اسلام آباد (پی پی آئی)آفیشل سیکرٹ ایکٹ عدالت نے چیئرمین پی ٹی ا?ئی کی بیٹوں سے بات کروانے کا حکم دیدیا،جج ابوالحسنات ذوالقرنین نے 15ستمبر تک بیٹوں سے بات کروانے کا حکم دیتے ہوئے عملدرآمد رپورٹ طلب کرلی،پی پی آئی کے مطابق عدالت نے احکامات پر ہر صورت عملدرآمد یقینی بنانے کا حکم دیدیا۔پی آئی کے مطابق آفیشل سیکرٹ ایکٹ عدالت میں چیئرمین پی ٹی آئی نے سپرنٹنڈنٹ اٹک جیل کیخلاف توہین عدالت کی درخواست دائر کی گئی تھی،درخواست میں موقف اختیار کیا گیا تھا کہ عدالتی احکامات کے باوجود چیئرمین پی ٹی آئی کی بچوں سے بات نہیں کرائی گئی،چیئرمین کی بچوں سے ٹیلی فون اور وٹس ایپ پر بات کرنے کا حکم دیا جائے۔
لبرٹی بیل اوپن اسکواش چیمپئن میں پاکستان کی ماریہ طوراِن ایکشن ہوں گی
یوراج سنگھ کینسر سے آگاہی کا پروگرام شروع کریں گے
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
راجن پور : اونٹوں کا دنگل ”پوپٹ “ نامی اونٹ نے جیت لیا
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
تازہ ترین خبریں
- April 22, 2026
اشتہار
تازہ ترین
فیصل آباد میں شہباز گل کی کوئی جائیداد نہیں، ریونیو حکام کی عدالت میں رپورٹ پیش
اسلام آباد (پی پی آئی) ڈسٹرکٹ اینڈ سیشن کورٹ اسلام آباد میں ریونیو ڈیپارٹمنٹ فیصل آباد نے شہباز گل کی جائیداد سے متعلق رپورٹ پیش کر تے ہوئے بتایا ہے کہ فیصل آباد میں شہباز گل کی کوئی جائیداد نہیں ہے۔پی پی آئی کے مطابق ڈسٹرکٹ اینڈ سیشن کورٹ اسلام آباد میں شہباز گل کیخلاف بغاوت پر اکسانے کے کیس کی سماعت ہوئی،کیس کی سماعت ایڈیشنل سیشن جج طاہر عباس سپرا نے کی،ریونیو ڈیپارٹمنٹ فیصل آباد نے شہباز گل کی جائیداد سے متعلق رپورٹ پیش کردی۔ریونیو حکام نے کہاکہ فیصل آباد میں شہباز گل کی کوئی جائیداد نہیں ہے، پی پی آئی کے مطابق عدالت نے جواب جمع کروانے پر ریونیو ڈیپارٹمنٹ کو جاری شوکاز نوٹس داخل دفتر کردیا،گزشتہ سماعت پر ریونیو ڈیپارٹمنٹ فیصل آباد کے حکام کو شوکاز نوٹس جاری کیا گیا تھا،عدالت نے کیس کی مزید سماعت 27ستمبر تک ملتوی کردی۔
پشاورمیں ورسک روڈ پر زور داردھماکا،سکیورٹی فورسز کی گاڑی نشانہ، کئی افراد زخمی
پشاور(پی پی آئی)خیبرپختونخوا کے صوبائی دارالحکومت دھماکے میں ورسک روڈ پر زور دار دھماکا ہوا ہے۔پی پی آئی کے مطابق پولیس کا کہنا ہے کہ دھماکے میں سکیورٹی فورسز کی گاڑی کو نشانہ بنایا گیا، غیر مصدقہ اطلاعات کے مطابق کئی افراد کے زخمی ہونے کی اطلاعات ہیں، ایمبولینس جائے دھماکا کی جانب روانہ کردیا گیا جبکہ ہسپتالوں میں ایمرجنسی نافذ کردی گئی۔
تلاش کریں
خبریں
لبرٹی بیل اوپن اسکواش چیمپئن میں پاکستان کی ماریہ طوراِن ایکشن ہوں گی
(January 4, 2014)
کراچی: پاکستان کی نمبرون اسکواش پلیئر ماریہ طور امریکا میں ہونے والی لبرٹی بیل اوپن اسکواش چیمپئن شپ کے دوران ایکشن میں نظر آئیں گی ۔ ویمن اسکواش ایسوسی ایشن کا ایونٹ آٹھ جنوری سے امریکی شہر بیرن میں منعقد ہوگا ۔ ماریہ ایونٹ میں تھرڈ سیڈ کھلاڑی ہوں گی جن کا مقابلہ دس جنوری کو میکسیکو کی ڈیانا گارشیا سے ہوگا۔
یوراج سنگھ کینسر سے آگاہی کا پروگرام شروع کریں گے
(January 4, 2014)
ممبئی: بھارتی کرکٹ ٹیم کے مایہ ناز کھلاڑی یوراج سنگھ اپنی ذاتی تنظیم یووی کین کے تحت ملک بھر کے 26شہروں اور قصبوں میں واقع دوہزار سے زائد اسکولوں میں کینسر سے متعلق آگاہی پروگرام شروع کریں گے ۔مہم کا آغاز نئی دہلی ،ممبئی اور چنڈی گڑی سے ہوسکتا ہے ۔ یوراج سنگھ کے مطابق ہرسال تقریباً 12ملین افراد کینسر جیسے موذی مرض کا شکار ہوجاتے ہیں ۔
انگلی میں فریکچر کے باعث عدنان اکمل سری لنکا کیخلاف ٹیسٹ سیریز سے باہر
(January 3, 2014)
ابوظہبی: پاکستانی کرکٹ ٹیم فٹنس مسائل کا شکار ہو گئی۔ فاسٹ بولر عمر گل کے بعد عدنان اکمل بھی سیریز سے باہر ہو گئے۔ذرائع کے مطابق وکٹ کیپر بیٹسمین عدنان اکمل کی انگلی زخمی ہونے کے باعث سری لنکا کے خلاف ٹیسٹ سیریز سے باہر ہو گئے۔ ذرائع کا کہنا ہے کہ عدنان اکمل کو متحدہ عرب امارات سے وطن واپس بھیج دیا جائے گااور ان کی جگہ وکٹ کیپر کے فرائض یونس خان سرانجام دیں گے۔ اس سے پہلے عمر گل بھی فٹنس مسائل کی وجہ سے سیریز سے باہر ہو چکے ہیں۔ فاسٹ بولر گھٹنے کی انجری کے باعث نو ماہ تک کرکٹ سے دور رہے تھے لیکن انہیں سری لنکا کے خلاف ون ڈے سیریز کھیلنے کا موقع دیا گیا تھا۔
ہوپ مین کپ :پولینڈ نے آسٹریلیا کو ہرا کر فائنل میں رسائی حاصل کرلی
(January 3, 2014)
پرتھ: پولینڈ کی ٹیم نے میزبان آسٹریلیا کو دو ایک سے ہرا کر ہوپ مین کپ ٹینس ٹورنامنٹ کے فائنل میں جگہ بنا لی۔ آسٹریلیا کے شہر پرتھ میں جاری ٹینس ٹورنامنٹ کے راونڈ روبن میں دلچسپ مقابلوں کا سلسلہ جاری ہے۔ میزبان ٹیم کے برنارڈ ٹومک نے پولش حریف پین فل کو سٹریٹ سیٹس میں شکست دیکر ایک صفر کی برتری حاصل کی لیکن ویمن سنگلز میچ میں پولینڈ کی رڈوانسکا نے آسٹریلوی کھلاڑی سمانتھا سٹوسر کو سخت مقابلے کے بعد مات دے کر حساب برابر کیا۔ ایونٹ کے مکسڈ ڈبلز میچ میں بھی پولینڈ کی ٹیم نے شاندار کارکردگی دکھائی اور میزبان ٹیم کو آوٹ کلاس کر کے دو ایک کی برتری سمیٹ کر فائنل میں جگہ پکی کی۔
راجن پور : اونٹوں کا دنگل ”پوپٹ “ نامی اونٹ نے جیت لیا
(January 3, 2014)
راجن پور: راجن پور میں ہونے والا اونٹوں کا دنگل” پوپٹ“ نامی اونٹ نے جیت لیا۔ نواحی علاقہ آسنی میں سردی کے باوجود اونٹ پال شوقین حضرات نے اونٹوں کا دنگل منعقد کیا جس میں ڈیرہ غازی خان اور رحیم یار خان سے اونٹوں نے شرکت کی۔ دنگل کو دیکھنے کے لئے ہزاروں کی تعداد میں شائقین دو سو روپے ٹکٹ ہونے کے باوجود پنڈال میں پہنچے۔ اونٹوں کی اس لڑائی میں ساٹھ جوڑوں نے حصہ لیا۔ فائنل مقابلہ پوپٹ نامی اونٹ اور بھورل نامی اونٹ کے درمیاں ہوا۔ کافی جدوجہد کے بعد پوپٹ نامی اونٹ نے فائنل جیت لیا۔ جیتنے والے پوپٹ نامی اونٹ کے مالک فیض گوپانگ نے انتہائی مسرت کا اظہار کیا اور کہا کہ جہاں یہ میلے تفریح کا باعث ہیں وہاں سیکورٹی انتظامات نہ ہونے کے باعث کسی بڑے حادثے کا سبب بھی بن سکتے ہیں۔
یوتھ فیسٹیول میں اس مرتبہ عالمی ریکارڈزکی سنچری بنائیں گے : رانامشہور
(January 3, 2014)
لاہور: صوبائی وزیر کھیل رانا مشہود کا کہنا ہے کہ یوتھ فیسٹیول میں اس بار سو ورلڈ ریکارڈز بنائے جائیں گے۔نیشنل ہاکی اسٹیڈیم لاہور میں پریس کانفرنس کرتے ہوئے رانا مشہود کا کہنا تھا کہ اس بار یوتھ فیسٹول کے پہلے مرحلے میں بارہ لاکھ شہریوں نے حصہ لیا جو گزشتہ برس محض اڑھائی لاکھ تھے۔ انہوں نے کہا کہ انٹرنیشنل کرکٹ کی بحالی کے لیئے انٹرنیشنل کرکٹرز کو بھی فیسٹیول میچ میں بلایا جائے گا۔ رانا مشہود کا کہنا تھا کہ بسنت کے حوالے سے قانون سازی کی جا رہی ہے اور حکومتی منظور شدہ ڈور کے علاوہ ڈور استعمال کرنے والے کو دس سال قید کی سزا بھی ہوسکتی ہے۔