اسلام آباد (پی پی آئی)مسلم لیگ ن نے بیرون ملک مقیم تمام سینٹرز اور سابق ارکان اسمبلی کو 3 روز کے اندر وطن واپسی کی ہدایت کرتے ہوئے تمام پاکستان میں موجود تمام پارٹی رہنماؤں کو21 اکتوبر سے پہلے بیرون ملک سفر سے روک دیا ہے۔پی پی آئی کے مطابق ن لیگ کا ٹکٹ حاصل کرنے کے خواہاں افراد سے بھی کہا گیا ہے کہ وہنوازشریف کے استقبال کی تیاری کریں۔
کمر میں تکلیف کے باعث سرینا ولیمز قطر اوپن سے دستبردار ہوگئیں
انگلش کرکٹ بورڈ کا کیون پیٹرسن سے متعلق وضاحتی بیان جاری
آئی سی سی میں بگ تھری کی اجارہ داری قائم کردی گئی
کیون پیٹرسن کی اہلیہ ڈومینک کارک سے ٹوئٹر پر جھگڑنے لگیں
آکلینڈ ٹیسٹ : بھارت کو فتح کے لئے 320رنز درکار
تیز ترین چینی خاتون ایتھلیٹ سرمائی اولمپکس سے دستبردار ہوگئیں
تازہ ترین خبریں
- April 23, 2026
- April 22, 2026
- April 22, 2026
اشتہار
تازہ ترین
جی ڈی اے کا سندھ سے صفایا ہوچکا، پی پی پی سوئپ کریگی: منظور وسان کی پیشگوئی
کراچی (پی پی آئی)پیپلز پارٹی کے سنیئر رہنما منظور وسان نے سیاسی منظر نامے کے حوالے سے نئی پیش گوئی کرتے ہوئے کہا ہے کہ عام انتخابات سے پہلے چیئرمین پی ٹی آئی عمران خان کی مشکلات میں اضافہ ہوتا دیکھ رہا ہوں۔پی پی آئی کے مطابق انہوں نے قائد مسلم لیگ ن کے بارے میں کہا کہ اکتوبر میں معلوم ہو جائے گا نواز شریف وطن واپس آ رہے ہیں یا نہیں؟۔منظور وسان کا کہنا تھا کہ 28 جنوری اتوار کو الیکشن ہوں گے اس لئے جیالے تیاری کریں، پیپلز پارٹی کے رہنما منظور وسان نے کہا کہ عام انتخابات میں پی پی پی اور ن لیگ میں مقابلہ سخت ہو گا،سندھ میں پی پی پی کے خلاف تمام جماعتیں ایک ساتھ الیکشن لڑیں گی لیکن جی ڈی اے کا سندھ سے صفایا ہوچکا ہے،سندھ میں پی پی پی سوئپ کرے گی۔پی ٹی آئی کی پوزیشن ڈاؤن ہے۔ منظور وسان نے کہا ایم کیو ایم کا حلقہ بندیوں سے متعلق واویلا بلا جواز ہے،ایم کیو ایم سیاسی جماعتوں کے ساتھ ہر دور میں اقتدار میں رہی۔
ق لیگ کاملک کو درپیش سنگین حالات کے پیش نظر قومی کانفرنس بلوانے پر غور
اسلام آباد (پی پی آئی)مسلم لیگ ق نے نے ملک کو درپیش سنگین حالات کے پیش نظر قومی کانفرنس بلوانے پر غور شروع کردیا ہے تاکہ مسائل کا حل تجویز کیا جاسکے۔مسلم لیگ ق کے سربراہ چودھری شجاعت حسین نے کہا کہ ملکی مفاد کیلئے تمام سیاستدان اختلاف بھلا کر اکٹھے بیٹھیں۔ چودھری شجاعت نے کہا میں ہمیشہ کھل کر بات کرنے کا عادی ہوں، بیٹے کو بھی یہی کہا ہے، چودھری شافع اور سالک کو کہا ہے کہ ہمیشہ مظلوم کا ساتھ دینا ہے اور ظالم کا راستہ روکنا ہے، ملک کے وسیع تر مفاد میں تمام سیاستدان اختلافات بھلا کر اکٹھے بیٹھیں۔ سربراہ ق لیگ نے مزید کہا الیکشن ہونا نہ ہونا بعد کی بات ہے، پہلے ملکی حالات ٹھیک ہونے چاہئیں، پرویزالہٰی پر کبھی تنقید نہیں کی
مشاہد حسین کا جنرلز کے احتساب پر نواز شریف کو ’بھولنے اور آگے بڑھنے‘ کا مشورہ
اسلام آباد (پی پی آئی) مسلم لیگ (ن) کے سینیٹر مشاہد حسین نے پارٹی قائد نواز شریف کو مشورہ دیا ہے کہ وہ سابق فوجی جرنیلوں کے احتساب کے حوالے سے ’سخاوت‘ کا مظاہرہ کرکے معاف کرنے، بھول جانے اور آگے بڑھنے کے ’مستقبل کے نقطہ نظر‘ پر عمل کریں۔پی پی آئی کے مطابق مشاہد حسین نے کہا کہ آنجہانی نیلسن منڈیلا نے انھیں کہا تھا کہ ایک سیاستدان کی سب سے بڑی خوبی سخاوت ہے، جب انصاف اور انتقام کا معاملہ آیا تو حضرت علی رضی اللہ تعالیٰ عنہ نے بھی سخاوت کا مظاہرہ کیا۔سینیٹر مشاہد حسین نے کہا کہ اگر آپ ماضی میں دیکھتے ہیں تو ہاں احتساب ہونا چاہیے، نواز شریف کا غصہ جائز ہے۔تاہم، انہوں نے مسلم لیگ (ن) کے سربراہ کو مشورہ دیا کہ وہ آزمائے ہوئے، اور ناکام فارمولے کا انتخاب نہ کریں۔سینیٹر مشاہد حسین نے پرویز مشرف کے خلاف مسلم لیگ (ن) کی حکومت کی احتسابی کارروائی کے نتائج پر بھی سوال اٹھایا۔سینیٹر نے کہا کہ کہ ’انہیں ملٹری اسٹیبلشمنٹ نے تحفظ فراہم کیا، سیکیورٹی فراہم کی اور ہماری اپنی حکومت کے دوران محفوظ راستہ دیا اور آپ بے بس تھے۔‘پاکستان میں ملٹری اسٹیبلشمنٹ اپنے چیف کی حفاظت کرے گی، چاہے وہ کتنا ہی متنازع کیوں نہ ہو، اسے مکمل فوجی اعزازات دیے جائیں گے، لہٰذا وہ اجازت نہیں دیں گے،۔سینیٹر نے کہا کہ زندگی میں اتار چڑھاؤ آتے ہیں اور سیاست دان کو یہ دیکھنا چاہیے کہ قومی اور عوامی مفاد میں کیا ہے۔سینیٹر مشاہد حسین نے کہا کہ اگر آپ اس انتقام کے عمل میں پھنس گئے تو حکومت نہیں کر پائیں گے۔
تلاش کریں
خبریں

کمر میں تکلیف کے باعث سرینا ولیمز قطر اوپن سے دستبردار ہوگئیں
(February 10, 2014)
نیویارک: امریکا کی عالمی نمبر ون ٹینس اسٹار سرینا ولیمز نے کمر کی تکلیف کے باعث آئندہ ہفتے 24لاکھ ڈالر کی مجموعی انعامی رقم والے ٹورنامنٹ قطر اوپن سے دستبرداری اختیا ر کرلی ۔ سرینا ولیمز اس سے قبل انڈین ویلز ٹورنامنٹ میں بھی عدم شرکت کا اعلان کرچکی ہیں۔

انگلش کرکٹ بورڈ کا کیون پیٹرسن سے متعلق وضاحتی بیان جاری
(February 10, 2014)
لندن: انگلش کرکٹ بورڈ نے سابق بیٹسمین کیون پیٹرسن سے متعلق وضاحتی بیا ن جاری کردی ا۔ ای سی بی حکام کا کہنا ہے کہ آسٹریلیا کے خلاف ایشز سیریز میںشکست کے بعد انگلش ٹیم کو تشکیل نو کی ضرورت ہے اور ہم اس سلسلے میں اپنے کپتان الیسٹرکک کی بھر پور حوصلہ افزائی جاری رکھنا چاہتے ہیں تاکہ انہیں کھلاڑیوں کا اعتماد حاصل ہوسکے جبکہ کیون پیٹرسن کو الیسٹر کک کے ساتھ اعتماد کے حوالے سے مسئلہ درپیش تھا اسی لئے انہیں ٹیم سے علیحدہ کیا گیا ۔

آئی سی سی میں بگ تھری کی اجارہ داری قائم کردی گئی
(February 8, 2014)
سنگاپور: انٹرنیشنل کرکٹ کونسل نے تشکیل نو کا منصوبہ اکثریت سے منظور کر لیا۔ اب کرکٹ کی عالمی تنظیم پر تین بڑوں کی اجارہ داری ہو گی۔اجلاس میں آئی سی سی کے دس ممالک بورڈز کے سربراہان اکٹھے ہوئے۔ اجلاس کے اختتام پر متنازعہ مسودے یعنی “بگ تھری ” معاملے پر ووٹنگ کی گئی۔ تین بڑوں کا ساتھ دینے کے لیے پہلے ہی سات بورڈز اپنے ہتھیار ڈال چکے تھے۔ آخری لمحات میں جنوبی افریقا نے بگ تھری کے حق میں ووٹ دیکر پوزیشن پیپر کی منظوری میں اہم کردار ادا کیا۔ آئی سی سی سے جاری شدہ اعلامئے کے مطابق پاکستان اور سری لنکا نے منصوبے پر دستخط نہیں کیے۔ تاہم نئی ایگزیکٹو کمیٹی رواں سال جولائی سے اپنا کام شروع کرے گی۔ اجلاس میں بگ تھری سے متعلقہ تجاویز پر فیصلے کیے گئے۔ آئی سی سی کے آئندہ سربراہ بی سی سی آئی کے چیف سری نواسن ہونگے۔ فنانس اور کمرشل کمیٹیوں کی سربراہی انگلینڈ کو مل گئی جبکہ نئی ایگزیکٹو کمیٹی کی سربراہی آسٹریلیا کے حصے میں آگئی۔ بگ تھری منصوبے کی منظوری کے بعد کرکٹ آمدن پر بھارت، انگلینڈ اور آسٹریلیا کا زیادہ حصہ ہو گا۔ اجلاس میں ورلڈ ٹیسٹ چیمپئن شپ کی جگہ چیمپئنز ٹرافی دوبارہ سے شروع کروانے کا فیصلہ بھی کیا گیا۔

کیون پیٹرسن کی اہلیہ ڈومینک کارک سے ٹوئٹر پر جھگڑنے لگیں
(February 8, 2014)
لندن: سابق انگلش بیٹسمین کیون پیٹرسن کی پاپ اسٹار اہلیہ جیسیکا ٹیلر اپنے شوہر کے خلاف بعض باتیں پھیلانے پر سابق انگلش فاسٹ بالر ڈومینک کارک سے ٹوئٹر پر الجھ پڑیں۔ واضح رہے کہ سابق پیسرنے دعویٰ کیا تھا کہ تجربہ کار کھلاڑی کو کپتان الیسٹر کک سے ایشز سیریز کے سڈنی ٹیسٹ کے دوران جھگڑے کی وجہ سے برطرف کیا گیا ہے۔

آکلینڈ ٹیسٹ : بھارت کو فتح کے لئے 320رنز درکار
(February 8, 2014)
آکلینڈ: آکلینڈ ٹیسٹ کا تیسرا روز بلے بازوں کے لیے تباہ کن رہا، مجموعی طورپر 17 وکٹیں گرگئیں۔ بھارت کے202 پر آﺅٹ ہونے کے بعد کیوی ٹیم105رنز پر ڈھیر ہوگئی۔ ایڈن پارک آکلینڈ میں بھارت نے اپنی پہلی نا مکمل اننگ 130 رنز چار وکٹ پر شروع کی۔ بقیہ 6 کھلاڑی اسکور میں72 رنز کا اضافہ کرسکے۔ اور پوری ٹیم 202 رنز پر پویلین لوٹ گئی۔ روہیت شرما 72 رنز بناکر نمایاں رہے۔ نیل ویگنرنے چارجبکہ ٹرینٹ بولٹ اور ٹم ساوتھی نے تین تین کھلاڑیوں کو آوٹ کیا۔ پہلی اننگز میں301 رنز کی برتری حاصل کرنے کے باوجود نیوزی لینڈ کی ٹیم دوسری اننگزمیں صرف 105رنز پر ڈھیر ہوگئی۔ روس ٹیلر نے41 رنز بنائے۔ محمد شامی اور ایشانت شرما نے تین تین وکٹیں حاصل کیں۔ ظہر خان نے دو بلے بازوں کو میدان بدر کیا۔ جب ہفتہ کے روز کھیل ختم ہوا تو بھارت نے ایک وکٹ پر87 رنز بنالیے تھے۔ شےکھر دھون 49 اور چیتشور پجارا22رنز پر ناٹ آﺅٹ ہیں۔ بھارتی ٹیم کو میچ میں فتح کے لیے مزید320 رنز کی ضرورت ہے۔

تیز ترین چینی خاتون ایتھلیٹ سرمائی اولمپکس سے دستبردار ہوگئیں
(February 8, 2014)
سوچی: چین سے تعلق رکھنے والی دنیا کی تیز ترین خاتون ایتھلیٹ یوجینگ کولہے میں چوٹ کی وجہ سے سوچی سرمائی اولمپکس سے دستبردار ہوگئیں ۔ 28سالہ یوجینگ نے ایڈلر ایرینا میں خواتین کی 500میٹر اور 1000میٹر کی دوڑ میں حصہ لینا تھا ۔ انٹرنیشنل اسکیٹئنگ یونین کے ترجمان کیبالکو نے تصدیق کی ہے کہ یوجینگ زخمی ہونے کے باعث مقابلے میں حصہ نہیں لیں گی ۔
