پریٹوریا: جنوبی افریقا میں جاری پریٹوریا جونیئر اوپن اسکواش ٹورنامنٹ میں چار پاکستانی کھلاڑیوں نے ابتدائی مرحلہ عبور کرلیاجبکہ تین کو شکست ہوگئی۔ جنوبی افریقہ میں جاری پریٹوریا جونیئر اسکواش ایونٹ کے ابتدائی راونڈ میں سات قومی پلیئرز میں سے چار نے کامیابی حاصل کرلی۔ احسن ایاز نے مصری ہاشم محمد کو 3-1سے، محمد ثاقب یوسف نے انگلینڈ کے کھلاڑی بینجمن کو 3-0ہرانے میں کامیاب ہوئے ،تیسرے میچ میںعماد فرید نے مصری احمد عاشوشے کو سخت مقابلے کے بعد3-2 زیر کردیا،چوتھے میچ میںپاکستا ن کے سیکنڈ سیڈ طیب اسلم نے ہم وطن حسیب گل کو3-0 سے شکست دے دی۔ جبکہ پاکستان کے ناصر خان اور مبارک محسن پہلے ہی مرحلے میں شکست کھا کر ٹورنامنٹ سے باہر ہوگئے۔

جوہانسبرگ: جنوبی افریقی کر کٹر زینڈر ڈی برون نے 19سالہ طویل کیرئر کے بعد کرکٹ سے ریٹائر منٹ کا اعلان کر دیا ۔ ڈی برون نے 1995میںجنوبی افریقا کے فرسٹ کلاس میںاپنے کیرئر کا آغاز کیا تھا اور 242فرسٹ کلاس میچوں میں شرکت کی جبکہ 2004میں انڈیا کے خلاف کانپور کے مقام پر بین الاقومی کرکٹ میں ڈیبو کیا ، انھوںنے تین ٹیسٹ میچوں میں جنوبی افریقا کی نمائندگی کی۔ ڈیبرون نے 125ٹی ٹوئنٹی میچ بھی کھیلے ، انھوں نے کا ﺅنٹی کر کٹ میں کیری لیبون کرکٹ کلب ، سمر سیٹ ، سرے اور ورسسٹر شائر کی نمائندگی بھی کی۔

لاہور: قومی کر کٹ ٹیم کے سابق کپتان عامر سہیل نے کہا ہے کہ ورلڈ ٹی ٹوئنٹی میں شکست کے بعد کپتان محمد حفیظ کو قربانی کا بکرا بنایا گیا۔سابق کپتا ن و چیف سلیکٹر قومی ٹیم عامرسہیل نے میڈیا کو دیے گئے ایک انٹر ویو میں کہا کہ محمد حفیظ کوکپتانی سے ہٹا کر جو منصوبے بنائے جا رہے ہیںاس سے پاکستان میں کر کٹ کو مزید نقصان ہوگا۔انھوں نے کہاکہ پی سی بی اس وقت بد ترین حالات کا شکار ہے ،صرف دکھاوے کے لیے چہرے بدل دیے جائیں گے دراصل اندرون خانہ حالات ایسے بگڑے ہی رہیں گے ۔عامر سہیل کا کہنا تھا کہ حکام کو کوئی فکرنہیں کہ وہ جو کچھ کررہے ہیں اس کا نقصان پاکستان اورکرکٹ کو ہوگا،حکومتی فیصلے نے پاکستان کرکٹ کو ناقابل تلافی نقصان پہنچایاہے، اس کا ایک عکس ورلڈ ٹی ٹوئنٹی میں دیکھنے کو ملا، جہاں پاکستانی ٹیم پہلی بار سیمی فائنل کھیلنے سے محروم رہ گئی۔ عامر سہیل نے کہا کہ جب ایک ادارے میں کوئی نظام ہی موجود نہیں اور سربراہ یہ جانتا ہی نہ ہوکہ کون سا فیصلہ کب اور کس طرح کرنا ہے تو تباہی کے سوا کچھ نہیں ہوسکتا۔

لاہور: پاکستان کرکٹ بورڈ نے جنوری 2015میں متحدہ عرب امارات میںسپر ٹی ٹونٹی لیگ منعقد کرنے فیصلہ کر لیا۔سپر ٹی ٹوئنٹی لیگ دوسرے ممالک کی لیگ کے طرز پر منعقد کی جائے گی۔ذرائع کے مطابق پی سی بی کے چیئر مین نجم سیٹھی کا کہنا ہے کہ اس ٹی ٹونٹی لیگ میں غیر ملکی کھلاڑیوں کو مدعو کیا جائے گا ،جبکہ غیر ملکی کھلاڑیوں کی رضامندی سے سپر لیگ کا فائنل لاہور میں منعقد کیا جائے گا۔مارچ 2009میں لاہور میںسری لنکن کرکٹ ٹیم پر دہشت گرد حملے کے بعد کسی بیرونی ٹیم نے پاکستان کا دورہ نہیں کیا۔نجم سیٹھی کا کہنا ہے کہ سری لنکن بورڑ کی اجازت سے اس سال جولائی اور اگست میں ٹیسٹ سیریز منعقد کر نے کے انتظامات کیے جائیں گے۔

نیو دہلی: معطل انگلش بیٹسمین کیون پیٹر سن بین الاقوامی کر کٹ میں واپسی کے لیے پر امید ہیںاور ٹیسٹ میں دس ہزار رنز کا ہندسہ عبور کرنے کے خواہاں ہیں۔ 33سالہ پیٹرسن نے کہا کہ مبینہ مسیج اسکینڈل سے قطع نظر سابق انگلش کپتان اینڈریو اسٹروس ان کے بہت اچھے دوست تھے جوکہ کیرئر کا یاد گار حصہ ہے۔پیٹرسن کو آسٹریلیا کے شرمناک دورے کے بعد ٹیم سے معطل کر دیا گیا تھا۔نئی دہلی میں میڈیا کو دیے گئے انٹرویو میں انھوںنے کہا کہ میں اب بھی ٹیسٹ کر کٹ میں دس ہزار رنز بنانے کے لیے پر امید ہوں ، پیٹرسن نے آسٹریلیا کے خلاف 2005میں ٹیسٹ ڈیبو کے بعد 104میچوں میں 8181رنز بنارکھے ہیں، پیٹر سن انگلینڈ کی کرکٹ کی تاریخ میں چوتھے کامیاب بیٹسمین اور موجودہ کھلاڑیوں میں سب سے زیا دہ رنز بنا نے کا اعزاز رکھتے ہیں۔ نیو دہلی کے دورے پر آئے ہوئے پیٹرسن نے انٹرویو کے دوران کہا کہ اینڈریو اسٹروس بہترین دوست ہیں ،انھوں نے کہا کہ میں اس دوران برے وقت سے گذر رہا تھاتاہم اب ہمارے تعلقات اچھے نہیںہیں۔ اس سے قبل پیٹرسن نے ایک انٹر ویو میں ان اطلاعات کی تردید کی تھی کہ ساتھی کھلاڑیوں کے ساتھ ان کے تعلقات ٹھیک نہیں ہیںاور کہا تھا کہ ایشنر کے دوران جوناتھن ٹروٹ کو ذہنی دباﺅ سے نکالنے میں مدد کی تھی۔