سکھر(پی پی آئی) سندھ بھرمیں آشوب چشم کی وبا ایک بار پھرتیزی سے پھیلنے لگی ہے۔ سرکاری و نجی ہسپتالوں میں مریضوں کی تعدادمیں اضافہ ہونے لگا ہے۔ ماہر امراض چشم ڈاکٹر شاہ نواز منعمی نے پی پی آئی کو بتایا کہ اس بیماری سے صحت یاب ہونے میں دس سے پندرہ روز لگ جاتے ہیں۔ ایسے مریضوں کو لوگوں سے ملنے میں احتیاط کرنی چاہئے کیونکہ یہ بیماری ہوا اور سانس کے ساتھ بھی پھیلتی ہے۔ مریض کا تولیہ الگ کر دینا چاہئے اور بچوں کو مریض سے دور رکھا جائے۔ پی پی آئی کے مطابق ماسک پہننے اور سینی ٹائزر کے استعمال سے بھی اس بیماری کے اثرات سے پچا جا سکتا ہے۔
امریکا نیشنل باسکٹ بال:لاس اینجلس نے میمفیز کو شکست دیدی
احمد شہزاد کی امپائر سے بحث ،جرمانہ عائد ہونے کا امکان
پشاور ہائیکورٹ : بجلی کے بلوں پر فیول ایڈجسمنٹ سرچارج غیر قانونی قرار
آسٹریلوی بلے باز عثمان خواجہ آج (بدھ ) 26ویں سالگرہ منائیں گے
کرکٹ ورلڈ کپ2015کے کوالیفائر کیلئے 10ٹیموںکاا علان
آسٹریلیا نے ایشز سیریز میں 3-0کی فیصلہ کن برتری حاصل کرلی
تازہ ترین خبریں
- April 25, 2026
- April 23, 2026
- April 22, 2026
اشتہار
تازہ ترین
نواز شریف کا سیاسی بیانیہ پر نظر ثانی سے انکار، شہباز نرم موقف پر قائل کرنے میں ناکام
پی پی آئی) لندن میں مقیم نواز شریف نے ایک مرتبہ پھر اپنے سیاسی بیانیے پر نظر ثانی سے انکار کر دیا ہے ن لیگ کے قریبی ذرائع کا سدعویٰ ہے کہ مسلم لیگ ن کی سیاسی تاریخ میں پہلی مرتبہ مصالحانہ کے بجائے جارحانہ گروپ کی جیت ہو گئی، مسلم لیگ ن کے قائد نوازشریف نے واضح کیا کہ پارٹی کڑے احتساب کا جارحانہ بیانیہ لے کر ہی انتخابی میدان میں اترے گی۔نواز شریف نے کہا کہ بات میری ذات کی ہوتی تو اور بات تھی، یہاں بات ملک اور ملک میں بسنے والے کروڑوں شہریوں کی ہے، ملک کے خلاف سازش میں جنہوں نے حصہ ڈالا سب کو بے نقاب کرنا چاہیے۔انہوں نے کہا کہ موجودہ معاشی صورتحال کے ذمہ دار وہی عناصر ہیں جنہوں نے 2017 میں ملکی ترقی کیخلاف سازش کی، سازشی عناصر کو ہر صورت میں قانون کے کٹہرے میں لانا ہو گا۔مسلم لیگ ن کے ذرائع کے مطابق نواز شریف کے موقف کی لندن میں موجود لیگی رہنماؤں نے بھی کھل کر حمایت کی، مریم نواز نے بھی نواز شریف کے موقف کا ساتھ دیا۔ شہباز شریف اپنے بھائی کو نرم موقف اختیار کرنے پر قائل نہ کر سکے۔
دنیا بھر کی طرح پاکستان میں ورلڈ فارماسسٹ ڈے آج منایا جائے گا
کراچی(پی پی آئی) پاکستان سمیت دنیا بھر میں 25 ستمبر کو ورلڈ فارماسسٹ ڈے منایا جائے گا،پی پی آئی کے مطابق اس سلسلے میں کراچی فارماسسٹ فورم کی سیکرٹری مدحت فاطمہ خان نے کہا ہے کہ فارماسسٹس کی اہمیت سے کسی بھی صورت انکار نہیں کیا جا سکتا کیونکہ فارماسسٹ شعبہ طب میں ریڑھ کی ہڈی کی حیثیت رکھتے ہیں۔
آزاد کشمیر میں ضلع کونسل کی خالی نشستوں پر پولنگ جمعرات 12اکتوبر کو ہو گی
مظفرآباد (پی پی آئی)آزاد کشمیر الیکشن کمیشن نے خالی ہونے والی ضلع کونسل نشستوں پر انتخابات کا شیڈول جاری کر دیا۔ ترجمان الیکشن کمیشن کے مطابق یونین کونسل کیرنی مندہار، یونین کونسل بھیڈی اور ضلع کونسل حویلی کے یونین کونسل بھیڈی سے ممبر ضلع کونسل کو عدالت کی جانب سے نااہل قرار دئیے جانے پر خالی ہونے والی نشستوں پر ضمنی انتخابات کیلئے الیکشن شیڈول جاری کر دیا گیا ہے۔ کاغذات نامزدگی 28ستمبر سے 30ستمبر تک جمع ہونگے۔ کاغذات کی جانچ پڑتال 2اکتوبر کو ہوگی،اہل امید وار وں کی فہرست بھی 2اکتوبر کو آوایزاں ہو گی،مستردگی کیخلاف اپیل دائر کرنے کی تاریخ 3اکتو سبرے4اکتوبر ہو گی،ان پر فیصلہ 5اور 6اکتوبر کو ہو گا، بطور امید وار دستبرداری کی آخری تاریخ 7اکتوبر ہو گی، انتخابی نشانات کی الاٹمنٹ 7اکتوبر کو ہو گی، امید وار وں کی حتمی فہرست 7اکتوبر اور پولنگ 12اکتوبر جمعرات صبح 8:00سے شام 5:00بجے تک ہو گی۔
تلاش کریں
خبریں
امریکا نیشنل باسکٹ بال:لاس اینجلس نے میمفیز کو شکست دیدی
(December 18, 2013)
لاس اینجلس: امریکا نیشنل باسکٹ بال ایسو سی ایشن میں ایل اے لیکرز کی ٹیم نے ممفس کو سخت مقابلے کے بعد شکست دیدی۔لاس اینجلس میں ہونیوالے باسکٹ بال میچ میں دونوں ٹیموں کے درمیان دلچسپ مقابلہ ہوا،لاس اینجلس کی ٹیم کو فائنل پیریڈ میں اس وقت کامیابی حاصل ہوئی جب سٹار کھلاڑیوں کوب برائنٹ اور پاﺅ گوسال نے شاندار کاکردگی دکھاتے ہوئے حریف ٹیم کے خلاف پوائنٹس بنائے اور برتری حاصل کی۔لاس اینجلس نے میزبان میمفیز کو بانوے کے مقابلے میں چھیانوے پوائنٹس سے شکست دی،فاتح ٹیم کی جانب سے کوبے برائنٹ نے سب سے زیادہ اکیس پوائنٹس سکور کیے۔
احمد شہزاد کی امپائر سے بحث ،جرمانہ عائد ہونے کا امکان
(December 18, 2013)
دبئی: پاکستان کے اوپننگ بیٹسمین احمد شہزاد پرجرمانہ لگنے کا امکان پیدا ہوگیا۔ احمد شہزاد ریویو نہ دینے پرامپائر سے بحث میں لگے رہے۔ سری لنکا کے خلاف پہلے ون ڈے میں اوپننگ بیٹسمین احمد شہزاد نے ابھی گیارہ رنز ہی بنائے تھے کہ سرنگا لکمل کی گیند پرکی گئی ایک جاندار اپیل پرامپائر نے انہیں ایل بی ڈبلیو قراردیدیا۔احمد شہزاد فیصلے سے ناخوش دکھائی دئیے اور ریویو لینا چاہتے تھے لیکن انہوں نے ساتھی کھلاڑی شرجیل خان سے مشاورت میں مقررہ وقت ضائع کردیا جس کے بعد امپائر نے احمد شہزاد کو ریویولینے سے روک دیا۔امپائر کی جانب سے منع کرنے کے باوجود احمد شہزاد نے حسب روایت بحث شروع کردی جس کا ری پلے میچ کے دوران بار بار دکھایا گیا۔ اگردونوں امپائرزنے معاملہ میچ ریفری کورپورٹ کردیا توآئی سی سی کوڈ آف کنڈکٹ کی خلاف ورزی کرنے پراحمد شہزاد جرمانے کی زد میں آسکتے ہیں۔ احمد شہزاد اپنے جارحانہ رویے کی وجہ سے ماضی میں بھی ٹیم سے باہررہ چکے ہیں۔
پشاور ہائیکورٹ : بجلی کے بلوں پر فیول ایڈجسمنٹ سرچارج غیر قانونی قرار
(December 17, 2013)
پشاور: پشاور ہائیکورٹ نے بجلی کے بلوں میں فیول ایڈجسمنٹ سرچارج کو غیر قانونی قرار دے دیا،ایک ماہ کے اندر صارفین کو پے منٹ واپس کرنے کی ہدایات جاری کردی ۔پشاور ہائیکورٹ میں چیف جسٹس دوست محمد خان اور جسٹس نثار حسین پر مشتمل دو رکنی بینج نے فیول ایڈجسٹمنٹ کیس کی سماعت کی ، سماعت کے دوران اپنے ریمارکس میں چیف جسٹس پشاور ہائی کورٹ کا کہنا تھا کہ نیپرا ہر ماہ خیبر پختون خوا میں مختلف ٹیکسز لگادیتا ہے جو کہ خیبرپختون خوا کی عوام کے ساتھ ایک ظلم ہے عدالت کا کہنا تھاکہ گھریلو صارفین بجلی چوری نہیں کرتے بجلی چوری میں صنعتکار ملوث ہیں، فیول ایڈجسمنٹ سرچارج کس قانون کے تحت لگایا گیا ہے کیونکہ ایسا کوئی نظام نہیں ہے ، عدالت نے پیسکو کو حکم دیا کہ ایندھن سرچارج کی مد میں وصول کی گئی رقم ایک ماہ کے اندر صارفین کو واپس کی جائے دوسری جانب کیس کی سماعت کیبعد پیسکو کے وکیل نے صحافیوں سے بات کرتیہوئے کہا کہ پیسکو کو اب تک 60 ارب روپے کا نقصان ہوچکا ہے تاہم عدالت کا تفصیلی فیصلہ آنے کے بعد حکمت عملی طے کی جائیگی۔
آسٹریلوی بلے باز عثمان خواجہ آج (بدھ ) 26ویں سالگرہ منائیں گے
(December 17, 2013)
سڈنی: آسٹریلوی کرکٹ ٹیم کے ٹاپ آرڈر پاکستانی نژاد بلے باز عثمان خواجہ آج (بدھ ) اپنی 26سالگرہ منائیں گے ۔ عثمان خواجہ 18دسمبر 1986کو اسلام آباد میں پیدا ہوئے ۔انہوں نے اب تک 9ٹیسٹ ،3ایک روزہ اور 28ٹی ٹوئنٹی میچوں میں آسٹریلیا کی نمائندگی کی ہے ۔ ٹیسٹ میچوں میں اب تک عثمان نے 377رنز اسکور کیے ہیں جبکہ ون ڈے میں صرف 14رنز بناسکے ہیں ۔ ٹی 20کیرئیر میں وہ اب تک 562رنز اسکور کرچکے ہیں ۔
کرکٹ ورلڈ کپ2015کے کوالیفائر کیلئے 10ٹیموںکاا علان
(December 17, 2013)
دبئی: آئی سی سی نے کرکٹ ورلڈ کپ کوالیفائر کے لیے دس ٹیموں کا اعلان کر دیا۔کوالیفائنگ راونڈ کی فائنلسٹ دو ٹیمیں آئی سی سی کرکٹ ورلڈ کپ 2015 میں شرکت کریں گی،کوالیفائرز کرکٹ ٹورنامنٹ کی ٹیموں میں کینیڈا ، ہانگ کانگ ، کینیا ، نیمیبیا ، نیپال ، ہالینڈ ، پاپوا نیو گینی ،سکاٹ لینڈ ، یو اے ای اور یوگینڈا شامل ہیں،کرکٹ کوالیفائر ٹورنامنٹ آئندہ سال بارہ جنوری سے نیوزی لینڈ میں شروع ہو گا۔
آسٹریلیا نے ایشز سیریز میں 3-0کی فیصلہ کن برتری حاصل کرلی
(December 17, 2013)
پرتھ: ایشز سیریز کے تیسرے ٹیسٹ میچ میں آسٹریلیا نے 150 رنز سے کامیابی حاصل کر کے سیریز میں تین صفر کی فیصلہ کن برتری حاصل کر لی۔کینگروز کو چھ سال بعد ایشز سیریز اپنے نام کرنے کا اعزاز حاصل ہو گیا۔پرتھ میں ہونیوالے سیریز کے تیسرے ٹیسٹ میچ میں انگلش ٹیم نے پانچ وکٹ 251 رنز کے ساتھ آخری روز کا کھیل شروع کیا۔بین سٹوکس نے ذمہ دارانہ سنچری سکور کی لیکن بدقسمتی سے ان کے 120 رنز بھی ٹیم کو فتح نہ دلا سکے اور پوری ٹیم 353 رنز پر آوٹ ہو گئی۔میزبان ٹیم نے دوسری اننگز 369 رنز پر ڈیکلئیر کر کے مہمان انگلش ٹیم کو 504 رنز کا پہاڑ ہدف دیا تھا۔ڈیوڈ وارنر اور شین واٹسن نے شاندار سنچریاں سکور کیں۔ڈیوڈ وارنر 112 اور شین واٹسن 103 رنز کے ساتھ ٹاپ سکورر رہے،سیریز کا چوتھا ٹیسٹ میچ26 دسمبر کو میلبورن میں شروع ہو گا۔