لاہور: بھارت کے خلاف ٹی ٹوئنٹی سیریزکیلئے 15رکنی قومی بلائنڈ کرکٹ ٹیم کا اعلان کر دیا گیا۔ تین میچزکی سیریزکا آغاز15 فروری سے ہوگا۔پاکستان بلائنڈ کرکٹ کونسل نے بھارت کے خلاف ہوم سیریز کے لیے پندرہ رکنی قومی ٹی ٹوئنٹی اسکواڈ کا اعلان کر دیا۔ ٹیم کی قیادت ذیشان عباسی کر یں گئے۔ جبکہ دیگر کھلاڑیوں میں عامر اسحاق، محمد توفیق، محمد ظفر، محمد ادریس سلیم،ساجد نواز، انیس جاوید، نثارعلی، محمد ہارون، اسرار الحسن، عرفان مجید، محمد جمیل، محمد اکرم، زاہد محمود اور طارق سیمیول شامل ہیں۔ پاکستان اوربھارت کیدرمیان تین ٹی ٹوئنٹی اورتین ون ڈے پرمشتمل سیریزکھیلی جائیگی۔ ٹی ٹوئنٹی سیریزکا پہلا میچ 15 فروری کوباغ جناح لاہور میں کھیلا جائے گا، دوسرا اور تیسرا ٹی ٹوئنٹی فیصل آباد میں ہو گا۔ بھارت کے خلاف شیڈول ون ڈے سیریز کیلئے ٹیم کا اعلان بعد میں کیا جائے گا۔

کراچی: قومی انڈر23 باسکٹ بال ٹورنامنٹ کاکراچی میں آغاز ہوگیا ، کھلاڑیوں اورآفیشلزکا کہنا ہے کہ حکومت سرپرستی کرے تو عالمی سطح پر ملک کا نام روشن کرسکتے ہیں۔ شہر قائد میں ٹورنامنٹ کے پہلے روزدو میچوں کے فیصلے ہوئے۔ پہلے میچ میں آرام باغ کلب نے منوڑہ کلب کودلچسپ مقابلے کے بعد 39-35پوائنٹس سے شکست دی۔ دوسرے میچ میں ڈاو کلب نے باونس کلب کے خلاف 31-47 سے کامیابی حاصل کی۔ اس سے پہلے مہمان خصوصی تسلیم احمد نے ایونٹ کا افتتاح کیا۔ ان کا کہنا تھا کہ کھیلوں کو فروغ دے کرشہرقائد اورپاکستان کا مثبت تصوراجاگرکیا جاسکتا ہے۔ چیمپئن شپ میں شریک کھلاڑیوں کا کہنا تھا کہ محدود وسائل کے باوجود وہ ملک میں ٹیلنٹ کی کمی نہیں۔ پانچ روزہ مقابلوں میں شہر بھر سے آٹھ ٹیمیں حصہ لے رہی ہیں ایونٹ کا فائنل اتوار کو کھیلا جائے گا۔

چٹاگانگ: ممتاز بنگلہ دیشی آل راﺅنڈر کرکٹر شکیب الحسن نے سری لنکا کے خلاف دوسرے ٹیسٹ کی پہلی اننگز میں عمدہ بولنگ کا مظاہرہ کرتے ہوئے 5کھلاڑیوں کو پویلین کی راہ دکھائی ۔شکیب الحسن 2008کے بعد سری لنکا کے خلاف باہمی ٹیسٹ میچوں کی ایک اننگز میں 5وکٹیں لینے والے پہلے بنگلہ دیشی بولر بن گئے ۔شکیب الحسن سری لنکا کے خلاف اپنے کیرئیر کا 34واں میچ کھیل رہے ہیں اور انہوں نے اب تک 121وکٹیں حاصل کی ہیں۔

میڈرڈ: ریال میڈرڈ کلب کے سپر اسٹار فٹ بالر کرسٹیانو رونالڈو اسپینش لیگ کے آئندہ تین میچوں میں شرکت سے محروم ہوگئے ۔ رونالڈو کو ایتھلیٹکو بلباﺅ کیخلاف ایک ایک سے ڈرا ہونے والے میچ میں مڈفیلڈر اینڈاترراپس سے ٹکرانے پر کیریئر میں آٹھویں مرتبہ ریڈ کارڈ دکھایا گیا ہے ۔

سڈنی: پاکستانی آل راﺅنڈر کرکٹر یاسر عربات بگ بیش لیگ کی ٹیم آل اسٹار الیون میں شامل ہوگئے ۔ عرفات بگ بیش لیگ میں پرتھ اسکارچرز کی نمائندگی کررہے تھے لیکن فٹنس مسائل کے باعث انہیں ایونٹ سے دستبرداری اختیار کرنا پڑی تھی ۔ایونٹ میں کم میچ کھیلنے کے باوجود عرفات آل اسٹار الیون میں جگہ بنانے میں کامیاب رہے ۔عرفات ٹیم میں شامل ہونے والے واحد پاکستانی کھلاڑی ہیں۔