لاہور (پی پی آئی)لاہور کی انسداد دہشت گردی کی عدالت نے 9 مئی واقعہ سے متعلق 2 مقدمات میں مطلوب پاکستان تحریک انصاف (پی ٹی آئی) کے متعدد روپوش رہنماؤں کو اشتہاری قرار دینے کی کارروائی کا آغاز کردیا۔پی پی آئی کے مطابق مذکورہ مقدمات میں کارروائی کا سامنا کرنے والے پی ٹی آئی رہنماؤں میں فرخ حبیب، اعظم سواتی، حماد اظہر اور مراد سعید بھی شامل ہیں۔القادر ٹرسٹ کیس میں اسلام آباد ہائی کورٹ کے احاطے سے چیئرمین پی ٹی آئی عمران خان کی گرفتاری کے بعد 9 مئی کو کئی شہروں میں مظاہرے پھوٹ پڑے تھے، اس روز ہونے والے پْرتشدد واقعات کے سلسلے میں لاہور کے سرور روڈ پولیس اسٹیشن میں درج 2 مقدمات میں رہنماوں کو نامزد کیا گیا ہے۔احتجاج کے دوران فوجی تنصیبات سمیت متعدد سرکاری اور نجی املاک کو نقصان پہنچایا گیا تھا، جس کے ردعمل میں پی ٹی آئی کے خلاف شروع ہونے والا کریک ڈاؤن تاحال جاری ہے۔دونوں مقدمات کی سماعت اے ٹی سی کے جج ابھر گل خان نے کی جنہوں نے علیحدہ علیحدہ لیکن ملتے جلتے احکامات جاری کرتے ہوئے کہا کہ تفتیشی افسران نے 6 جولائی کو عدالت سے ملزمان کے ناقابل ضمانت وارنٹ گرفتاری حاصل کیے تھے اور انہیں سب انسپکٹرز شہزاد اکرم اور تنویر احمد کے حوالے کیا تھا۔عدالت کی جانب سے جاری حکم نامے میں کہا گیا کہ سب انسپکٹرز نے مشتبہ افراد کی گرفتاری کے لیے چھاپے مارے لیکن انہیں گرفتار نہیں کیا جاسکا کیونکہ وہ گرفتاری کے خوف سے روپوش ہیں۔حکم نامے میں مزید کہا گیا کہ تفتیشی افسران کی درخواست کے مطابق ضابطہ فوجداری کی دفعہ 87 کے تحت مذکورہ بالا ملزمان کے خلاف احکامات جاری کیے جائیں۔
سری لنکن بیٹسمین تلکارتنے دلشان ان فٹ ، پہلے میچ سے باہر ہو گئے ٰٓٓ
سیہون شریف : کاروکاری کے دوہرے قتل میں ملوث دو ملزمان کو سزائے موت
چمن : پاک افغان سر حد پر خود کش حملہ ،آٹھ جاں بحق ،دو لیویز اہلکار سمیت سولہ افراد زخمی
میرپورخاص : مسافر بس الٹنے سے 22افراد زخمی ،تین کی حالت تشویش ناک
شہداد پور : مختلف واقعات میں دو افراد جاں بحق
جام شورو: جامعہ سندھ میں 16ویں انٹر یونیورسٹی ڈیبیٹ 8اکتوبر سے شروع
تازہ ترین خبریں
- April 22, 2026
- April 22, 2026
اشتہار
تازہ ترین
منفی خبروں کے ذریعہ خوف و ہراس پھیلانے والے ٹک ٹاکرز کیخلاف ملک گیر آپریشن شروع
کراچی/لاہور (پی پی آئی)عوام میں منفی خبروں کے ذریعہ خوف و ہراس پھیلانے والے ٹک ٹاکرز کیخلاف ملک گیر آپریشن شروع کردیا گیا ہے، پی پی آئی کے مطابق لاہور میں تو سی آئی اے چوہنگ پولیس نیٹک ٹاکر گینگ کے سرغنہ عثمان اور اسکے ساتھی ریان کو گرفتار کرکے دیگر ملزمان کی تلاش بھی شروع کردی ہے۔۔ڈی ایس پی چوہنگ کا کہنا ہے کہ گرفتار ملزمان ٹک ٹاک سوشل میڈیا پر اسلحہ کی نمائش کی ویڈیو بنا کر عوام میں خوف حراس پھیلاتے تھے اور منفی خبروں کی تشہیر کرتے تھے۔ اْن کے مطابق گرفتار ملزمان کے قبضے سے 4 پسٹل جن میں 9MM پسٹل شامل ہے برآمد ہوئے ہیں۔۔
آئندہ الیکشن کیلئے مسلم لیگ ن کی چاروں صوبوں میں متضاد حکمت عملی
لندن /لاہور/کراچی (پی پی آئی)مسلم لیگ ن کی اعلیٰ قیادت کے لندن اجلاس میں آئندہ عام انتخابات میں پنجاب سطح پرکسی بھی جماعت سے قومی وصوبائی سطح پر اتحاد نہ کرنے کا فیصلہ کیا گیا،مسلم لیگ ن پنجاب میں تمام نشستوں پر اپنے امیدوار نامزد کرے گی،پنجاب میں پیپلزپارٹی سے مقامی سطح پر سیٹ ایڈجسٹمنٹ کی بھی مخالفت کی گئی۔پی پی آئی کے مطابق مسلم لیگ ن کی اعلیٰ قیادت نے آئی پی پی سے بھی اتحاد اور سیٹ ایڈجسٹمنٹ نہ کرنے پر اتفاق کیا ہے، البتہ سندھ خیبرپختونخوااور بلوچستان میں مختلف جماعتوں سے مقامی سطح پر اتحاد کی منظوری دی گئی فیصلہ ہوا کہ جے یو آئی ف اوراے این پی سے خیبر پی کے میں، سندھی قوم پرستوں اورپیرپگارا کی سربراہی میں قائم جی ڈی اے سے سندھ میں نیزبلوچستان میں بی اے پی اور دیگر جماعتوں سے سیٹ ایڈجسٹمنٹ کا فیصلہ کیاگیا۔ذرائع کا کہنا ہے کہ الیکشن میں انتخابی مہم کی قیادت نوازشریف کریں گے،شہبازشریف، مریم نواز اور حمزہ شہباز بھی انتخابی مہم میں بھرپور حصہ لیں گے۔
پرویز الٰہی کو گرفتار نہ کرنے کے کے فیصلے کیخلاف نیب انٹراکورٹ اپیل منظور
لاہور(پی پی آئی)لاہور ہائیکورٹ نے پرویز الٰہی کو گرفتار نہ کرنے کے سنگل بنچ کے فیصلے کیخلاف نیب انٹراکورٹ اپیل منظور کرلی اور 18ستمبر تک پرویز الٰہی کو جواب جمع کرانے کے نوٹس جاری کر دیئے۔پی پی آئی کے مطابق لاہورہائیکورٹ میں صدر تحریک انصاف پرویز الٰہی کو گرفتار نہ کرنے کے سنگل بنچ کے فیصلے کیخلاف نیب اپیل پرسماعت ہوئی،لاہور ہائیکورٹ کے دو رکنی بنچ نے نیب کی انٹراکورٹ اپیل پر سماعت کی،نیب کی جانب سے موقف اختیار کیاگیاکہ سنگل بنچ نے پرویز الٰہی کو کسی بھی مقدمے میں گرفتار نہ کرنے سے متعلق حقائق کے برعکس فیصلہ جاری کیا، اس حوالے سے نیب نہ تو پارٹی تھا نہ ہی نیب کو نوٹس جاری کیاگیا،نیب کو پرویز الٰہی کیخلاف کسی بھی قسم کی کارروائی سے روک دیا گیا،درخواست میں استدعا کی گئی کہ عدالت سنگل بنچ کا فیصلہ کالعدم قرار دے اور اپیل کے حتمی فیصلے تک سنگل بنچ کا فیصلہ معطل کیا جائے۔ہائیکورٹ کے دو رکنی بنچ نے نیب کی انٹراکورٹ اپیل سماعت کیلئے منظور کرتے ہوئے 18ستمبر تک پرویز الٰہی کو جواب جمع کرانے کے نوٹس جاری کر دیئے۔
تلاش کریں
خبریں
سری لنکن بیٹسمین تلکارتنے دلشان ان فٹ ، پہلے میچ سے باہر ہو گئے ٰٓٓ
کولمبو: سری لنکا کے بیٹسمین تلکارتنے دلشان زخمی ہونے کے باعث ڈومیسٹک سیریز کے پہلے میچ سے باہر ہو گئے ۔ تلکارتنے دلشان پریکٹس کے دوران انگلی پر زخم آنے کے باعث آج سے شروع ہو نے والی سری لنکا کی ڈومیسٹک سہہ فریقی سیریز کے پہلے میچ میں حصہ نہیں لے سکیں گے ، انھیں اگلے میچ میں بورڈ الیون کی حتمی ٹیم میں شامل کرنے کے لئے احتیاطی طور پر بھی آرام دیا جا رہا ہے ، جبکہ وکٹ کیپر بیٹسمین کوشال سلوا کو ڈومیسٹک میں شاندار کار کر دگی کی بنا پر پہلے میچ کے لئے سری لنکا اے سے بورڈ الیون میں شامل کر لیا گیا ہے ، فاسٹ باﺅلر کانشک الویٹیگالا کوڈیولپمنٹ ٹیم سے اے ٹیم میں شامل کر لیا گیا ہے جبکہ ان کی جگہ کوسان ما دوشانکا کو ڈیولپمنٹ ٹیم میں شامل کر لیا گیا ہے ۔ بورڈ الیون اپنا دوسرا میچ 21اکتوبر کو کھیلے گی۔
سیہون شریف : کاروکاری کے دوہرے قتل میں ملوث دو ملزمان کو سزائے موت
سیہون شریف: ایڈیشنل سیشن جج سیہون شریف کی عدالت نے کاروکاری کے دوہرے قتل میں ملوث دو ملزمان کو سزائے موت جبکہ دو ملزمان کو کر دیا ۔ تفصیلات کے مطابق بھان سعید آباد شہر میں دو سال قبل امام الدین چنہ ، نذیر احمد چنہ،محمد صادق چنہ اور محمد عثمان چنہ نے نسیم چنا اور امیر بخش برہمانی کو کاروکاری کے الزام میں قتل کیا تھا ۔ جس کا مقدمہ گزشتہ دو سالوں سے ایڈیشنل جج کی عدالت میں چل رہاتھا،آج عدالت نے فیصلہ سناتے ہوئے دو ملزمان سگے بھائیوں امام الدین چنا اور نذیر احمد چنا کو سزائے موت اور دو لاکھ روپے جرمانہ کی سزا سنائی جبکہ دیگر دو ملزمان محمد صادق اور محمد عثمان چنا کورہا کر نے حکم دیاتاہم جرمانہ ادا نہ کرنے کی صورت میں مزید چھے ماہ کی قید ہو گی ۔
چمن : پاک افغان سر حد پر خود کش حملہ ،آٹھ جاں بحق ،دو لیویز اہلکار سمیت سولہ افراد زخمی
چمن: چمن میںپاک افغان کسٹم ہا ﺅس میں خودکشدھماکے سے 8 افراد جاں بحق جبکہ دو لیویز اہلکاروں سمیت16افراد زخمی ہوگئے۔ لیویز ذرائع کے مطابق پاک افغان کسٹم ہاﺅس کے قریب خودکش حملے کے نتیجے میںآٹھ افراد جاں بحق جبکہ دو لیویز اہلکاروں سمیت سولہ افراد زخمی ہوگئے ،ذرائع کے مطابق جاں بحق ہونے والوں میں دو افغان سیکورٹی اہلکا ر بھی شامل ہیں۔ دھماکا باب دوستی کے قریب افغانستان کی حدود میں ہوا جس کے بعد باب دوستی پر آمدورفت معطل ہو گئی ۔ واقعے میں جاں بحق اور زخمی ہونے والے افرادکو قریب واقع طبی مراکز میں منتقل کیا جا رہا ہے ۔ واضح رہے افغانستان کے لئے نیٹو اور امریکی سپلائی چمن کے راستے سے ہی ہو تی ہے ۔
میرپورخاص : مسافر بس الٹنے سے 22افراد زخمی ،تین کی حالت تشویش ناک
میرپور خاص: میر پور ضاص کے قریب تیز رفتار مسافر بس الٹ جانے سے 22افراد زخمی ہوگئے ۔ میرپور اخاص کے قریب جھلوری لنک روڈ پر واقع گاﺅں امیر خان خاص خیلی کے پاس ایک تیز رفتار مسافر بس ٹائی راڈٹوٹ جانے کی وجہ سے الٹ گئی جس کے نتیجے میں بس میں سوار 22افراد زخمی ہوگئے ، زخمیوں کو میرپو ر خاص اسپتال لایا گیا جہاں فوری طبی امداد مہیا کی گئی ،زخمیوں میں سے تین کی حالت تشویش ناک بتائی جاتی ہے جبکہ چھے زخمیوں کو سرجیکل وارڈ میںداخل کر دیا گیا ہے ،دوسری جانب حادثے کا شکار ہونے والی بس کا ڈرائیور موقع سے فرار ہو گیا۔
شہداد پور : مختلف واقعات میں دو افراد جاں بحق
شہداد پور: شہداد پور میں مختلف واقعات میںدو افراد جاں بحق ہو گئے ۔ تفصیلات کے مطابق شہداد پور کے رہائشی ٹیکسی ڈرائیور 33سالہ محمد سلیم پر اسرار سر پر گولی لگنے سے جاں بحق ہو گئے ،ورثاءکا کہنا ہے کہ گھر میں ریوالور صاف کر تے ہوئے اچانک گولی چلنے سے جاں بحق ہو گئے ،متوفی تین بچوں کے باپ تھے جبکہ شہدا پو رکے نواحی قصبے ڈھڑو شریف میں ابڑو قبیلے کے دو گروہوں میں مسلح تصادم کے نتیجے میں بیس سالہ نوجوان خادم حسین گولی لگنے سے جاں بحق ہوگیا۔دوسری جانب شہداد پور پولیس نے چار روز قبل رہزنی کے واقعے میں جاں بحق ہو نے والے زمیندار علی حسن لھوسو کے قتل کا مقدمہ تین نامعلوم افراد کے خلاف درج کر لیاہے، پولیس نے درجن سے زائد افراد کوگرفتار کر لیا ہے تاہم اصل ملزمان تک نہیں پہنچ سکی ، ایس ایچ او شہداد پو رکا کہنا ہے کہ قاتلوں کو جلد ہی گرفتار کر لیا جائے گا۔
جام شورو: جامعہ سندھ میں 16ویں انٹر یونیورسٹی ڈیبیٹ 8اکتوبر سے شروع
جام شورو: جامعہ سندھ جام شورومیں 16ویں آل پاکستان انٹر یونیورسٹی ڈیبیٹ 8اکتوبر سے شروع ہوں گے ۔ جامعہ سندھ جامشورو کے بیورو آف اسٹئگس کے ایڈوائزر محمد یوسف پردیسی نے جاری کردہ اعلامیہ میںکہا ہے کہ 16ویں آل پاکستان انٹر یونیورسٹی ڈبیٹ مقابلوں میں شرکت کرکے علامہ اقبال شیلڈ 2013 جیتنے کے سلسلے میں انٹر ڈپارٹمینٹل تقریری مقابلہ 2013 رواں ماہ کے 8 تاریخ سے منعقد ہوں گے۔ 8 اکتوبر کو “طاقتور ملک دنیا جی تباہی جو باعث آھے” کے عنوان پر سندھی میں ، 9 اکتوبرکو “کرپشن کا خاتمہ نظام اسلام سے ممکن ہے” کے عنوان پر اردو میںاور “Politics is to Polish Education” کے عنوان پر انگریزی میں 10 اکتوبر کو تقریری مقابلے آرٹس فیکلٹی بلڈنگ کے شیخ ایاز آڈیٹوریم میں منعقد ہونگے۔ تقریری مقابلوں میں حصہ لینے والے ہرایک طالب علم کو 4 منٹ کا وقت دیا جائے گا۔۔