جہلم (پی پی آئی) برطانوی بچی سارہ قتل کیس میں پولیس نے بچی کے دادا اور 2 چچا سمیت 10 افراد کو گرفتار کر لیا۔پی پی آئی کے مطابق سارہ قتل کیس میں اہم پیش رفت سامنے آئی ہے، ڈی پی او جہلم کا کہنا ہے کہ پولیس نے بچی کے دادا اور 2 چچاوں کو حراست میں لے لیا، دیگر 7 افراد کو بھی گرفتار کیا گیا ہے۔یاد رہے کہ 10 سالہ بچی سارہ کے قتل کا واقعہ گزشتہ ماہ اگست کی 10 تاریخ کو پیش آیا تھا، بچی کی موت کے بعد اس کا باپ ملک عرفان برطانیہ چھوڑ کر پاکستان آیا اور روپوش ہو گیا۔
ایشز سیریز میں فلڈ لائٹس کے استعمال کیلئے آئی سی سی سے مدد طلب
پی سی بی کا 23 ملازمین کے معاہدوں میں توسیع نہ کرنیکا فیصلہ
سچن ٹنڈولکر کاکیریئر کے سیکنڈ لاسٹ میچ کی پہلی اننگز میں ناکام پویلین واپسی
ایشین ہاکی چیمپئنز ٹرافی :پاکستان نے بھارت کو4-5سے شکست دیدی
پاکستانی نڑاد برطانوی باکسر عامر خان کار حادثے میں زخمی ہو گئے
شعیب اختر نے پاکستان کی بیٹنگ کارکردگی کو نالائق ترین قرار دیدیا
تازہ ترین خبریں
اشتہار
تازہ ترین
ن لیگ اور پیپلزپارٹی کے رہنما?ں کے درمیان لفظی گولہ باری میں اضافہ
لاہور (پی پی آئی )پیپلز پارٹی اور (ن) لیگ کے رہنماوں کے درمیان عام انتخابات کی تاریخ کو لے کر لفظی گولہ باری میں اضافہ ہورہا ہے۔پی پی آئی کے مطابق ن لیگ کے بیشتر رہنماؤں کا کہنا ہے کہ کیا بلاول بھٹو کو نہیں پتا کہ نئی مردم شماری نوٹیفائی ہوگی تو حلقہ بندیاں ہوں گی؟ جب مردم شماری کو نوٹیفائی کیا گیا تو کیا ان کو نہیں پتا تھا کہ الیکشن آگے جائیں گے؟ کس کے کہنے پر مردم شماری نوٹیفائی کی گئی؟لیگی رہنما نے کہا کہ جمہوری ہونے کے ساتھ آپ کو حقیقت پسند بھی ہونا چاہیے، جس شہر میں آپ موبائل فون لے کر نہیں گھوم سکتے وہاں کون سرمایہ کاری کرے گا۔دوسری جانب رانا ثنااللہ نے کہا کہ فروری میں عام انتخابات پر کوئی گھبراہٹ نہیں، نواز شریف الیکشن مہم میں پارٹی کو لیڈ کریں گے۔لیگی رہنماؤں کے بیان پر جواب دیتے ہوئے پیپلز پارٹی کی لیڈر شپ نے کہا کہ طلال چوہدری پہلے تنظیم سازی پر توجہ دیں پھر پنجاب میں ہمارا سیاسی مقابلہ کریں، الیکشن 90 دن کے اندر اندر لازمی ہیں، حلقہ بندیاں 90 دن کے اندر انتخابات کرانے میں رکاوٹ نہیں، انتخابات الیکشن کمیشن کو کروانے ہیں، (ن) اور جے یو آئی نے نہیں۔
لکی مروت میں گیارہ ہزار واٹ کی لائن پرکام کرتے 4 ٹیکنیشن کرنٹ لگنے سے جاں بحق
لکی مروت(پی پی آئی)لکی مروت میں گیارہ ہزار واٹ کی لائن پر کام کے دوران کرنٹ لگنے سے چار ٹیکنیشن جاں بحق ہوگئے۔پی پی آئی کے مطابق لکی مروت کے علاقے تتر خیل کے قریب 4 ٹیکنیشن گیارہ ہزار لائن پر کام کر رہے تھے کہ اس دوران گرڈ اسٹیشن سے بجلی اچانک بحال کردی گئی، جس کے باعث چاروں کو کرنٹ لگا، چاروں افراد پرائیویٹ ٹیکنیشن بتائے جارہے ہیں جو ایچ ٹی لائن بچھا رہے تھے، جاں بحق ہونے والوں میں ولی اللہ،عارف اللہ،حضرت علی اور میر احمد شاہ شامل ہیں۔ پشاور الیکٹرک سپلائی کارپوریشن نے بتایا کہ یہ محکمہ بجلی کے ذیلی ادارے فاٹا کے اہلکار تھے۔ جو شہباز خیل سے حیات خیل نئی لائن بچھانے کا کام کررہے تھے۔ پیزو گرڈ سے غلط فہمی کی بنیاد پر بجلی آن کی گئی۔
آشوب چشم سے شدید متاثر مسافروں کو از خود فضائی سفر نہ کرنے کی تجویز
کراچی (پی پی آئی) طبی ماہرین نے ا?شوب چشم سے شدید متاثر مسافروں کو از خود فضائی سفر نہ کرنے کی تجویز دے دی۔آنکھوں کے انفیکشن آشوب چشم کے پھیلاو کے حوالے سے بارڈر ہیلتھ سروسز کے ڈائریکٹر ڈاکٹر مرتضیٰ شاہ نے فضائی مسافروں کے لیے الرٹ جاری کردیا ہے۔ پی پی آئی کے مطابق ڈاکٹر مرتضیٰ شاہ نے بتایا کہ ایئرپورٹس پر تعینات طبی عملہ اور ایئرلائنز کو آشوب چشم سے متعلق ہدایات جاری کر دی گئی ہیں۔ہدایات میں کہا گیا ہے کہ ایئر لائنز آشوب چشم سے متاثر مسافر کو ایئرپورٹ پر محکمہ صحت کے ڈاکٹر سے رجوع کرنے کو کہیں۔ڈاکٹر مرتضیٰ شاہ نے بتایا کہ آشوب چشم سے متاثر مسافروں کے سفر پر پابندی عائد نہیں کی جا رہی، تاہم محکمہ صحت کے ڈاکٹر متاثرہ مسافر کی حالت دیکھتے ہوئے سفر کے بارے میں ہدایات دیں گے۔ڈاکٹر مرتضیٰ شاہ نے آشوب چشم سے شدید طور پر متاثر مسافروں کو ہدایت کی ہے کہ وہ از خود سفر سے گریز کریں کیونکہ آشوب چشم ایک متعدی مرض ہے یہ مرض ایک فرد سے دوسرے فرد میں منتقل ہو سکتا ہے۔
تلاش کریں
خبریں
سگ گزیدگی کے بڑھتے واقعات سنگین خطرہ ہیں:پاسبان
(June 17, 2026)
وزیراعظم سے مسلم لیگ (ن) کی خواتین ارکانِ پارلیمنٹ کی ملاقات
(June 17, 2026)
کھورواہ میں جھگڑے کے دوران خاتون ہلاک ،، 2 مرکزی ملزمان گرفتار
(June 17, 2026)
ایشز سیریز میں فلڈ لائٹس کے استعمال کیلئے آئی سی سی سے مدد طلب
(November 7, 2013)
لندن: انگلش اور آسٹریلیا کرکٹ بورڈ نے ایشز سیریز میں فلڈ لائٹس کے استعمال کے لیے آئی سی سی سے مدد مانگ لی۔دونوں کرکٹ بورڈز کا آسٹریلیا میں ہونیوالے ایشز سیریز میں فلڈ لائٹس کے استعمال کے لیے آئی سی سی کو خط ارسال کر دیا ہے۔ اس سے پہلے دو ہزار دس کی ایشز سیریز کے لیے آسٹریلوی کرکٹ بورڈ نے فلڈ لائٹس میں سیریز کروانے کی خواہش کا اظہار کیا تھا جسے انگلش کرکٹ بورڈ کی جانب سے مسترد کر دیا گیا تھا تاہم آسٹریلیا میں 1997 میں ہونیوالی ایشز سریز میں فلڈ لائٹس کا استعمال ہوا تھا۔ پانچ ٹیسٹ میچوں کی سیریز 21 نومبر سے برسبین میں شروع ہو رہی ہے۔
پی سی بی کا 23 ملازمین کے معاہدوں میں توسیع نہ کرنیکا فیصلہ
(November 7, 2013)
لاہور: پاکستان کرکٹ بور نے سابق کرکٹر عبدالقادر سمیت23ملازمین کے کنٹریکٹ میں توسیع نہیں کی۔پی سی بی کے نواسی ملازمین کے کنٹریکٹ 31اکتوبر 2013کو ختم ہو چکے تھے جن میں انتخاب عالم، عبدالقادر اور ہارون رشید جیسے سابق سابق کرکٹر کے نام شامل تھے۔ بورڈ نے66 ملازمین کے معاہدوں میں ایک ماہ کی توسیع کر دی ہے جب کہ عبدالقادر سمیت23 ملازمین کی چھٹی کر دی۔ عبدالقادر اسپن بولنگ کنسلٹنٹ کے طور پر کام کر رہے تھے۔ لیجنڈری اسپنر عبدالقادر نے چیئرمین پی سی بی کے انتخابات میں حصہ لینے کا اعلان بھی کیا ہے۔
سچن ٹنڈولکر کاکیریئر کے سیکنڈ لاسٹ میچ کی پہلی اننگز میں ناکام پویلین واپسی
(November 7, 2013)
کولکتہ: بھارتی لیجنڈری بیٹسمین سچن ٹنڈولکر کیریئر کے سیکنڈ لاسٹ میچ کی پہلی اننگز میں ناکام پویلین لوٹ گئے۔ایڈن گارڈن میں جاری ویسٹ انڈیز کے خلاف سیریز کے پہلے میچ میں میزبان بھارت کی پہلی اننگز جاری ہے جس میں بھارتی ٹیم ویسٹ انڈین ٹیم کے 234 رنز کے جواب میں مشکلات کا شکار ہوئی، شیکھر دھون ، وجے کمار اور پوجارا کے پویلین لوٹنے کے بعد عظیم بلے باز سچن ٹنڈولکر چوتھے نمبر پر بیٹنگ کے لیے آئے لیکن ان کا بلا صرف چوبیس گیندیں ہی کھیل سکا۔ لٹل ماسٹر نے صرف دس رنز ہی بنائے تھے کہ شلنگفرڈ کی گیند پر ایل بی ڈبلیو کی بدقسمتی کا شکار ہوئے۔ سچن ٹنڈولکر کو اپنے کیریر کا آخری اور 200 واں ٹیسٹ میچ ممبئی کے وانکھیڈے اسٹیڈیم میں کھیلنا ہے۔
ایشین ہاکی چیمپئنز ٹرافی :پاکستان نے بھارت کو4-5سے شکست دیدی
(November 7, 2013)
کاکامیگھارا: ایشین ہاکی چیمپئنز ٹرافی میں پاکستان کی فتوحات کا سلسلہ جاری ہے، قومی شاہینوں نے بھارتی سورماوں کو ہرا کر فائنل میں جگہ بنا لی۔جاپان کے شہرکاکا میگھارامیں جاری ہاکی ایونٹ میں پاکستان بطور دفاعی چیمپئن اپنی شاندار پرفارمنسسز دکھا رہا ہے۔ ٹورنامنٹ میں گرین شرٹس اپنے چوتھے میچ میں ہمسایہ اور روایتی حریف بھارت کے خلاف میدان میں اتریں۔ دونوں ٹیموں کے جارحانہ کھیل کے باعث میچ کا پہلا ہاف دو دو گول سے برابر رہا۔ دوسرے ہاف میں قومی شاہینوں کی جانب سے شاندار پرفارمنسسز کا مظاہرہ ہوا جس میں قومی ٹیم کو روایتی حریف ٹیم کے خلاف چار کے مقابلے میں پانچ گول سے کامیابی سمیٹی۔ ایونٹ کی ناقابل شکست پاکستانی ٹیم نے فائنل میں بھی جگہ پکی کر لی ہے۔ قومی ٹیم اپنا آخری گروپ میچ کل میزبان جاپان کے خلاف کھیلے گی۔ ہاکی ٹورنامنٹ کا فائنل دس نومبر کو شیڈول ہے۔
پاکستانی نڑاد برطانوی باکسر عامر خان کار حادثے میں زخمی ہو گئے
(November 7, 2013)
سان فرانسسکو: پاکستانی نڑاد برطانوی باکسر عامر خان کار حادثے میں زخمی ہو گئے۔اطلاعات کے مطابق امریکی شہر سان فرانسسکو میں حادثہ اس وقت پیش آیا جب عامر خان ٹریننگ کے لیے جم جا رہے تھے کہ ان کی گاڑی کو نشے کی حالت میں ایک شخص نے ٹکر مار دی۔ عامر خان نے ٹوئٹر پر اپنے پیغام میں کہا ہے کہ حادثے کے باعث ان کی کمر اور گردن میں چوٹیں آئیں۔ پولیس نے عامر خان کو ٹکر مارنے والے شخص کو نشے کی حالت میں گرفتار کر لیا۔ حادثے کے باعث عامر خان کی گردن میں جھٹکا آ گیا اور انہوں نے اپنا ٹریننگ پروگرام ملتوی کر دیا۔ عامر خان کا مئی 2014ءمیں امریکی باکسر فلویڈ مے ویدر سے مقابلہ ہونا ہے جس کے لیے وہ ان دنوں سان فرانسسکو میں ٹریننگ کر رہے ہیں۔
شعیب اختر نے پاکستان کی بیٹنگ کارکردگی کو نالائق ترین قرار دیدیا
(November 7, 2013)
کراچی: سابق کرکٹرز شعیب اختر اور رمیز راجا نے ابوظہبی ون ڈے میں شکست کی تمام تر ذمہ داری بلے بازوں پر ڈال دی ۔ابوظہبی ون ڈے میں پاکستان کو 68 رنز سے شکست دی۔ شعیب اختر نے پاکستان کی بیٹنگ کو نالائق ترین بیٹنگ قرار دیدیا۔ خصوصی گفتگو کرتے ہوئے شعیب اختر کا کہنا تھا کہ ابوظہبی ون ڈے میں پاکستان ٹیم کی بیٹنگ دیکھ کر انہیں شرم آرہی تھی، پاکستان کے پاس دنیا کی نالائق ترین بیٹنگ لائن اپ ہے۔ سابق کپتان رمیز راجا کا کہنا تھا کہ جب تک پاکستان میں فرسٹ کلاس کرکٹ کا نظام درست نہیں ہوگا، بیٹسمینوں کی کارکردگی بہتر نہیں ہوگی۔