کراچی (پی پی آئی)پنجاب پولیس کو سنگین جرائم میں مطلوب ملزم کو کراچی ایئرپورٹ سے گرفتار کر لیا گیا۔پی پی آئی کے مطابق ملزم بین الاقوامی پرواز کے ذریعے فرانس جا رہا تھا، ایف آئی اے امیگریشن نے روانگی سے قبل ہی اس کو حراست میں لے لیا۔ایف آئی اے نے ملزم کو تھانے منتقل کر دیا، ملزم کے خلاف قتل، اقدام قتل اور دہشتگردی کی دفعات کے تحت مقدمہ درج تھا۔
تنخواہیں نہ ملنے پر جناح پوسٹ گریجوئٹ کے ُطلباءکا پریس کلب کے باہر احتجاجی مظاہرہ
سابق بھارتی کر کٹرز کا دھونی سے استعفیٰ کا مطالبہ
بگ تھری نے پاکستان کو بگ فور کی دعوت دی تھی : نجم سیٹھی
باکسنگ چمپئین شپ : جاپان کے اکیرا یا گشی کامیاب
آئی سی سی ٹی ٹوئنٹی رینکنگ: سری لنکا نے بھارت سے پہلی پوزیشن چھین لی
آئی سی سی ورلڈ ٹی ٹوئنٹی 2014ءٹیم آف دی ٹور نامنٹ کا اعلان
تازہ ترین خبریں
- April 22, 2026
اشتہار
تازہ ترین
رواں سال کا دوسرا اور آخری سورج گرہن 14 اکتوبر کو، نظارہ پاکستان میں نہیں کیا جا سکے گا
کراچی (پی پی آئی)رواں سال کا دوسرا اور آخری سورج گرہن 14 اکتوبر کو ہوگا۔محکمہ موسمیات کے مطابق 14 اکتوبر کو پاکستانی وقت کے مطابق رات 8 بج کر 4 منٹ پر گرہن کا آغاز ہوگا، رات 10 بجکر 59 منٹ پر اپنے عروج پر ہوگا جبکہ 15 اکتوبر پاکستانی وقت کے مطابق شب ایک بجکر 55 منٹ پر اس کا اختتام ہوگا۔پی پی آئی کے مطابق سورج گرہن کا نظارہ پاکستان میں نہیں کیا جا سکے گا۔محکمہ موسمیات کا کہنا ہے کہ سورج گرہن جنوب مغربی میکسیکو، وسطی امریکا کے مختلف ممالک میں دیکھا جا سکے گا جبکہ وسطی کولمبیا اور شمالی برازیل میں بھی اس کا نظارہ کیا جا سکے گا۔
کراچی میں اغوااور بھتہ خوری کی وارداتوں میں ملوث پولیس اہلکار گرفتار
کراچی (پی پی آئی) کراچی پولیس نے اغوااور بھتہ خوری کی وارداتوں میں ملوث ایک اہلکار کو گرفتار کر لیا۔پولیس کے مطابق اہلکار بابر نے ساتھی اہلکار عثمان کے ساتھ مل کر گزشتہ ماہ رکشہ ڈرائیور کو لوٹا تھا، دونوں اہلکار ٹیپو سلطان تھانے میں تعینات اور صدر میں وارداتیں کرتے تھے، پی پی آئی کے مطابق ملزمان نے ایف ٹی سی کے قریب سے رکشہ ڈرائیور کو نامعلوم مقام پر لے جا کر 30 ہزار روپے بھتہ لیا تھا۔ملزم کے ساتھی عثمان کی گرفتاری کی کوشش کی جا رہی ہے، ملزمان کیخلاف مقدمہ درج کر کے محکمانہ کارروائی کی جا رہی ہے۔
تلاش کریں
خبریں
تنخواہیں نہ ملنے پر جناح پوسٹ گریجوئٹ کے ُطلباءکا پریس کلب کے باہر احتجاجی مظاہرہ
(April 8, 2014)
کراچی: جناح پوسٹ گریجویٹ سینٹر کے طلباءکی جانب سے 6 ماہ کی تنخواہیںنہ ملنے پر کراچی پریس کلب کے باہر احتجاجی مظاہرہ کیاگیا۔طلباءکا کہنا تھا کہ پانی اور تحفظ جیسے بنےادی ضرورےات نہ ملنے کے با وجودوہ اپنے فرائض سر انجام دے رہے ہیں۔ ان کے مطابق ہمارے وظائف روکنے کے ذمہ داری سیکرٹری صحت سندھ ڈاکٹر اقبال درانی ا ور اے ،جی سندھ پرعائد ہوتی ہے۔اس سے پہلے بھی ہماری تنخوہیں روکی گئی تھیں جو بھر پور احتجاج کے بعد جاری کر دی گئیں ۔طلبہ نے وزےر اعلیٰ قائم علی شاہ ، گورنر سندھ عشرت العباد سمیت تما م اعلیٰ حکام سے فوری طورپر مطالبات پورے کرنے کی درخواست کی ۔ طلباءکا کہنا تھا کہ اگر 24 گھنٹوں کے اندر مطالبات تسلیم نہ ہوئے تو اوپی ڈیز سمیت تمام محکموںپر کام بند کرتے ہوئے کراچی پریس کلب کے باہر احتجاج جاری رکھےںگے۔
سابق بھارتی کر کٹرز کا دھونی سے استعفیٰ کا مطالبہ
(April 7, 2014)
نئی دہلی: بھارت کے سابق کرکٹرز نے ٹی 20 ورلڈ کپ کے فائنل میں سری لنکا کے ہاتھوں شکست کے بعد کپتان مہندرا سنگھ دھونی سے مستعفی ہونے کا مطالبہ کردیا۔سابق کھلاڑیوںونود کامبلی، سارو گنگولی، اظہرالدین، نوجوت سنگھ سدھو، پربھارکر، کپیل دیو کا کہنا ہے کہپورے ٹورنامنٹ میں ناقابل شکست رہنے والی بھارتی ٹیم سے فائنل میں اس سے اس طرح کی کارکردگی کا وہم و گمان بھی نہیں تھا۔ ایسا لگ رہا تھا کہ بھارتی ٹیم کسی منصوبہ بندی کے تحت گراﺅنڈ میں نہیں اتری بلکہ وہ پہلے ہی شکست خوردہ ذہن کی ساتھ میدان میں آئی۔ بھارتی کرکٹ بورڈ کو اس شکست کے بعد اپنی ٹیم کے بارے میں سنجیدگی سے سوچنا ہوگا۔ بہتر یہی ہے کہ دھونی کو کپتانی سے ہٹاکر ویرات کوہلی یا کسی اور کو یہ ذمہ داری سونپی جائے۔
بگ تھری نے پاکستان کو بگ فور کی دعوت دی تھی : نجم سیٹھی
(April 7, 2014)
لاہور: چئیرمین پی سی بی نجم سیٹھی نے کہاہے کہ کرکٹ کے بگ تھری ممالک نے پاکستان کو بگ فور بنانے کی دعوت دی تھی لیکن سابق انتظامیہ نے انکار کر کے ملک کا نقصان کیا۔ دبئی میں آئی سی سی کے اجلاس میں شرکت کے لیے روانگی سے قبل لاہور ائرپورٹ پر میڈیا سے گفتگو کرتے ہوئے نجم سیٹھی کا کہنا تھا کہ2020ءتک بھارت کے علاوہ تمام ممالک سے دورے طے ہو چکے ہیں۔ ملکی کرکٹ کے فروغ کے لیے بھارت سے کرکٹ کی بحالی بہت ضروری ہے، جس کے بغیر پیسہ نہیں بن سکتا۔ انھوں نے کہا کہ بگ تھری کا منصوبہ ان کے سامنے بنا پاکستان کو بگ فور کی پیش کش کی گئی تھی لیکن میرے بعد آنے والی انتظامیہ نے اسے رد کر دیا۔ بگ فور بنتا تو پاکستان کو ہر صورت میں بہت فائدہ ہوتا۔ اب آئی سی سی کو پاکستان کی کوئی ضرورت نہیں رہی۔ ان کا کہنا تھا کہ حفیظ نے کپتانی چھوڑ کر اچھی مثال قائم کی ہے نئے کپتان کی سلیکشن میں ابھی بہت وقت ہے، ٹیم سلیکشن میں کسی قسم کی سفارش برداشت نہیں کروں گا۔ نجم سیٹھی نے کہا کہ میں خود جائزہ لے کر کپتان اور کوچ کا انتخاب کروں گا۔ ٹیم میں کسی قسم کی گروپ بندی نہیں ، حفیظ اور مصباح کی قیادت میں ٹیم متحد رہی۔
باکسنگ چمپئین شپ : جاپان کے اکیرا یا گشی کامیاب
(April 7, 2014)
ٹوکیو: جاپان میں منعقد باکسنگ کے مقابلے میں جاپانی باکسر آکیرا یاگشی نے زبردست مقابلے کے بعد میکسیکو کے باکسر کو شکست دے دی۔جاپان کے دارالحکومت ٹوکیو میں ہونے والے باکسنگ مقابلے میں ورلڈ باکسنگ کونسل کے فلائی ویٹ چیمپئن جاپان کے اسٹار باکسر آکیرا یاگشی نے ایک شاندار مقابلے کے بعد اپنے حریف باکسر میکسیکوکے اوڈیلون زلاتا کو شکست دے کر فتح اپنے نام کی۔ اس موقع پر مقابلے میں ورلڈ باکسنگ کونسل کے چیئرمین موریشو سلیمان بھی موجو د تھے، موریشو نے مقابلے کو سپروائز کیا۔ چیلنج مقابلے میں جاپان کے باکسر آکیرا یاکشی نے مقابلے میں اپنے حریف میکسیکن باکسر اوڈیلون پر تابڑ توڑ حملے کئے اور پوائنٹس ٹیبل پر زیادہ پوائنٹ حاصل کئے۔ دونوں باکسرز نے انتہائی زبردست کھیل پیش کیا لیکن ریفریز کے فیصلے کے مطابق جاپانی باکسر اکیرا یاگشی کو مقابلے کافاتح قرار دیا گیا ۔
آئی سی سی ٹی ٹوئنٹی رینکنگ: سری لنکا نے بھارت سے پہلی پوزیشن چھین لی
(April 7, 2014)
دبئی: آ ئی سی سی نے ٹی ٹوئنٹی کی تازہ رینکنگ جاری کر دی ، سری لنکا نے بھارت سے ورلڈ کپ کے ساتھ ساتھ پہلی پوزیشن بھی چھین لی،پاکستان تیسری پوزیشن میں پہنچ گیا۔آئی سی سی کی جانب سے جاری کردہ ٹی ٹوئنٹی رینکنگ میں سری لنکا 133 پوائنٹس کے ساتھ پہلے نمبر پر آ گیا انفرادی کار کردگی میں ویرات کوہلی نے کیرئر کی بہترین رینکنگ حاصل کر لی ۔ بھارت ایک درجہ تنزلی کے ساتھ دوسرے نمبر پرا ٓگیا۔ پاکستان کی 120 پوائنٹس کے ساتھ تیسری پوزیشن برقرار ہے۔ کھلاڑیوں کی انفرادی درجہ بندی میں آسٹریلیا کے ارون فنچ بیٹنگ میں سرفہرست ہیں، ٹی ٹوئنٹی کپ میں بہترین کھلاڑی کا اعزاز پانے والے بھارت کے ویرات کوہلی ایک درجہ ترقی کر کے دوسری پوزیشن پر پہنچ گئے ہیں، پاکستان کے احمد شہزاد تین درجے ترقی کے ساتھ آٹھویں نمبر جبکہ عمر اکمل 18 ویں پوزیشن پر پہنچ گئے۔ بھارتی بلے باز یوراج سنگھ 6 درجے تنزلی کے بعد 12ویںنمبر پر پہنچ گئے۔ بولنگ فہرست میں سعید اجمل کی تیسری پوزیشن برقرار ہے۔ ویسٹ انڈیز کے بولر سیموئل بدری پہلی اور سنیل نارائن دوسری پوزیشن پر موجود ہیں، شاہد آفریدی اور محمد حفیظ کی 9 ویں پوزیشن ہے۔ آل راونڈرز کیٹیگری میں محمد حفیظ کا پہلی پوزیشن پر قبضہ برقرار ہے شاہد آفریدی ایک درجہ بہتری کے ساتھ چوتھے نمبر پر ہیں۔
آئی سی سی ورلڈ ٹی ٹوئنٹی 2014ءٹیم آف دی ٹور نامنٹ کا اعلان
(April 7, 2014)
ڈھاکا: آئی سی سی نے ٹی ٹوئنٹی ورلڈ کپ 2014ءکی ٹیم آ ف دی ٹورنامنٹ کا اعلان کر دی۔ آئی سی سی ایلیٹ پینل کے ایمپائر ڈیوڈ بون کی سر براہی میں ایمپائر مارئیس ایراسموس ، سابق پاکستانی کپتان وسیم اکرم ، ناصر حسین ، آئی این بشپ اور اتھپال شیوورو پر مشتمل جیوری نے ورلڈ ٹیم مینز اور وومنز آف ٹی ٹوئنٹی 2014کا اعلان کر دیا ۔منز ٹیم آف ٹی ٹوئنٹی میںبھارتی کپتان مہندرا سنگھ دھونی کو ورلڈ الیون کا کپتان مقرر کر دیاگیا ،ٹیم میں بھارت کے چار کھلاڑی ، جنوبی افریقا اور ویسٹ انڈیز کے دو دو جبکہ آسٹریلیا ،نیدرلینڈ اور سری لنکا سے ایک ایک کھلاڑی کا انتخاب کیا گیاہے۔ خواتین ٹیم کی کپتانی انگلینڈ کی سی ایڈورڈز کو دی گئی ہے۔ دیگر کھلاڑیوں میں ورلڈ چمپیئن آسٹریلیا کی دو ، انگلینڈ کی چار،ویسٹ انڈیز کی دواور نیوزی لینڈ، بنگلہ دیش اور بھارت کی ایک کھلاڑی کو ورلڈ ٹی ٹوئنٹی ٹیم آف 2014ءمیں شامل کر لیاگیا ہے۔