کوئٹہ (پی پی آئی) کم سن طالب علم بچے محمد مصور کاکڑ کے اغوا کے خلاف پیر کو صوبے کی بین الصوبائی شاہراہوں پر مکمل پہیہ جام ہڑتال کی گئی۔ تفصیلات کے مطابق دھرنا کمیٹی کی کال پر محمد مصور کاکڑ کے اغوا کے خلاف احتجاج کے طور پر یارو، دشت، لکپاس، بوری اور کچلاک سمیت صوبے کی بین الصوبائی شاہراہوں پر پہیہ جام ہڑتال کی گئی۔ دھرنا کمیٹی کے رہنماؤں کا کہنا تھا کہ مغوی لڑکے کی رہائی نہ ہوئی تو کوئٹہ کے علاقے بلیلی میں احتجاجی دھرنا دیا جائے گا۔ پہیہ جام ہڑتال کے پیش نظر صوبائی دارالحکومت کے تمام تعلیمی ادارے بند رہے۔ اغوا کا یہ واقعہ 15 نومبر کو پیش آیا، جب کوئٹہ کے علاقے پٹیل باغ میں نامعلوم مسلح افراد نے ایک اسکول وین کو روکا اور محمد مصور کاکڑ کو بندوق کی نوک پر اغوا کر لیا۔ اغوا کے بعد، لڑکے کے لواحقین نے کوئٹہ کے سرینا چوک پر اس کی محفوظ رہائی کے لیے احتجاجی دھرنا شروع کر دیا۔
Next Post
'سائیکل فار چینج' فنڈ ریزنگ ایونٹ کیلئے کراچی کی سڑکوں پر300سے زائد سائیکلسٹس نے سائیکل چلائی
Mon Nov 25 , 2024
کراچی(پی پی آئی) کراچی کی سڑکوں پر300سے زائد سائیکلسٹس نے سائیکل چلائی تاکہ ”دی سٹیزنز فاؤنڈیشن” کے سالانہ ایونٹ ”سائیکل فار چینج” کی حمایت کر سکیں۔ اس سال اسلام آباد کے ایک معروف سائیکلنگ گروپ نے بھی اس ایونٹ میں شرکت کی۔ ‘دی سٹیزنز فاؤنڈیشن کے کے اعلامیہ کے مطابق کراچی کے مختلف حصوں سے سائیکلسٹس ” ”دی سٹیزنز فاؤنڈیشن […]