کراچی (پی پی آئی)سندھ انسٹیٹیوٹ آف چائلڈ ہیلتھ کورنگی میں پہلی بار نومولود کے دل کی کامیاب سرجری کی گئی، بچے کا آکسیجن لیول بہت کم تھا،شریانیں الٹی تھی۔پی پی آئی سندھ انسٹیٹیوٹ آف چائلڈ ہیلتھ کورنگی کے کاڈیولوجسٹ کا کارنامہ سامنے آیا، 26 گھنٹے کی عمر پر محیط بچے کے دل کی کامیاب سرجری کرلی گئی۔پی پی آئی کے مطابق لیاقت آباد نمبر4 کے رہائشی بچے کو جناح اسپتال سے چائلڈ انسٹیٹیوٹ منتقل کیاگیا تھا، جہاں بچے کا آکسیجن لیول بہت کم تھا اور متاثرہ بچے کی شریانیں الٹی تھیں دل کے دائیں خانے سے نکلنے والی شریان پھیپڑوں میں جاتی ہے اور دل کے بائیں خانے سے نکلنے والی شریان خون سپلائی کرتی ہے تاہم متاثرہ بچے میں یہ سسٹم اس کے برعکس تھا۔آپریشن میں بیک سائڈ انجیو پروسیجر کے ذریعے خون کی سپلائی اور آکسیجن بحال کی گئی، بچے کی ایک اورسرجری نجی اسپتال میں کی گئی جہاں بچہ روبہ صحت ہے۔،ڈاکٹر ارجمند شوق کاڈیولوجسٹ کا کہنا تھا کہ سندھ انسٹیٹیوٹ آف چائلڈ ہیلتھ کورنگی میں پہلی مرتبہ اس نوعیت کی سرجری کی گئی ہے۔
ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
بھارتی بلائنڈ کرکٹ ٹیم واہگہ کے راستے پاکستان پہنچ گئی
ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
نجم سیٹھی کو پی سی بی کے قوانین کا علم نہیں ہے : عامر سہیل
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
تازہ ترین خبریں
ساؤتھ ایئر کے ملک گیر وسیع علاقائی فضائی نیٹ ورک کا آغاز
وانا میں سیکیورٹی فورسز کے ذریعہ بڑی دہشت گردی کی سازش ناکام
اشتہار
تازہ ترین
پاکستان میں نوزائیدہ بچوں میں شرح اموات 46 بچے فی ایک ہزار
کراچی (پی پی آئی)پاکستان کے دیہی اور نیم دیہی علاقوں میں تو صحت عامہ کی سہولیات بہت ہی کم ہیں۔ خاص طور پر دیہات میں زچگی اور بچوں کی پیدائش کے عمل میں غیر تربیت یافتہ دائیوں کا کردارہوتا ہے۔ اسی لیے زچگی کے دوران خواتین اور بچوں جبکہ پیدائش کے فوری یا کچھ ہی عرصے بعد نومولود بچوں کی موت کا بہت خطرہ بڑھ جاتا ہے۔اقوام متحدہ کے بچوں کے امدادی ادارے یونیسیف کے مطابق پاکستان میں نوزائیدہ بچوں میں شرح اموات چھیالیس بچے فی ایک ہزار بنتی ہے۔ پی پی آئی کے مطابق 2023میں ملکی آبادی میں اضافے کی سالانہ شرح 1.8 فیصد سے زیادہ ہے جبکہ نئے پیدا ہونے والے بچوں میں سے صرف 69 فیصد کسی تربیت یافتہ نرس، مڈوائف یا طبی کارکن کی موجودگی میں جنم لیتے ہیں۔جہاں تک پاکستان میں زچہ و بچہ کی صحت کے لیے دستیاب مالی وسائل کا تعلق ہے، تو عالمی بینک کے مطابق پاکستانی ریاست اپنے ہر شہری کی صحت کے لیے سالانہ صرف 37 امریکی ڈالر کے برابر رقم خرچ کرتی ہے
ایم ڈی کیٹ ٹیسٹ میں نقل کرنے والے طالب علموں پر 2 سال کی پابندی عائد
پشاور (پی پی آئی) میڈیکل کے تعلیمی اداروں میں داخلے کیلئے دیئے جانے والے ایم ڈی کیٹ ٹیسٹ میں نقل کرنے والے طلبہ پر 2 سال کے لیے پابندی عائد کردی گئی۔پی پی آئی کے مطابق خیبر میڈیکل یونیورسٹی نے طلبہ پر پابندی عائد کرنے کے حوالے سے جاری اعلامیے میں کہا ہے کہ 219 طلبہ پر 2 سال کے لیے ایم ڈی کیٹ ٹیسٹ دینے پر پابندی عائد کی گئی ہے، جو پابندی کے اس عرصہ کے دوران وہ امتحان میں حصہ نہیں لے سکیں گے، طلبہ پر پابندی تفصیلی رپورٹ کی روشنی میں لگائی گئی۔
کیپٹن ریٹائرڈ صفدر کے ناقابل ضمانت وارنٹ گرفتاری جاری
گوجرانوالہ (پی پی آئی) عدالت نے مسلم لیگ ن کے رہنما کیپٹن ریٹائرڈ صفدر کے ناقابل ضمانت وارنٹ گرفتاری جاری کر دئیے۔ گوجرانوالہ میں اداروں کے خلاف بغاوت اور اشتعال انگیز تقاریر کیس میں جوڈیشل مجسٹریٹ فیصل اسلام کی عدالت میں سماعت ہوئی، جہاں کیپٹن ریٹائرڈ صفدر عدالت میں پیش نہیں ہوئے، عدم پیشی کے باعث عدالت نے مسلم لیگ ن کے رہنما کے ناقابل ضمانت وارنٹ جاری کردیئے اور 24 اکتوبر کو انہیں گرفتار کرکے پیش کرنے کا حکم دے دیا۔
تلاش کریں
خبریں
ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
ویلنگٹن: ویلنگٹن ٹیسٹ کے پہلے روز کھیل کے اختتام پر بھارت نے پہلی اننگز میں 2 وکٹ پر 100 رنز بنا لیے۔ نیوزی لینڈ کے خلاف اننگز کی برتری ختم کرنے کے لیے اسے مزید 92 رنز درکار ہیں۔ سیریز کے دوسرے ٹیسٹ میچ میں مہمان بھارتی ٹیم نے ٹاس جیت کر فیلڈنگ کا فیصلہ کیا جو اس کے لیے مفید ثابت ہوا۔ میزبان کیویز پہلی اننگز میں 192 رنز پر آوٹ ہو گئی۔ کین ولیم سن 47 رنز کے ساتھ ٹاپ اسکورر رہے۔ بھارت کی جانب سے ایشانت شرما نے 6 اور محمد شامی نے 4 وکٹیں حاصل کیں۔ بھارت کو بھی پہلی اننگز کے آغاز میں نقصان ہوا۔ 2 رنز پر اوپنر مرلی وجے پویلین لوٹے تو پوجارا بھی19رنز کا اضافہ کر کے آوٹ ہوئے۔ ذمہ دارانہ بیٹنگ کرتے ہوئے شیکھر دھون نے نصف سنچری مکمل کی۔ دھوان71 اور ایشانت شرما 3رنز کے ساتھ کریز پر موجود ہیں۔
بھارتی بلائنڈ کرکٹ ٹیم واہگہ کے راستے پاکستان پہنچ گئی
لاہور: بھارتی بلائنڈ کرکٹ ٹیم پاکستان پہنچ گئی۔ مہمان ٹیم یہاں تین ٹی 20 اور تین ون ڈے میچ کھیلے گی۔ انڈین بلائنڈ کر کٹ ٹیم پاکستان میں واہگہ کے راستے تین ٹی 20 اور تین ون ڈے میچ کھیلنے کے لئے لاہور پہنچ گئی ہے۔ اس موقعہ پر میڈیا سے گفتگو میں منیجر انڈین بلائنڈ ٹیم ڈیوڈ جون کا کہنا تھا کہ ہر کھیل محبت کا پیغام دیتا ہے۔ پاکستان آکر خوشی ہوتی ہے۔ بھارت کے مقابلے میں پاکستان کرکٹ بورڈ اپنی بلائنڈ ٹیم کی زیادہ سپورٹ کرتا ہے یہ امر قابل قدر ہے۔
ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
روٹرڈیم: عالمی نمبر چھ برطانوی ٹینس اسٹار اینڈی مرے اور ارجنٹائن کے یوآن مارٹن ڈیل پوٹرو ورلڈ انڈور ٹینس ٹورنامنٹ کے تیسرے راونڈ میں پہنچ گئے۔ ہالینڈ کے شہر روٹر ڈیم میں کھیلے گئے ٹینس ٹورنامنٹ کے دوسرے راونڈ میں ومبلڈن چیمپئن اینڈی مرے نے جارحانہ کھیل کا مظاہرہ کیا۔ اینڈی مرے نے آسٹریا کے ڈومینیک کو دو گھنٹے اور21 منٹ کے طویل مقابلے کے بعد شکست دی۔ اینڈی مرے کی فتح کا اسکور چھ چار، تین چھ اور چھ تین رہا۔ سنگلز مقابلوں میں ارجنٹائن کے ڈیل پوٹروفرانس کے پال ہنری کے خلاف ان ایکشن ہوئے،پوٹرو نے حریف کھلاڑی کو پانچ دو اور سات چھ سے زیر کیا۔ دوسری جانب گیلبس ارنیسٹ نے ڈمرٹوف کو چھ دو، ایک چھ اور چھ چار سے جبکہ جمہوریہ چیک کے تھامس برڈیج نے فرانسیسی حریف نکولس میہوٹ کو چھ چار، چھ دو، سے ہر ا کر اگلے راونڈ میں جگہ بنائی۔
نجم سیٹھی کو پی سی بی کے قوانین کا علم نہیں ہے : عامر سہیل
روٹرڈیم: سابق ٹیسٹ کرکٹر عامر سہیل نے کہا ہے کہ نئے چیئرمین کو پی سی بی کے قانون کا علم ہی نہیں۔ وزیر اعظم کو غلط مشورے دیے گئے، جب انتظامی ڈھانچہ ہی معطل ہے تو یہ نیا آ ئین کیسے بنا سکتے ہیں۔ ایک نجی ٹی وی سے گفتگو کرتے ہوئے انھوں نے کہا کہ آج پاکستان کی کرکٹ کی حالت دیکھ کر مجھے ہنسی بھی آتی ہے اور افسوس بھی ہوتا ہے کہ کرکٹ کی باگ ڈور کیسے کیسے لوگوں کے ہاتھ میں جا رہی ہے۔ ذکا اشرف منتخب چیئرمین تھے، نئے چیئرمین کو اخلاقیات کا مظاہرہ کرتے ہوئے وزیراعظم سے کہنا چاہیے تھا کہ ان کو نہ ہٹائیں، اگر موجودہ وزیراعظم پرویز مشرف کے اقدام کو غلط قرار دیتے ہیں تو یہ اقدام بھی ویسا ہی ہے۔ مجھے کرکٹ بورڈ میں آنے کی ضرورت نہیں، میں میڈیا سے جڑا بندہ ہوں۔ ایک نجی ٹی وی پر کامیاب پروگرام بھی کر رہا ہوں۔ کرکٹ کو جب بھی میری ضرورت ہوئی میں اپنی خدمات پیش کروںگا لیکن نجم سیٹھی کے ساتھ کام کرنے کا سوال ہی پیدا نہیں ہوتا۔ ٹیم کے انتخاب میں فیورٹ ازم ہے، اچھے کھلاڑی کو بھی سفارش یا رشوت کی ضرورت ہوتی ہے، میں کسی کا نام نہیں لینا چاہتا لیکن بہت کچھ ہو رہا ہے۔مجھے بھی کئی مرتبہ پیسے کی آفرز ہوئیں لیکن میں نے اس کو حرام سمجھا، پی سی بی کا آئین بنانے کا اختیار وزیراعظم کے پاس بھی نہیں ہے، یہ انتہائی غلط فیصلے کر رہے ہیں۔ جب جنرل باڈی ہی معطل ہے تو پھر ترمیم کیسے ہوسکتی ہے۔ خرابی آئین میں نہیں، بورڈ ممبران میں ہے اور بورڈ کو چلانے کے طریقے میں خرابی ہے۔ بگ تھری کا معاملہ آیا تو ان کو9 جنوری کو ہی پتہ چل گیا تھا لیکن انہوں نے پتہ نہیں کیوں معاملے کو دبائے رکھا، چپ رہے اور کوئی تیاری ہی نہیں کی۔ اس ایشوکا مقصد یہ تھا کہ جتنے بھی بڑے کرپشن کے معاملات ہیں ان کو دبایا جاسکے اور وہ اس میں کامیاب بھی ہو گئے ہیں۔ آئی پی ایل میں پاکستان اور سری لنکا کے کسی کھلاڑی کی بولی نہیں لگائی گئی۔ شکیل شیخ نے لائیو ٹی وی شو میں مجھ سے معافی مانگ لی، میرے لئے اتنا ہی کافی ہے۔ اس موقع پر پی سی بی مینجمنٹ کمیٹی کے رکن شکیل شیخ نے کہا کہ میں نے اگر جذبات میں آکر عامر سہیل اور باسط علی کے بارے میں کچھ غلط باتیں کی تھیں تو میں وہ واپس لیتا ہوں۔
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
لاہور: آئندہ ماہ بنگلہ دیش میں ہونے والے ایشیاءکپ اور ٹی ٹوئنٹی ورلڈ کپ کیلئے فاسٹ بولر محمد عرفان کی جگہ عمر گل کو ٹیم میں شامل کرلیا گیا ۔ راولپنڈی کرکٹ اسٹیڈیم میں پی سی بی سلیکشن کمیٹی کا اجلاس اظہر خان کی زیر صدارت ہوا۔ ذرائع کے مطابق ایشیا کپ اور ٹی ٹونٹی ورلڈ کپ کیلئے عمر گل کو ٹیم میں شامل، جب کہ محمد عرفان کو ڈراپ کر دیا گیا ہے۔ ہیڈ کوچ معین خان اور بولنگ کوچ محمد اکرم نے کمیٹی کو تمام کھلاڑیوں کی فٹنس کے بارے میں آگاہ کیا۔ کمیٹی اپنی تجاویز جلد چئیرمین پی سی بی نجم سیٹھی کو بھجوائے گی جس کے بعد ایشیا کپ اور ٹی ٹونٹی ورلڈ کپ کیلئے ٹیم کا باضابطہ اعلان کیا جائے گا۔
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
لاہور: بنگلہ دیش کیخلاف سیریزاورویمنزورلڈ ٹی ٹوئنٹی کیلئے 14رکنی قومی ویمن ٹیم کا اعلان کردیا گیا۔ ثنائ میرکوکپتان برقراررکھا گیا ہے۔پاکستان ویمنزکرکٹ ٹیم آئندہ ماہ بنگلہ دیش میں ہونے والے ورلڈ ٹی ٹوئنٹی سے قبل دوسے پندرہ مارچ تک بنگلہ دیشی ٹیم کیخلاف تین ون ڈے اورپانچ ٹی ٹوئنٹی میچزکی سیریزکھیلے گی۔ پاکستان کرکٹ بورڈ نے دونوں ایونٹس کیلئے 14 رکنی قومی ویمن ٹیم کا اعلان کردیا ہے۔ ثناءمیرکوکپتان برقرارکھا گیا ہے بسمہ معروف ان کی نائب ہوں گی۔ دیگرکھلاڑیوں میں نین عابدی، ندا راشد، جویریہ ودود، بتول فاطمہ، اسماویہ اقبال، قانیطہ جلیل، سمیہ صدیقی، سادیہ یوسف، ناہیدہ بی بی، ثانیہ اقبال، سدرا امین اورمرینہ اقبال شامل ہیں۔ دونوں ایونٹس کی تیاری کیلئے ٹیم کا ٹریننگ کیمپ 17فروری سے یکم مارچ تک مریدکے میں لگایا جائیگا۔