نیویارک(پی پی آئی)اقوام متحدہ کے پناہ گزینوں کے لیے کام کرنے والے ادارے (یو این ایچ سی آر) نے کہا ہے کہ دنیا بھر میں اپنے گھروں سے جبری بے دخل کیے گئے افراد کی تعداد ریکارڈ 11 کروڑ 40 لاکھ سے تجاوز کرگئی ہے۔پی پی آئی کے مطابق عالمی سطح پر جنگ، ظلم و ستم، تشدد اور انسانی حقوق کی خلاف ورزیوں سے تنگ آکر بے گھر ہونے والے افراد کی تعداد میں اضافہ ہی ہورہا ہے۔ایجنسی نے کہا کہ 2023 کے پہلے 6 ماہ میں اس کے بنیادی محرکات میں یوکرین، سوڈان، میانمار اور جمہوریہ کانگو میں تنازعات، افغانستان میں طویل انسانی بحران اور صومالیہ میں خشک سالی، سیلاب اور عدم تحفظ تھا۔ پناہ گزینوں کی ایجنسی کے سربراہ فلیپو گرانڈی نے کہا دنیا کی توجہ اب غزہ میں انسانی تباہی پر مرکوز ہے لیکن عالمی سطح پر بہت سے تنازعات ہیں یا بڑھ رہے ہیں جو کہ معصوم جانوں کو کھا اور لوگوں کو تباہ کر رہے ہیں۔انہوں نے کہا کہ تنازعات حل کرنے یا نئے تنازعات روکنے میں عالمی برادری کی نااہلی سے نقل مکانی اور بدحالی جیسی مشکلات پیدا ہو رہی ہیں۔
پا ک بھارت ہاکی سیریز چوتھی بارمنسوخ
پاکستان انٹرنیشنل اسکواش سرکٹ ون ناصر اقبال کے نام
ڈاکٹر محمد علی شاہ کے نام سے ایوارڈ کا اجرا
پیریبس ٹینس: ثانیہ مرزا کی جوڈی نے فائنل کے لیے کوالیفائی کر لیا
فٹ بال ورلڈ کپ: ٹکٹوں کی فروخت کے پہلے روز اسی فی صد ٹکٹ فروخت
ٹریفک وارڈن سے جھگڑے سے متعلق قومی کرکٹر عمر اکمل کا کیس خارج
تازہ ترین خبریں
- April 22, 2026
اشتہار
تازہ ترین
کشمیرکالیفٹیننٹ گورنر بننے میں کوئی دلچسپی نہیں: غلام نبی آزاد
سری نگر(پی پی آئی)مقبوضہ کشمیر کے سابق وزیر اعلیٰ اور ڈیموکریٹک پروگریسو آزاد پارٹی کے سربراہ غلام نبی آزاد نے پارٹی کی ریلی سے خطاب کرتے ہوئے کشمیر کے اگلے لیفٹیننٹ گورنر بننے کی ‘افواہوں ‘ کو مسترد کرتے ہوئے کہا کہ انہیں اس میں کوئی دلچسپی نہیں ہے۔ کانگریس کے سابق رہنما نے کہا کہ وہ کسی روزگار کی تلاش میں نہیں، بلکہ وہ جموں و کشمیر کے لوگوں کی خدمت کرنا چاہتے ہیں۔ ریاست میں یہ افواہ ہے کہ غلام نبی آزاد کو جموں و کشمیر کا اگلا لیفٹیننٹ گورنر بنایا جا سکتا ہے۔مقبوضہ کشمیر کے سابق وزیر اعلیٰ غلام نبی آزاد نے کہا”میں لوگوں سے درخواست کروں گا کہ وہ ان افواہوں پر یقین نہ کریں،”
ہمارے وزیراعظم کے امیدوارچوتھی مرتبہ بھی میاں نوازشریف ہی ہوں گے، خواجہ آصف
اسلام آباد(پی پی آئی) مسلم لیگ ن کے رہنما خواجہ آصف نے کہا ہے کہ نوازشریف چوتھی مرتبہ بھی ہمارے وزیراعظم کے امیدوارہوں گے۔ وہ ہمیں الیکشن لڑوانے کیلئے آئے ہیں اور خود بھی الیکشن لڑیں گے۔ گرینڈ ڈائیلاگ الیکشن کے بعد ہونا چاہیے۔پی پی آئی کے مطابق خواجہ آصف کا کہنا ہے کہ نوازشریف نے سیاسی جماعتوں کو بھی بات کرنے کی دعوت دی ہے۔نوازشریف کی تقریر کے تناظر میں ہم سب کو رائٹ سائیڈ پر ہونا چاہیے، اگر سب ملک کے رائٹ سائیڈ پر ہوں تو ساری چیزیں طے ہوسکتی ہیں۔ الیکشن کے بعد گومگو کی کیفیت ختم ہو جائے گی۔ انتخابات ہی مسائل کا حل ہیں۔ خواجہ آصف کا کہنا تھا کہ دو نومبر کو سپریم کورٹ نے الیکشن کمیشن کو بلایا ہے۔ امید ہے کہ اسی دن وہ انتخابات سے متعلق کوئی تاریخ دے دے گا۔
سوشل میڈیا اسٹار زید علی کے والد انتقال کرگئے
اوٹاوا (پی پی آئی)پاکستانی نژاد کینیڈین سوشل میڈیا اسٹار زید علی کے والد انتقال کرگئے ہیں، نامور یوٹیوبر نے سوشل میڈیا پر مداحوں سے اپنے والد کے آخری سفر کے لیے دعاؤں کی درخواست بھی کی۔پی پی آئی کے مطابقانٹرنیٹ پر مزاحیہ ویڈیوز کے ذریعے شہرت حاصل کرنے والے سوشل میڈیا اسٹار نے انسٹاگرام پر اپنے بیٹے اور والد کے ساتھ تصویر شئیر کی جہاں انہوں نے بتایا کہ ان کے والد کا انتقال ہوگیا ہے۔
تلاش کریں
خبریں
پا ک بھارت ہاکی سیریز چوتھی بارمنسوخ
لاہور: بھارتیحکومت کی طرف سے اجازت نہ ملنے پر چوتھی بار پاک بھارت ہاکی سیریز منسوخ ہوگئی۔ بھارتی ہاکی ٹیم نے 28مارچ کو تین ٹیسٹ میچز کی سیریز کھیلنے کے لیے پاکستان کا دورہ جبکہ پاکستان ٹیم نے اپریل کو جوابی دورہ بھارت کرنا تھا مگر ایک بار پھر بھارتی حکومت نے ہٹ دھرمی کا مظاہرہ کرتے ہوئے ہاکی ٹیم کو دورہ پاکستان کرنے کی اجازت نہ دی جس کی وجہ سے چوتھی بار پاک بھارت ہاکی سیریز کو منسوخ کرنا پڑا۔جبکہ دونوں ملکوں کی ہاکی فیڈریشنز دو طرفہ سیریز پر آمادہ تھیں۔
پاکستان انٹرنیشنل اسکواش سرکٹ ون ناصر اقبال کے نام
لاہور: ٹاپ سیڈ ناصر اقبال نے عامر اطلس کو سخت مقابلے کے بعد شکست دیکر پاکستان انٹرنیشنل اسکوائش سرکٹ ون ٹورنامنٹ جیت لیا۔ پنجاب اسکوائش کمپلیکس لاہور میں ہونے والے ٹورنامنٹ کا فائنل ٹاپ سیڈ ناصر اقبال اور عامر اطلس کے درمیان ہوا جو انتہائی سنسنی خیز رہا۔ ناصر اقبال نے سخت مقابلے کے بعد پانچ سیٹ کے میچ میں 3-2 سے کامیابی سمیٹ کر ٹورنامنٹ اپنے نام کیا۔اسکور 11-5، 6-11، 11-4، 11-9 اور11-9 رہا۔مہمان خصوصی پاکستان اسکوائش فیڈریشن کے صدر ائیر وائس مارشل رضی نواب نے انعامات تقسیم کئے۔
ڈاکٹر محمد علی شاہ کے نام سے ایوارڈ کا اجرا
کراچی: سابق صوبائی وزیرکھیل ڈاکٹر محمد علی شاہ مرحوم کی کھیلوں کیلئے خدمات کے اعتراف میں ان کے نام سے ایوارڈ کا اجراءکردیا گیا۔ ڈاکٹر محمد علی شاہ ایوارڈزکے اجراءکی تقریب ڈاکٹرشاہ لوورزفورم کی جانب سے کراچی جیمخانہ میں منعقد کی گئی۔ تقریب میں قومی اسمبلی کے رکن آصف حسنین، اقبال محمد علی، کمشنرکراچی شعیب احمد صدیقی، سابق ٹیسٹ کرکٹراقبال قاسم اورڈاکٹرمحمد علی شاہ کے صاحبزادے ڈاکٹر جنید علی شاہ سمیت کھیلوں سے وابستہ اہم شخصیات نے شرکت کی۔ مقررین نے ڈاکٹر محمد علی شاہ کوان کی خدمات کے اعتراف میں شاندار خراج تحسین پیش کیا۔ منتظمین نے کرکٹ، ہاکی اور دیگر کھیلوں کے آرگنائزرز کو ایوارڈ دئیے۔ دنیا بھر میں چار سو ٹیسٹ کور کرنے والے معروف صحافی قمراحمد، مرزا اقبال بیگ، شاہد ہاشمی، راشد علی صدیقی اور جاوید اقبال کوایوارڈ سے نوازا گیا۔
پیریبس ٹینس: ثانیہ مرزا کی جوڈی نے فائنل کے لیے کوالیفائی کر لیا
انڈین ویلز: پیریبس ٹینس ٹورنامنٹ میں ثانیہ مرزا کی جوڑی نے فائنل کے لیے کوالیفائی کرلیا۔ امریکی ریاست کیلیفور نیامیں جاری پیریبس اوپن ٹینس ٹورنامنٹ میں انڈیا کی ثانیہ مرزا اور ان کے جوڑی زمبابوے کی کارا بلیک نے چین کی جوڈی کو شکست دے کر وومنز ڈبلز کے فائنل کے لیے کوالیفائی کرلیا ۔ سیمی فائنل میں ثانیہ مرزا اور کارابلیک نے چین کی جیزنگ اور جمہوریہ چیک کی لیوسی ہریکا کو 3-6,6-4,اور7-10سے شکست دے دی۔ دوسرے سیمی فائنل کی کامیاب جوڈی سے ان کا فائنل میں مقابلہ ہوگا۔
فٹ بال ورلڈ کپ: ٹکٹوں کی فروخت کے پہلے روز اسی فی صد ٹکٹ فروخت
ریو ڈی جینرو: فٹ بال ورلڈ کپ 2014ءکے ٹکٹوں کی فروخت کے پہلے ہی دن 80فی صد ٹکٹ فروخت کر لیے گئے ۔ فیفا کی گورننگ باڈی کے مطابق ٹکٹوں کی فروخت کے پہلے دن 2لاکھ 84ہزارپانچ سو ٹکٹ فروخت کر لیے گئے ۔ فیفا کے مطابق پہلے روز فروخت کے لیے 3لاکھ 45ہزارٹکٹ پیش کیے گئے تھے جن میں سے اسی فی صد فروخت ہو چکے ہیں۔ٹکٹوں کی خرید سب سے ذیا دہ امریکی شائقین کی ہے جنھوں نے 20ہزار 9سو 81ٹکٹ خریدے جبکہ کولمبیا کے 5ہزار 9سو ایک ، آسٹریلیا کے 5ہزار7سو 93اور ارجنٹائن کے 4ہزار6سو 48شائقین نے ٹکٹ خریدے۔ ٹکٹوں کی فروخت کا یہ مرحلہ یکم اپریل تک جاری رہنے کی توقع ہے ، جبکہ آخری مر حلہ 15اپریل سے شروع ہو جائے گا۔ فٹ بال ورلڈ کپ 2014ءبارہ جون سے 13جولائی تک برازیل میں کھیلا جائے گا۔
ٹریفک وارڈن سے جھگڑے سے متعلق قومی کرکٹر عمر اکمل کا کیس خارج
ٓلاہور: پراسیکیوشن کی درخواست پر عدالت نے ٹریفک وارڈن سے جھگڑے سے متعلق قومی کرکٹر عمرکا اکمل کیس خارج کر دیا۔ماڈل ٹاون کچہری میں مقدمے کی سماعت ہوئی، پراسیکیوشن کی جانب سے عدالت میں اخراج مقدمے کی درخواست دائر کرتے ہوئے موقف اختیار کیا کہ فریقین کے درمیان راضی نامہ ہو چکا ہے اس لئے مقدمہ خارج کیا جائے۔ عدالت نے پراسیکیوشن کی درخواست پر ٹریفک وارڈن سے جھگڑے سے متعلق قومی کرکٹر عمر اکمل کا مقدمہ خارج کر دیا۔ گذشتہ سماعت پر عدالت نے پراسیکیوشن کی درخواست خارج کر دی تھی۔