کراچی: قومی کرکٹ ٹیم کے کپتان مصباح الحق رواں سال چار مرتبہ مین آف دی میچ قرار پائے ۔ سری لنکا کے تلکارتنے دلشان نے سب سے زیادہ پانچ مرتبہ میچ کے بہترین کھلاڑی ہونے کا اعزاز حاصل کیا جبکہ وہ دو مرتبہ میں آف دی سیریز بھی رہے ۔ بھارت کے ویرا ت کوہلی نے بھی چار مرتبہ مین آف دی میچ کا ایوارڈ حاصل کیا ۔مصباح الحق نے رواں برس سب سے زیادہ رنز بنانے کا اعزاز بھی حاصل کیا ہے ۔اس فہرست میں ویرات کوہلی تیسرت اور تلکارتنے پانچویں نمبر پر ہیں ۔

لاہور: پاکستان سائیکلنگ فیڈریشن کے زیراہتمام ٹور دی پاکستان سائیکل ریس میں انٹرنیشنل کھلاڑیوں کی شرکت متوقع ہے۔ پنجاب سائیکلنگ فیڈریشن کے صدر ادریس حیدر خواجہ کے مطابق میگا ایونٹ کی تیاریاں آخری مراحل میں ہیں ۔ادریس خواجہ کا کہنا تھا کہ کئی انٹرنیشنل ٹیموں نے ریس میں شرکت کی یقین دہانی کرائی ہے ،جبکہ پشاور سے شروع ہونے والی ریس کا اختتام کراچی میں ہوگا۔ انہوں نے کہا کہ پاکستان سائیکلنگ فیڈریشن کے علاوہ کوئی بھی نام نہاد تنظیم قومی چیمپئن شپ کرانے کا استحقاق نہیں رکھتی ۔بعض عناصر پاکستان اولمپک ایسوسی ایشن سے الحاق رکھنے والی پاکستان سائیکلنگ فیڈریشن کے خلاف منفی پروپیگنڈہ کررہے ہیں ۔انہوں نے مزید کہا کہ قومی سائیکلنگ چیمپئن شپ کے لئے صوبائی ٹیموں کے ساتھ ساتھ محکمہ جاتی ٹیموں کو بھی شرکت کے دعوت نامے بھجودیئے گئے ہیں ،جواب آنے کے بعد چیمپئن شپ کی حتمی تاریخوں کا اعلان کیا جائے گا۔

جوہانسبرگ: جنوبی افریقا کرکٹ ٹیم نے نیشنل ٹیم آف دی ائیر 2013کا ایوارڈ جیت لیا ۔ ایوارڈ پروٹیز ون ڈے ٹیم کے کپتان اے بی ڈی ویلیئرز نے جنوبی افریقا اسپورٹس کے فنکشن میں وصول کیا ۔ اس موقع پر جنوبی افریقا کرکٹ بورڈ کے چیف ایگزیکٹیو ہارون لوگارٹ نے بہترین کارکردگی پر نیشنل ایوارڈ جیتنے والی ٹیم کو مبارکباد دیتے ہوئے کہا کہ پروٹیز نے رواں برس جس اعلٰی کارکردگی کا مظاہرہ کیا وہ اس ایوارڈ کی حقیقی معنوں میں حق دار ہے۔

لندن: سابقہ برطانوی نمبر ایک ٹینس اسٹار ایلینا بیلٹیکا نے ٹینس کیریئر سے ریٹائرمنٹ کا اعلان کردیا ۔بیلٹیکانے 2012میں ٹینس کی عالمی رینکنگ میں ٹاپ ففٹی میں جگہ بنائی ۔30سالہ بیلٹیکا نے اپنے ٹینس کیرئیر میں نامور کھلاڑیوں کو شکست دی جس میں چین کی لی نا اور فرنسیسکاشوﺅن شامل ہیں ۔بیلٹیکا دومرتبہ آسٹریلین اوپن کے تیسرے راﺅنڈ میں پہنچنے میں کامیاب ہوئی جبکہ ایک مرتبہ ومبلڈن میں بھی تیسرے راﺅنڈ تک پہنچی ۔فٹنس مسائل کے سبب بیلٹیکا نے ٹینس کو خیرآباد کہنے کا فیصلہ کیا ہے ۔

جوہانسبرگ: قومی کرکٹ ٹیم کے دو ممتاز آل راﺅنڈرز شعیب ملک اور عبدالرزاق کو ان فٹ قرار دے کر جنوبی افریقا کیخلاف کرکٹ سیریز سے باہر کردیا گیا ۔ دونوں کھلاڑیوں کو جنوبی افریقا کا دورہ کرنے والے کرکٹ پندرہ رکنی اسکواڈ میں شامل کیا گیا تھالیکن اب ان کو فٹنس مسائل کے سبب سیریزسے باہر کردیا گیا ہے ۔ شعیب ملک اپنی انگلی کے زخم اور عبدالرزاق ہیمسٹرگ انجری کے باعث جنوبی افریقا سے واپس وطن لوٹیں گے ۔ واضح رہے کہ دو نوں کھلاڑیوں کو طویل عرصے کے بعد حال ہی میں دبئی میں شیڈول جنوبی افریقا کے خلاف ٹی 20سیریز میں واپسی کا موقع دیا گیا تھا ۔

لندن: دفاعی چیمپئن نوواک جوکووچ اور سوئس سٹار روجر فیڈرر نے اے ٹی پی ورلڈ ٹور فائنلز کے سیمی فائنل میں جگہ بنا لی۔لندن میں جاری سیزن کے آخری اے ٹی پی ایونٹ میں سربین سٹار نوواک جوکووچ اور ارجنٹائن کے یوان مارٹن ڈیل پوٹرو مدمقابل ہوئے پہلے سیٹ میں فتح کے بعد جوکووچ کو دوسرے سیٹ میں ناکامی کا سامنا ہوا لیکن عالمی نمبر دو کووچ نے تیسرے سیٹ میں شاندارکم بیک کیا اور ارجنٹائنی حریف کو مات دیکر سیمی فائنل میں جگہ پکی کی۔جوکووچ کی فتح کا سکور چھ تین ، تین چھ اور چھ تین رہا۔گروپ بی ہی کے ایک اور میچ میں سابق عالمی چیمپئن روجر فیڈرر نے فرانسیسی حریف رچرڈ گیسکیٹ کو مات دی۔سوئس سٹار روجر فیڈرر کو سٹریٹ سیٹس میں چھ چار اور چھ تین سے کامیابی حاصل ہوئی۔