لاہور(پی پی آئی) پاکستان مسلم لیگ (ن) پنجاب کی سیکرٹری اطلاعات عظمیٰ بخاری نے کہا ہے کہ نوازشریف کی وطن واپسی سے فتنہ فساد پارٹی خوفزدہ ہے۔پی پی آئی کے مطابق انہوں نے خواتین کارکنان سے گفتگو میں کہا کہ ہم کسی کو میدان سے باہر سے نکالنے کے حق میں نہیں لیکن سیاستدانوں اور دہشتگردوں میں تفریق ضروری ہے، انہوں نے کہا کہ پی ٹی آئی نے وفاق اور صوبوں کو لڑایا،سیاسی انتقام لیا یہی سبب ہے کہ آج وہ مکافات عمل کا شکار ہے۔
پی ٹی آئی کا پنجاب میں یوتھ اسپورٹس فیسٹیول کرانے کا اعلان
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
ڈوپنگ: امریکی بیس بال کھلاڑی ایلکس پر ایک سال کی پابندی عائد
نیوزی لینڈ کا ٹی 20ورلڈ کپ کیلئے بنگلہ دیشن جانے پر تحفظات کااظہار
دبئی ٹیسٹ : جے وردھنے نے 9کیچ پکڑ کر کامران اکمل کا ریکارڈ توڑ دیا
سابق زمباوین کپتان ہیتھ اسٹریک نے کرکٹ اکیڈمی قائم کردی
تازہ ترین خبریں
اشتہار
تازہ ترین
لداخ الیکشن میں بی جے پی کی شرمناک شکست پرمودی کو کڑی تنقید کا سامنا
سری نگر(پی پی آئی) بھارت کے زیر قبضہ جموں و کشمیرکے لداخ خطے میں خود مختار پہاڑی ترقیاتی کونسل کے انتخابات میں بھارتیہ جنتا پارٹی کو جس شرمناک شکست کا سامنا کرنا پڑاہے اس پر بی جے پی کے جائزہ اجلاس میں بھاجپا کی لیڈر شپ نے مسلمان مخالف پالیسیوں پر نریندر مودی کو کڑی تنقید کا نشانہ بنایا اور تسلیم کیا کہ کشمیر کی مسلم اور سکھ آبادی بھارتیہ جنتا پارٹی کو پسند نہیں کرتی۔پی پی آئی کے مطابق بھارت کے زیر قبضہ جموں و کشمیرکے لداخ خطے میں خود مختار پہاڑی ترقیاتی کونسل کے انتخابات میں بھارتی حزب اختلاف کے اتحاد کو چھ نشستوں میں سے پانچ پر کامیابی ملی ہے جبکہ بی جے پی صرف ایک سیٹ بمشکل حاصل کر سکی ہے۔ انتخاب میں کانگریس نے تین، نیشنل کانفرنس نے دو اور بی جے پی نے ایک سیٹ جیتی ہے۔
نوازشریف ملکی ترقی کا آزمودہ برانڈ، جب سب فیل ہو جاتے ہیں تو نواز شریف آتا ہے:مریم نواز
لاہور(پی پی آئی)مسلم لیگ ن کی سینئر نائب صدرمریم نواز نے کہا ہے کہ نوازشریف ملکی ترقی کا آزمودہ برانڈ ہے، جب سب فیل ہو جاتے ہیں تو نواز شریف آتا ہے۔ لاہور کے قومی و صوبائی اسمبلیوں میں یونین کونسلوں کے عہدیداروں اور کارکنوں سے مرحلہ وار ملاقاتوں کے موقع پر انھوں نے کہا کہ نوازشریف ملکی ترقی کا آزمودہ برانڈ ہے، جب سب فیل ہو جاتے ہیں تو نواز شریف آتا ہے، اللہ تعالی کے کرم سے پھر سب ٹھیک کرے گا نوازشریف، چھ سال بعد نوازشریف قوم کوپورا سچ بتائے گا تو سارے پراپگنڈے اور جھوٹے بیانیے دفن ہوجائیں گے۔پی پی آئی کے مطابق مریم نوازشریف نے کہا کہ کارکردگی میں نہ ہرا سکے تو جھوٹے الزام لگا کر، دھاندلی اور طاقت سے نواز شریف کو میدان سے ہی نکال دیا، اللہ تعالی نوازشریف کو پھر واپس لے آیا، نوازشریف کو نکالنے والے نظام سے ہی نکل گئے، یہ ہے اللہ کا نظام، چھ سال تک جھوٹوں کو جھوٹ بولنے کی کھلی آزادی تھی جس سے ذہن گمراہ ہوئے، نوازشریف، ان کے خاندان، ان کی جماعت کو جھوٹے پراپگنڈے، بے بنیاد مقدمات سے ستایا گیا۔مسلم لیگ ن کی سینئرنائب صدرنے کہا کہ نوازشریف 2017 میں گیا تو ملک کیا تھا اور چھ سال بعد آج ملک کیا سے کیا ہوگیا، نوازشریف کو ہربارحالات نے آزمایا اور نوازشریف ہر بار سرخرو ہوا،نوازشریف کے دورمیں مہنگائی 47 سال کی کم ترین سطح پر تھی،65 لاکھ سے زائد لوگوں کو روزگار ملا
”را“ کے 5 مبینہ ایجنٹ جسمانی ریمانڈ پر پولیس کے حوالے
اسلام آباد (پی پی آئی) انسداد دہشتگردی کی خصوصی عدالت نے ”را“ کے پانچ مبینہ ایجنٹس کو 4 روزہ جسمانی ریمانڈ پر پولیس کے حوالے کردیا۔ مقدمے کی سماعت جج ابوالحسنات محمد ذوالقرنین نے کی، پی پی آئی کے مطابق دوران سماعت پولیس کی جانب سے بھارتی خفیہ ایجنسی را سے فنڈنگ کے الزام میں گرفتار 5 ملزمان معیز احمد، مہران یونس، فیضان کیانی، ارسلان واجد اور نعمان ستار کے جسمانی ریمانڈ کی استدعا کی گئی جسے عدالت نے منظور کرلیا۔
تلاش کریں
خبریں
پی ٹی آئی کا پنجاب میں یوتھ اسپورٹس فیسٹیول کرانے کا اعلان
(January 13, 2014)
لاہور: پاکستان تحریک انصاف نے پنجاب یوتھ فیسٹیول کے متوازی پیس اسپورٹس فیسٹیول کرانے کا اعلان کردیا ۔ پی ٹی آئی کی رکن پنجاب اسمبلی سعدیہ سہیل اور اسپورٹس ونگ کے صدر افتخار الٰہی نے لاہور میں پریس کانفرنس کرتے ہوئے کہا کہ اسپورٹس پیس فیسٹیول کے پہلے مرحلے میں آئندہ ماہ رن فار پیس میراتھن کرائی جائے گی۔جس کے لئے لاہور کی ضلعی حکومت نے این او سی دینے سے انکار کردیا ہے۔ جس کے بعد یہ میراتھن کینٹ میں کروانے کے لئے کور کمانڈر لاہور کو درخواست بھیجی ہوئی ہے۔انہوں نے کہا کہ پنجاب یوتھ فیسٹیول پر پنجاب حکومت کے خلاف کارروائی کے لئے الیکشن کمیشن میں جلد ریفرنس دائر کیا جائے گا۔صوبائی حکومت یوتھ فیسٹیول کے لوگو پر شیر کا نشان لگا کر سرکاری خزانہ استعمال کرتے ہوئے سیاسی مہم چلارہی ہے۔
اٹلی کے اوماروسنٹن نے اسنوبورڈ کراس فائنل میں کامیابی حاصل کرلی
(January 13, 2014)
اندورا: اٹلی کے اوماروسنٹن اسنوبورڈ کراس فائنل میں کامیابی حاصل کرتے ہوئے ورلڈ کپ اسٹینڈنگ میں پہلے نمبر پر آگئے۔ کولوراڈو میں ہونے والا ہاف پائپ ایونٹ امریکہ کے ڈیوڈ وائس کے نام رہا۔ اندورا میں ہونے والے اسنو بورڈ کراس فائنل میں اٹلی کے اوماروسنٹن نے شاندار کامیابی حاصل کرتے ہوئے کراس ورلڈ کپ اسٹینڈنگ میں ٹاپ پوزیشن حاصل کرلی۔ اومارہفتے کو تیسرے نمبر پر تھے لیکن انہوں نے اپنے حریفوں کوشکست دے کر ویک اینڈ کا اختتام نمبر ون کی حیثیت سے کیا۔ ویمنزایونٹ میں چیک ری پبلک کی ایواسمکووا پہلے نمبر پر رہیں۔ اوورآل لیڈر کینیڈا کی ڈومینک مالٹائس کودوسری پوزیشن پر اکتفا کرنا پڑا۔ ادھرامریکی ریاست کولوراڈومیں ہونے والاایف آئی ایس فری اسٹائل ورلڈ کپ اسکی ہاف پائپ ایونٹ امریکہ کے ڈیوڈ وائس کے نام رہا۔ وائس نے79پوائنٹس اسکور کر کے سوچی اولمپکس کیلئے امریکی ٹیم میں بھی جگہ بنالی۔ ویمنز ایونٹ میں امریکہ کی میڈی براﺅن پہلے نمبر پر رہیں۔ براﺅن کا اسکور 84 پوائنٹس رہا۔ جاپان کی آیانا اونوزو نے دوسری اور ایمی شی ہان نے تیسری پوزیشن حاصل کی۔
ڈوپنگ: امریکی بیس بال کھلاڑی ایلکس پر ایک سال کی پابندی عائد
(January 13, 2014)
نیویارک: نیویارک سے تعلق رکھنے والے دنیا کے مہنگے ترین معروف امریکی بیس بال کھلاڑی ایلکس روڈریگز کی ڈوپ ٹیسٹ رپورٹ مثبت آنے پر ایک سال کی پابندی عائد کردی گئی۔پابندی کے تحت وہ رواں سال 2014 کے میجر لیگ بیس بال سیزن کا کوئی میچ نہیں کھیل سکیں گے۔ ایلکس نے اپنی معطلی کے فیصلے پر نظر ثانی کی درخواست دائر کی تھی جسے انتظامیہ نے مسترد کر دیا ہے۔ ایلکس کو اس سے قبل بھی منشیات کے استعمال کی وجہ کئی میچوں میں معطلی کا سامنا رہا ہے۔
نیوزی لینڈ کا ٹی 20ورلڈ کپ کیلئے بنگلہ دیشن جانے پر تحفظات کااظہار
(January 13, 2014)
ڈھاکا: بنگلہ دیش کے لئے ورلڈکپ ٹی ٹوئنٹی کا انعقاد امتحان بن گیا۔ بی سی بی نے پاکستان کے خدشات دور کئے تو نیوزی لینڈ نے سکیورٹی پر تحفظات کا اظہار کردیا۔ورلڈ ٹی ٹوئنٹی کا انعقاد بنگلہ دیش کیلئے لوہے کے چنے چبانے کے مترادف بنتا جارہا ہے۔ گزشتہ کئی ماہ سے بنگلہ دیش میں سیکورٹی کی صورتحال خراب ہے جس کے باعث ایشیائی ٹیموں کے بعد اب غیر ایشیائی ٹیمیں بھی وہاں کھیلنے پرتحفظات کا اظہار کررہی ہیں۔ نیوزی لینڈ کرکٹ بورڈ نے بھی بنگلہ دیش کی سیکورٹی صورتحال پر تشویش کا اظہارکیا ہے۔ کیوی کرکٹ کے چیف ایگزیکٹیوڈیوڈ وائٹ کا کہنا ہے کہ گزشتہ ہفتے آئی سی سی چیف ایگزیکٹیوکمیٹی کی میٹنگ میں بنگلہ دیش کی سیکورٹی صورتحال پربحث ہوئی ہے اوربیس جنوری کواس معاملے پرایک اورسیکورٹی میٹنگ ہوگی۔ دوسری جانب پلیئرز ایسوسی ایشن کے ایگزیکٹیو چیئرمین پال مارش کا کہنا ہے کہ بنگلہ دیش میں الیکشن کے بعد سے حالات کشیدہ ہیں۔ ورلڈ ٹی ٹوئنٹی میں کافی وقت ہے اسلئے پلیئرزایسوسی ایشن روزانہ کی بنیاد پرحالات کا جائزہ لے رہی ہے۔ انہوں نے کہا کہ اگرکھلاڑیوں کی سیکورٹی کوخطرات لاحق ہوئے توانہیں بنگلہ دیش نہ جانیکا مشورہ دیں گے۔
دبئی ٹیسٹ : جے وردھنے نے 9کیچ پکڑ کر کامران اکمل کا ریکارڈ توڑ دیا
(January 13, 2014)
دبئی: سری لنکن کرکٹ ٹیم کے وکٹ کیپر پرسنا جے وردھنے نے دبئی ٹیسٹ میں پاکستان کے خلاف میچ میں 9کیچ لے کر پاکستانی وکٹ کیپر کامران اکمل کا ریکارڈ توڑ دیا ۔جے وردھنے نے پہلی اننگز میں چاراور دوسری اننگز میں 5کیچ پکڑے ۔ اس سے قبل پاکستانی وکٹ کیپر کامران اکمل نے 2009میں گال ٹیسٹ میں 7کیچ اور ایک اسٹیمپڈ سمیت آٹھ کھلاڑیوں کو آﺅٹ کرکے ریکارڈ قائم کیا تھا ۔
سابق زمباوین کپتان ہیتھ اسٹریک نے کرکٹ اکیڈمی قائم کردی
(January 13, 2014)
ہرارے: سابق زمباوین کپتان ہیتھ اسٹریک نے نوجوان کھلاڑیوں کو تربیت دینے کے لئے کرکٹ اکیڈ می قائم کردی ۔میڈ یا سے گفتگو کرتے ہوئے انہوں نے بتایا کہ وہ اپنے ملک کیلئے مستقبل میں باصلاحیت کرکٹرز تیار کرنا چاہتے ہیں ۔اسٹریک کا اس موقع پر کہنا تھا کہ انہوں نے اپنے کیریئر کے دوران جو کچھ سیکھا وہ نوجوان نسل تک منتقل کرنا چاہتے ہیں ۔