لاہور)پی پی آئی) صدر سنی علما کونسل لاہور وصوبائی ترجمان مولانا حافظ حسین احمدنے کہا ہے کہ مسئلہ فلسطین پر مسلم حکمرانوں کا رو یہ قابل افسوس ہے، عالم اسلام کے حکمران مذمتی بیان دینے کی بجائے اسرائیل مظالم کو رکوانے میں عملی طور پر اقدامات کریں، پاکستان کی حکومت اوراو آئی سی اسرائیلی جارحیت روکنے کیلئے کردار ادا کریں۔اپنے جاری بیان میں انہو ں نے کہاکہ فلسطین میں انسانی حقوق کی بدترین پامالیاں عالمی امن کیلئے خطرہ بن رہی ہیں۔ عالمی طاقتیں اور اقوام متحدہ ہندوستان اور اسرائیل کو انسانیت کے قتل عام سے روکیں، دنیا کے ان دیرینہ حل طلب مسئلوں پر مزید غفلت دنیا کو بد امنی کی جانب دھکیل سکتی ہے۔ انہو ں نے کہاکہ فلسطین میں یہودیوں نے آگ اور خون کا کھیل شروع کر رکھا ہے۔ہر لمحہ بارود کی بارش برس رہی ہے۔ معصوم بچے اور بے آسرا مائیں امت مسلمہ کو پکار رہی ہیں فلسطین جل رہا ہے اور مسلم حکمران امریکہ کی چاپلوسی میں مصروف ہیں۔ صیہونی فوجیوں نے غزہ میں خوراک، بجلی، پانی کی سپلائی بند کر رکھی ہے۔ ہستے بستے گھر مٹی کے ڈھیروں میں تبدیل ہوتے جا رہے ہیں۔ مگر مسلم ممالک کے حکمران صرف قراردادوں اور بیانات تک محدود ہیں۔انہو ں نے کہاکہ نیو کلیئر کی طاقت رکھنے والے مسلم ممالک تماشہ نہ دیکھیں اسرائیل کی کھلی جارحیت کا منہ توڑ جواب دیکر کفر کے اس بت کو پاش پاش کردیں۔
شکاگو اور روٹرڈیم ورلڈٹرائیتھون فائنل کی میزبانی کریں گے
امریکا کے فٹ بالر ڈامارکس بیسلے قومی ٹیم سے ریٹائر منٹ لیں گے
پشاور :آرمی اسکول پر دہشت گردوں کا حملہ،100سے زائد شہید کئی بچے زخمی ہوگئے
انگلش فٹ بال کلب ریڈنگ کے کوچ بدترین کارکردگی پر برطرف
کیریبین پریمئرلیگ میںایسو سی ایٹ ٹیموں کے کھلاڑیوں کو موقع
ریان ہیرس ،پیٹرسڈل بھارت کے خلاف دوسرے ٹیسٹ سے باہر
تازہ ترین خبریں
- April 23, 2026
اشتہار
تازہ ترین
مسلم حکمرانوں نے غزہ کیلئے کوئی فرض ادا نہیں کیا، سراج الحق
لاہور)پی پی آئی)اسلام آباد: امیر جماعت اسلامی سراج الحق نے کہاہے کہ ہمارے مسلمان حکمرانوں نے غزہ کیلئے کوئی فرض ادا نہیں کیا جو ان پر واجب ہے،جب ہم پر تشدد ہورہا تھا اسوقت ترکی کے صدر اسرائیل کیخلاف مظاہرے کی قیادت کررہے تھے، امت مسلمہ کے حکمران کم از کم قاہرہ میں ایک اجلاس کرتے تمام مسلم ممالک کا ایک فوجی اجتماع بھی ہونا چاہیے تھا،اگر مسلمان ممالک کی جانب سے اتحاد کا مظاہرہ ہوتا تو یہ سب کچھ نہ ہوتا۔اسلام آباد میں غزہ مارچ کے شرکا سے خطاب کرتے ہوئے سراج الحق نے کہا کہ آج انسانوں کا سمندر امریکا کو پیغام دے رہا ہے،اگر امریکہ اسرائیل کیساتھ کھڑا ہے تو ہم غزہ کے مسلمانوں کیساتھ کھڑے ہیں،غزہ کیلئے لبیک کے نعرے فلسطینی عوام کیلئے حوصلے کا ذریعہ ہیں، ان کاکہناتھا کہ امریکی نائب وزیر خارجہ نے پاکستان کے حکمران کو کال کی،امریکہ کو خطرہ تھا جیسے جماعت اسلامی امریکہ کے سفارت خانے پر قبضہ کرلے گی،ہمارے جماعت کے کارکنان پر تشدد کرکے امیر جماعت کے سینے پر لاٹھیاں ماری گئی ہیں، حکمران کس کو خوش کرنا چاہتے ہیں کس کو پیغام دینا چاہتے ہیں۔امیر جماعت اسلامی نے کہاکہ 19 نومبر کو اگلا ملین مارچ لاہور میں ہوگا،جب تک اسرائیل کی دہشت گردی ختم نہیں ہوتی ہم اپنی تحریک کو جاری رکھیں گے، اسلام آباد کی فضاو¿ں میں غزہ کے شہداکی خوشبو محسوس کررہا ہوں، ہمارے مسلمان حکمرانوں نے غزہ کیلئے کوئی فرض ادا نہیں کیا جو ان پر واجب ہے،جب ہم پر تشدد ہورہا تھا اسوقت ترکی کے صدر اسرائیل کیخلاف مظاہرے کی قیادت کررہے تھے۔انہوں نے کہاکہ اقوام متحدہ کے سیکرٹری جنرل نے اقرار کیا ہے فلسطین پر اسرائیل نے قبضہ کیا ہوا ہے،اسرائیل کے محاصرے میں آج تک لاکھوں لوگ شہید ہوچکے ہیں،اسرائیل ہسپتالوں، سکولز، سمیت ہر جگہ بمباری کررہا ہے،میں سوال کرتا ہوں اگر آج کے دور میں حضرت علی رضی اللہ عنہ یا حضرت عمر رضی اللہ ہوتے تو انکا کیا فیصلہ ہوتا؟ وی فیصلہ کرتے کہ غزہ کے شہداکا ساتھ دیا جائے۔امیر جماعت اسلامی نے کہاکہ حکمرانوں کا کام غزہ کی عوام کا ساتھ دینا ہے انکو اسلحہ پہنچانا ہے، امت مسلمہ کے حکمران کم از کم قاہرہ میں ایک اجلاس کرتے تمام مسلمانوں ممالک کا ایک فوجی اجتماع بھی ہونا چاہیے تھا،اگر مسلمان ممالک کیجانب سے اتحاد کا مظاہرہ ہوتا تو یہ سب کچھ نہ ہوتا، ہمارے حکمران خوف میں مبتلا ہیں بزدل ہیں، خواتین اداکاروں نے فلسطینیوں کا ساتھ دینے کا اعلان کیا مگر ہمارے حکمرانوں کو دم نہیں ہے۔سراج الحق نے کہاکہ حکمران امریکی غلامی یا اللہ میں سے کسی ایک کا انتخاب کریں، اگر حکمرانوں نے غزہ کا ساتھ نہ دیا تو ہمارے ہاتھ اور انکے گریبان ہوں گے، ان کا کہناتھا کہ امریکہ نے صدام کو عید کے دن پھانسی دی، کیا حکمران چاہتے ہیں انکا حشر رضا شاہ پہلوی جیسا ہو جائے،یہ سب وہ لوگ تھے جو امریکہ کے اشارے پر چلتے تھے، ہمیں صلاح الدین ایوبی، محمود احمد غزنوی کی ضرورت ہے۔ان کاکہناتھا کہ پاکستان کے کروڑوں نوجوان غزہ جانے کیلئے تیار ہیں، کسی کے جھوٹے پروپیگنڈہ میں مت آنا،سب سے بڑا پروپیگنڈہ ہے کہ امریکہ ناقابل شکست ہے، مجاہدین نے وعدہ کیا ہے کہ وہ فرض نمازوں کی قضا مسجد اقصٰی میں ادا کریں گے۔
لاہور دنیا کا سب سے آلودہ شہر قرار، اے کیو آئی 281 ریکارڈ
لاہور)پی پی آئی) لاہورنے فضائی آلودگی نے دنیا بھر کو پیچھے چھوڑ دیا، صوبائی دارالحکومت 281 ایئر کوالٹی انڈیکس کیساتھ فضائی آلودگی میں دنیا بھر میں پہلے نمبر پر آگیا۔عالمی ماحولیاتی رپورٹ کے مطابق چائنا کا شہر بیجنگ 196 ایئر کوالٹی انڈیکس کے ساتھ دوسرے جبکہ بھارت کا شہر دہلی 181 ایئر کوالٹی انڈکس کے ساتھ تیسرے نمبر پر ہے۔رپورٹ میں پشاور، راولپنڈی،ہری پور اور اسلام آباد میں فضائی آلودگی صحت کے لیے مضر قرار دی گئی ہے، پشاور میں 171، راولپنڈی 163،اسلام آباد 162،اور ہری پور کا ایئر کوالٹی 152 ریکارڈ کیا گیا ہے۔رپورٹ میں مزید کہا گیا ہے کہ 2022 میں بھی لاہور مجموعی طور پر 173 ایئر کوالٹی انڈکس کے ساتھ دنیا کا آلودہ ترین شہر تھا۔ ENDS-PPI
پی ٹی آئی کے سابق ایم پی اے چوہدری ساجد محمود نے پارٹی چھوڑدی
راولپنڈی)پی پی آئی): راولپنڈی سے تعلق رکھنے والے تحریک انصاف کے سابق رکن پنجاب اسمبلی ساجد محمود نے پارٹی کو خیرباد کہہ دیا۔ تفصیلات کے مطابق پی ٹی آئی کے رہنما پی پی 9 سے سابق رکن پنجاب اسمبلی چوہدری ساجد محمود نے راولپنڈی میں پریس کانفرنس کرتے ہوئے کہا کہ میں نے 2008ء میں پی ٹی آئی کو جوائن کیا، دو الیکشن لڑے جن میں سے ایک ہارا ایک جیتا، میں 9 مئی کے واقعات کی مذمت کرتا ہوں جو ایک دلخراش واقعہ تھا جس نے ملک کو ہلا کر رکھ دیا، ہر سیاسی جماعت نے اس کی مذمت کی، عدلیہ سے اپیل کرتا ہوں اس معاملے کو جلدی نمٹایا جائے اور جو ملوث ہیں ان کو کڑی سزا دی جائے۔انہوں نے کہا کہ پی ٹی آئی کے ورکرز سے معافی مانگتا ہوں اور تحریک انصاف کو چھوڑنے کا اعلان کرتا ہوں، اب کے بعد سے میرا پی ٹی آئی کے ساتھ کوئی لینا دینا نہیں ہے، آئندہ الیکشن آزاد لڑنا ہے یا کسی سیاسی جماعت کو جوائن کرنا ہے، ایک دو ہفتے میں میٹنگ کال کر کے اس کا فیصلہ کریں گے۔چند روز قبل صوبہ پنجاب کے شہر گوجر خان سے تعلق رکھنے والے پاکستان تحریک انصاف کے رہنماء چوہدری محمد عظیم نے پارٹی چھوڑنے کا اعلان کیا تھا، جنہوں نے 2018ء میں این اے 58 گوجر خان سے پی ٹی آئی کے ٹکٹ انتخابات میں حصہ لیا تھا، ایک بیان میں چوہدری محمد عظیم نے کہا کہ عمران خان کی پالیسیوں کا حامی نہیں ہوں اور ان کی اداروں کے خلاف گفتگو اور 9مئی کے واقعات کی مذمت کرتا ہوں، آئندہ کا لائحہ عمل دوستوں کی مشاورت سے طے کروں گا۔ادھر پی ٹی آئی رہنماؤں کا استحکام پاکستام پارٹی میں شمولیت کا سلسلہ پھر سے شروع ہو گیا ہے، تحریک انصاف کی مرکزی رہنما عندلیب عباس، سعدیہ سہیل رانا اور سمیرا احمد نے تحریک انصاف سے علیحدگی اختیار کرتے ہوئے استحکام پاکستان پارٹی میں شمولیت کا اعلان کر دیا۔ عندلیب عباس نے اس موقع پر کہا کہ ہم سب نے ماضی کو بھول کر آگے بڑھنے کا فیصلہ کیا ہے، ہمیں عام آدمیوں کی زندگی کو بہتر بنانا ہے، اس وقت پاکستان کے حالات بے بسی کا شکار ہیں۔خیال رہے کہ پاکستان تحریک انصاف کے کئی رہنما 9 مئی کے واقعات کے بعد استحکام پاکستان پارٹی میں شامل ہوئے تھے، استحکام پاکستان پارٹی کے پیٹرن انچیف جہانگیر ترین سے پارٹی کے سینئر رہنما عون چوہدری، فرخ حبیب اور فواد چوہدری نے ملاقاتیں کیں، پی ٹی آئی کو خیر باد کہہ کر استحکام پاکستان پارٹی میں شامل ہونے والے فرخ حبیب کو پارٹی میں اہم عہدہ دئیے جانے کا امکان ہے، ملاقات کے دوران جہانگیر ترین نے فرخ حبیب کو پارٹی میں شمولیت پر خوش آمدید کہا۔ ENDS-PP
تلاش کریں
خبریں
شکاگو اور روٹرڈیم ورلڈٹرائیتھون فائنل کی میزبانی کریں گے
لوسان:انٹرنیشنل ٹرائیتھون یونین نے 2016اور2017ورلڈ ٹرائیتھون کے فائنل میکسیکو اور نیدرلینڈ کے شہر روٹرڈیم میں کھیلاجائے گا۔ میکسیکو نے 1995اور2002میں ورلڈ چمپینز شپ ااور2006کی ٹیم ٹرائیتھون ورلڈ چمپنزشپ کی میزبانی کی تھی۔ دوسری جانب روٹرڈیم پہلی بار ٹرائیتھون فائنل 2017کی میزبانی کرے گا۔ 2015ٹرائیتھون گرینڈ فائنل کا آغاز15سے20ستمبر کو شکاگو سے ہوگا جبکہ فائنل کے میزبان شہر کا اعلان جنوری میں کیا جائے گا۔
امریکا کے فٹ بالر ڈامارکس بیسلے قومی ٹیم سے ریٹائر منٹ لیں گے
ہیوسٹن:امریکا کے تجربہ کار فٹ بالر ڈامارکس بیسلے نے بین الاقوامی فٹ بال سے ریٹائرمنٹ لینے کی خواہش کا اظہارکردیا۔ ڈامارکس بیسلے امریکا کے واحد فٹ بالر ہیںجنھوں نے سمیت چار ورلڈ کپ میں حصہ لیا،بیسلے نے 2014کے ورلڈ کپ میں امریکا کے تمام میچوںمیں حصہ لیا۔ بیسلے نے اپنے کیرئر کا آغاز 2001میں کولمبیاکے خلاف لندن میں کیا، انھوںنے 14سالہ کیرئر میں امریکا کی جانب سے 121بین الاقوامی میچ کھیلے اور17گول کیے۔ پروفیشنل فٹ بال میں انھوں نے اپنا کیرئر میجر لیگ سوکر میں شکاگو فائر کی جانب سے 2000میں آغازکیا۔بیسلے کا کہناہے کہ وہ ڈومیسٹک میں ہیوسٹن ڈیانامو کی جانب سے کھیلتے رہیں گے۔
پشاور :آرمی اسکول پر دہشت گردوں کا حملہ،100سے زائد شہید کئی بچے زخمی ہوگئے
پشاور:پشاور میں آرمی اسکول پر دہشت گردوں کے حملے میں سو سے زائد بچے شہید اور 83سے زائد زخمی ہوگئے جبکہ آپریشن میں تین دہشت گردوں کو بھی ماراگیا۔پشاور کے ورسک روڈ پر واقع آرمی پبلک اسکول میں دہشت گرد سیکیورٹی فورسز کی وردی میں اسکول کے اندر داخل ہوگئے اور فائرنگ شروع کردی، فائرنگ کے نتیجے میں موقع پر کئی بچے جاں بحق ہوگئے ، لاشوں اور زخمیوں کو سی ایم ایچ اور لیڈی ریڈنگ اسپتال منتقل کیاگیا ۔ دہشت گردی کے واقعے کے بعد وزیراعظم نواز شریف وفاقی وزیر داخلہ چوہدری نثار کے ہمراہ پشاورکے لئے روانہ ہوگئے، وزیراعظم نے اس موقع پر کہا کہ پشاور کا واقعہ تکلیف دہ اور قومی سانحہ ہے،یہ میرا اور میری قوم کا نقصان ہے،اسلام آباد نہیں رک سکتا۔ وزیراعظم نے معصوم جانوں کے ضیاع پر دکھ کااظہار کرتے ہوئے کہا کہ خود آپریشن کی نگرانی کروں گا،حملہ آوروں کو ہرصورت کیفرکردارتک پہنچائیں گے۔ وزیرداخلہ چوھدری نثارعلی خان کا کہناتھا کہ عوام افواہوںپر کان نہ دھریں ،سیکورٹی ادارے صورت حال کو سنبھال لیں گے۔ وزیر اعلیٰ خیبرپختونخوا نے میڈیا سے گفتگو کرتے ہوئے بتایا کہ لیڈی ریڈنگ ہسپتال میں 23 بچوں کی لاشیں موجود ہیں جبکہ سی ایم ایچ میں 40 بچے زخمی ہیں اور 60 بچوں کی لاشیں موجود ہیں۔ انھوں نے کہا کہ دہشتگرد ایف سی کی وردیوں میں ملبوس ہو کر آرمی سکول پہنچے تھے۔ فوج کا آرمی سکول میں ریسکیو آپریشن جاری ہے ،دو دہشتگردوں کو مارا گیا ہے جبکہ ایک دہشتگرد نے خود کو دھماکے سے اڑا لیا۔ انھوں نے خیبر پختونخوا تین روزہ سوگ کا اعلان کر دیا۔امیر جماعت اسلامی نے صوبائی سنیئر وزیر عنایت اللہ کے ہمراہ اسپتال کا دورہ کیا اورواقعے کی مذمت کی ، امیرجماعت اسلامی کاکہناتھا کہ عوام کے جان ومال کا تحفظ حکومت کا فرض ہے اور اس طرح کی غفلت ناقابل برداشت ہے۔ اے این پی کے رہنما غلام احمد بلور بھی موقع پر پہنچ گئے اور واقعے کی پرزور مذمت کی۔
انگلش فٹ بال کلب ریڈنگ کے کوچ بدترین کارکردگی پر برطرف
لندن:انگلش فٹ بال کلب ریڈنگ کے کوچ نیجل ایڈکنز کوچمپینز لیگ میں ٹیم کی بدترین کاکردگی پر برطرف کردیاگیا۔ انگلش کلب ریڈنگ کوگزشتہ روز چمپینزشپ میں6-1کی شرم ناک شکست کا سامنا کرنا پڑا تھا ۔ ریڈنگ چمپینزشپ میں 11شکستوں کے بعد 16ویں نمبر پر ہے۔ ریڈنگ کی جانب سے جاری بیان میں کہا گیاہے کہ کلب کی ناقص کارکردگی کے بعد کوچ کی تبدیلی بہت ضروری ہوگئی تھی۔ نجل ایڈکنزکو مارچ 2013میں کلب کا کوچ مقررکیا گیاتھاتاہم وہ اپنے دورانیے میں ٹیم کی کارکردگی کو بہتر بنانے میں نام ہوئے۔
کیریبین پریمئرلیگ میںایسو سی ایٹ ٹیموں کے کھلاڑیوں کو موقع
جمیکا: کیربیئن پریمئرلیگ(سی پی ایل) کی جانب سے آئی سی سی کی ایسو سی ایٹ ٹیموں امریکا ،کینیڈا اور برمودا کے انڈر23 کھلاڑیوں کو نئے سیزن میں کھیلنے کا موقع دیا جارہاہے۔ امریکا ،کینیڈااور برمودا کے نوجوان کھلاڑی تربیت لینے ویسٹ اندیز پہنچ گئے ہیں، جن میں امریکا کے اسٹیون ٹیلر،کینیڈا کے نیخل دتا اور نتیش کمار اور برموداکے ٹرے مینڈیرزاور ڈیلرے راﺅلنز شامل ہیں۔ تما م کھلاڑی تربیت کے بعد مقامی ٹیموں کے خلاف میچوںمیںحصہ لیں گے جو بعد میں سی پی ایل کی مختلف ٹیموں میں شامل ہوکر ٹورنامنٹ میں حصہ لیں گے۔سی پی ایل کے نئے سیزن میں برموداکے اونیاس بیسکوم ،کرسچن برگیس، ٹرے مینڈیرز ،ڈیلرے راﺅلنز،کینیڈاکے سیت سمرانجیت دھندسا ،نیخل دتا، ارسلان خان، نیتیش کمار، فرحان ملک اور امریکا کے کوشال گنجی،کیفرفل اور اسٹیون ٹیلر جیسے نوجوان کھلاڑی حصہ لیں گے۔
ریان ہیرس ،پیٹرسڈل بھارت کے خلاف دوسرے ٹیسٹ سے باہر
برسبین:آسٹریلیا کے فاسٹ بولرریان ہیرس اورپیٹرسیڈل بھارت کے خلاف دوسرے ٹیسٹ سے باہر ہوگئے۔ ریان ہیرس معمولی انجری کا شکار ہوگئے ہیں جبکہ پیٹرسڈل کو پہلے ٹیسٹ کے کامیاب بولنگ دستے سے باہر کردیا گیاہے۔ ان کی جگہ جوش ہیزل ووڈ اور مچل اسٹارک کو ٹیم میں شامل کرلیا گیاہے۔ مچل اسٹارک نے گزشتہ ماہ ابو ظہبی میں پاکستان کے خلاف ہاری ہوئی بازی میں آسٹریلیا کی نمائند گی کی تھی ،ہیزل ووڈ کو لمبے عرصے بعد ٹیم میں دوبارہ بلالیا گیا ہے۔ آسٹریلیا اور بھارت کے درمیان دوسرا ٹیسٹ آج کھیلا جارہاہے۔
