لیزبن: فن لینڈ کے میکو ہروونن نے پرتگال ورلڈ کار ریلی کے دوسرے روز زبردست ڈرائیونگ کے ساتھ برتری حاصل کر لی۔پرتگال کے پرخطر راستوں پر ورلڈ کار ریلی کے دوسرے روز بھی دلچسپ مقابلے ہوئے۔دشوار راستوں پر ہونیوالی ریس کے دوران کئی گاڑیوں کو حادثات کا سامنا بھی کرنا پڑا ، مشکل حالات میں ڈرائیونگ میں ناکام ہونیوالوں میں ویلز کے ایونز ، پولینڈ کے رابرٹ کیوبیکا اور فن لینڈ کے ماتا شامل ہیں،دوسرے دن کے ایونٹ میں فن لینڈ کے میکو نے زبردست ڈرائیونگ کرتے ہوئے پہلی پوزیشن اپنے نام کی۔ایونٹ میں مجموعی طور پر ورلڈ چیمپئن سیباسٹین اوگئیر کا ٹاپ پوزیشن پر قبضہ برقرار ہے جبکہ ہروونن3 اعشاریہ 7 سیکنڈ کے فرق سے دوسرے نمبر پر موجود ہیں۔ورلڈ کار ریلی کے تیسرے روز ڈرائیورز 150 کلومیٹر کا فاصلہ طے کریں گے۔

کراچی: دنیا بھر کا تقریباً پچاس فیصد حصہ مچھروںکی وجہ سے ہونے والی بیماریوں کے خطرے سے دوچار ہے۔ ڈاﺅ یونیورسٹی آف ہیلتھ سائینسز کے عالمی یوم صحت کے حوالے سے آگاہی کے سیمینار سے اظہار خیال کر تے ہوئے ماہرین کا کہنا تھا کہ دنیا بھرکا تقریباً 50فیصدحصہ مچھروں کی وجہ سے ہونے والی بیماریوںکے خطرے سے دوچار ہے،ا یسی بیماریوں سے سالانہ ایک ملین سے زائد افراد موت کا شکار ہوجاتے ہیں، تقریباً 100 ممالک میں 2.5 ارب افراد صرف ڈینگی کے خطرے سے دوچار ہیں،2010 سے پاکستان میں مچھروں کے کاٹنے سے ہونے والی بیماریوں کی شدد میں اضافہ ہوا۔ اس صورتحال سے نمٹنے کیلئے ملک کو تکنیکی مدد اور رہنمائی کے ساتھ ساتھ موثر طریقکار کی اشد ضرورت ہے، اس سال عالمی یوم صحت کے دن کا موضوع مچھروںکی وجہ سے ہونے والی بیماریوں کی روک تھام اور کنٹرول کرنا ہے۔ ڈاﺅ یونیورسٹی کا اس آگاہی سیمینار کے انعقاد کا مقصد عوام کی صحت کے مسائل کو اجاگر کرنااور معاشرے کے تعلیم یافتہ نوجوانوں میں بیداری پیداکرنا ہے تاکہ کمیونٹی میں بیماریوں سے بچاﺅ کے احتیاطی پیغام پھیلائیں۔ ماہرین میں ڈاﺅ میڈیکل کالج کے سابق پرنسپل پروفیسر الہی بخش سومرو، ڈاﺅ یونیورسٹی کے پرو وائس چانسلر پروفیسر عمر فاروق، اسکول کو پبلک ہیلتھ کے وائس ڈین ڈاکٹر کاشف شفیق،پروفیسر شاہین شرافت، پروفیسر رفیق خنانی اور ڈاکٹر اختر علی بلوچ شامل تھے۔اس موقع پر ماہرین نے کہاگذشتہ چند سالوں کے دوران دنیا کے کئی ممالک میں مچھروںکے کاٹنے سے ہونے والی بیماریوں دوبار نمودار ہوئی ہیں اور کئی ممالک میں نئی رپورٹیں سامنے آئی ہیں۔ انھوں نے مزید کہا کہ ان بیماریوں سے بچاﺅ اور ان کے تدارک کیلئے حکومت، ڈاکٹرز،میڈیا،کمیونٹی اور معاشرے کے عام افراد اپنا بھرپور کردار ادا کریں اور لوگوں کو اس بیماریوں سے بچاﺅ اور روک تھام کیلئے احتیاتی تدابیر سے آگاہ کریں۔

اوباڑو: اوباوڑوکے قریب گوٹھ شمش چھپری کے مچھلی کے تالاب سے دےہاتیوں نے سات فٹ لمبا مگر مچھ پکڑ لیا۔ محکمہ وائلڈ لائف انچارج سکھر ریجن غلام مصطفی گڈانی کے مطابق اوباوڑوکے علاقے گوٹھ شمش چھپری میں موجود ایک مچھلی کے تالاب سے دےہاتیوں نے سات فٹ لمبا مگر مچھ پکڑ لیا،مگر مچھ پانی کی کمی کے باعث مچھلی کے تالاب میں گھومتادیکھا جسے دیہاتیوں نے کوشش کرکے اسے اپنے قابومیں کرلیا اور محکمہ وائلڈ لائف کو اطلاع دی جس کے بعد پکڑے جانے والے مگر مچھ کو محکمہ وائلڈ لائف کی ٹیم نے اپنی تحویل میں لے لیا ۔ محکمہ وائلڈ لائف کے مطابق پکڑے گئے سات فٹ لمبے مگر مچھ کو نارہ کینال سکھر میں چھوڑا جائے گا تاکہ اس کی زندگی کو خطرہ لاحق نہ ہو۔

حیدرآباد: جماعت اسلامی ضلع حےدرآبادکے ڈپٹی جنرل سیکریٹری عبدالحمیدقریشی اور جماعت اسلامی زون شرقی کے امیر ڈاکٹراخلاق لودھی نے اپنے ایک مشترکہ بیان مےں کہاہے کہ ددوھ کی قیمت مےں بلاجوازاضافہ شہریوں کے ساتھ ظلم ہے ۔انتظامیہ دددھ کی من مانی قیمت مےں اضافے کے خلاف فوری نوٹس لے ۔انھوں نے کہاکہ دددھ کے ہول سیلر اور ڈیری فارم مالکان کی جانب سے دودھ کی قیمت مےں فی لیٹر 6 روپے کااچانک غیر معمولی اضافہ کردیاہے ۔ ہوشربااضافہ ایک ایسے وقت میں کیاگیاہے جس کاجوازہی نہیں ہے۔ اس کے باوجود6 روپے کے اضافہ کرناکھلی لوٹ مار ہے اور منافع خوری کی بدترین مثال ہے ۔انھوں نے ضلعی انتظامیہ اور پرائس کنڑول کمیٹیوں سے مطالبہ کرتے ہوئے کہاکہ ددوھ کی فی لٹرقیمت مےں اضافہ کرنے والوں کے خلاف سخت اور فوری کارروائی کرےں اور ددوھ کی فروخت سابقہ نرخوں کے مطابق یقینی بنائےں ۔

میر پور خاص: پاکستان رینجرز کے خلاف نازیبا کلمات کہنے اور پوسٹر لگانے پر سندھ پیپلز اسٹوڈنٹس فیڈریشن کے 11 کارکنان کے خلاف مقدمہ درج کر لیا گیا۔تفصیلات کے مطابق چند روز قبل ٹنڈو الہیار میں رینجرز کی جانب سے سپاف کے رہنماجاوید بلوچ کو گرفتار کیا گیا تھا ،جس کے خلاف میرپورخاص میں سندھ پیپلز اسٹوڈنٹس فیڈیریشن کی جانب سے مظاہرہ کیا گیا ، اور الزام لگایا گیا ہے کہ رینجر کے خلاف نازیبا الفاظ کا استعمال کیا گیا، گزشتہ شب ٹاﺅن تھانے پر رینجرز کے سب انسپکٹر باچاخان کی مدعیت میں سپاف کے کارکنوں زبیر خاصخیلی ،راجو عرف فیضان بلوچ ،وقار بلوچ اور دیگر 8نا معلوم افراد سمیت 11 کارکنوں کے خلاف مقدمہ درج کر لیا گیا ہے ،ایف آئی آر میں الزام لگایا گیا ہے کہ مذکورہ ملزمان نے رینجرز کے خلاف نا زیبا کلمات کہے اور پوسٹرز و بینرز آویزاں کئے ۔