حیدر آباد: ملک سے کرپٹ نظام کا خاتمہ ایم کیوایم کے منشور کا حصہ ہے اور ایم کیوایم قائدِ تحریک الطاف حسین کی قیادت میں اپنے قیام ہی سے ملک میں رائج فرسودہ نظامِ حکمرانی کے خاتمے کی عملی جدوجہد کررہی ہے ۔ان خیالات کا اظہار متحدہ قومی موومنٹ حیدرآباد کے زونل انچارج نوید شمسی نے گزشتہ روز ایم کیوایم زونل آفس پر پاکستان عوامی تحریک حیدرآباد کے ضلعی رہنمایونس القادری اورشہزاد احمد کی قیادت میں آنے والے وفد سے گفتگو کرتے ہوئے کیا ۔اس موقع پر جوائنٹ زونل انچارجز راشد ممتاز ، عابد غوری ، اراکین زونل کمیٹی اور حق پرست اراکین صوبائی اسمبلی دلاور قریشی اور راشد خلجی بھی موجود تھے ۔انھوں نے مزید کہاکہ علامہ ڈاکٹر طاہر القادری بھی ملک سے فرسود ہ نظام کے خاتمے کی جدوجہد کر رہے ہیں جس کی بدولت ملک مضبوط ہو گا ۔انھوں نے کہاکہ ہمارے ملک کی ترقی میں حائل رکاوٹوں میں سے ایک رکاوٹ کرپٹ نظامِ انتخابات ہیں جس کی بنا پر ملک میں کرپٹ ،راشی لوگ ملک کے اعلی ایوانوں میں منتخب ہوکرآتے ہیں اور ملکی دولت اور وقار کو تباہ برباد کردیتے ہیں ۔انھوں نے کہاکہ ملک کے تحفظ کے لیے محب وطن قوتوں کو ایک پلٹ فارم پر متحد ہونا ہوگا اور ملک سے فرسودہ نظام کے خاتمے میں اپنے عملی کردار کو مزید تیز ترکر نا ہوگا ۔اس موقع پر پاکستان عوامی تحریک کے رہنماﺅں نے ایم کیوایم حیدرآباد زون کے ذمہ داران کو عوامی تحریک کے زیر ِاہتما م حیدرآباد میں منعقد کی جانے والی احتجاجی ریلی میں شرکت کی دعوت بھی دی۔

حیدر آباد: حیدرآباد کے حق پرست اراکین صوبائی اسمبلی نے اپنے مشترکہ بیان میں کہا ہے کہ حیدرآباد میں قبضہ مافیا کے خلاف سخت قانونی کارروائی کی جائے اور سرکاری زمینوں سمیت عوامی رہائشی اسکیموں میں عوام کے پلاٹوں پر ناجائز قابضین کا خاتمہ کیا جائے۔انھوں نے کہاکہ لطیف آباد ،کوہسار ،سائٹ و د یگر علاقوں میں قبضہ مافیا سرگرم ہے اور ان کے خلاف کسی بھی سطح پر قانونی کارروائی نظر نہیں آرہی ہے جو حکومت کی جانب سے عوام کو جرائم پیشہ افراد کے رحم وکرم پر چھوڑنے کا عملی ثبوت ہے ۔انھوں نے کہاکہ حق پرست قیادت عوامی و سرکاری زمینوں پر قبضے کے خاتمے کےلئے ہر سطح پرآواز بلند کریگی اور حیدرآبادکو ان جرائم پیشہ افراد سے پاک کرکے ہی دم لے گی۔ انھوںں نے کہاکہ انتظامیہ کی آشیر باد کے بنا یہ ممکن نہیں کہ جرائم پیشہ افراد عوامی و سرکاری زمینوں پر قبضہ کریںاس لیے انتظامیہ میں موجود کرپٹ افسران کو چاہئیے کہ وہ اپنا قبلہ درست کریںاور جلد سے جلد قبضہ مافیا کی سرپرستی بند کریں۔

حیدر آباد: جمعیت علماءپاکستان کے صدر ڈاکٹر صاحبزادہ ابوالخیر محمد زبیر نے کہا ہے کہ عقیدہ ختم نبوت کے تحفظ کے لیے کسی قر بانی سے دریغ نہیں کریںگے۔ مسلمان کی اولین ذمہ داری ہے کہ وہ عقیدہ ختم نبوت ﷺ کے تحفظ کے لیے جرات مندانہ کردار ادا کرے۔انھوں نے کہا کہ فتنہ قادیانیت کی مکروہ سازشوں کا مقابلہ کرنے کے لیے جذبہ عشق رسول ﷺ سے سرشار عاشقان مصطفی ہر وقت تیار ہیں ہمارے قائد علامہ شاہ احمد نورانی نے قادیانیوں کو غیر مسلم اقلیت قرار دلواکر مقام مصطفی ﷺ کا تحفظ کیاوہ محافظ ختم نبوت ﷺ پاکستان کے مرکزی امیر علامہ محمد اعظم علی نعیمی کی قیادت میں لاہور سے آئے ہوئے وفد سے گفتگو کررہے تھے، وفد میں محمد عثمان غنی قادری ،محمد نوشاد بھی شامل تھے۔صاحبزادہ زبیر نے کہا کہ 7ستمبر1974ءکو پاکستان کی پارلیمنٹ نے مشترکہ طور پر عقیدہ ختم نبوت ﷺ کے تحفظ کا بل منظور کر کے قادیانیوں کو غیر مسلم اقلیت قرار دیا بیرونی ایجنڈے پر قادیانی فتنہ آج بھی اپنی تبلیغی سرگرمیاں جاری رکھے ہوئے حکومت پاکستان قادیانیوں کی غیرآئینی سرگرمیوں کا نوٹس لے کیونکہ وہ اسلامی شعاعر کو استعمال کر کے مسلمانوں کو دھوکہ دے کر اپنے مکروہ نظریات کو فروغ دے رہے ہیںاس کافوری سدباب کیا جائے۔ انھوں نے کہا کہ حضور ﷺ ساری کائنات کے نبی ہیں آپ کے بعد نبوت کا دروازہ ہمیشہ ہمیشہ کے لیے بند ہو چکا ہے جھوٹے نبوت کے دیدار کذابوں کے خلاف عاشقان مصطفی ﷺ سیسہ پلائی ہوئی دیوار بن جائیں قادیانیوں کو کلیدی عہدوں سے فوری طور پر ہٹایا جائے اور ان کی مکروہ تبلیغ سرگرمیوںاور لٹریچر پر پابندی عائد کی جائے اگر حکومت پاکستان نے اس سلسلے میں کسی غیر ذمہ داری کا مظاہرہ کیا تو پاکستان کے غلامان رسول ﷺ سر سے کفن باندھ کر عقیدہ ختم نبوت کا تحفظ کریں گے۔ محافظ ختم نبوت ﷺ پاکستان کے امیر نے صاحبزادہ ابوالخیر محمد زبیر کو 6سمبر کو لاہورمیں ہونے والی ختم نبوت کانفرنس کی دعوت دی ۔

حیدر آباد: جماعت اسلامی ضلع حےدرآبادکے جنرل سیکریٹری حافظ طاہرمجیدراجپوت نے کہاہے کہ حےدرآبادکے تمام سرکاری اسپتال حکومت کی عدم دلچسپی کی وجہ سے کرپشن مےں ملوث ہےں ۔مریضوں کومختص بجٹ کے مطابق بھی سہولیات میسر نہیں ہےں ۔سِول اسپتال ،بھٹائی اسپتال ،نورانی بستی پریٹ آباد،پھلیلی ودیگر اسپتال اورڈسپنسریوں مےں مریضوں کے لیے سہولیات ناکافی ہےں۔متعلقہ طبی آلات،ادویات ، پینے کاپانی ،واش روم ،بستراوربینچوں کی کمی ہے بعض ضروری مشینری وآلات سرے سے موجودہی نہیں ہے۔ سرکاری اسپتالوں کوشعبہ صحت کی جانب سے بجٹ کم ملتاہے اور ان اسپتالوں کے لیے مختص فنڈزکاایک بڑاحصہ خردبرداور کرپشن کی نذرہوجاتاہے ، چیک اینڈ بیلنس اور آڈٹ نہ ہونے کے سبب کرپشن پھل پھول رہی ہے یہی وجہ ہے کہ تمام مقامی سرکاری اسپتالوں مےں مریضوں کاکوئی پرسان حال نہیں ہے۔ڈاکٹر جو نسخے مریضوں کوتجویزکرتے ہےں اس کے مطابق مریضوں کوادویات اور سہولت نہیں دی جاتی ۔سِول اسپتال مےںآنے والے مریض نہ صرف حےدرآبادسے تعلق رکھتے ہےں بلکہ اندرون سندھ سے بھی سول اسپتال سے رجوع کرتے ہےںلیکن یہاں ان کے لیے بنیادی سہولت تک نہیں دی جاتی ہے۔انھوں نے کہاکہ صوبائی حکومت سرکاری اسپتالوں کی حالت زار کانوٹس لے ،فنڈزاور عملے کی کمی دورکرے اور مختص فنڈزکاآڈٹ کرایاجائے تاکہ شہریوں کوسرکاری اسپتالوں سے مناسب ریلیف مل سکے۔

حیدر آباد: سندھ نےشنل پارٹی کے چےئرمےن امےر بھنبھرونے کہا ہے کہ سندھ مےں خراب حالات کی ذمہ دارتارکےن وطن اور دےگر صوبوں سے آنے والے لوگ ہےں اگر پنجاب پولےو کو جواز بناکر دےگر صوبوں سے آنے والے لوگوں کو پولےو وےکسےنےشن سرٹےفےکٹ کے بغےر پنجاب داخلے پر پابندی عائد کرسکتا ہے تو سندھ حکومت بھی امن وامان اور روزگار کو موجودہ صورتحال کو دےکھ کر دےگر صوبوں کے لوگوں کی سندھ مےں داخلے پر پابندی لگائے اور کام کی نےت سے آنے والے لوگوں کو ورک پرمٹ کے بغےر سندھ مےں داخل نہ ہونے دےاجائے۔سندھ نےشنل پارٹی کے چےئرمےن امےر بھنبھرو،مرکزی رہنماءاشرف نوناری دلشاد بھٹو،ڈاکٹر عظمی جوکھےوودےگر نے کہا کہ حکومت پنجاب کی جانب سے پولےو وےکسےنےشن سرٹےفکےٹ کے بغےر دےگر صوبوں کے لوگوں کی پنجاب داخلے پر پابندی لگانے سے ظاہر ہوگےا کہ پنجاب چھوٹے صوبوں کے عوام کو کچھ نہےں سمجھتا ،وہ کل بھی مظلوم قوموں پر مسلط تھا اور آج بھی ہے ،پنجاب کی بالادستی ملک کو تباہ کردے گی۔ انھوں نے کہاکہ سندھ مےں سب سے بڑا مسئلہ تارکےن وطن کی بڑھتی ہوئی آباد کاری کا ہے۔ سندھ مےں غےر سندھےوں کی ےلغار سے سندھ دنےا کا بےن الااقوامی ےتےم خانہ بناہواہے،جہاں کروڈوں سے زائد تارکےن وطن غےر قانونی پر مقےم ہےں،جن کی وجہ سے سندھ مےں بدامنی ،منشےات اور اسلحے کے کاروبار مےں اضافہ ہوا ہے ، تارکےن وطن کی آبادی کی وجہ سے سندھی قوم اپنی ہی دھرتی پر اقلےت مےں تبدےل ہورہی ہے حکومت سندھ فوری طور پر سندھ مےں امن وامان کی بحالی اور سندھ کے وسائل پر سندھےوں کی ملکیت کی خاطر سندھ مےں رہنے والے بہارےوں،بنگالےوں ، برمےوں،افغانےوں سمےت دےگر صوبوں کے لوگوں کو سندھ سے نکالے اور سندھ مےں کام کی نےت سے آنے والے لوگوں کو ورک پرمٹ جاری کرے جس سے نہ صرف سندھ مےں نہ صرف امن وامان بحال ہوگا بلکہ سندھی قوم اپنے وسال کو بہتر استعمال کرسکتی ہے ۔

حیدر آباد: ٹنڈو محمد خان میں ثقافتی کھیلوں سے آنے والے وقتوں میں اچھے کھلاڑی سامنے آئیں گے جو اپنے شہر اور ملک کا نام روشن کریں گے صحت مند معاشرے کے قیام کے لئے کھیلوں کے مقابلے ضروری ہیں ۔ان خیالات کا اظہار اسپورٹس آرگنائزر سماجی رہنما اصغر علی بھٹی نے آل سند ھ کوڈی کوڈی کیمپیٹشن کے اختتام پرٹنڈو غلام حیدر میں منعقدہ اختتامی تقریب سے خطاب کرتے ہوئے کیا، اس موقع پر ڈسٹرکٹ اسپورٹس آفیسر ٹنڈو محمد خان عقیل احمد نے کہا کہ کھیلوں کے مقابلے صوبائی مشیر کھیل عادل صدیقی اور سیکریٹری اسپورٹس ڈپارٹمنٹ لیق احمدکی ہدایت اور ڈپٹی کمشنر کے تعاون سے منعقد کئے جا رہے ہیں تاکہ ثقافتی کھیلوں کو فروغ حاصل ہواور اچھے کھلاڑی سامنے آئیں اگر ایسوسی ایشن کا تعاون اسی طرح جاری رہا تو ٹنڈو محمد خان میں دیگر کھیلوں کے مقابلے منعقد کئے جائیں گے ،اس موقع پراحمد نواز ، سند ھ اسپورٹس بورڈ کے مظہر خاصخیلی ، عامر کفایت ، سندھ ملھ ایسوسی ایشن کے سیکریٹری علی نواز پھنور کے علاوہ کھلاڑیوں اور شائقین کی کثیر تعداد موجود تھی ،آخر میں مہمان خصوصی اصغر علی بھٹی ،عقیل احمد، نے ونر ٹرافی او رنقد انعا م ٹنڈو غلام حیدر کے لالو خاصخیلی ،رنر ٹرافی نقد انعام ٹنڈ محمد خان کی ٹیم کے کپتان یحیی کو کو،تھرڈ پوزیشن بلڑی شاہ کریم کی ٹیم نے حاصل کی۔