دبئی: اسٹا ر بیٹسمین کرس گیل کہتے ہیں آئی پی ایل میں کیرون پولارڑ اور مچل اسٹارک کے درمیان ہونے والا تلخ جملوں کا تبادلہ جیسے واقعات کرکٹ میں ہوتے ہیں۔رائل چینلجر بنگلور اور ممئی انڈینز کے درمیان میچ کے دوران ممبئی کے پولارڑ اور چیلنجر زکے اسٹارک کے درمیان تلخ جملوں کا تبادلہ ہوا تھا جبکہ پولارڑ نے اپنا بلا اسٹارک کی جانب اچھال دیا تھالیکن گیل کا کہنا ہے کہ اس طرح کے واقعا ت کرکٹ میں وقوع پذیر ہوتے ہیں۔ گیل کا کہنا تھا کہ یہ ایک سنسنی خیز میچ تھا جس میں دونوں ٹیمیں دو پوائنٹ کے حصول کے لیے سر دھڑ کی بازی لگارہے تھےں،انھوں نے کہا یہ واقعہ بھی اسی کا شاخسانہ تھا اور یہ چیزیں کرکٹ میں ہوتی رہتی ہیںیہ پہلی یا آخری دفعہ نہیں ہوا۔یہ ایک ناخوشگوار واقعہ تھا جس میں پولارڑ نے سخت رویہ اپنا تے ہوئے اسٹارک کی طرف بیٹ پھینک دیا لیکن خوش قسمتی سے بیٹ ٹرف پر گرا جبکہ ایمپائر ایس روی ، کے سری ناتھ اور ویرات کوہلی نے بیچ بچاﺅ کر الیا اورگیل نے کیرن پولارڑ کو سمجھایا بجھایااور غصہ ٹھنڈا کر ادیا۔ پچھلے کچھ عرصے کے دوران ویسٹ انڈیز او ر آسٹریلیا کے کھلاڑیوں کے درمیان اس قسم کے جملوں کا تبادلہ ہوتا رہا ہے لیکن گیل کا کہنا ہے کہ یہ آئی پی ایل میں کھیل کے دوران گیم دلچسپی کے باعث ہے دونوں ممالک کے کھلاڑیوں کے درمیان کوئی عناد نہیں ہے ۔

میرپورخاص: ہیپاٹائٹس کے حوالے سے آگہی کے لیے میر پورخاص میں سیمینار کا انعقاد کیا گیا ۔سیمینار کا مقصد لوگوں کو ہیپاٹائٹس سے آگاہی فراہم کرنا تھا۔پروگرام منیجر ظہور بلوچ نے ہیپاٹاٹس کے حوالے سے لوگوں میں آگاہی فراہم کرنے کے حوالے سے ڈسٹرکٹ ہیلتھ آفس میں سیمینار سے خطاب کرتے ہوئے کہا کہ ریسرچ کے مطابق ہیپاٹاٹس کے 30 لاکھ مریض موجودہیں ۔مریضوں کو آگاہی دی جائے کہ اس بیماری کا علاج کہاں کہاں ہورہا ہے ۔لوگوں کو معلومات فراہم کی جائے کہ یہ بیماری کیسے پھیلتی ہے اور اس کو کیسے کنٹرول کیا جاسکتا ہے جو مریض موجودہیں ان کا علاج ہونا چاہئے اور دوسروں کو ہیپاٹائٹس سے بچاو کے معلومات فراہم کی جائے۔انھوں نے کہاکہ اب تک 70لاکھ لوگوں کو ہیپاٹاٹس بی سے بچاو کے ٹیکے لگائے جاچکے ہیں اور ایک لاکھ 70ہزار ہیپاٹاٹس سی کے مریضوں کا علاج کیا جاچکا ہے جبکہ ہزاروں مریضوں کا علاج جاری ہے ۔2250مفت کیمپ میں اسکریننگ کرکے بچاو کے مفت ٹیکے لگائے گئے ہیں۔25ہزار لوگوں کی پی سی آر ٹیسٹ کروائے گئے ہیں، سندھ بھر کے 80سینٹرپر 2کروڑ 8لاکھ سرنجیں فراہم کی جاچکی ہیں۔تقریب میںموجود ڈی ایچ او ڈاکٹر غلام غوث نے کہا کہ ڈاکٹر ظہور بلوچ اپنی ٹیم کے ہمراہ اپنے کام کو بہتر انداز میں کررہے ہیں۔اس دوران میڈیا کوآرڈینیٹر حنا نہال ،ڈاکٹر لیلارام ،ڈاکٹر محمد اشرف،ڈاکٹر غلا م محمد بگھیو ،وائس پریذیڈنٹ محمد عمر کاکا بھی موجو دتھے۔

کراچی: پاکستان ہاکی فیڈریشن کے سیکریٹری جنرل رانا مجاہد علی نے کہا ہے کہ 2020ءتک ویژن ٹوئنٹی ٹوئنٹی کا پروگرام تربیت دیدیا ہے۔ کراچی پریس کلب کے میں صحا فیوں سے صحافیوں سے گفتگو کرتے ہوئے انھوں نے کہا کہ ویژن ٹوئنٹی ٹوئنٹی سمیت قومی اداروں میں قومی کھیل کی ٹیموں کی بحالی اور جونیئرز کی سطح پر ڈومیسٹک ٹورنامنٹ کا انعقاد بھی شامل ہے جبکہ پاکستان ہاکی فیڈریشن کے تحت آل پاکستان انٹراسکول ہاکی ٹورنامنٹ بھی منعقد کیا جائیگا۔سینئرز کے ساتھ جونیئر ہاکی پر بھی خاص توجہ دی جائیگی جس کیلئے ہم نے دو جونیئر ہاکی ٹیموں کی تشکیل کا پلان بنایا ہے کیونکہ جونیئر ہاکی ورلڈکپ چار سال کے بجائے ہر دوسال بعد ہونے کی وجہ سے یہ فیصلہ کیا گیا ہے۔ رانا مجاہد نے کہا کہ ویژن ٹوئنٹی ٹوئنٹی پروگرام کے وہ خود نگراں ہونگے جبکہ اولمپئن طاہر زمان کوچزکے سربراہ ہونگے اس پروگرام کے تحت پاکستان میں10 ڈومیسٹک ہاکی ٹورنامنٹ منعقد کرنے کا پلان تیار کیا گیا ہے جس میں6کا انعقاد لازمی ہوگا، ٹیموں کی زیادہ تعداد میں شرکت کو یقینی بنانے کیلئے پاکستان کے بڑے ادارے، آرمی، پی آئی اے ، واپڈا اور سوئی گیس سے درخواست کی جائیگی کہ وہ ہر ایونٹ میں اپنی دو ٹےموں کو حصہ لینے کا پابند کریں۔ رانا مجاہد علی نے کہا کہ فیڈریشن کو سالانہ50 کروڑ فنڈز کی ضرورت ہے جس کے لیے ہم نے بین الصوبائی رابطہ کے وزیر ریاض حسین پیرزاد، سیکریٹری اعجازچوہدری اور پاکستان اسپورٹس بورڈ کے ڈائریکٹر جنرل اخترنواز گنجیرا سے ملاقاتیں کی ہیں اور انھوں نے قومی بجٹ میں ہاکی کیلئے مذکورہ فنڈز کو مخصوص کرانے کیلئے یقین دہانی کروائی ہے، فنڈز کی فراہمی کیلئے ایازصادق اور شہبازشریف نے بھی فیڈریشن سے تعاون کیا ہے۔ انھوںنے کہا کہ جب ہاکی فیڈریشن کے سیکریٹری کا عہدہ سنبھالا تھا تو فیڈریشن شدید مالی بحران کا شکار اور تنقید کی زد میں تھی قومی اولمپئنز دو دھڑوں میں منقسم تھے ہم قومی ہاکی کی بہترین کیلئے اپنے سنیئرزکو عزت دی انہیں فیڈریشن میں لائے اور انہیں اپنے کام میںبا اختیار کیا اب فیڈریشن کے معاملات سب کی مشاورت سے طے کئے جارہے ہیں، فیڈریشن نے مشکل مرحلہ طے کرلیا ہے حالات بدل چکے ہیں اب فیڈریشن بہتری کی رواں دواں ہے، فیڈریشن کو فنڈز کی فراہمی شروع ہوگئی ہے جس میں مزید بہتری کی گنجائش ہے۔