سکھر(پی پی آئی) سندھ بھرمیں آشوب چشم کی وبا ایک بار پھرتیزی سے پھیلنے لگی ہے۔ سرکاری و نجی ہسپتالوں میں مریضوں کی تعدادمیں اضافہ ہونے لگا ہے۔ ماہر امراض چشم ڈاکٹر شاہ نواز منعمی نے پی پی آئی کو بتایا کہ اس بیماری سے صحت یاب ہونے میں دس سے پندرہ روز لگ جاتے ہیں۔ ایسے مریضوں کو لوگوں سے ملنے میں احتیاط کرنی چاہئے کیونکہ یہ بیماری ہوا اور سانس کے ساتھ بھی پھیلتی ہے۔ مریض کا تولیہ الگ کر دینا چاہئے اور بچوں کو مریض سے دور رکھا جائے۔ پی پی آئی کے مطابق ماسک پہننے اور سینی ٹائزر کے استعمال سے بھی اس بیماری کے اثرات سے پچا جا سکتا ہے۔
ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
پیرس اوپن : اعصام الحق نئے آسٹریلوی پارٹنر کے ساتھ کورٹ میں اتریں گے
ٹوکیو میراتھن ریس کو یوگنڈا کے ابراہم کیپ لیمو نے جیت لیا
کرکٹرعمر اکمل کے معاملے کی انکوائری کرائیں گے: ذکاءاشرف
بنگلہ دیش کیخلاف کرکٹ سیریز کیلئے سری لنکن اسکواڈ کا اعلان
تازہ ترین خبریں
- April 23, 2026
- April 22, 2026
اشتہار
تازہ ترین
نواز شریف کا سیاسی بیانیہ پر نظر ثانی سے انکار، شہباز نرم موقف پر قائل کرنے میں ناکام
پی پی آئی) لندن میں مقیم نواز شریف نے ایک مرتبہ پھر اپنے سیاسی بیانیے پر نظر ثانی سے انکار کر دیا ہے ن لیگ کے قریبی ذرائع کا سدعویٰ ہے کہ مسلم لیگ ن کی سیاسی تاریخ میں پہلی مرتبہ مصالحانہ کے بجائے جارحانہ گروپ کی جیت ہو گئی، مسلم لیگ ن کے قائد نوازشریف نے واضح کیا کہ پارٹی کڑے احتساب کا جارحانہ بیانیہ لے کر ہی انتخابی میدان میں اترے گی۔نواز شریف نے کہا کہ بات میری ذات کی ہوتی تو اور بات تھی، یہاں بات ملک اور ملک میں بسنے والے کروڑوں شہریوں کی ہے، ملک کے خلاف سازش میں جنہوں نے حصہ ڈالا سب کو بے نقاب کرنا چاہیے۔انہوں نے کہا کہ موجودہ معاشی صورتحال کے ذمہ دار وہی عناصر ہیں جنہوں نے 2017 میں ملکی ترقی کیخلاف سازش کی، سازشی عناصر کو ہر صورت میں قانون کے کٹہرے میں لانا ہو گا۔مسلم لیگ ن کے ذرائع کے مطابق نواز شریف کے موقف کی لندن میں موجود لیگی رہنماؤں نے بھی کھل کر حمایت کی، مریم نواز نے بھی نواز شریف کے موقف کا ساتھ دیا۔ شہباز شریف اپنے بھائی کو نرم موقف اختیار کرنے پر قائل نہ کر سکے۔
دنیا بھر کی طرح پاکستان میں ورلڈ فارماسسٹ ڈے آج منایا جائے گا
کراچی(پی پی آئی) پاکستان سمیت دنیا بھر میں 25 ستمبر کو ورلڈ فارماسسٹ ڈے منایا جائے گا،پی پی آئی کے مطابق اس سلسلے میں کراچی فارماسسٹ فورم کی سیکرٹری مدحت فاطمہ خان نے کہا ہے کہ فارماسسٹس کی اہمیت سے کسی بھی صورت انکار نہیں کیا جا سکتا کیونکہ فارماسسٹ شعبہ طب میں ریڑھ کی ہڈی کی حیثیت رکھتے ہیں۔
آزاد کشمیر میں ضلع کونسل کی خالی نشستوں پر پولنگ جمعرات 12اکتوبر کو ہو گی
مظفرآباد (پی پی آئی)آزاد کشمیر الیکشن کمیشن نے خالی ہونے والی ضلع کونسل نشستوں پر انتخابات کا شیڈول جاری کر دیا۔ ترجمان الیکشن کمیشن کے مطابق یونین کونسل کیرنی مندہار، یونین کونسل بھیڈی اور ضلع کونسل حویلی کے یونین کونسل بھیڈی سے ممبر ضلع کونسل کو عدالت کی جانب سے نااہل قرار دئیے جانے پر خالی ہونے والی نشستوں پر ضمنی انتخابات کیلئے الیکشن شیڈول جاری کر دیا گیا ہے۔ کاغذات نامزدگی 28ستمبر سے 30ستمبر تک جمع ہونگے۔ کاغذات کی جانچ پڑتال 2اکتوبر کو ہوگی،اہل امید وار وں کی فہرست بھی 2اکتوبر کو آوایزاں ہو گی،مستردگی کیخلاف اپیل دائر کرنے کی تاریخ 3اکتو سبرے4اکتوبر ہو گی،ان پر فیصلہ 5اور 6اکتوبر کو ہو گا، بطور امید وار دستبرداری کی آخری تاریخ 7اکتوبر ہو گی، انتخابی نشانات کی الاٹمنٹ 7اکتوبر کو ہو گی، امید وار وں کی حتمی فہرست 7اکتوبر اور پولنگ 12اکتوبر جمعرات صبح 8:00سے شام 5:00بجے تک ہو گی۔
تلاش کریں
خبریں
ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
(February 4, 2014)
کراچی: رواں برس متحدہ عرب امارات میں شیڈول ایشین اسنوکرچیمپئن شپ میں 4رکنی قومی ٹیم حصہ لے گی۔ پاکستان بلیئرڈ اینڈ اسنوکرایسوسی ایشن کے صدرعالم گیرشیخ کا خصوصی گفتگو میں کہنا تھا کہ جونیئرز اور سینئر ایشیا ئی چیمپئن شپ کے لیے بہترین انداز میں تیاری کیا جائیں گی۔ انہوں نے بتایا کہ ایشین جونیئرایونٹ بھارتی پنجاب کے شہر چندی گڑھ میں ہوگا۔ جس میں ماجد علی کی وائلڈ کارڈ انٹری کنفرم ہے۔ ہ باقی تین کھلاڑی نیشنل جونیئر مقابلوں کے بعد کوالیفائی کریں گے۔ عالم گیرشیخ نے بتایا کہ سینئر ایشین ٹورنامنٹ کی میزبانی اس بارمتحدہ عرب امارات کا شہرالعین کرے گا۔ اس میں بھی پاکستان کے چار کھلاڑیوں کو شرکت کا موقع ملے گا۔ انہوں نے مزید بتایا کہ مارچ میں قومی چیمپئن شپ کے بعد چار کھلاڑی ایشین چیمپئن شپ کے لیے منتخب کے جائیں گے۔
نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
(February 4, 2014)
ویلنگٹن: نیوزی لینڈ کرکٹ بورڈ کی سلیکشن کمیٹی نے بھارت کے خلاف 6فروری سے شروع ہونے والے پہلے ٹیسٹ میچ کے لئے بھارتی نژاد اسپنر اندربیر سنگھ کو حتمی اسکواڈ میں شامل کرنے کافیصلہ کرلیا ۔ بھارتی شہر لدھیانہ سے تعلق رکھنے والے اندربیر نے اس سے قبل نیوزی لینڈ کی طرف سے پانچ ٹیسٹ میچ کھیلے ہیں جس میں انہوں نے 11وکٹیں حاصل کی ہیں۔ذرائع کے مطابق سابق کپتان ڈینئیل ویٹوری کی عدم موجودگی پر اندربیر کو پہلے ٹیسٹ کے لئے نیوزی لینڈ کی ٹیم کا حصہ بنایا جارہا ہے ۔
پیرس اوپن : اعصام الحق نئے آسٹریلوی پارٹنر کے ساتھ کورٹ میں اتریں گے
(February 4, 2014)
پیرس: آسٹریلیا کے جنید رمیز فرانس اے ٹی پی ٹورنامنٹ سے پاکستانی اعصام الحق کے نئے پارٹنرہوں گے ۔پاک ،آسٹریلوی جوڑی کا پہلا میچ جرمنی کے ڈسٹن براﺅن اورامریکی آسٹن کرئی جیک سے ہوگا ۔اس سے قبل آسٹریلین اوپن میں اعصام الحق بھارت کے روہن بوپنا کے پارٹنر تھے ۔ابھی اس بات کی تصدیق نہیں ہوسکی کہ اعصام بوپنا کی جوڑی صر ف اس ایونٹ میں ٹوٹی ہے یا مستقل ٹوٹ گئی ہے ۔واضح رہے کہ اعصام اور بوپنا کے درمیان پارٹنر شپ دوسا ل بعد قائم ہوئی تھی ۔
ٹوکیو میراتھن ریس کو یوگنڈا کے ابراہم کیپ لیمو نے جیت لیا
(February 4, 2014)
ٹوکیو: جاپان میں ہونے والی میراتھن ریس کو یوگنڈا کے ابراہم کیپ لیمو نے اپنے نام کرلیا ۔ فاتح کھلاڑی نے 34کلومیٹر کے فاصلے کو 2گھنٹے 9منٹ اور23سیکنڈز میں طے کیا ۔جاپان کے ماسا وایمائی اس ایونٹ میں دوسرے نمبر پر رہے جبکہ جاپان ہی کے کینچی سیریشی نے دوسری پوزیشن حاصل کی ۔یوگنڈا کے 24سالہ ابراہم نے گزشتہ سال اگست میں ہونے والی ورلڈ چیمپئن شپ میں 19ویں پوزیشن حاصل کی تھی ۔
کرکٹرعمر اکمل کے معاملے کی انکوائری کرائیں گے: ذکاءاشرف
(February 3, 2014)
لاہور: ذکاءاشرف نے عمر اکمل کے واقعے کو افسوس ناک قرار دیتے ہوئے انکوائری کروانے کی یقین دہانی بھی کروادی۔پاکستان کرکٹ بورڈ کے چیئرمین ذکاءاشرف نے کہا ہے کہ فاٹا سے کراچی تک تمام ریجنز کو ملک کے لیے اچھی کرکٹ کھیلنا ہے۔ انہوں نے سلیکشن کمیٹی کے اعلان کی بھی خبر دیدی۔ پی سی بی کے چیئرمین ذکاءاشرف نے ملک بھر سے آئے ہوئے تمام ریجنل کرکٹ ایسوسی ایشنز کے نمائندوں سے ملاقات کی۔ ملاقات کے بعد میڈیا سے گفتگو کرتے ہوئے چیئرمین کا کہنا تھا کہ وہ ریجنز سے آنے والے تمام مندوبین کے شکر گزار ہیں۔ انہوں نے کہا کہ فاٹا سے کراچی تک سب کو پاکستان کے لیے اچھی کرکٹ کھیلنا ہے۔ آئی سی سی کے بگ تھری معاملے پر پوچھے گئے سوال پر چیئرمین نے کہا کہ پی سی بی کے پیٹرن انچیف وزیر اعظم نواز شریف ہیں اس حوالے سے وہ ان کی رہنمائی چاہتے ہیں۔ ذکاءاشرف نے عمر اکمل کے واقعے کو افسوس ناک قرار دیتے ہوئے انکوائری کروانے کی یقین دہانی بھی کروائی۔ پی سی بی چیئرمین کا کہنا تھا کہ کرکٹ ٹیم کا کوچ ملکی ہو یا غیر ملکی جو بہتر ہو گا اسے ہی منتخب کیا جائے گا۔
بنگلہ دیش کیخلاف کرکٹ سیریز کیلئے سری لنکن اسکواڈ کا اعلان
(February 3, 2014)
کولمبو: سری لنکا نے بنگلہ دیش کے خلاف ون ڈے اور ٹی ٹوئنٹی سیریز کے لیے اسکواڈ کا اعلان کر دیا۔ آوٹ آف فارم سینئر بیٹسمین مہیلا جے وردھنے اور بولر رنگانا ہیراتھ کو ون ڈے سیریز میں ریسٹ دیا گیا جبکہ بیٹسمین ڈیموتھ کرونا رتنے اور لاہیرو تھریمانے بھی ون ڈے اسکواڈ سے آوٹ ہیں۔ بنگلہ دیش کے خلاف ون ڈے سیریز میں اینجلو میتھیوز جبکہ ٹی 20 سیریز میں دنیش چندی مَل ٹیم کی کپتانی کریں گے۔ سری لنکا اور بنگلہ دیش کے درمیان دو ٹی ٹوئنٹی اور تین ایک روزہ میچوں کی سیریز 12 فروری سے شروع ہو گی۔