اسلام آباد(پی پی آئی)ایڈمرل نوید اشرف نے پاک بحریہ کے 23 ویں سربراہ کی حیثیت سے کمان سنبھال لی۔پاک بحریہ کی تبدیلی کمان کی تقریب پی این ایس ظفر اسلام آباد میں ہوئی۔ پی پی آئی کے مطابق سبکدوش ہونے والے نیول چیف ایڈمرل محمد امجد خان نیازی نے بحریہ کی کمان ایڈمرل نوید اشرف کوسونپی۔ نیوی کے جوانوں نے پاک بحریہ کے نئے چیف کو گارڈ آف آنر پیش کیا۔سبکدوش ہونے والے نیول چیف ایڈمرل محمد امجد خان نیازی نے شرکاسے الوداعی خطاب کرتے ہوئے کہا کہ پاک نیوی کی کمانڈ کرنا میرے لیے بہت بڑا اعزاز تھا، پاک بحریہ پیشہ ورانہ صلاحیتوں کی حامل ہے، پاک بحریہ کا شمار دنیا کی بہترین افواج میں ہوتا ہے۔
میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
ڈس ایبلڈ ون ڈے سیریز : پاکستان کی انگلینڈ کو شکست
وومنز قومی ہاکی چمپیئن شپ کا آغاز
سست اوور ریٹ ، جنوبی افریقی ٹیم پر جرمانہ عائد
ڈاﺅ یونیورسٹی کا تھر کے متاثرین کے لیے امدادی سامان روانہ
تازہ ترین خبریں
- April 22, 2026
اشتہار
تازہ ترین
تیل کی عالمی مارکیٹ کریش،پیٹرول کی قیمت 2 سو روپے کی سطح سے بھی نیچے
کراچی (پی پی آئی)بین الاقوامی منڈی میں خام تیل کی قیمتیں بھی 2 ماہ کی کم ترین سطح پر آ گئی ہیں، دوسری جانب پاکستان میں ڈالر کی قدر میں مسلسل کمی ہو رہی ہے اور پاکستانی روپیہ مضبوط ہو رہا ہے۔پی پی آئی کے مطابقعالمی مارکیٹ میں پیٹرولیم مصنوعات کی قیمتوں میں کمی سے پاکستان میں بھی پیٹرول کی قیمت میں 38 سے 41 روپے کمی کا امکان ہے۔واضح رہے کہ پیٹرول عالمی مارکیٹ میں 12 ڈالر فی بیرل جبکہ ڈیزل 9 ڈالر فی بیرل سستا ہو گیا ہے۔پیٹرول کی قیمت بین الاقوامی مارکیٹ میں 102 ڈالر فی بیرل ہو چکی ہے، اس طرح پاکستانی روپے میں پیٹرول کی فی لیٹر قیمت 182 روپے ہو گئی ہے۔
پاکستان خوردنی تیل درآمد کرنے والا دنیا کا چوتھا بڑا ملک بن گیا
کراچی (پی پی آئی) پاکستان خوردنی تیل درآمد کرنے والا دنیا کا چوتھا بڑا ملک ہے حالانکہ کینولا کے تیل کا معیار عام سرسوں کی نسبت بہت اچھا ہے،ا وطن عزیز میں کینولا کی کاشت کو فروغ دیکر خوردنی تیل کی درآمد پر آنیوالے اخراجات کو کم کیا جا سکتا ہے اور یہ بھی کہ کینولا کو کلر اٹھی اور سیم زدہ زمینوں کے سوا ہر قسم کی زمین پر کاشت کیا جا سکتاہے۔ پی پی آئی کے مطابق محکمہ زرعی توسیع کا کہنا تھا کہ کاشتکارزمین کی تیاری اچھی طرح کریں جس کیلئے3سے4 دفعہ ہل چلا کر سہاگہ چلائیں اور ہائی برڈ اقسام اور منظور شدہ اقسام کا بیج استعمال کریں۔کینولا کا بہترین وقت کاشت یکم تا 30 اکتوبر ہے اور شرح بیج 80فیصد سے زیادہ ہے۔
عمران غلط عزائم کی وجہ سے مشکلات میں، سیاسی انتقام کا نشانہ نہیں رانا ثنا اللہ
اسلام آباد (پی پی آئی) مسلم لیگ ن کے رہنما اور سابق وزیر داخلہ رانا ثنااللہ نے کہا ہے کہ چیئرمین پاکستان تحریک انصاف اپنے غلط عزائم کی وجہ سے مشکلات میں ہیں، وہ کسی سیاسی انتقام کا نشانہ نہیں بن رہے، ان کے خلاف کریک ڈاؤن 9 مئی کے واقعات کے بعد ہو رہا ہے۔پی پی آئی کے مطابق رانا ثنااللہ کا کہنا تھا کہ نواز شریف کے کیسز میں حفاظتی ضمانت لینے کا ارادہ ہے، ان کی حفاظتی ضمانت سے متعلق قانونی ٹیم نے تیاری کرلی ہے، نواز شریف خود پر لگے الزامات کا سامنا کریں گے، 16 ماہ کی مشکلات اور جو کچھ کیا وہ عوام کے سامنے رکھیں گے، ماضی میں بھی نواز شریف نے ملک کو بحران سے نکالا، نواز شریف نے ہمیشہ آخری حد تک کوشش کی کہ ملک کے حالات نہ بگڑیں، انہوں نے ہمیشہ ملک کی بہتری کیلئے کوشش کی ہے۔ عوام کی بڑی تعداد نواز شریف کا استقبال کرے گی، مریم نواز، کیپٹن (ر) صفدر کے کیس کی سماعت ہو چکی، جس میں ضمانت مل چکی ہے۔
تلاش کریں
خبریں
میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
(March 25, 2014)
میامی: انگلینڈ کے لیجنڈری فٹبالر ڈیوڈ بیکھم کا کہنا ہے کہ امریکی ریاست فلوریڈا کے شہر میامی میں بڑے فٹ بال اسٹیڈیم کی تعمیر ان کا خواب ہے ۔ ڈیوڈ بیکھم پر امید ہیں کہ میامی میں ایک بڑے اسٹیڈیئم کی تعمیرکا ان کاخواب ضرور پورا ہوگا، بیکھم کے مطابق اس حوالے سے سامنے آنے والے اختلافات جلد دور کرلئے جائیں گے۔امریکی ریاست فلوریڈا میں میڈیا سے بات کرتے ہوئے بیکھم نے کہا کہ بڑے منصوبوں کی تکمیل کے لئے وقت درکار ہوتا ہے، امریکی سوکر لیگ کو مزید آگے بڑھانے میں یہ اسٹیڈیم ایک تاریخی کردار اداکرے گا۔ مانچسٹریونائیٹڈ اور ریال میڈرڈ کی نمائندگی کرنے والے بیکھم کے مطابق اسٹیڈیم کی تعمیر میں دو سو ملین امریکی ڈالرز سے زائد اخراجات آئیں گے جبکہ پچیس ہزار سے زائد تماشائی یہاں کھیل سے لطف اندوز ہوسکیں گے۔
میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
(March 25, 2014)
میامی: اسپین کے رافیل نڈال اور سوئٹزرلینڈ کے اسٹانسلاس و اورنکا نے میامی ماسٹرز ٹینس ٹورنامنٹ کے چوتھے راﺅنڈ میں جگہ بنا لی۔ میامی میں جاری ایونٹ کے مینزسنگلزکے تیسرے راﺅنڈ میں عالمی نمبر ایک رافیل نڈال نے ازبکستان کے ڈینس اسٹومن کو باآسانی اسٹریٹ سیٹس میں شکست دے کر پری کوارٹر فائنل میں جگہ بنالی۔ نڈال اسٹومن کوایک گھنٹے سے بھی کم وقت میں6-1 اور6-0 سے زیرکیا۔ آسٹریلین اوپن چیمپئین اسٹانسلاس واورنکا کوچوتھے راﺅنڈ تک رسائی کے لیے جدوجہد کرنا پڑی۔ واورنکا نے تیسرے راﺅنڈ میں فرانس کے ایڈورڈ راجر کو7-3 اور 6-4 سے مات دی۔ ٹینتھ سیڈ امریکہ کے جان اسنراسپین کے نکولس الماگرو کو شکست دے کر چوتھے راﺅنڈ میں پہنچ گئے۔ اسنرنیالماگرو کے خلاف 7-5 اور6-3 سے فتح سمیٹی۔
ڈس ایبلڈ ون ڈے سیریز : پاکستان کی انگلینڈ کو شکست
(March 25, 2014)
دبئی: پاکستان ڈس ایبلڈ کرکٹ ٹیم نے انگلینڈ ڈس ایبلڈ کوپہلے ون ڈے میں33 رنز سے ہراکر تین میچز کی سیریز میں ایک صفر کی برتری حاصل کرلی۔ دبئی میں کھیلے جانے والے 40اوورز پر مشتمل ون ڈے میں پاکستان ڈس ایبلڈ نے ٹاس جیت کر بیٹنگ کا فیصلہ کیا اور مقررہ اوورز میں نووکٹوں پر 233رنز بنائے۔ کپتان حسنین عالم نے 95، دانش احمد نے50 قیمتی رنزبنائے۔ جمی ولیمز اور کلم فلائن نے دو دو وکٹیں حاصل کیں۔ جواب میں انگلش ٹیم ہدف کے تعاقب میں نو وکٹوں پر200 رنزبنا سکی۔ کلم فلائن 69 اور جمی 28 رنز بناکرنمایاں رہے۔ عامراحمد، عبداللہ آفریدی، اور راﺅجاوید نے دو دو کھلاڑیوں کوآﺅٹ کیا۔ پاکستان کے حسنین عالم مین آف دی میچ قرارپائے۔
وومنز قومی ہاکی چمپیئن شپ کا آغاز
(March 25, 2014)
کراچی: 28ویں وومنز نیشنل ہاکی چمپیئن شپ آج کرا چی میں شروع ہوگی۔ پاکستان ہاکی فیڈریشن خواتین ونگ کی چیئر پر سن خوش بخت شجاعت کا کہنا ہے کہ فنڈز کی کمی کے باوجو د ایونٹ کا انعقا د کیا جا رہا ہے اور اسے کامیاب بنا دیا جائے گا۔ہاکی کلب آف پاکستان کرا چی میں پریس کانفرنس کر تے ہوئے انھوں نے کہا کہ نیشنل چمپیئن شپ میں ملک بھر سے دس ٹیمیں شر کت کر رہی ہیں ۔ سیکرٹری پی ایچ ایف تنزیلا عامر چیمہ نے اس موقع پر کہا کہ قومی سینئر اور جو نیئر ٹیموں کے لیے غیر ملکی دورے فیوچر پروگرام میں شامل کر دئیے گئے ہیںلیکن ہمارا سب سے بڑا مسئلہ فنڈز کی عدم دستیابی کا ہے ، انھوں نے کہا کہ ایونٹ میں 25لاکھ خرچے کا تخمینہ لگا یا گیا ہے مگر یہ اخراجات کیسے پورے ہوں گے اس سوال کا جواب پی ایچ ایف وومنز ونگ ہی دے سکتی ہے ،چمپیئن شپ کا فائنل 4اپریل کو کھیلا جائے گا ۔
سست اوور ریٹ ، جنوبی افریقی ٹیم پر جرمانہ عائد
(March 25, 2014)
ڈھاکا: جنوبی افریقا کو نیوزی لینڈ کے خلاف سلو اوور ریٹ کی بنا پر جر مانہ عائد کر دیا گیا ۔ ٹی ٹوئنٹی ورلڈکپ کے گروپ میچ میں نیوزی لینڈ کے خلا ف سنسنی خیز مقابلے کے بعد شاندار فتح حاصل کر نے والی جنوبی افریقی ٹیم کو سلو اوور ریٹ پر کپتان کو میچ فیس کا 40فی صد جبکہ بقیہ کھلاڑیوں پر 20فی صد جر مانہ عائد کر دیا گیا ہے ۔ میچ ریفری جواگل سری ناتھ نے آئی سی سی کوڈ آف کنڈکٹ برائے کھلاڑی اور سست اوور ریٹ کے تحت ہر کھلاڑی پر میچ فیس کا بیس فیصد حصہ جبکہ کپتان پراس کا دگنا جر مانہ عائد کر دیا۔ اگر کپتان ڈوپلیسی اگلے بارہ مہینوں کے اندر ٹی ٹوئنٹی میچ میں ایک اور سست اووریٹ کے مر تکب ہوگئے تو انھیں آئی سی سی کوڈ آ ف کنڈکٹ کے مطابق ایک میچ کی پابندی کی سزا دی جائے گی۔
ڈاﺅ یونیورسٹی کا تھر کے متاثرین کے لیے امدادی سامان روانہ
(March 25, 2014)
کراچی: ڈاﺅ یونیورسٹی آف ہیلتھ سائنسز نے تھر میں قحط سالی سے متاثرہ 600 سے زائد خاندانوں کے لئے اسپیشل پارسلز کی صورت میں دو ٹرکوں پر امدادی سامان تھر روانہ کیا۔ پارسلوں میں پکے ہوئے کھانوں کے جدید طرزِ پر محفوظ پیکٹوں کے علاوہ، پانی کی بوتلیں، مویشیوں کیلئے چارہ اور بچوں کیلئے ادویات اور طبی آلات شامل ہیں۔ اس کے علاوہ ڈاﺅ یونیورسٹی نے 40ڈاکٹروں پر مشتمل طبی ماہرین اور پیرامیڈیکل اسٹاف کی ٹیم پہلے ہی تھر روانہ کردی۔یہ امدادی سامان ڈاﺅ یونیورسٹی پاک فوج کے حوالے کرے گی ۔ ڈاﺅ یونورسٹی کے وائس چانسلر پروفیسر مسعود حمید خان کی ہدایت پر ڈاﺅ میڈیکل کالج نے ماہر ڈاکٹروں اور پیرامیڈیکل اسٹاف پر مشتمل ٹیم تھر میں طبی سہولیات کی فراہمی کو یقین بنانے کیے کیمپ قائم کیا ۔ اس موقع پر ڈاﺅ یونیورسٹی آف ہیلتھ سائنسز کے وائس چانسلر پروفیسر مسعود حمید خان نے کہا کہ ہماری طرف سے تھر کے متاثرین کے لیے امداد کا یہ عمل آگے بھی جاری رہے گا۔ انھوں نے عوام سے اپیل کی کہ تھر سے متاثرہ خاندانوں کی جلدازجلدبحالی کے لیے تعاون کریں۔