اعلیٰ تعلیم کے فروغ میں الغزالی یونیورسٹی کا اہم کردار ہے۔ گورنر سندھ

کراچی(پی پی آئی) گورنر سندھ کامران خان ٹیسوری نے کہا ہے کہ اعلیٰ تعلیم کے فروغ میں الغزائی یونیورسٹی اہم کردار ادا کررہی ہے یہ جامعہ طلبہ کو نہ صرف تعلیم سے آراستہ کررہی ہے بلکہ اس جامعہ میں طلبائکو جدید چیلنجز کا سامنا کرنے کے لیے بھی تیار کیا جارہا ہے۔ ان خیالات کا اظہار انہوں نے گورنر ہا?س میں جامعتہ الرشید و الغزالی یونیورسٹی کی سادہ و پروقار تقریب سے خطاب کرتے ہوئے کیا۔ تقریب میں جامعہ کے سرپرست اعلیٰ مفتی عبدالرحیم، اسلامک اسکالر ڈاکٹر ذاکر عبدالکریم نائیک سمیت دیگر بھی شریک تھے۔ گورنر سندھ نے مزید کہا کہ الغزالی یونیورسٹی نے علم و تحقیق کے میدان میں نمایاں خدمات انجام دی ہیں یہ جامعہ تعلیمی معیار کو بلند کرنے اور معاشرتی بہتری کے لئے کوشاں ہے۔انہوں نے کہا کہ چانسلر مفتی عبدالرحیم اس جامعہ کی ترقی میں کلیدی کردار ادا کررہے ہیں۔چانسلر مفتی عبدالرحیم کی بصیرت اور محنت نے آج اس جامعہ کو ممتاز مقام پر پہنچادیا ہے۔انہوں نے کہا کہ اسلامک اسکالر ڈاکٹر ذاکر نائیک کی خدمات لائق تحسین ہے۔ڈاکٹر ذاکر نائیک کی محنت نے دنیا بھر میں کئی لوگوں کو اسلام کی جانب مائل کیا۔انہوں نے کہا کہ شیخ فارق نائیک بھی والد کے نقش قدم پر دین کی خدمت کے راستہ پر چل رہے ہیں۔