کراچی (پی پی آئی) کراچی کے علاقے بن قاسم میں ڈکیتی مزاحمت پر شہری کے قتل کیخلاف لاش کے ساتھ احتجاجی مظاہرہ کرنے والے لواحقین نے پولیس سے مذاکرت کے بعد نیشنل ہائی وے پر جاری دھرنا ختم کردیا۔پی پی آئی کے مطابق لواحقین اور علاقہ مکیں مقتول علی گل کی لاش کو نیشنل ہائی وے پر رکھ کر قاتلوں کی فوری گرفتار کا مطالبہ کررہے تھے۔احتجاجی مظاہرے کے باعث سڑک بند ہونے پر نیشنل ہائی وے پر گاڑیوں کی لمبی قطاریں لگ گئیں، واضح رہے کہ مقتول علی گل کو گزشتہ شب ڈاکوؤں نے فائرنگ کر کے قتل کیا تھا۔پولیس سے مذاکرت کے بعد مظاہرین نے قاتلوں کی گرفتاری کی یقین دہانی پر احتجاجی دھرنا ختم کیا۔
نیشنل میوزیم کراچی میں لاہور کی مصورہ ارم اشفاق کے فن پاروں کی نمائش
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
فاسٹ بولرجنید خان کالنکا شائر سے معاہدہ
30 ویں ایشین اسنوکر چیمپیئن شپ کے لیے قومی گروپ کا اعلان
جنوبی افریقاکو ٹیسٹ ٹیم کے کپتان کی تلاش
مومن آباد میں رینجرز کا آپریشن10مشتبہ افراد گرفتار
تازہ ترین خبریں
- April 22, 2026
اشتہار
تازہ ترین
اسرائیل کو تسلیم نہ کرنے والوں میں قطر، بنگلہ دیش، کویت، یمن، ملائیشیا،سعودیہ، عمان، برونائی، فغانستان شامل
کراچی (پی پی آئی)فلسطینی سر زمین پرقبضہ کر کے قائم کیے جانے والے اسرائیل کی حیثیت اب تک متنازع ہی ہے۔ پاکستان اسرائیل کو تسلیم نہیں کرتا، یہ بات سب کے علم میں ہے لیکن دنیا بھرمیں پاکستان کے علاوہ بھی متعدد ممالک اسرائیل کا قیام تسلیم نہیں کرتے۔پی پی آئی کے مطابق ان ممالک میں پاکستان کے علاوہ قطر، ایران، بنگلہ دیش، کویت، یمن، ملائیشیا، بھوٹان، سعودی عرب، عمان، برونائی، لیبیا، صومالیہ اورافغانستان شامل ہیں۔یہ بات قابل ذکرہے کہ ایران اسرائیل کو تسلیم کرنے والا دوسرا مسلم اکثریتی ملک تھا لیکن انقلاب ایران کے بعد یہ ملک اسرائیل کو تسلیم نہیں کرتا۔
خیبر پختونخوا کے سابق وزیر خزانہ تیمور سلیم جھگڑا 5 ماہ روپوش رہنے کے بعد منظرعام پر
پشاور (پی پی آئی)خیبر پختونخوا کے سابق وزیر خزانہ تیمور سلیم جھگڑا نے کہا ہے کہ ’تحریک انصاف کے رہنماؤں اور کارکنوں پر دباؤ ڈال کر انہیں پارٹی چھوڑنے پر مجبور کیا گیا، روپوش رہنا میری سیاسی حکمت عملی تھی۔‘ تیمور سلیم جھگڑا پانچ ماہ روپوش رہنے کے بعد منظرعام پر آگئے ہیں۔پی پی آئی کے مطابق انہوں نے بتایا کہ ’مجھے 150 دن گھر سے دْور رہنا پڑا جو مشکل کام تھا۔‘’تاہم یہ فیصلہ میری سیاسی حکمتِ عملی کا حصہ تھا، پارٹی رہنماؤں اور کارکنوں کو مجبور کیا جا رہا ہے کہ وہ خوفزدہ ہو کر پارٹی کو چھوڑ دیں۔‘
غیر قانونی تارکین وطن چلے جائیں، بعد میں ’نو کمپرومائز‘: وفاقی وزیر داخلہ
اسلام آباد (پی پی آئی)نگران وزیر داخلہ سرفراز بگٹی نے کہا ہیکہ پاکستان میں غیر قانونی تارکین وطن میں سے جو یکم نومبر تک جانا چاہتا ہے چلا جائے اس کے بعد کوئی کمپرومائز نہیں ہوگا۔افغان شہریوں کے حوالے سے جاری بیان میں نگران وزیر داخلہ سرفراز بگٹی نے کہا کہ افغان باشندوں کی بے دخلی کے حوالے سے ڈسکشن ہوئی تھی اور فیصلہ ہوا تھا کہ افغان باشندوں کو ایک گریس پیریڈ دیا جائے۔پی پی آئی کے مطابق نگران وزیر داخلہ نے کہا کہیہ صرف افغان بیسڈ پالیسی نہیں ہے، یہ پالیسی غیر قانونی ایلین کی ہے چاہے جس بھی ملک سے تعلق رکھتے ہوں۔سرفراز بگٹی کا کہنا تھا کہ بات غیر قانونی تارکین وطن کے حوالے سے ہورہی ہے تو وہ افغانی ہوں یا کوئی بھی، جن کے پاس ویزا ہے انہیں کچھ نہیں کہنا صرف غیر قانونی مقیم غیر ملکیوں کو بھیج رہے ہیں۔
تلاش کریں
خبریں
نیشنل میوزیم کراچی میں لاہور کی مصورہ ارم اشفاق کے فن پاروں کی نمائش
(April 26, 2014)
کراچی: صوبائی وزیر سیاحت وثقافت شرمیلا فاروقی نے ارم اشفاق کی بنائے ہوئے فن پاروں کی نمائش کاافتتاح کردیا۔ کراچی نیشنل میوزیم میںمنعقدہ افتتاحی تقریب کے موقع پرصوبائی وزیر کا کہنا تھا کہ ارم اشفاق کی پینٹنگز قابل تعریف ہےں،انھوں نے کہا کہ ہمیں اس طرح کی کاوشوں کو ضرور سراہنا چاہیئے ،اس سے فنکاروں کے حوصلے بلند ہوںگے اور بین الاقوامی سطح پر پاکستان کا نام روشن کرنے میںمدد ملے گی۔اس موقع پر مصورہ ارم اشفاق کا کہنا تھا کہ کراچی میں نمائش کا میرا یہ پہلا موقع ہے اور عوام کی نمائش میںبھر پورشرکت سے میرے حوصلے بلند ہوئے ہیں۔ارم اشفاق کامزید کہنا تھا کہ مصوری کاشوق ورثے میں ملا ہے ،میں نے انجینئرنگ کی تعلیم حاصل کی لیکن مصوری کے شوق نے مجھے پیشہ ور مصور بنا دیا،فنکارہ نے سندھ حکومت کی طرف سے نمائش کے انعقاد پرخوشی کا اظہار کرتے ہوئے کہا کہ میں اس سے پہلے پاکستان کے مختلف شہروں میں چھ سولو نمائش کر چکی ہوں لیکن کراچی کے اندر نمائش کے انعقاد پر میں زیادہ خوشی محسوس کررہی ہوں۔نمائش 30اپریل تک جاری رہے گی۔
بارسلونا اوپن: جاپان اور اسپین کے کھلاڑی تیسرے مرحلے میں پہنچ گئے
(April 23, 2014)
بارسلونا: جاپان کے کی نیشیکوری اور اسپین کے ٹومی روبریڈو نے بارسلونا اوپن ٹینس کے تیسرے مرحلے مین پہنچ گئے۔ پاکستان کے اعصام الحق اور بھارت کے روہن بوپننا کی جوڑی مینز ڈبلز کے کوارٹر فائنل میں پہنچ گئی۔ اسپین کے شہر بارسلونا میں کھیلے جانے والے کلے کورٹ ایونٹ میں فورتھ سیڈ جاپان کے کی نیشیکوری نے دوسرے مرحلے میںمقامی کھلاڑی روبرٹو باتستا کو تین سیٹ کے مقابلے کے بعد شکست دی۔ نیشیکوری کی فتح کا اسکور 6-1، 6-4 اور6-3 رہا۔ ففتھ سیڈ اسپین کے ٹومی روبریڈو نے آسٹریلیا کے مارنکو میتسووچ کو مات دی۔ روبریڈو نے آسٹریلوی حریف کے خلاف 6-3 اور6-4 کے اسکور سے کامیابی حاصل کی۔
فاسٹ بولرجنید خان کالنکا شائر سے معاہدہ
(April 23, 2014)
لندن: قومی کرکٹ ٹیم کے فاسٹ بولرجنیدخان نے کاونٹی کلب لنکا شائر سے نئے سیزن کے لیے معاہدہ کرلیا۔جنید خان انگلش کاونٹی کے نئے سیزن میں شر کت کے لیے اگلے ماہ وہ لندن روانہ ہوں گے۔کاﺅنٹی کے سیزن میں جنید خان ٹی ٹوئنٹی اور ون ڈے کرکٹ میں لنکا شائر کی نمائندگی کریں گے۔ جنید خان اس سے قبل 2011میں بھی لنکا شائر کی جانب سے کاﺅنٹی کر کٹ میں حصہ لے چکے ہیں۔
30 ویں ایشین اسنوکر چیمپیئن شپ کے لیے قومی گروپ کا اعلان
(April 23, 2014)
کراچی: قومی ٹینس ایسو سی ایشن نے 30 ویں ایشین اسنوکر چیمپیئن شپ کے لیے پاکستان کے گروپ کا اعلان کردیا۔ قومی چیمپئین محمد آصف ٹوبا گروپ ایف کے ٹاپ سیڈ ہوں گے۔قومی اسنوکرٹیم تین کھلاڑیوں پر مشتمل ہے جس میں قومی چیمپئن محمدآصف ٹوبا، حمزہ اکبر اور اسجد اقبال شامل ہیں جب کہ حاجی عبدالرشید ٹیم مینیجرکے فرائض انجام دیں گے۔ قومی چیمپیئن شپ کے رنرز اپ حمزہ اکبر کو گروپ ایچ کا ٹاپ سیڈ مقرر کیا گیا ہے۔ پاکستانی کیوئسٹ اسجد اقبال گروپ پی کے سیکنڈ سیڈ کھلاڑی ہوں گے۔ ایشین اسنوکر چیمپئن شپ 26اپریل سے تین مئی تک متحدہ عرب امارات کی ریاست الفجیرہ میں کھیلی جارہی ہے۔ جس میں شرکت کے لئے ٹیم جمعے کو دبئی روانہ ہوگی۔ٹورنامنٹ کی تیاری کے لئے تربیتی کیمپ کراچی میں جاری ہے جس میں شامل کیوئسٹ کا کہنا ہے کہ وہ ٹورنامنٹ میں اپنی بھرپور صلاحیتوں کامظاہرہ کرتے ہوئے قوم کومایوس نہیں کریں گے۔ پی بی ایس اے کے صدر عالمگیر شیخ کہتے ہیں کہ کھلاڑیوں نے کیمپ میں بھرپور تیاری کی ہے اور وہ چیمپیئن شپ میں قومی کیوئسٹس کی جانب سے بہترین کارکردگی کے لئے پرامید ہیں۔
جنوبی افریقاکو ٹیسٹ ٹیم کے کپتان کی تلاش
(April 23, 2014)
کراچی: جنوبی افریقا کرکٹ بورڑنے ٹیسٹ ٹیم کے لیے نئے کپتان کی تلاش شروع کردی ہے۔سابق کپتان گریم اسمتھ کی کرکٹ سے ریٹائرمنٹ کے بعد سے جنوبی افریقی بورڈ حتمی طور پرٹیسٹ کپتان کا اعلان نہیں کر سکا۔ٹیم کی کپتانی کے لیے ون ڈے کپتان اے بی ڈیویلئیرز،ٹی ٹوئنٹی کپتان فاف ڈوپلیسی ،ہاشم آملہ اور جے پی ڈومینی کے نام زیر غور ہےں۔جنوبی افریقی کرکٹ بورڈ نے کپتان کے تقرر کے لیے اینڈریو ہڈسن کی سر براہی میں ایک پینل بنایا ہے جو اپنی سفارشات پیش کرے گا۔ کپتان کا اعلان بورڈ کے اگلے اجلاس میں کیا جائے گا۔جنوبی افریقا کی کرکٹ ٹیم رواں سال جون میں سری لنکا کا دورہ کرے گی جس میں ون ڈے اور ٹی ٹوئینٹی کے علاوہ ٹیسٹ سیریز بھی کھیلی جائے گی۔
مومن آباد میں رینجرز کا آپریشن10مشتبہ افراد گرفتار
(April 23, 2014)
کراچی: کراچی سائٹ کے علاقے مومن آباد میں رینجرز نے جرائم پیشہ افراد کے خلاف کارروائی کرتے ہوئے10مشتبہ افراد کو گرفتار کرکے نامعلوم پر مقام پر منتقل کر دیا ،ملزمان کے قبضے سے اسلحہ بھی برآمد کیا گیا ہے۔ دوسری جانب منگھو پیر میں نامعلوم افراد کی فائرنگ سے ایک شخص جاں بحق ہوگیا ،لاش کو ہسپتال منتقل کردیا تا ہم لاش کی شناخت نہیںکی جاسکی۔پولیس کے مطا بق میوہ شاہ قبرستان سے 2نامعلوم لاشیں ملی ہےں۔