کراچی(پی پی آئی) انفارمیشن ٹیکنالوجی کی برآمدات ماہانہ بنیادوں پر اگست2023میں 10فیصد اضا فے کے ساتھ بڑھ کر235ملین ڈالر ہوگئی ہیں تاہم رواں مالی سال کے ابتدائی دو ماہ کے دوران آئی ٹی برآمدات 5 فیصد اضافے کے ساتھ 449 ملین ڈالر رہی ہیں، پی پی آئی کے مطابق اگست میں نیٹ آئی ٹی ایکسپورٹ ماہانہ بنیادوں پر 7 فیصد اور سالانہ بنیادوں پر 3 فیصد اضافے کے ساتھ 204 ملین ڈالر رہی ہے۔
پاک سری لنکا کرکٹ سیریز : پولیس کا سٹہ بازوں کیخلاف سخت ایکشن کا فیصلہ
اسلام آبادہائیکورٹ میں نجم سیٹھی کیخلاف توہین عدالت کی درخواست دائر
پرتگال : کرسٹیانو رونالڈوکے اعزازات پر مشتمل میوزیم کا افتتاح
سالانہ ڈیزرٹ کار ریلی سندھ کے صوبائی وزیر نادر مگسی نے جیت لی
ٹی 20رینکنگ : قومی ٹیم ایک درجہ ترقی کے ساتھ تیسرے نمبر پر آگئی
آفریدی کا ٹی 20کرکٹ میں سب سے زیادہ مین آف دی میچ رہنے کااعزاز
تازہ ترین خبریں
- April 25, 2026
- April 23, 2026
اشتہار
تازہ ترین
پنجاب کی اپیکس کمیٹی کااہم اجلاس آج وزیر اعلی سیکرٹریٹ میں طلب
لاہور(پی پی آئی) پنجاب کی اپیکس کمیٹی کااہم اجلاس 25ستمبر کو وزیر اعلی سیکرٹریٹ میں طلب کر لیا گیا، صدارت محسن نقوی کریں گے۔ پی پی آئی کے مطابق اجلاس کے ایجنڈے میں نظر ثانی شدہ نیشنل ایکشن پلان،ا سمگلنگ کی روک تھام کے لئے حکمت عملی، بھارت میں ا سمگلنگ، کچے کے علاقے میں جاری آپریشن اور انٹیلی جنس بیسڈ آپریشنز سمیت دیگر امور پر بریفنگ دی جائے گی۔
سندھ بھر میں ملیریا سے 2ہلاکتیں، ہلاکت رپورٹ نہیں ہوئی
سکھر(پی پی آئی) سندھ میں رواں سال اب تک ملیریا کے 3لاکھ سے زائد جبکہ ڈینگی کے ایک ہزار سے زائد کیسز رپورٹ ہوچکے ہیں۔ پی پی آئی کے مطابق محکمہ صحت سندھ کے اعدادوشمار میں بتایا گیا ہے کہ سندھ میں رواں سال ملیریا کے3لاکھ28ہزار 913کیسز جبکہ ڈینگی کے 1ہزار213کیسز رپورٹ ہوئے ہیں۔ ملیریا سے سندھ میں دو ہلاکتیں ہوئی ہیں جبکہ ڈینگی سے کوئی ہلاکت رپورٹ نہیں ہوئی۔
زیریں بلوچستان اوربالائی سندھ میں آباد ہندو برادری کو اغواتاوان کی دھمکیوں کا سامنا
اوستہ محمد/کندھکوٹ (پی پی آئی)زیریں بلوچستان اوربالائی سندھ میں آباد ہندو برادری کو اغواتاوان کی دھمکیوں کا سامنا ہے،من وامان کی مخدوش صورتحال اور عدم تحفظ کے باعث وہ اپنا کاروبار کو ختم کرکے دوسرے اضلاع میں شفٹ ہور ہے ہیں۔پی پی آئی کے مطابق ہندو برادری سے تعلق رکھنے والے کا کہنا ہے کہ زیریں بلوچستان اورجیکب آباد، شکارپور اورکندھکوٹ و دیگر اضلاع میں ہندو برادری صدیوں سے آباد ہے اورآڑھت کا زیادہ تر کاروبار ہندو برادری سے تعلق رکھنے والے تاجروں کا ہی ہے مگر چند عشروں سے ہندو برادری کو اغوا،ڈکیتی اورتاوان کی دھمکیوں کا سامناہے جس کے باعث ہندو تاجراپنا کاروبار بڑے شہروں میں شفٹ کررہے ہیں اور بیشتر تاجر تومنتقل بھی ہوچکے ہیں جو رہ گئے ہیں وہ بھی شفٹ ہونے کا سوچ رہے ہیں۔
تلاش کریں
خبریں
پاک سری لنکا کرکٹ سیریز : پولیس کا سٹہ بازوں کیخلاف سخت ایکشن کا فیصلہ
(December 17, 2013)
لاہور: پنجاب پولیس نے پاکستان اور سری لنکا کے مابین ہونے والے ون ڈے میچوں میں سٹے کھیلنے والے بکیوں کے خلاف سخت ایکشن لینے کا فیصلہ کرلیا،جس کے لئے مختلف اضلاع میں بکیوں کے ناموں کی لسٹ بنالی گئی ۔ذرائع کے مطابق پاکستان اور سری لنکا کے درمیان ون ڈے سیریز کے دوران مختلف اضلاع کے ڈی پی اوز نے سٹہ بازوں اور بکیوں کے خلاف کاروائی کے لئے ٹیمیں تشکیل دےدی ۔پاکستان اور سری لنکا کے درمیان پانچ ون ڈے میچوں کی سیریز کا پہلا میچ آج (بدھ ) کھیلا جائیگا۔
اسلام آبادہائیکورٹ میں نجم سیٹھی کیخلاف توہین عدالت کی درخواست دائر
(December 16, 2013)
اسلام آباد: چیئرمین پاکستان کرکٹ بورڈ نجم سیٹھی کیخلاف اسلام آباد ہائیکورٹ میں توہین عدالت کی درخواست دائر کر دی گئی۔ ملتان کرکٹ ایسوسی ایشن کے صدر احمد نواز نے عبدالرزاق رجب ایڈووکیٹ کے ذریعے اسلام آباد ہائیکورٹ میں دائر درخواست میں موقف اختیار کیا ہے کہ اسلام آباد ہائی کورٹ کے سنگل بنچ نے نجم سیٹھی کو کام کرنے سے روک دیا تھا اور ڈویڑن بنچ نے انھیں بحال نہیں کیا۔ اس کے باوجود نجم سیٹھی پی سی بی کے عبوری چیئرمین بنے ہوئے ہیں اور عبوری کمیٹی اجلاس کی صدارت کرتے ہیں جو توہین عدالت کے زمرے میں آتا ہے اس لئے نجم سیٹھی کے خلاف توہین عدالت کی کارروائی کی جائے۔
پرتگال : کرسٹیانو رونالڈوکے اعزازات پر مشتمل میوزیم کا افتتاح
(December 16, 2013)
لسبن: شہرہ آفاق فٹ بالرکرسٹیانو رونالڈو کی پذیرائی کیلئے پرتگال میں میوزیم بنادیا گیا ، جس کا افتتاح خود اسٹار فٹ بالر نے کیا۔ کرسٹیانو رونالڈو فٹ بال کا وہ شاہکار جو لاکھوں کا ہیرو ہے، میدان میں ہو تو حریفوں کا ہدف ہوتا ہے، باہر ہو تو نگاہوں کا مرکز۔ میوزیم میں جہاں اسٹار فٹ بالر کے اعزازات توجہ کا مرکز بنے ہوئے ہیں ساتھ ہی فٹ بال ہیرو کی قد آور تصاویر بھی دیکھنے سے تعلق رکھتی ہیں، لیکن نظر جہاں ٹھہرتی ہے، وہ ہے رونالڈو کا مجسمہ، پرتگالی اسٹار اس مجسمے کے برابر میں کھڑے ہوئے تو اصل اور نقل کی پہچان کرنا مشکل ہوگیا۔ رونالڈو پرامید ہیں کہ مزید ٹائٹلز اس میوزیم کی زینت بنیں گے۔
سالانہ ڈیزرٹ کار ریلی سندھ کے صوبائی وزیر نادر مگسی نے جیت لی
(December 16, 2013)
ڈیرہ مراد جمالی: بلو چستان کے علاقے جھل مگسی میں سالانہ ڈیزرٹ کار ریلی سندھ کے صوبائی وزیر نادر مگسی نے جیت لی۔ ریلی کے مہمان خصوصی سابق گورنربلوچستان ذوالفقار مگسی تھے۔ کار ریلی میں بیرون ملک سمیت سندھ ، پنجاب اورخیبر پختون خواہ سے نامور ڈرائیورز نے حصہ لیا۔ اے کیٹگری میں سندھ کے صوبائی وزیرنادرخان مگسی، ظفر علی مگسی اور مکیش کمار چاولہ میں سخت مقابلہ ہوا۔کار ریلی تین کیٹگری اے ، بی اور سی پر مشتمل تھی۔ اے کیٹگری میں دو سو کلو میٹرکا چکر لگا کر واپس نگورپہنچانا ہوگا۔دشوار گزار راستوں سے ہوکر نادر مگسی سب سے پہلے پہنچنے میں کامیاب رہے، رانا سمیر کی دوسری اور ظفر مگسی کی تیسری پوزیشن پر رہے۔ بی کیٹگری میں پہلی پوزیشن اسد کھوڑونے حاصل کی۔ سی کیٹیگری میں مکیش چاولہ کامیاب رہے۔ سابق گورنربلوچستان نواب ذوالفقار مگسی کامیاب ڈرائیورز میں انعامات تقسیم کی
ٹی 20رینکنگ : قومی ٹیم ایک درجہ ترقی کے ساتھ تیسرے نمبر پر آگئی
(December 12, 2013)
دبئی: سری لنکا کے خلاف سیریز کا فاتحانہ آغاز کرکے قومی ٹیم ٹی 20رینکنگ میں ایک درجہ ترقی کے ساتھ تیسرے نمبر پر آگئی۔سیریز کے افتتاحی ٹی ٹوئنٹی میچ میں پاکستان نے سری لنکا کو تین وکٹ سے ہرا دیا۔ اس سے گرین شرٹس نے سیریز کا فاتحانہ آغاز کیا۔ ساتھ ہی حفیظ الیون کو رینکنگ میں بھی ایک درجہ ترقی مل گئی ہے۔ پاکستان اب چوتھے سے تیسرے نمبر پر آ گیا ہے۔ 13دسمبر کو شیڈول اسی میدان پر سیریز کا دوسرا اور آخری ٹی ٹوئنٹی میچ جیت کر پاکستان ناصرف لنکن سے جیت کا خواب چھین سکتا ہے بلکہ مہمان ٹیم کو رینکنگ میں پہلی پوزیشن سے بھی محروم کر دے گا۔
آفریدی کا ٹی 20کرکٹ میں سب سے زیادہ مین آف دی میچ رہنے کااعزاز
(December 12, 2013)
دبئی: پاکستان کے اسٹار آل راﺅنڈرشاہد آفریدی ٹی20 کرکٹ میں سب سے زیادہ مین آف دی میچ ایوارڈ جیتنے والے کھلاڑی بھی بن گئے۔دبئی کا میدان شاہد آفریدی کی ناقابل شکست اننگز سے یادگار بن گیا۔ بوم بوم آفریدی کا بلا ایسا بلا بنا کہ پاکستان کو سری لنکا کے خلاف فتح اور شاہد آفریدی کو عالمی اعزاز دلا گیا۔ قومی آل راونڈر ٹی ٹوئنٹی کرکٹ میں 9 ایوارڈز کے ساتھ دنیا کے نمبر ایک کرکٹر بن گئے ہیں۔ شاہد آفریدی نے اپنی بوم بوم اننگز سے ناصرف سری لنکا سے جیت چھین لی بلکہ آسٹریلوی آل راونڈر شین واٹسن کو مین آف دی میچ ایوارڈ میں سرفہرست ہونے کے اعزاز سے بھی محروم کر دیا۔ ٹی ٹوئنٹی کرکٹ میں اب شین واٹسن اور محمد حفیظ آٹھ آٹھ مین آف دی میچ ایوارڈ کے ساتھ دوسرے اور تیسرے نمبر پر آ گئے ہیں۔