لندن/کراچی (پی پی آئی)پاکستان نے جذبہ خیر سگالی کے تحت جنگی بحری جہاز ’پی این ایس طارق‘ برطانیہ کے سپرد کر دیا۔پاک بحریہ نے حکومتی منظوری کے بعد سابق جنگی بحری جہاز پی این ایس طارق برطانیہ کے حوالے کیا۔پی پی آئی کے مطابق اس حوالے سے پاک بحریہ کے ترجمان کا کہنا ہے کہ پی این ایس طارق کی حوالگی کی تقریب لندن میں پاکستانی ہائی کمیشن میں منعقد ہوئی، جس کے مہمان خصوصی نیول چیف ایڈمرل محمد امجد خان نیازی تھے۔ترجمان پاک بحریہ کے مطابق برطانیہ نے پاکستان سے ایمیزون یا طارق کلاس ٹائپ21 جنگی جہاز کی حوالگی کی استدعا کی تھی۔برطانیہ پاکستان سے جہاز حاصل کر کے فالک لینڈ جنگ کی یادگار کے طور پر رکھنا چاہتا ہے، جہاز گلاسگو کے کلائیڈ میری ٹائم ہیری ٹیج سینٹر میں نمائش کے لیے رکھا جائے گا۔یہ جہاز پاک بحریہ کی جانب سے 4 اگست 2023ء کو ڈی کمیشنڈ کر دیا گیا تھا۔ سابق پی این ایس طارق تاریخی اہمیت کا حامل ہے، اس جہاز نے 1993میں پی این ایس طارق کے طور پر پاک بحریہ میں ضم ہونے سے پہلے دو دہائیوں تک رائل نیوی میں بطور HMS AMBUSCADE خدمات انجام دیں اور فالک لینڈز جنگ میں بھی حصہ لیا۔تین دہائیوں سے زائد عرصے میں پاک بحریہ میں اس جہاز نے اپنی خاص صلاحیتوں کی وجہ سے اپنا سکہ منوایا۔اس جہاز نے مالدیپ میں 2005 کے سونامی کے دوران امدادی مہم میں اہم کردار ادا کیا جس سے مختلف ملکوں کے 377 سیاحوں کی جانیں بچائی گئیں۔
کرسٹیانو رونالڈو نے فٹبال کیرئیر میں 400گول کا سنگ میل عبور کرلیا
کیلیفورنیا : فیفا ورلڈ کپ کیلئے امریکی کھلاڑیوں کے تربیتی کیمپ کا آغاز
لاس ویگاس :نیو فارمولاون ریس کی تیاریاں اپنے اختتام کو پہنچ گئیں
چولستان جیپ ریلی میں غیر ملکی ڈرائیوروں کو مدعو کرنے کا فیصلہ
ن لیگ سندھ میںاختلافات بڑھ گئے ، کئی رہنماﺅں کی علیحدگی کا خدشہ
آسٹریلیا کیخلاف ون ڈے سیریز ، کرس ووکس انگلش ٹیم میں شامل
تازہ ترین خبریں
اشتہار
تازہ ترین
شہر قائد کے کئی علاْقوں میں سڑکیں دھنسنے سے ٹریفک جام رہنے لگا
کراچی (پی پی آئی) کراچی میں غیر معیاری ترقیاتی کاموں کے ثبوت سامنے آنے لگے ہیں اور شہر قائد کے کئی علاْقوں میں سڑکیں دھنسنے کو واقعات سامنے آئے ہیں۔پی پی آئی کے مطابق شارع فیصل نرسری کے قریب سروس روڈ پر گہرا گڑھا پڑنے سے ٹرالر اس میں دھنس گیا۔سڑک پر 5 سے 6 فٹ کا گڑھا پڑنے سے سروس روڈ بند ہو گئی جس کی وجہ سے ٹریفک کی روانی متاثر ہو رہی ہے۔مز۔اسی طرح گرو مندر سے پیپلز چورنگی جانے والی سڑک پر بلدیہ آفس کے سامنے چار سے پانچ گز سڑک دھنسنے سے اسلامیہ کالج کی سمت جانے والوں کو طویل روٹ اختیار کر نا پڑ رہا ہے اور جگر مراد آبادی روڈ کی گھوڑا چورنگی پر صبح اور شام کے اوقات میں ٹریفک بھی جام رہتا ہے۔
حق دو تحریک کا مطالبات پورا نہ ہونے کی صورت میں ’مسلح جدوجہد‘ کا عندیہ
کوئٹہ (پی پی آئی)حق دو تحریک کے چیئرمین مولانا ہدایت الرحمٰن نے خبردار کیا ہے کہ اگر گوادر کے مسائل کا حل نہ نکالا گیا تو وہ مسلح جدوجہد شروع کرنے میں ہچکچائیں گے نہیں۔ کوئٹہ میں پریس کانفرنس میں ان کا کہنا تھا کہ جن مطالبات کی وجہ سے انہوں نے گوادر میں طویل دھرنے دیے، اب تک وہ مسائل حل نہیں ہوسکے۔انہوں نے مزید کہا کہ ’ٹرالر مافیا‘ صوبے کے ساحلوں میں کام کر رہا ہے، جس کی وجہ سے مقامی مچھیروں کے روزگار کو شدید نقصان پہنچ رہا ہے۔ہدایت الرحمٰن نے جوجماعت اسلامی بلوچستان کے جنرل سیکریٹری بھی ہیں اس بات پر زور دیا کہ فشریز اور دیگر اہم اتھارٹیز کی موجودگی کے با وجود یہ صورتحال جاری ہے۔انہوں نے خبردار کیا کہ اگر ان کی پْرامن کوششوں کو نظر انداز کیا گیا تو وہ ’مسلح جدوجہد‘ کا سہارا لیں گے۔مولانا ہدایت الرحمٰن نے کہا کہ ہم نے گوادر کے تقریبا 9 اضلاع اور دیگر شہروں میں پْرامن دھرنے دیے، جن کا مقصد ان ٹرالر مافیا کو بلوچستان کے سمندروں سے دور کرنا، اسمگلنگ کی روک تھام، غیر ضروری چوکیوں کا خاتمہ اور دوسرے اہم مسائل کی طرف متوجہ مرکوز کرانا تھا۔انہوں نے مزید بتایا کہ سابق وزیر اعلیٰ عبد القدوس بزنجو نے معاہدے پر دستخط کیے تھے اور اس بات کی یقین دہانی کروائی تھی کہ ٹرالر مافیا کو صوبے کے ساحلوں کو استعمال کرنے سے روکیں گے اور غیر ضروری چیک پوسٹس کا خاتمہ کروائیں گے لیکن تاحال اس معاہدے پر کوئی عمل در آمد نہیں کیا گیا۔ان کا کہنا تھا کہ ہم آئینی حدود میں رہ کر اپنی پْرامن کوششیں جاری رکھیں گے کیونکہ اس کا تعلق مقامی آبادی کی بقا سے ہے۔مولانا ہدایت الرحمٰن کے مطابق انہوں نے مطالبات سے نگران وزیراعظم انوارالحق کاکڑ اور وزیر داخلہ سرفراز بگٹی کو آگاہ کردیا ہے لیکن بدقسمتی سے کوئی اقدامات نہیں اٹھائے گئے۔انہوں نے نشاندہی کی کہ سابق اور موجودہ دونوں حکومتوں نے ٹرالر مافیا سے لاتعلقی کا اظہار کیا ہے اور محکمہ فشریز پر ہر ٹرالر سے رشوت لینے کا الزام عائد کیا۔
ای او بی آئی کووفاقی حکومت کی میچنگ گرانٹ نہ ملنے سے کئی کھرب روپے خسارہ کا سامنا
کراچی (پی پی آئی)وفاقی حکومت کی جانب سے ای او بی آئی کو1995سے میچنگ گرانٹ کی بندش کے باعث پنشن فنڈ کو کئی کھرب روپے کے خسارہ کا سامنا ہے، آایکچوریل ماہرین نے خبردار کیا ہے کہ اس مسئلہ کو حل کرنے کی سنجیدہ کوشش نہ ہوئی تقو مستقبل میں پنشن فنڈ ختم ہونے کا خدشہ ہے، نجی شعبہ کے ملازمین کو ریٹائرمنٹ، معذوری اور ان کی وفات کی صورت میں ان کے پسماندگان کو تاحیات پنشن فراہم کرنے والے قومی ادارہ ایمپلائیز اولڈ ایج بینی فٹس انسٹی ٹیوشن کو درپیش مالی مسائلمیں 1995سے وفاقی حکومت کی جانب سے ملنے والی میچنگ گرانٹ کی بندش سر فہرست ہے جبکہ آجران کی اکثریت کی جانب سے اپنے اداروں اور ملازمین کی رجسٹریشن سے ہر ممکن بچنے کی پالیسی اور قلیل تعداد میں رجسٹرڈ آجران کی جانب سے موجودہ کم از کم اجرت کے بجائے پرانی شرح سے کنٹری بیوشن کی ادائیگی کے باعث ای او بی آئی پنشن فنڈ کو دو کھرب روپے سے زائد کے خسارہ کا سامنا ہے۔پی پی آئی کے مطابق ای او بی آئی کے معاملات پر گہری نظر رکھنے والے ادارہ کے سابق افسر تعلقات عامہ اور ڈائریکٹر سوشل سیفٹی نیٹ پاکستان، اسرار ایوبی نے کہا کہ ضعیف العمر ملازمین فوائد ایکٹ مجریہ 1976کے مطابق وفاقی حکومت ای او بی آئی کی جانب سے رجسٹرڈ آجران کی جانب سے وصول کردہ سالانہ کنٹری بیوشن کے مساوی رقم سالانہ میچنگ گرانٹ کے طور پر باقاعدگی سے فراہم کیا کرتی تھی۔ لیکن 1995میں اچانک ایک فنانس بل کے ذریعہ یہ میچنگ گرانٹ بند کردی گئی اور اب وفاقی حکومت ای او بی آئی کو دکھاوے کے طور پر محض ایک لاکھ روپے سالانہ میچنگ گرانٹ ادا کر رہی ہے جو اونٹ کے منہ میں زیرہ کے مترادف ہے۔ اسرار ایوبی نے مزید بتایا کہ قانون کے مطابق ہر تین برس کے وقفہ کے بعد ای او بی آئی کے واجبات اور اثاثہ جات کی ایکچوریل ویلیویشن کرانا لازمی ہے۔ جس کے بغیر کنٹری بیوشن اور پنشن کی شرح میں اضافہ نہیں کیا جاسکتا۔ لہذا 30 جون 2022ء میں ای او بی آئی کے واجبات اور اثاثہ جات کی گیارہویں تخمینہ کاری کرائی گئی تھی۔ جس کی رپورٹ میں ایکچوریل ماہرین نے پنشن فنڈ میں 2.517 کھرب روپے کے خسارہ کا انکشاف کیا تھا۔ رپورٹ کے مطابق اس وقت ملک بھر میں ای او بی آئی کے بیمہ دار افراد کی تعداد ایک کروڑ سے تجاوز کر چکی ہے اور ای او بی آئی پر مستقبل کے لاکھوں پنشنرز کی پنشن کی ادائیگی کی قانونی ذمہ داری 2.965 کھرب روپے بنتی ہے جبکہ اس وقت پنشن فنڈ کی ویلیو صرف 0.448 کھرب روپے بتائی گئی ہے۔ ایکچوریل ماہرین نے یہ بھی خبردار کیا ہے کہ اگر ماہانہ کنٹری بیوشن کی موجودہ شرح 6 فیصد مستقبل میں بھی برقرار رہی تو خدشہ ہے کہ آئندہ پانچ تا دس برسوں کے دوران پنشن فنڈ میں کمی واقع ہونا شروع ہوجائے گی اور آئندہ گیارہ تا سولہ برسوں کے دوران پنشن فنڈ کے مکمل خاتمہ کا امکان پیدا ہوگیا ہے۔ واضح رہے کہ وفاقی وزیر برائے سمندرپار پاکستانی و ترقی انسانی وسائل حکومت پاکستان ساجد حسین طوری نے بھی 27 جولائی 2022 کو قومی اسمبلی میں دیئے گئے اپنے بیان میں 2033 میں پنشن فنڈ میں کمی واقع ہونے اور 2039 میں اس کے مکمل خاتمہ کا خدشہ ظاہر کیا تھا۔اسرار ایوبی نے موجودہ محدود پنشن منصوبہ کا دائرہ وسیع کرتے ہوئے اسے ہمہ گیر شکل دے کر 18 برس کی عمر کے ہر برسر روزگار پاکستانی، ذاتی کام کے حامل شہریوں، غیر منظم شعبہ سے وابستہ اور ہوم بیسڈ کارکنوں کی پنشن منصوبہ میں ازخود رجسٹریشن اور ازخود کنٹری بیوشن کی ادائیگی کے لئے یونیورسل نظام متعارف کرایا جائے اور لاکھوں ملازمین کے ای او بی آئی پنشن فنڈ کے استحکام کے لئے ماہانہ کنٹری بیوشن کی موجودہ شرح 6 فیصد ماہانہ میں اضافہ کرکے 10 فیصد کیا جائے جس میں آجر کا حصہ 8 فیصد اور ملازم کا حصہ 2 فیصد مقرر کیا جائے اور اپنے تمام ملازمین کی رجسٹریشن نہ کرانے والے اور کنٹری بیوشن کے نادہندہ آجران کے خلاف قانون کے مطابق کارروائی کی جائے۔
تلاش کریں
خبریں
کرسٹیانو رونالڈو نے فٹبال کیرئیر میں 400گول کا سنگ میل عبور کرلیا
لزبن: پرتگال سے تعلق رکھنے والے فٹ بال کھلاڑی کرسٹیانو رونالڈو نے اپنے کیریئر میں 400 گول کا سنگ میل طے کر لیا ۔ کرسٹیانو رونالڈو نے یہ تمام گول مجموعی طور پر کلب فٹ بال اور اپنے ملک کی نمائندگی کرتے ہوئے کھیلے جانے والی میچوں میں کئے۔ انھوں نے اپنی اس جیت کو پرتگال کے معروف سابق فٹ بالر یوسیبیو کے نام کیا جو دو روز قبل انتقال کر گئے تھے۔ کرسٹیانو رونالڈو نے ریال میڈرڈ کی جانب سے کھیلتے ہوئے یہ گول سیٹا ویگو کلب کے خلاف کیے۔ یہ میچ ریال میڈرڈ نے تین صفر سے جیتا۔ کرسٹیانو رونالڈو نے یوسیبیو کو مخاطب کرتے ہوئے کہا کہ ” میں اپنے یہ دونوں گول یوسیبیو کے نام کرتا ہوں لیکن درحقیقت یہ گول آپ ہی نے کیے ہیں۔ آپ ہمیشہ میرے دل میں رہے ہیں”۔ انہوں نے مزید کہا کہ ہم نے اب تک کے بہترین کھلاڑیوں میں ایک کو کھویا ہے۔ یوسیبیو نے اپنے کیریئر میں 733 گول سکور کئے اورکرسٹیانو رونالڈو نے انھیں سب کے لیے ایک مثال قرار دیا۔کرسٹیانو رونالڈو مانچیسٹر یونائیٹڈ کی جانب سے کھیلتے ہوئے 2008 میں بھی بیلن ڈی اور کا اعزاز جیت چکے ہیں۔رونالڈو 2009 میں آٹھ کروڑ پاﺅنڈ کا معاوضہ پا کر ریال میڈرڈ کا حصہ بنے تھے۔ یہ رقم اس زمانے میں ریکارڈ تھی۔ اس کلب کے لیے انھوں نے اب تک 203 گول کیے ہیں۔ رونالڈو 2009 میں تین پریمئیر لیگ، ایک چیمپئن لیگ، ایک ایف اے کپ، دو لیگ کپ اور ایک فیفا کا ایک عالمی کلب ایوارڈ جیت چکے ہیں۔ رونالڈو کی کامیابی سپین میں بھی جاری رہی جہاں انھوں نے 2010، 2011 اور 2012 کے دوران چیلسی کے باس ہوزے مورینو کی قیادت میں کوپا ڈیل رے اور لا لیگا کپ بھی جیتا تھا۔
کیلیفورنیا : فیفا ورلڈ کپ کیلئے امریکی کھلاڑیوں کے تربیتی کیمپ کا آغاز
کیلیفورنیا: امریکا میں فٹبال ورلڈ کپ کے لیے کھلاڑیوں کے انتخاب کے لیے تربیتی کیمپ شروع ہوگیا۔برازیل میں رواں سال دنیا کے سب سے بڑے میگا ایونٹ فٹبال ورلڈ کپ میں حصہ لینے کے لیے امریکی ریاست کیلی فورنیا کے شہرکارسن میں تربیتی کیمپ کا آغاز ہوگیا ہے۔امریکی فٹبال ٹیم کے کوچ جورگن کلن مانس نے میڈیا سے گفتگو کرتے ہوئے کہا ہے کہ ملک بھر سے تربیتی سیشن میں 26کھلاڑیوں کو فٹبال ورلڈ کپ کے لیے بلایا گیا ہے، جس میںسے 23 کھلاڑیوں کومنتخب کرکے برازیل بھیجا جائے گا۔کوچ کہنا تھا کہ ان کی ٹیم ورلڈ کپ میں بہترین کارکردگی کا مظاہرہ کرکے ثابت کردے گی کہ ان کی ٹیم کا شمار دنیا کی بہترین ٹیموں میں ہوتا ہے۔
لاس ویگاس :نیو فارمولاون ریس کی تیاریاں اپنے اختتام کو پہنچ گئیں
لاس ویگاس: امریکی ریاست نیویڈا میں نیو فارمولاون ریس کی تیاریاں اپنے اختتام کو پہنچ گئیں۔ دنیا بھر سے شامل ہونے والے ڈرائیورز کا جوش و خروش بھی قابل دید تھا۔ ایف آئی اے فار مولاون ای چیمپئن شپ سیریز کی باقاعدہ رونمائی کی گئی۔ اس موقع پر انجینئرز اور ڈرائیورز سمیت شائقین کی بڑی تعداد بھی شریک تھی۔ الیکٹرک کار ریس میں فار مولا ون کے مقبول اور سابق ڈرائیورز بھی اپنی صلاحیتوں کے جوہر دکھائیں گے۔ اس ریس میں دس ٹیموں کے بیس ڈرائیورز حصہ لے رہے ہیں۔ خصوصی ریس کے لیے مختلف شہروں میں فارمولا ون کی طرز کے انٹرنیشنل ٹریک بنائے گئے ہیں۔
چولستان جیپ ریلی میں غیر ملکی ڈرائیوروں کو مدعو کرنے کا فیصلہ
بہاولپور: نویں چولستان جیپ ریلی 2014میں غیر ملکی ڈرائیوروں کو مدعو کرنے کا فیصلہ کرلیا گیا ۔ذرائع کے مطابق میگا ایونٹ کو بین الاقوامی سطح پر متعارف کرانے کا فیصلہ کیا گیا ہے ،اس ضمن میں نویں چولستان جیپ ریلی میں ملکی کھلاڑیوں کے ساتھ ساتھ غیر ملکی کھلاڑیوں کو مدعو کیا جارہا ہے ۔پنجاب ٹورازم کارپوریشن ذرائع کے مطابق اس حوالے سے مختلف ممالک کے کھلاڑیوں کو دعوت نامے بھیجے جارہے ہیں ۔بین الاقوامی کھلاڑیوں کی آمد سے اس سال چولستان جیپ ریلی میں سیکیورٹی کے فول پروف انتظامات عمل میں لائے جائیں گے ۔
ن لیگ سندھ میںاختلافات بڑھ گئے ، کئی رہنماﺅں کی علیحدگی کا خدشہ
کراچی: سندھ سے تعلق رکھنے والے پاکستان مسلم لیگ ن کے کئی رہنماﺅں کے مرکزی قیادت سے اختلافات انتہائی شدت اختیار کرگئے ہیں جس کی وجہ سے لیاقت جتوئی اورممتاز بھٹو سمیت کئی رہنماﺅں کی طرف سے پارٹی سے جلد علیحدگی کا اعلان متوقع ہے۔ پارٹی کے اندورنی باوثوق ذرائع نے پی پی آئی کو بتایا کہ دوہفتے قبل پارٹی کے مرکزی رہنما سردار ممتاز بھٹو کی کراچی میں واقع رہائش گاہ پران کی صدارت میں ایک اہم اجلاس ہوا جس میں لیاقت علی جتوئی، شیرازی برادران، اسلم ابڑو، اسماعیل راہو ، عرفان اللہ مروت، شفیق جاموٹ، زین انصاری، الٰہی بخش سومرو، حکیم بلوچ اوردیگر نے شرکت کی اور مرکزی قیادت کے رویے پر شدید مایوسی کااظہار کیا۔ ذرائع کے مطابق ان رہنماﺅں کا کہنا ہے کہ سندھ میں پیپلز پارٹی کی حکومت ان کو انتقامی کارروائیوں کا نشانہ بنا رہی ہے لیکن مرکزی قیادت بار بار کی درخواستوں کے باوجود اس کا نوٹس نہیں لے رہی ہے اورسندھ میں پارٹی کو لاوارٹ چھوڑا دیاگیا ہے۔ ذرائع کے مطابق یہ رہنما مسلم لیگ ن کی حکومت کو آٹھ ماہ کر عرصہ گزرنے کے باوجود گورنر سندھ کو تبدیل نہ کرنے پر بھی پارٹی کی مرکزی قیادت سے ناراض ہیں جب موجود چیف سیکرٹری سندھ اورآئی جی سندھ کے رویے پربھی تحفظات رکھتے ہیں اور ان کی تبدیلی چاہتے ہیں۔ ذرائع کے مطابق ان رہنماﺅں کا یہ بھی کہنا ہے کہ وزیراعظم میاں نواز شریف سندھ اورکراچی کے دورے کے دوران مخالف جماعتوں کے رہنماﺅں سے تو ملتے ہیں لیکن اپنی پارٹی کے رہنماﺅں سے ملاقات کیلئے ان کے پاس وقت نہیں ہوتا۔ ذرائع کے مطابق اس اہم اجلاس میں شریک تمام رہنماﺅں کی جانب سے میاں نواز شریف کو ایک مشترکہ خط لکھا گیا تھا لیکن دوہفتے گزرنے کے باوجود اس خط کاکوئی جوا ب نہیں ملا جس کی وجہ سے ان رہنماﺅں کی مایوسی اورتحفظات میں مزید اضافہ ہوگیا ہے اور آئندہ چند دنوں میں متعدد رہنماﺅں کی جانب سے پارٹی سے اپنی راہیں الگ کرنے کا اعلان کیا جاسکتا ہے۔ ذرائع کے مطابق دودن قبل دادو میں لیاقت جتوئی اوران کے ساتھی رہنماﺅں کاا جلاس بھی ہوا جس میں ایک چاررکنی کمیٹی بھی تشکیل دی گئی ہے جو آئندہ کے لائحہ عمل کا فیصلہ کرے گی ۔ ذرائع کے مطابق کمیٹی مرکزی قیادت سے دوٹوک انداز میں بات کرکے یہ وضاحت طلب کرے گی کہ اگر ان کا سندھ میں پیپلزپارٹی سے مفاہمت ہوگیا ہے اور وہ پارٹی رہنماﺅں کیخلاف انتقامی کارروائیاں روکنے سے قاصر ہیں تو اسے بتایا جائے تاکہ وہ پارٹی میں رہنے یا نہ رہنے کا فیصلہ کرے۔ دوسری جانب ذرائع کے مطابق ممتاز بھٹو پر بھی اپنے ساتھیوں کی جانب سے دباﺅ بڑھ گیا ہے کہ وہ فوری طورپر ن لیگ چھوڑ کر اپنی سابقہ جماعت سندھ نیشنل فرنٹ کو بحال کریں۔ اس سلسلے میںاس سابقہ جماعت کے سابق سینئر وائس چیئرمین اللہ وارایو سومرو نے ممتاز بھٹو کو ایک خط بھی لکھا ہے جس میں ان سے پارٹی کی بحالی کا مطالبہ کرتے ہوئے کہاگیا ہے کہ ن لیگ نے ان سے جو
آسٹریلیا کیخلاف ون ڈے سیریز ، کرس ووکس انگلش ٹیم میں شامل
میلبورن: آل راﺅنڈر کرس ووکس کو آسٹریلیا کے خلاف ون ڈے اور ٹی 20سیریز کے لئے انگلینڈ کی ٹیم میں شامل کرلیا گیا ۔24سالہ ووکس انگلینڈ کی جانب سے اب تک 13ون ڈے میچ کھیل چکے ہیں ۔ ووکس کو گزشتہ سال جون میں نیوزی لینڈ کے خلاف ناقص کارکردگی پر ٹیم سے ڈراپ کیا گیا تھا ۔ انگلینڈ کی ٹیم انتظامیہ نے آل راﺅنڈ ر کو آسٹریلیا کے خلاف محدود اوورز میں ایک اور موقع دینے کا فیصلہ کیا گیا ہے ۔انگلینڈ اور آسٹریلیا کے مابین پانچ ون ڈے میچوں پر مشتمل سیریز کا پہلا میچ 12جنوری کو میلبورن میں ہوگا۔