کراچی)پی پی آ ئی) چیئرمین شاہ فیصل ٹاؤن گوہر علی خٹک کی خصوصی ہدائت پر ایک کمیٹی تشکیل دی گئی جن میں ٹاؤن میونسپل کمشنر شاہ فیصل ٹاؤن اقبال امتیاز پھلپوٹو، وائس چیئرمین شاہ فیصل ٹاؤن طارق محمود،اکاؤنٹ آفیسر ندیم شیخ،بلدیاتی نمائند گان میں خالدسدھو،عبدالرحمن،زین خان سواتی،عارف زمان اور نور اللہ پر مشتمل کمیٹی نے شاہ فیصل ٹاؤن کے تمام ملازمین کی صاف اور شفاف ویری فیکیشن کی اس موقع پر وائس چیئرمین شاہ فیصل ٹاؤن طارق محمود نے کہا شناختی پریڈ کا مقصد شاہ فیصل ٹاؤن کے ملازمین پر جو اضافی بوجھ ہے اس کو دور کیا جائے اور اس طرح ہم ملازمین کے مسائل کو صفر کرنے میں کامیاب ہوجائے گے۔اس موقع پر ٹاؤن میونسپل کمشنر اقبال امتیاز پھلپوٹو نے کہا کے اس ویری فیکیشن کے عمل میں جس طرح شاہ فیصل کے افسران و ملازمین نے جس طرح ہمارے ساھ تعاؤن کیا ہے وہ ایک قابل تعریف عمل ہے اور ہفتہ اتوار چھٹی کے باوجود ویری فیکیشن کا عمل جاری ہے تاکہ ملازمین کو تنخواہ ٹائم پر دی جائے جو کہ ویری فیکیشن کی وجہ سے تاخیر ہوئی ہے مگر انشااللہ اب آنے والے ماہ میں تنخواہ وقت پر ہوگی اس موقع پر چیئرمین شاہ فیصل ٹاؤن گوہر علی خٹک نے شناختی پریڈ پر آئے ہوئے محکمہ تعلیم کے ملازمین سے ملاقات کی اور کہا کے ہمارے درمیان جو گھوسٹ ملازمین ہماری صف میں شامل ہوگئے ہیں آپ لوگ ان کی نشاندھی کرے تاکہ ہم ان کے خلاف کاروائی کرسکے اور یہ دو نمبر ملازمین آپ کا حق کھا رہے ہیں جو آپ کے لئے شدید نقصان دہ ہے اور انہوں نے ویری فیکیشن کمیٹی سے بھی ملاقات کی اور ان کے کام کی تعریف کرتے ہوئے کہا کے جس طرح آپ لوگ آج چھٹی کے دن اپنے گھر بچوں کو چھوڑ کر یہاں ڈیوٹی سرانجام دے رہیں ہیں اس کی جتنی بھی تعریف کی جائے کم ہے اور انہوں نے مزید کہا کے ویری فیکیشن کا عمل اپنے آخری مراحل میں داخل ہوگیا ہے یعنی کلا بروز پیر کو اس کا آخری دن ہے اس کے بعد ہم اولین ترجیحی ملازمین کی تنخواہ پر ہوگی جس کو جلد از جلد حل کیا جائے گا۔
خواتین ہاکی کھلاڑیوں کا ٹی بنگلہ دیشی بورڑ کے خلاف احتجاج
میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
ڈس ایبلڈ ون ڈے سیریز : پاکستان کی انگلینڈ کو شکست
وومنز قومی ہاکی چمپیئن شپ کا آغاز
سست اوور ریٹ ، جنوبی افریقی ٹیم پر جرمانہ عائد
تازہ ترین خبریں
وفاقی وزیرِ داخلہ محسن نقوی کا نیشنل پولیس اکیڈمی کا دورہ
پاکستان کے پہلے رومانوی ہیرو سنتوش کمار کی میراث کا جشن
پاسپورٹ کی گھر کی دہلیز تک فراہمی کے منصوبے پر نمایاں پیش رفت
- April 25, 2026
- April 23, 2026
- April 22, 2026
- April 22, 2026
- April 07, 2026
اشتہار
تازہ ترین
انتخابی ضابطہ اخلاق کا معاملہ‘ الیکشن کمیشن کا سیاسی جماعتوں سے مشاورت کا فیصلہ
اسلام آباد)پی پی آ ئی) الیکشن کمیشن نے عام انتخابات کے حوالے سے سیاسی جماعتوں کے ساتھ حتمی ضابطہ اخلاق پر مشاورت کا فیصلہ کر لیا۔ عام انتخابات سے متعلق مجوزہ ضابطہ اخلاق پر سیاسی جماعتوں کے نمائندے بدھ کو الیکشن کمیشن کو تجاویز دیں گے اور سیاسی جماعتوں سے مشاورت کے بعد حتمی ضابطہ اخلاق جاری کیا جائے گا، اس مقصد کے لیے چیف الیکشن کمشنر کے زیر صدارت اجلاس ہوگا۔ذرائع کا حوالہ دیتے ہوئے بتایا گیا ہے کہ مشاورتی اجلاس کے لیے تمام پارلیمانی سیاسی جماعتوں کو دعوت نامے ارسال کر دیئے گئے ہیں، الیکشن کمیشن کی جانب سے تمام سیاسی جماعتوں کو 88 نکات پر مشتمل مجوزہ ضابطہ اخلاق بھی بھجوا دیا گیا ہے۔ بتایا جارہا ہے کہ پاکستان پیپلز پارٹی کی جانب سے انتخابی قواعد میں ترمیم پر تحفظات کا اظہار کیا ہے، انتخابی قواعد میں ترمیم کے معاملے پر پیپلز پارٹی نے الیکشن کمیشن کو تحریری طور پر تحفظات سے آگاہ کر دیا، اس حوالے سے پی پی پی کے سکریٹری جنرل نیئر بخاری نے خط میں لکھا کہ جمہوریت، شفافیت اور قانون پر یقین رکھنے والا پاکستانی اور پارٹی سکریٹری جنرل ہوں، الیکشن۔کمیشن کی جانب سے الیکشن ایکٹ 2017 میں ترامیم کا جائزہ لیا ہے، ان ترامیم پر الیکشن کمیشن کو اہنے تحفظات سے آگاہ کرنا چاہتا ہوں۔ الیکشن کمیشن کے نام اپنے خط میں انہوں نے کہا کہ اگلے عام انتخابات کو صاف اور شفاف انداز میں منعقد کرانے کے لیے کمیشن کوششیں قابل تعریف ہیں، الیکشن کمیشن کی جانب سے مجوزہ فارم 68 میں ترامیم پر بہت سنجیدہ تحفظات اور اعتراضات ہیں، اس شق کے تحت انتخاہی امیدوار کو کیمپین فنانس رولز کے تحت اپنی پارٹی کے مکمل انتخابی اخراجات کی تفصیل فراہم کرنا ہوگی جب کہ الیکشن ایکٹ 2017 کے رول 161کے سب رول 3 کے تحت سیاسی جماعتوں کو انتخابی نتائج گزٹ نوٹی فکیشن کے 60 دن میں جمع کرانا ہیں۔پاکستان پیپلزپارٹی کی جانب سے کہا گیا ہے کہ نئی ترامیم کے تحت فارم 68 کے تحت کیمپین فنانس سب سیکشن 211/2 کے مطابق کامیاب امیدوار کو پولنگ کے 10 روز کے اندر اپنی پارٹی کے انتخابی اخراجات کی تفصیل دینا ہوگی جب کہ باقی تمام امیدواروں کو سیکشن 98, 124 اور 136 کے مطابق انتخابی اخراجات کی تفصیل 30 دن میں جمع کرانا ہوں گی۔ نیئر بخاری نے اپنے خط میں مزید لکھا ہے کہ پارٹی امیدواروں کے لیے شرط اور دیگر امیدواروں کے شرائط میں تضاد ہے اور ایسا کرنا ناممکن ہے، امیدوار وہ اطلاعات کیسے فراہمکر سکتے ہیں جو انہیں خود بھی نہ ملی ہوں، اپ سے درخواست ہے کہ الیکشن قواعد میں تجویز کردہ ان شرائط کے کالم کو ختم کیا جائے۔
آفات سے نمٹنے کیلئے ایک مضبوط ادارہ جاتی ڈھانچہ موجود ہے، نگران وزیراعظم
اسلام آباد)پی پی آ ئی) نگران وزیراعظم انوار الحق کاکڑ نے کہا ہے کہ پاکستان میں آفات سے نمٹنے کیلئے ایک مضبوط اور متحرک ادارہ جاتی ڈھانچہ موجود ہے۔ تفصیلات کے مطابق نیشنل ریزیلینس ڈے کے موقع پر اپنے پیغام میں انہوں نے کہا کہ 8 اکتوبر کو نیشنل ریزیلینس ڈے پاکستان اور آزاد جموں و کشمیر کے عوام کے اس ناقابل تسخیر جذبے کو خراج تحسین پیش کرنے کے طور پر منایا جاتا ہے جنہوں نے ہولناک اور تکلیف دہ آفت کا ہمت سے مقابلہ کیا، یہ دن ہمیں یہ بھی یاد دلاتا ہے کہ ہم ایک ایسے علاقے میں رہتے ہیں جہاں آفات کے خطرات موجود ہیں۔انوارالحق کاکڑ نے کہا کہ نیشنل ڈیزاسٹر مینجمنٹ اتھارٹی اور صوبائی ڈیزاسٹرمینجمنٹ اتھارٹیز کی صورت میں آفات سے نمٹنے کیلئے ایک مضبوط اور متحرک ادارہ جاتی ڈھانچہ موجود ہے، ضلعی سطح پر آفات سے نمٹنے کے انتظام وانصرام کے نظام کو مضبوط کرنے کی ضرورت ہے۔
نگران وزیراعظم نے کہا کہ پاکستان میں آفات اور موسمیاتی تبدیلیوں کے سنگین خطرات کے تناظرمیں حکومت آفات سے نمٹنے کے انتظام وانصرام کی صلاحیتوں میں اضافہ کیا جارہا ہے، اس حوالے سے مطلوبہ قانون سازی اور خطرات سے نمٹنے کی صلاحیت پر مبنی گورننس کو فروغ دے رہے ہیں، موسمیاتی لحاظ سے موزوں بنیادی ڈھانچہ کی تعمیر اور سب سے بڑھ کر موافقت میں اضافہ کیلئے پرعزم ہے۔خیال رہے کہ آج 8 اکتوبر 2005ء کے قیامت خیززلزلہ کے شہداء کی 18ویں برسی منائی گئی، پاکستان و آزاد جموں وکشمیر بھر سمیت ضلع نیلم میں 8 اکتوبرکی صبح کاآغاز مساجد میں دعاؤں کے ساتھ ہوا، شہداء کے سوگ میں سائرن بجاکر 1 منٹ کی خاموشی اختیار کی گئی، ڈپٹی کمشنر، ایس پی نے قومی و ریاستی پرچم کشائی کی، شہداء زلزلہ 2005ء کے ایصال ثواب کیلئے فاتحہ خوانی کی گئی، شرکاء نے مملکت پاکستان و آزاد کشمیر سمیت امت مسلمہ کی کامیابی باالخصوص 2005ء کے قیامت خیززلزلہ میں شہید ہونے والوں کے ایصال ثواب کیلئے دعا کی۔
فلسطینی ظلم کیخلاف لڑ رہے ہیں اور مسلمان حکمران ڈر رہے ہیں: سراج الحق
تیمرگرہ)پی پی آ ئی)جماعتِ اسلامی کے امیر سراج الحق کا کہنا ہے کہ فلسطینی ظلم اور ظالمانہ قبضے کے خلاف لڑ رہے ہیں اور مسلمان حکمران ڈر رہے ہیں۔ امیر جماعت اسلامی سراج الحق نے تیمرگرہ میں اجتماع سے خطاب کرتے ہوئے کہا کہ امریکہ نے اسرائیل کا ساتھ دیا لیکن مسلم دنیا خاموش تماشائی بنی ہوئی ہے،ہم بیت المقدس کی آزادی تک فلسطینیوں کے ساتھ کھڑے ہیں،فلسطینی ظلم اور ظالمانہ قبضے کے خلاف لڑ رہے ہیں اور مسلمان حکمران ڈر رہے ہیں، پاکستانی قوم حماس کے ساتھ تعاون کے لیے تیار ہے۔ سراج الحق کا مزید کہنا ہے کہ صدر، وزیراعظم اور آرمی چیف سے کہنا چاہتا ہوں پاکستان نظریاتی ملک ہے،پاکستان کے بانی قائداعظم نے اسرائیل کو ناجائز ریاست قرار دیا تھا، قائداعظم نے پہلے دن سے فلسطینوں کا ساتھ دینے کا اعلان کیا،پاکستان ہمیشہ اسرائیل کے مقابلے میں فلسطینیوں کا ساتھ دے گا، اس وقت 57 اسلامی ممالک کو حماس کا ساتھ دینا چائیے،اقوام عالم مظلوم فلسطینیوں کا ساتھ دیں۔ امیر جماعت اسلامی نے مسلم دنیا سے متعلق کہا کہ یہ مسلم دنیا کی غیرت کے امتحان کا وقت ہے،فلسطین کی آزادی کا سورج جلد طلوع ہو گا،مسجد اقصیٰ مسلمانوں کا مقدس مرکز ہے،مسجد اقصی کی حفاظت کے لیے جینا اور مرنا عظیم جہاد ہے۔
تلاش کریں
خبریں

خواتین ہاکی کھلاڑیوں کا ٹی بنگلہ دیشی بورڑ کے خلاف احتجاج
کراچی: ٹی ٹوئنٹی ورلڈ کپ میں اسٹیڈیم میں غیرملکی جھنڈے لہرانے پر پابندی لگا نے پر بنگالی حکومت کے خلاف کراچی میں ہاکی کی خواتین کھلاڑیوں نے احتجاج کیا ۔بنگلہ دیشی حکومت کی پاکستان دشمنی کے خلاف خواتین کھلاڑیوں نے کراچی کے نیشنل ہاکی اسٹیڈیم میں بھر پور احتجاج کیا، انھوں نے مطالبہ کیا کہ آئی سی سی جھنڈے لہرانے پر پابندی کے فیصلے کے خلاف خاموش نہ رہے بلکہ فوری طور پر بنگلادیشی کرکٹ بورڈ کے خلا ف سخت کارروائی کرے۔

میامی میں بڑے فٹ بال اسٹیڈیم کی تعمیر میرا خواب ہے: ڈیوڈ بیکھم
میامی: انگلینڈ کے لیجنڈری فٹبالر ڈیوڈ بیکھم کا کہنا ہے کہ امریکی ریاست فلوریڈا کے شہر میامی میں بڑے فٹ بال اسٹیڈیم کی تعمیر ان کا خواب ہے ۔ ڈیوڈ بیکھم پر امید ہیں کہ میامی میں ایک بڑے اسٹیڈیئم کی تعمیرکا ان کاخواب ضرور پورا ہوگا، بیکھم کے مطابق اس حوالے سے سامنے آنے والے اختلافات جلد دور کرلئے جائیں گے۔امریکی ریاست فلوریڈا میں میڈیا سے بات کرتے ہوئے بیکھم نے کہا کہ بڑے منصوبوں کی تکمیل کے لئے وقت درکار ہوتا ہے، امریکی سوکر لیگ کو مزید آگے بڑھانے میں یہ اسٹیڈیم ایک تاریخی کردار اداکرے گا۔ مانچسٹریونائیٹڈ اور ریال میڈرڈ کی نمائندگی کرنے والے بیکھم کے مطابق اسٹیڈیم کی تعمیر میں دو سو ملین امریکی ڈالرز سے زائد اخراجات آئیں گے جبکہ پچیس ہزار سے زائد تماشائی یہاں کھیل سے لطف اندوز ہوسکیں گے۔

میامی ماسٹر ٹینس :رافیل نڈال اور واوارینکا چوتھے راﺅنڈ میں داخل
میامی: اسپین کے رافیل نڈال اور سوئٹزرلینڈ کے اسٹانسلاس و اورنکا نے میامی ماسٹرز ٹینس ٹورنامنٹ کے چوتھے راﺅنڈ میں جگہ بنا لی۔ میامی میں جاری ایونٹ کے مینزسنگلزکے تیسرے راﺅنڈ میں عالمی نمبر ایک رافیل نڈال نے ازبکستان کے ڈینس اسٹومن کو باآسانی اسٹریٹ سیٹس میں شکست دے کر پری کوارٹر فائنل میں جگہ بنالی۔ نڈال اسٹومن کوایک گھنٹے سے بھی کم وقت میں6-1 اور6-0 سے زیرکیا۔ آسٹریلین اوپن چیمپئین اسٹانسلاس واورنکا کوچوتھے راﺅنڈ تک رسائی کے لیے جدوجہد کرنا پڑی۔ واورنکا نے تیسرے راﺅنڈ میں فرانس کے ایڈورڈ راجر کو7-3 اور 6-4 سے مات دی۔ ٹینتھ سیڈ امریکہ کے جان اسنراسپین کے نکولس الماگرو کو شکست دے کر چوتھے راﺅنڈ میں پہنچ گئے۔ اسنرنیالماگرو کے خلاف 7-5 اور6-3 سے فتح سمیٹی۔

ڈس ایبلڈ ون ڈے سیریز : پاکستان کی انگلینڈ کو شکست
دبئی: پاکستان ڈس ایبلڈ کرکٹ ٹیم نے انگلینڈ ڈس ایبلڈ کوپہلے ون ڈے میں33 رنز سے ہراکر تین میچز کی سیریز میں ایک صفر کی برتری حاصل کرلی۔ دبئی میں کھیلے جانے والے 40اوورز پر مشتمل ون ڈے میں پاکستان ڈس ایبلڈ نے ٹاس جیت کر بیٹنگ کا فیصلہ کیا اور مقررہ اوورز میں نووکٹوں پر 233رنز بنائے۔ کپتان حسنین عالم نے 95، دانش احمد نے50 قیمتی رنزبنائے۔ جمی ولیمز اور کلم فلائن نے دو دو وکٹیں حاصل کیں۔ جواب میں انگلش ٹیم ہدف کے تعاقب میں نو وکٹوں پر200 رنزبنا سکی۔ کلم فلائن 69 اور جمی 28 رنز بناکرنمایاں رہے۔ عامراحمد، عبداللہ آفریدی، اور راﺅجاوید نے دو دو کھلاڑیوں کوآﺅٹ کیا۔ پاکستان کے حسنین عالم مین آف دی میچ قرارپائے۔

وومنز قومی ہاکی چمپیئن شپ کا آغاز
کراچی: 28ویں وومنز نیشنل ہاکی چمپیئن شپ آج کرا چی میں شروع ہوگی۔ پاکستان ہاکی فیڈریشن خواتین ونگ کی چیئر پر سن خوش بخت شجاعت کا کہنا ہے کہ فنڈز کی کمی کے باوجو د ایونٹ کا انعقا د کیا جا رہا ہے اور اسے کامیاب بنا دیا جائے گا۔ہاکی کلب آف پاکستان کرا چی میں پریس کانفرنس کر تے ہوئے انھوں نے کہا کہ نیشنل چمپیئن شپ میں ملک بھر سے دس ٹیمیں شر کت کر رہی ہیں ۔ سیکرٹری پی ایچ ایف تنزیلا عامر چیمہ نے اس موقع پر کہا کہ قومی سینئر اور جو نیئر ٹیموں کے لیے غیر ملکی دورے فیوچر پروگرام میں شامل کر دئیے گئے ہیںلیکن ہمارا سب سے بڑا مسئلہ فنڈز کی عدم دستیابی کا ہے ، انھوں نے کہا کہ ایونٹ میں 25لاکھ خرچے کا تخمینہ لگا یا گیا ہے مگر یہ اخراجات کیسے پورے ہوں گے اس سوال کا جواب پی ایچ ایف وومنز ونگ ہی دے سکتی ہے ،چمپیئن شپ کا فائنل 4اپریل کو کھیلا جائے گا ۔

سست اوور ریٹ ، جنوبی افریقی ٹیم پر جرمانہ عائد
ڈھاکا: جنوبی افریقا کو نیوزی لینڈ کے خلاف سلو اوور ریٹ کی بنا پر جر مانہ عائد کر دیا گیا ۔ ٹی ٹوئنٹی ورلڈکپ کے گروپ میچ میں نیوزی لینڈ کے خلا ف سنسنی خیز مقابلے کے بعد شاندار فتح حاصل کر نے والی جنوبی افریقی ٹیم کو سلو اوور ریٹ پر کپتان کو میچ فیس کا 40فی صد جبکہ بقیہ کھلاڑیوں پر 20فی صد جر مانہ عائد کر دیا گیا ہے ۔ میچ ریفری جواگل سری ناتھ نے آئی سی سی کوڈ آف کنڈکٹ برائے کھلاڑی اور سست اوور ریٹ کے تحت ہر کھلاڑی پر میچ فیس کا بیس فیصد حصہ جبکہ کپتان پراس کا دگنا جر مانہ عائد کر دیا۔ اگر کپتان ڈوپلیسی اگلے بارہ مہینوں کے اندر ٹی ٹوئنٹی میچ میں ایک اور سست اووریٹ کے مر تکب ہوگئے تو انھیں آئی سی سی کوڈ آ ف کنڈکٹ کے مطابق ایک میچ کی پابندی کی سزا دی جائے گی۔
