اسلام آباد(پی پی آ ئی)چیئرمین سینیٹ محمد صادق سنجرانی، چینی وزیر خارجہ کی خصوصی دعوت پر بیجنگ میں چین کے سفارت کاری کے اصولوں پر بین الاقوامی سمپوزیم میں شرکت کریں گے۔چیئرمین سینیٹ سفارت کاری کے اصولوں پر بین الاقوامی سمپوزیم میں بطور ”مہمان خصوصی” شرکت کریں گے۔سینٹ میڈیا ڈائریکٹوریٹ سے جاری پریس ریلیز کے مطابق یہ سمپوزیم چین کی ہمسایہ ممالک سے متعلق خارجہ پالیسی پر تبادلہ خیال اور غور کیلئے منعقد کیا جا رہا ہے۔ڈپلومیسی سمپوزیم کیلئے بیجنگ میں متعدد عالمی رہنما اکٹھے ہونگے۔چیئرمین سینیٹ 24 اکتوبر کو چین کے سفارت کاری کے اصولوں کے حوالے سے منعقدہ سمپوزیم سے خطاب کریں گے۔اپنے خطاب میں چیئرمین سینیٹ چین کے سفارت کاری فورم پر پاکستان کے کردار کو اجاگر کریں گے۔دورے کے دوران چیئرمین سینیٹ چین میں اپنے ہم منصب نیشنل پیپلز کانگریس کی سٹینڈنگ کمیٹی کے چیئرمین سے بھی ملاقات کریں گے اور مختلف چینی سرکاری کمپنیوں کے سربراہان جس میں مائننگ کمپنی کے سربراہ اور چائنہ ایڈ کے حکام بھی شامل ہیں، سے ملاقاتیں کریں گے۔سمپوزیم میں چیئرمین سینیٹ کو مدعو کرنا اور خطاب پاک چین سفارتی تعلقات کی مضبوطی کا مظہر ہے۔

اسلام آباد(پی پی آ ئی)ڈپٹی کمشنر اسلام آباد عرفان نواز میمن کی ہدایت پر ڈائریکٹر ہیلتھ سروسز میٹروپولیٹن کارپوریشن کی زیر نگرانی محکمہ صحت کی ٹیمیں شہر کے مختلف علاقوں میں انسداد ڈینگی فوگنگ کا عمل جاری رکھے ہوئے ہیں۔ایک حالیہ مہم میں اسلام آباد کے سرکاری سکولوں G-7/3، G-7/4، G-7/1 اور G-7/2 میں فوگنگ کی گئی، جس میں DHS، DHO آفس، ایڈیشنل ڈپٹی کمشنرز، اسسٹنٹ کمشنرز اور مجسٹریٹس، محکمہ صحت کی ٹیمیں، MCI، UAS ٹیمیں اور دیگر محکمے شامل ہیں۔اس موقع پر ڈپٹی کمشنر اسلام آباد نے کہا کہ اسلام آباد میں مہلک وائرس پر قابو پانے کے لیے تمام ممکنہ وسائل بروئے کار لائے جائیں گے۔انہوں نے مزید کہا کہ اسلام آباد کا دیہی علاقہ ان کی ترجیحات میں شامل ہے اور شہریوں کی زندگیوں کے تحفظ کے لیے ہر ممکن اقدام ان کی ترجیح ہے۔ڈپٹی کمشنر نے مزید کہا کہ اسلام آباد میں بڑھتے ہوئے ڈینگی بخار کے باعث ڈینگی وائرس سے بچاؤ کے لیے احتیاطی تدابیر پر عمل کرنا بھی ضروری ہے۔انہوں نے مزید ہدایت کی کہ ڈینگی سے بچاؤ کے لیے شہر کے مختلف علاقوں میں صفائی کے انتظامات کو بہتر بنایا جائے اور ورکشاپس، ٹائر شاپس سمیت کسی بھی جگہ کوڑا کرکٹ نہ اٹھایا جائے اور پانی جمع نہ ہونے دیا جائے، اس کے ساتھ ساتھ آگاہی مہم بھی چلائی جائے۔ لوگوں کے درمیان شروع کیا جائے۔انہوں نے یہ بھی کہا کہ اسلام آباد کے تمام سکولوں اور کالجوں میں انسداد ڈینگی سپرے کیا جائے گا اور وفاقی دارالحکومت میں ڈینگی سے بچاؤ کی مہم سے ڈینگی کے مریضوں کی تعداد میں کمی آئے گی۔

لاہور(پی پی آ ئی)پنجاب حکومت نے مقررہ ڈیڈ لائن کے بعد غیر قانونی مقیم تارکین وطن کے خلاف بلا امتیاز کریک ڈاؤن کا اعلان کر دیا۔نگران وزیراعلیٰ پنجاب محسن نقوی کی زیر صدارت اہم اجلاس ہوا جس میں پنجاب میں یکم نومبر سے غیر قانونی مقیم غیرملکیوں کے خلاف کارروائی کے حوالے سے اقدامات کا جائزہ لیا گیا۔پنجاب حکومت نے غیر قانونی مقیم غیر ملکیوں کو 31 اکتوبر تک پنجاب چھوڑنے کا حکم دے دیا۔تمام متعلقہ اداروں اور ایجنسیوں کو اس حوالے سے ضروری اہداف سونپ دیئے گئے، اجلاس میں 9 مئی کے واقعات میں ملوث ملزمان کے خلاف درج کیسز کے چالان کے حوالے سے پیش رفت کا بھی جائزہ لیا گیا۔اجلاس میں چیف سیکرٹری، آئی جی پولیس، ایڈیشنل چیف سیکرٹری، سیکرٹری قانون سمیت متعلقہ حکام شریک ہوئے، کمشنرز اور آرپی اوز ویڈیو لنک کے ذریعے اجلاس میں موجود تھے۔

لاہور)پی پی آ ئی) لاہور ہائیکورٹ کے 6 ججز کے بطور جج 5 سال  مکمل ہوگئے۔ جسٹس انوار الحق پنوں، جسٹس فاروق حیدر، جسٹس  محمد وحید خان، جسٹس  رسال حسن سید، جسٹس عاصم حفیظ اور جسٹس صادق محمود خرم کے بطور جج پانچ سال مکمل ہو گئے، پانچ سال مکمل کرنے والیججز کو ہائیکورٹ کے ججز، وکلاء  اور عزیز اقارب نے مبارکباد دیں اور نیک خواہشات کا اظہار کیا، تمام ججز 23 اکتوبر 2018 کو لاہور ہائیکورٹ میں تعینات ہوئے۔جسٹس انوار الحق پنوں 27مارچ2025کوریٹائرہوں گے، جسٹس فاروق حیدر اس وقت ججز سنیارٹی لسٹ میں 26 ویں نمبر پر ہیں اور وہ 23 اپریل 2030 کو ریٹائر ہوں گے، سنیارٹی لسٹ میں 27 ویں نمبر پر موجود جسٹس محمد وحید خان 27 اپریل 2031 کو ریٹائر ہوں گے، جسٹس رسال حسن سید ججز سنیارٹی لسٹ میں 28 ویں نمبر پر ہیں اور 10 ستمبر 2032 کو ریٹائر ہوں گے۔جسٹس عاصم حفیظ کو بھی بطور جج 5سال مکمل ہو گئے ان کا سنیارٹی لسٹ میں 29 واں نمبر ہے اور وہ 13 ستمبر 2032 کو ریٹائر ہوں گے، ججز سنیارٹی لسٹ میں 30 ویں نمبر پر موجود جسٹس صادق محمود خرم 7 جنوری 2035 کو ریٹائر ہوں گے۔