تب استعمال کرے گا جب اسکی سالمیت کو خطرہ ہو، وہ خطرہ نظر نہیں آرہا۔روسی سفیر ڈینیلا گانیچ کا یہ بھی کہنا ہے کہ میں کریملن کے بارے میں کوئی تبصرہ نہیں کرسکتا کہ صدر پیوٹن کب پاکستان کا دورہ کرینگے تاہم جب میں ریٹائرڈ ہوں گا تو خواہش ہو گی کہ آپ کے آم امپورٹ کروں۔
اسلام آباد (پی پی آئی) چیف الیکشن کمشنر سکندر سلطان راجہ سے برطانوی ہائی کمشنر جین میریٹ نے ملاقات کی ہے۔پی پی آئی کے مطابق سماجی رابطے کی ویب سائٹ پر برطانوی ہائی کمشنر جین میریٹ نے بتایا ہے کہ الیکشن کمشنر سکندر سلطان راجہ سے اہم تعارفی ملاقات ہوئی، ملاقات کے دوران اتفاق ہوا ہے کہ پاکستان میں قانون کے مطابق آزاد، قابل اعتماد، شفاف اور جامع انتخابات ضروری ہے۔یہ ملاقات وفاقی دارالحکومت اسلام آباد میں واقع الیکشن کمیشن کے دفتر میں ہوئی ہے۔واضح رہے کہ چند ہفتے قبل امریکی سفیر ڈونلڈ بلوم نے بھی چیف الیکشن کمشنر سکندر سلطان راجہ سے ملاقات کی تھی۔
لاہور (پی پی آئی)لاہور کی انسداد دہشت گردی کی عدالت نے 9 مئی واقعہ سے متعلق 2 مقدمات میں مطلوب پاکستان تحریک انصاف (پی ٹی آئی) کے متعدد روپوش رہنماؤں کو اشتہاری قرار دینے کی کارروائی کا آغاز کردیا۔پی پی آئی کے مطابق مذکورہ مقدمات میں کارروائی کا سامنا کرنے والے پی ٹی آئی رہنماؤں میں فرخ حبیب، اعظم سواتی، حماد اظہر اور مراد سعید بھی شامل ہیں۔القادر ٹرسٹ کیس میں اسلام آباد ہائی کورٹ کے احاطے سے چیئرمین پی ٹی آئی عمران خان کی گرفتاری کے بعد 9 مئی کو کئی شہروں میں مظاہرے پھوٹ پڑے تھے، اس روز ہونے والے پْرتشدد واقعات کے سلسلے میں لاہور کے سرور روڈ پولیس اسٹیشن میں درج 2 مقدمات میں رہنماوں کو نامزد کیا گیا ہے۔احتجاج کے دوران فوجی تنصیبات سمیت متعدد سرکاری اور نجی املاک کو نقصان پہنچایا گیا تھا، جس کے ردعمل میں پی ٹی آئی کے خلاف شروع ہونے والا کریک ڈاؤن تاحال جاری ہے۔دونوں مقدمات کی سماعت اے ٹی سی کے جج ابھر گل خان نے کی جنہوں نے علیحدہ علیحدہ لیکن ملتے جلتے احکامات جاری کرتے ہوئے کہا کہ تفتیشی افسران نے 6 جولائی کو عدالت سے ملزمان کے ناقابل ضمانت وارنٹ گرفتاری حاصل کیے تھے اور انہیں سب انسپکٹرز شہزاد اکرم اور تنویر احمد کے حوالے کیا تھا۔عدالت کی جانب سے جاری حکم نامے میں کہا گیا کہ سب انسپکٹرز نے مشتبہ افراد کی گرفتاری کے لیے چھاپے مارے لیکن انہیں گرفتار نہیں کیا جاسکا کیونکہ وہ گرفتاری کے خوف سے روپوش ہیں۔حکم نامے میں مزید کہا گیا کہ تفتیشی افسران کی درخواست کے مطابق ضابطہ فوجداری کی دفعہ 87 کے تحت مذکورہ بالا ملزمان کے خلاف احکامات جاری کیے جائیں۔
کراچی: سعودیہ اسپورٹس اسٹیڈیم ملیر میں جاری آل کراچی جشن سعودیہ اسپورٹس فٹ بال ٹورنامنٹ میںاعظم اسپورٹس اور مکران اسپورٹس نے سیمی فائنل میں پہنچ گئے۔ اعظم اسپورٹس نے مضبوط حریف ینگ عزیز آباد فٹ بال کلب کو دلچسپ مقابلے کے بعد 1-0سے شکست دے کر سیمی فائنل کھیلنے کا اعزاز حاصل کرلیا فاتح ٹیم کی جانب سے فیصلہ کن گول سلیم اللہ نے کیا ۔ دوسرے کوارٹر فائنل میں مکران اسپورٹس نے گلشن اسپورٹس شاہ فیصل ٹاﺅن کو 3-0سے زیر کرکے سیمی فائنل میں جگہ بنا لی،فاتح ٹیم کی جانب سے نوید نے دو اور عمیر نے ایک گول اسکور کیا،کوارٹر فائنل میں ریفری کے فرائض محمد ریاض ،عبدالطیف بلوچ ،منصور علی ،سلیم شاہ اور نبی بخش نے انجام دیئے جبکہ میچ کمشنر امیر محمد خان تھے ۔
سانگھڑ: ایڈیشنل سیشن جج کی عدالت نے ایس ایس پی سانگھڑ کے خلاف وکیل کے بیٹے کو تھانے میں بند کرنے کے الزام پرمقدمہ داخل کرنے کا حکم دے دیا ۔اطلاعات کے مطابق سانگھڑ کے معروف وکیل بار کونسل سانگھڑ کے سابق صدر انور محمود نظامانی نے ایڈیشنل سیسشن جج سانگھڑ کی عدالت میں کچھ روز قبل درخواست داخل کرائی تھی کہ سانگھڑ پولیس نے میرے بیٹے نعت خواں کاشف کو بغیر کسی جواز کے سانگھڑ تھانے میں بند کر دیا گیا اور بعد میں آزاد کیا، اس کیس کی سنوائی کے بعدعدالت نے ایس ایس پی سانگھڑ ڈاکٹر فرخ علی اوراے ایس آئی مدثر شا ہ کے خلاف مقدمہ دائر کرنے کا حکم دے دیا ہے ۔
ویلنگٹن، نیوزی لینڈ، 21 اکتوبر 2013ء/پی آرنیوزوائر/ایشیانیٹ پاکستان– پوری دنیا میں لاٹری کا کھیل تفریح کی غرض سے اور ایک ایسے ٹکٹ جیتنے کی امید کے ساتھ کھیلا جاتا ہے جو فوری طور پر ان کی زندگی بدل دے۔ یہ ایک چھوٹی سرمایہ کاری ہے جو تفریحی ہے اور دولت کے ایک انبار کی صورت میں واپس بھی مل سکتی ہے جو جیتنے والے اور اس کے اہل خانہ کی زندگی ہمیشہ کے لیے بدل دے۔ اور یہ بھی ہو سکتا ہے کہ اس کے بعد انہیں کوئی کام ہی نہ کرنا پڑے! (لوگو: http://photos.prnewswire.com/prnh/20131021/647598-a) (لوگو: http://photos.prnewswire.com/prnh/20131021/647598-b) انٹرلاٹ “گولڈن کی” لاٹری میں 2 ڈالرز سے بھی کم قیمت میں ایک اپارٹمنٹ جیتنے کا بے مثال موقع فراہم کر رہا ہے۔ لاٹری 1997ء میں قائم ہوئی تھی اور اس دوران 970 سے زیادہ اپارٹمنٹس جیتے جا چکے ہیں، جنہوں نے کئی خاندانوں کو مالی طور پر محفوظ بنانے میں مدد دی۔ انٹرلاٹ اس کوشش کے ساتھ ایک سماجی ذمہ داری کے کاروبار کی حیثیت سے برتاؤ کرتا ہے، جہاں کچھ آمدنی خیراتی اداروں یا اسکولوں کو جا سکتی ہے۔ “رشین ٹروئیکا” ایک لاٹری ہے جس میں جیتنے کے امکانات بہت زیادہ ہیں؛ ہر دوسرا ٹکٹ فاتح ہو سکتا ہے۔ کھلاڑی جیک پاٹ جیت سکتے ہیں یا اپنے ذاتی کھاتوں کے لیے بونس حاصل کر سکتے ہیں، جنہیں نئے ٹکٹوں پر خرچ کیا جا سکتا ہے یا باآسانی دوستوں کو تحفتاً دیا جا سکتا ہے۔ کچھ خاص چاہنے والے اور جوئے کو ترجیح دینے والے کھلاڑی “رائل کارڈ” کا لطف اٹھا سکتے ہیں، جہاں ٹکٹ گیمنگ کارڈز کے ملاپ سے تخلیق کیا جا سکتا ہے۔ انٹرلاٹ کے بارے میں 2006ء میں انٹرلاٹ لاٹری کمپنی کی سرگرمیوں نے بین الاقوامی شناخت قائم کی، مثلاًورلڈ لاٹری ایسوسی ایشن کا رکن اور اس سے ایک سال قبل یورپین لاٹری ایسوسی ایشن کا رکن بن کر۔ https://magazin.interlot.ru/en زاؤ “انٹرلاٹ”، امانڈا بروکس [email protected] +8(800)700-89-78 تصویر: http://photos.prnewswire.com/prnh/20131021/647598-a http://photos.prnewswire.com/prnh/20131021/647598-b ذریعہ: زاؤ انٹرلاٹ
ریوڈی جینرو: برازیل کے شہر پورٹو الیگرے میں معمر افراد کے بیسویں ورلڈ ماسٹرز ایتھلیٹکس کے مقابلوں میں 82ممالک کے چار ہزار کھلاڑی حصہ لے رہے ہیں۔برازیل کے شہر پورٹو الیگرے میں جاری بیسویںعالمی ماسٹرز ایتھلیٹکس مقابلوںمیںشریک خواتین وحضرات کی عمریں پچاس سے چونسٹھ سال کے درمیان ہے تاہم چند نوے سالہ ایتھلیٹ بھی ان مقابلوں میں حصہ لے رہے ہیں۔معمر افراد دوڑ، جمپنگ اور نیزہ بازی سمیت مختلف کھیلوںمیں حصہ لے رہے ہیں،معمر افراد کے یہ مقابلے ستائیس اکتوبر تک جاری رہیں گے۔
دبئی: پاکستان کے خلا ف دوسرے ٹیسٹ میں جنوبی افریقی ٹیم کو ہاشم آملہ اور فاسٹ باﺅلر ڈیل اسٹین کی خدمات سے محروم ہونے کا خدشہ پیدا ہو گیا ہے ۔ ڈیل اسٹین اتوار کو دائیں ٹانگ میں درد کے باعث ٹریننگ سیشن ادھورا چھوڑ کر چلے گئے تھے پیر کوبھی پریکٹس میں حصہ نہیں لے سکے جبکہ ہاشم آملہ اپنے دوسرے بچے کی متوقع پیدائش کے باعث جنوبی افریقا میں موجود ہیں،جنوبی افریقا سے روانگی میںایک دن کی تاخیر کی صورت میںدوسرے ٹیسٹ میں ان کی شرکت معدوم ہو جائے گی ۔ جنوبی افریقا کی ٹیم کے منیجر محمد موسیٰ جی نے اسٹین کے حوالے سے کہا کہ ہم ان کی دستیابی کے حوالے سے ابھی کچھ نہیں کہہ سکتے حتمی بات کرنے کے لئے ہمیں ایک دن انتظار کرنا پڑے گا ،محمد موسیٰ جی جو خود بھی میڈیکل ڈاکٹر ہیں کا کہنا تھا کہ ہمیں انجری کی نوعیت معلوم کرنے کے لئے چوبیس گھنٹے درکار ہیں۔ نائب کپتان اے بی ڈی ولیئر نے کہا کہ اسٹین کو ٹریننگ سیشن میں احتیاطی طور پر شامل نہیں کیا گیا اور ہم پر امید ہیں کہ وہ فٹ ہوکر کھیلیں گے ۔ڈیل اسٹین پچھلے پانچ ماہ سے مختلف نوعیت کے فٹنس مسائل کا شکار رہے ہیںجس کے باعث انھیں اگست میں سری لنکا کے خلا ف ہونے ون ڈے سیریز میں بھی شامل نہیں کیا گیا تھا ، اسٹین پچھلے پانچ ماہ کے دوران چمپینز ٹرافی میں صرف ایک میچ کھیلے تھے جہاں انھیں بائیں ٹانگ میں درد کے باعث باہر ہو نا پڑا تھا، تاہم انھیں تمام انجریوں سے صحت یاب ہونے تک مکمل آرام دیا گیا تھا ، مکمل صحت یابی کے بعد اسٹین ٹی ٹوئینٹی چمپیئن لیگ کھیلے اور جنوبی افریقی ٹیم کے لئے اپنی دستیابی ظاہر کر دی ،حالیہ انجری پاکستان کے خلاف پہلے ٹیسٹ کے بعدہوئی جس کی وجہ انھوں نے اپنی ٹیم کی طرف سے سب سے زیا دہ اوو رکئے تھے جس میں 33.4اوور شامل تھے جبکہ میچ کے دوران انھیں کسی قسم کی پریشانی کا سامنا نہیں کر نا پڑا تھا ۔
لندن: سابق برطانوی عالمی شہرت یافتہ بلے باز جیف بائیکاٹ نے کہا ہے کہ وہ پاکستان میں عالمی کرکٹ کی بحالی دیکھنا چاہتے ہیں۔ پاکستان میں کرکٹ بہت مقبول ہے۔ وسیم اکرم اور وقار یونس میرے پسندیدہ کھلاڑی تھے۔ ایک انٹرویو میں انہوں نے کہا کہ اگر پاکستان اور جنوبی افریقہ کی سیریز پاکستان میں ہوتی تو ماحول زیادہ جنوبی افریقہ کے حق میں ہوتا۔ اگرچہ جنوبی افریقہ اس وقت دنیا کی اول نمبر ٹیم ہے لیکن اس کے بعض کھلاڑیوں کا اپنے کیرئیر کا آخری وقت آ گیا ہے اور یہ بات پاکستانی سپنر نے ثابت کر دی ہے۔ انہوں نے کہا کہ یو اے ای کی وکٹیں بلے بازی کے لئے بہت اچھی ہیں لیکن اگر باﺅلر گیند کا اچھا استعمال کرےںتو پاکستان جنوبی افریقہ کو شکست دے سکتا ہے۔ انہوں نے کہا کہ سپین باﺅلنگ نے جنوبی افریقہ کی صلاحیت بہت محدود ہے جبکہ پاکستان سعید اجمل اور عبد الرحمن سے بھرپور فائدہ اٹھا سکتا ہے۔ پاکستانی بلے بازوں کے مسائل کے بارے میں ان کا کہنا تھاکہ پاکستانی بلے باز غیر ذمہ دارانہ شارٹس کھیلتے ہیں جس کے باعث وہ اپنی کارکردگی برقرار نہیں رکھ سکتے۔ انہیں جم کر کھیلنا چاہیے اور حوصلے کا مظاہرہ کرنا چاہیے۔ انہوں نے کہا کہ یونس خان ایک انتہائی اچھے فیلڈر ہیں اور بہت اچھی بلے بازی کرتے ہیں۔ پاکستانی ٹیم میں ان سے بہتر بلے باز موجود نہیں۔
