اسلام آباد (پی پی آئی) سپریم کورٹ نے مکمل دستاویزات پیش نہ کرنے پر وکیل کو 2 ہزار جرمانہ کر دیا۔پی پی آئی کے مطابق چیف جسٹس قاضی فائز عیسیٰ نے انکم ٹیکس کیس میں سماعت کے دوران اپنے ریمارکس میں کہا کہ ہم ذرا اولڈ فیشن ججز ہیں، مکمل دستاویزات دیکھیں گے۔ انہوں نے وکیل سے استفسار کیا کہ آپ کے ساتھ ریونیو کا کوئی وکیل نہیں آیا جس پر درخواست گزار کے وکیل نے کہا کہ جی میرے ساتھ کوئی نہیں آیا۔ چیف جسٹس کا کہنا تھا کہ ہم نے کہا انکم ٹیکس کیس متعلقہ ڈپارٹمنٹ کا بندہ ساتھ ہونے تک چل سکتا ہے۔ عدالت کو معاونت ملتی نہیں اور کہتے ہیں کیس پر سپریم کورٹ کا اسٹے ہے۔ سپریم کورٹ نے ان لینڈ ریونیو کو نوٹس جاری کر دیا اور دستاویزات مکمل نہ ہونے پر وکیل کو بھی جرمانہ کیا۔
کیون اسٹیڈلر نے فینکس اوپن گالف چیمپئن شپ جیت لی
ڈیوس کپ : برطانوی ٹیم تاریخی فتح کے بعد کوارٹر فائنل میںپہنچ گئی
سوچی اولمپکس : افتتاحی تقریب کی ریہرسل کیلئے شاندار آتش بازی کا مظاہرہ
جرمن فٹبال لیگ : بائرن میونخ نے فرینکفرٹ کو 0-5سے ہرادیا
انگلش پریمیئر لیگ : آرسنل نے کرسٹل پیلس کو دوصفر سے شکست دیدی
رانجی ٹرافی جیت کر کرناٹک ٹیم بھارت کی ڈومیسٹک چیمپئن بن گئی
تازہ ترین خبریں
- April 22, 2026
اشتہار
تازہ ترین
آئین پر عمل درآمد نہیں کیا جا رہا، ملک بے آئین چل رہا ہے: لطیف کھوسہ
اسلام آباد (پی پی آئی)پاکستان تحریکِ انصاف کے چیئرمین عمران خان کے وکیل لطیف کھوسہ نے کہا ہے کہ آئین پر عمل درآمد نہیں کیا جا رہا، ملک بے آئین چل رہا ہے۔ میڈیا سے گفتگو کرتے ہوئے تحریکِ انصاف کے چیئرمین کی ضمانت سے متعلق لطیف کھوسہ کا کہنا ہے کہ اگر چالان پیش کر دیا جاتا تو آج چیئرمین پی ٹی آئی کی ضمانت ہو جاتی،انہوں نے کہا ہے کہ ایف آئی اے نے آج کیس کا چالان جمع نہیں کیا، چیئرمین پی ٹی آئی کے جوڈیشل ریمانڈ میں 14 دن کی توسیع کر دی گئی ہے۔ لطیف کھوسہ نے کہا ہے کہ چیئرمین پی ٹی آئی ڈٹے ہوئے ہیں، تحریری حکم نامہ کے بعد اڈیالہ منتقل کیا جائے گا، انہیں ایک دن بھی جیل میں رکھنا قوم کی توہین ہے، آج چیئرمین تحریکِ انصاف کو بری کر دینا چاہیے تھا۔ اْن کا کہنا ہے کہ ذوالفقار علی بھٹو نے بھی راجہ بازار میں صفحہ لہرایا تھا کہ امریکا نے انہیں دھمکی دی تھی، بھٹو نے بھی ہنری کسنجر کی دھمکی سے قوم کو آگاہ کیا تھا۔ لطیف کھوسہ کا کہنا ہے کہ سائفر کا ترجمہ نیشنل سیکیورٹی میٹنگ میں سب کے پاس تھا، کابینہ ممبران کو سائفر کی کاپی بھی دی جاتی ہے، عدالتیں احکامات دیتی ہیں لیکن ان پر عمل نہیں کیا جاتا۔ انہوں نے یہ بھی کہا ہے کہ پرویز الہٰی کی کتنی بار ضمانتیں ہوئیں لیکن وہ تاحال گرفتار ہیں۔
نواز شریف پاکستان کے لیے خاصے فکر مند ہیں: میاں جاوید لطیف
اسلام آباد (پی پی آئی)سابق وفاقی وزیر میاں جاوید لطیف کا کہنا ہے کہ نواز شریف سے ملکر اطمینان ہوا کہ وہ پاکستان کے لیے خاصے فکر مند ہیں۔پی پی آئی کے مطابق میاں جاوید لطیف کا کہنا تھا کہ2017کی ڈوبی معیشت کو،ملک کو نوازشریف ہی گرداب سے باہر نکالیں گے، جب طاقت ور افراد من مرضی کے فیصلے کراتے ہیں تو انصاف پر سوال اٹھتا ہے من مرضی کے فیصلے نا کرنے والوں کو نوکری سے برخاست کردیا جاتاہے۔ریاستی اداروں میں خود احتسابی کا طریقہ کار موجود ہیں لیکن طاقت ور لوگ اپنا احتساب نہیں ہونے دیتے۔ان کا مزید کہنا تھا کہ اگر منصف آئین و قانون کے مطابق فیصلے دیتے تو کسی کو کہا جاتا اس کا دماغی توازن ٹھیک نہیں،طاقتور افراد آئین و قانون کے بجائے اپنا فیصلہ سنانے کی ہدایت کرتے تو انکار پر نوکری سے ہٹا دیا جاتا ہے۔
ٹیٹراپیک دودھ بنانے والی کمپنیوں کی من مانیاں عروج پر
کراچی (پی پی آئی)ٹیٹراپیک دودھ بنانے والی کمپنیوں کی من مانیاں عروج پرپہنچ گئیں، دودھ کی قیمتوں میں فی کلو 5سے 15روپے تک کا اضافہ کردیا ہے۔ ڈیرھ لیٹرٹیٹرادودھ کاپیک 15روپے اضافہ سے 395روپے تک پہنچ گیا ہے،پی پی آئی کے مطابق فی لیٹرٹیٹراپیک دودھ 10روپے مہنگاہوکر 280روپے تک پہنچ گیا،دودھ کاپاؤلیٹرکاپیک 5روپے اضافہ سے 75روپے تک ہوگیا۔ دو کمپنیوں کی جانب سے یکم اکتوبراورایک کمپنی کی جانب سے 6اکتوبرکو نئی قیمتوں کااطلاق کیاجائے گا۔
تلاش کریں
خبریں
عالمی منڈی میں تیل سستا، حکومت بھی عوام کو فوری ریلیف دے: پاسبان
(June 18, 2026)
ڈی پی او جھنگ کا دورہ گڑھ مہاراجہ دربار حضرت سلطان باھوؒ
(June 18, 2026)
کیون اسٹیڈلر نے فینکس اوپن گالف چیمپئن شپ جیت لی
(February 3, 2014)
اسکاٹس ڈیل: امریکہ کے کیون ا سٹیڈلر نے فینکس اوپن گالف چیمپئن شپ جیت لی۔ اسکاٹس ڈیل کے خوبصورت ایریزونا میں ہونیوالی گالف چیمپئن شپ کے فائنل راونڈ میں کھلاڑیوں نے شاندار پرفارمنسسز دکھائیں۔ امریکہ کے کیون اسٹیڈلرنے عمدہ کھیل کا مظاہرہ کرتے ہوئے ایک سٹروک کی برتری حاصل کی۔31سالہ کیون نے گالف کیریر میں پی جی اے ٹور کا پہلا ٹائٹل اپنے نام کیا۔ کیون کے ہم وطن گالفربیوبا واٹسن سخت مقابلہ کرتے ہوئے دوسرے نمبر پر رہے۔
ڈیوس کپ : برطانوی ٹیم تاریخی فتح کے بعد کوارٹر فائنل میںپہنچ گئی
(February 3, 2014)
کیلیفورنیا: ڈیوس کپ ورلڈ گروپ میں برطانیہ نے امریکہ کو تین ایک سے شکست دیکر کوارٹر فائنل میں جگہ بنا لی۔ برطانوی ٹیم 79 سال بعد ڈیوس کپ میں امریکہ کو زیر کرنے میں کامیاب ہوئی۔ ٹینس ٹورنامنٹ کے پہلے راونڈ میں دلچسپ مقابلے ہوئے۔ سنگلز میچز میں مہمان برطانوی ٹیم نے شاندار پرفارمنس دکھائی۔ ومبلڈن چیمپئن برطانوی سٹار اینڈی مرے نے میزبان ملک کے سیم کیوری کو سخت مقابلے کے بعد شکست دی۔ اینڈی مرے کی فتح کا اسکور سات چھ، چھ سات، چھ ایک اور چھ تین رہا۔ اس سے قبل بھی برطانیہ کو میزبان حریف پر دو ایک کی برتری حاصل تھی تاہم اس فتح کے بعد برطانوی ٹیم 1935ءکے بعد پہلی بار ڈیوس کپ میں امریکہ کو زیر کرنے میں کامیاب ہوئی۔
سوچی اولمپکس : افتتاحی تقریب کی ریہرسل کیلئے شاندار آتش بازی کا مظاہرہ
(February 3, 2014)
سوچی: سوچی اولمپکس کی افتتاحی تقریب کی ریہرسل کے لیے ہونیوالی شاندار آتش بازی نے رات کو دن میں تبدیل کر دیا۔ روس میں سوچی اولمپکس سے کچھ دن پہلے آتش بازی کا مظاہرہ کیا گیا۔ افتتاحی تقریب کے لیے آتش بازی اور میوزک کی شاندار ریہرسل کی گئی۔ اس موقع پر اسٹیڈیم کو خوبصورت رنگا رنگ روشنیوں سے سجایا گیا تھا۔ تقر یب کی ریہرسل دو گھنٹے تک جاری رہی۔ سوچی اولمپکس گیمز کا آغاز سات فروری سے ہو رہا ہے۔ تفصیلات کے مطابق روسی صدرولا دیمیر پیوٹن نے اس پراجیکٹ کے لیے 50 ملین ڈالرز سے زائد رقم خرچ کی ہے۔
جرمن فٹبال لیگ : بائرن میونخ نے فرینکفرٹ کو 0-5سے ہرادیا
(February 3, 2014)
برلن: جرمن فٹبال لیگ میں بائرن میونخ کی ٹیم نے فرینکفرٹ کو پانچ صفر سے زیر کر کے اپنی ٹاپ پوزیشن مستحکم بنا لی۔ فٹبال لیگ کے میچ میں دلچسپ مقابلہ ہوا۔ کھیل کے بارہویں منٹ میں میزبان ٹیم کے مڈفیلڈرماریو گوئیٹزنے گول کر کے ٹیم کو ایک صفر کی برتری دلائی۔ 44ویں منٹ میں ایک اور گول نے ٹیم کی برتری دو صفر کی۔ دوسرے ہاف میں بھی میزبان ٹیم کے کھلاڑیوں نے جارحانہ کھیل کا مظاہرہ کیا اور مزید تین گول اسکور کر کے مہمان فرینکفرٹ کو پانچ صفر سے ٹھکانے لگایا۔ اس شاندار فتح کے بعد لیگ میں نا قابل شکست ٹیم بائرن میونخ کی 53 پوائنٹس کے ساتھ پہلی پوزیشن پر برقرار ہے۔
انگلش پریمیئر لیگ : آرسنل نے کرسٹل پیلس کو دوصفر سے شکست دیدی
(February 3, 2014)
لندن: انگلش فٹبال کلب آرسنل نے کرسٹل پیلس کو شکست دیکر انگلش پریمیئر لیگ میں ٹاپ پوزیشن حاصل کرلی ۔ ایمریٹس اسٹیڈیم میں کھیلے جانے والے میچ میں آرسنل نے کرسٹل پیلس کو دوصفر سے زیر کیا ۔ پہلے ہاف میں دونوں ٹیموں کے درمیان سخت مقابلہ ہوا۔کوئی بھی ٹیم گیند کو جال کی راہ دکھانے میں کامیاب نہ ہوسکی ۔دوسرے ہاف کا آغاز ہوا ابتداءہی میں آرسنل نے ایک گول کردیا ۔73ویں منٹ میں چیمبرلین نے بہترین کارکردگی دکھاتے ہوئے دوسراگول کرکے آرسنل کی برتری کو دگنا کردیا ۔حریف ٹیم نے مقابلہ برابر کرنے کے لئے جان توڑ کوششیں کیں لیکن آرسنل کے ڈیفینڈر ز نے تمام حملوں کو ناکام بناتے ہوئے میچ دو صفر سے جیت لیا ۔شاندار کامیابی کے بعد آرسنل 55پوائنٹس کے ساتھ پریمیئر لیگ میں سرفہرست آگئی ہے ۔
رانجی ٹرافی جیت کر کرناٹک ٹیم بھارت کی ڈومیسٹک چیمپئن بن گئی
(February 3, 2014)
حیدر آباد دکن: کرناٹک نے مہاراشٹرا کو ہرا کر 7ویں مرتبہ رانجی ٹرافی کا فائنل جیت لیا ۔ فاتح ٹیم کو آخری اننگز میں جیت کے لئے 157رنز کا ہدف ملا جو اس نے تین وکٹوں کے نقصان پر حاصل کرلیا۔ ٹورنامنٹ جیتنے پر کرناٹک کی ٹیم کو 2کروڑ جبکہ رنر اپ مہاراشٹرا کو ایک کروڑ روپے انعام دیا گیا ۔ پہلی اننگز میں سنچری بنانے والے بیٹسمین راہول مین آف دی میچ قرار پائے ۔