کراچی(پی پی آئی)سندھ پیرامیڈیکل اسٹاف ویلفیئر ایسوسی ایشن نے سول ہسپتال کراچی میں بے ضابطگیوں، دواوْں کی چوری، مشینوں و دیگر سامان کی خریداری میں بے قاعدگیوں، ٹائم اسکیل میں اے جی سندھ کی جانب سے رکاوٹ اور مرکزی صدر اخلاق احمدخان کی بلا جواز معطلی کیخلا ف سول اسپتال کراچی میں پرامن احتجاج کیا۔پی پی آئی کے مطابق احتجاج میں سندھ بھر سے پیرامیڈیکل اسٹاف کے اراکین نے شرکت کی اقور مرکزی قیادت کو مکمل اور بھرپور تعاون کا یقین دلایا۔ اس موقع پراہپنے خطاب میں سندھ پیرامیڈیکل اسٹاف ویلفیئر ایسوسی ایشن سول اسپتال یونٹ کراچی کے صدر یوسف خان نے مطالبہ کیا کہ سندھ پیرامیڈیکل اسٹاف ویلفیئر ایسوسی ایشن کے مرکزی صدر اخلاق احمدخان کو بحال کیا جائے بصورت دیگر صوبہ بھر میں احتجاج کیا جائے گا۔

نواب شاہ(پی پی آئی) معروف صوفی بزرگ حضرت سید اصغر علی شاہ المعروف سخی جام داتارؒ کا 752 واں سالانہ عرس مبارک گاؤں جام صاحب میں 20، 21 اور 22 نومبر کو منایا جائے گا۔ ڈپٹی کمشنر شہید بینظیر آباد زاہد حسین رند نے انتظامی اجلاس میں کئی اہم فیصلے کئے عرس کے موقع پر ضلع شہید بینظیر آبادمیں مقامی تعطیل بھی کی جائے گی۔

بدین(پی پی آئی)ممتاز اہلحدیث عالم دین اور اتحاد بین المسلمین کونسل کے چیرمین علامہ ڈاکٹر عامر عبداللہ محمدی اندرون سندھ کے دو روزہ دورے پرپہلے مرحلہ میں بدین پہنچ گئے،انھوں نے علماء سے ملاقاتیں کیں وہ ملکانی شریف کی جامع مسجد اہلحدیث میں عظمت صحابہ رضوان اللہ علیہم اجمعین کانفرنس سے خطاب کرینگے جبکہ تھرپارکر میں اسکائی وے فاونڈیشن رجسٹرڈ کے سولر واٹر پراجیکٹس کا افتتاح اورمسجد توحید کی تعمیرات کا معائنہ بھی کرینگے جماعت کے کااجلاس کی صدارت،ظہرانے میں شرکت اور مختلف دروس سے بھی خطاب بھی ان کے شیڈول میں شامل ہے۔ اس دورے میں مفتی عبدالوکیل ناصر، شیخ عرفان اور شیخ یاسین بھی ان کے ہمراہ ہیں۔