لندن: انگلش کلب آرسنل کے ٹیم منجیر آرسینے ونگر کھلاڑیوں کی پے در پے انجریوں سے پریشان ہوگئے ہیں۔آرسینے ونگر پریمئر لیگ کے آئندہ کے مقابلوں اور چیلسی کے خلاف اہم مقابلے کے لیے اہم کھلاڑیوں سے محروم ہونے پر شدید پریشانی کا اظہار کیا ہے اور سیزن میں ٹیم کے لیے انتہائی خطرناک قرار دیا ہے۔آرسنل کے اہم کھلایوں آرون رامسے،میکل آرٹیٹا ،جیک ولشر،جیشو مونریال اوریایا سانوگا کے زخمی ہوگئے ہیں،آرسینے ونگر نے کھلاڑیوں کی انجری کی نوعیت کے حوالے سے کہنا تھا کہ آرون رامسے اور میکل دو اہم میچوں گالاسترا اور چیلسی کے خلاف میچوں سے باہرہوگئے ہیں۔

نیویارک: امریکی بیس بال ٹیم کے کھلاڑی ڈیرک جیٹر نے ریٹائرمنٹ کا اعلان کردیا۔ڈیرک جیٹر نے امریکی میجر لیگ بیس بال کے 20سیزن میں نیویارک یانکیز کی نمائندگی کی۔40سالہ ڈیرک پانچ دفعہ ورلڈ سیریز چمپیئن رہے،نیویارک یانکیز کے1990 اور 2000میں ڈیرک کی قیادت میں چمپیئن بنی تھی۔ڈیرک جیٹربیس بال میں3ہزار ہٹ کرنے والے چھٹے کھلاڑی ہیں۔نیویارک یانکیز کی ٹیم نے انھیں تاریخٰی الواداع کیا اور مداحوں نے بھی یادگار انداز میں الوداع کیا۔

بیجنگ:عالمی نمبر ایک ٹینس اسٹار سرینا اولیمز اور مارن کلک نے چائنا اوپن ٹینس کے دوسرے مرحلے کے لیے کوالیفائی کرلیا جبکہ انجری سے صحت یاب ہو کر واپس آنے والے عالمی نمبر دو رافیل نڈال ڈبلز کے مقابلے میں شکست کھاکر باہر ہوگئے۔امریکی ٹینس اسٹار سرینا ولیمز،ہسپانوی کھلاڑی الویا سولرایسپینولا کے خلاف پہلے سیٹ کے شروع میں خسارے میں جانے کے بعد کامیابی سے کھیل میں واپس آگئیں اور 5-7اور2-6 سے کامیابی حاصل کرلی۔ڈبلز کے مقابلوں میں اسپنی جوڑی رافیل نڈال اور پابلو اینڈوجر کو چیک ری پبلک کے ٹوماس بریڈچ اور امریکی جان ایسنر نے 7-5،4-6اور4-10سے شکست دے کر مقابلوں سے باہر کردیا۔کروشیا کے مارن کلک نے میزبان کھلاڑی بائی یان کو 3-6اور4-6سے شکست دے دی۔دیگر مقابلوں میںپرتگال کے جووا سوسا نے روس کے تیموراز کو6-1اور6-7سے،کینیڈا کے ویسک پاسپیسل نے چیک کھلاڑی لوکاس روسول کو4-6اور3-6سے۔سربیا کے وکٹڑ ٹرویکی نے روس کے میخائیل یوزنے کو3-6اور4-6سے شکست دے دی ۔ خواتین کے مقابلوں میںفرانس کی علیزے کورنیٹ نے سربیا کی جیلینا جانکووک کو5-7،6-3اور4-6سے،چین کی پنگ شوائی نے ہم وطن ژنگ کائیلین کو4-6اور1-6سے،اٹلی کی فلیویا پینیٹا نے امریکا کی کرسٹینا مائیکل کو6-7اور4-6سے ،چیک ری پبلک کی لوسی سیواروا نے اٹلی کی کمیلا جیورجی کو6-7اور4-6سے ،جرمنی کی مونا بارتھیل نے امریکا کی بیتھینی میٹیک کو6-4،1-6اور4-6سے ،بلغاریا کی ٹی سویٹانا پیرونکوا نے روس کی ماریا کینلینکو کو4-6اور1-6سے اور سربیا کی آنا آئیوینووک نے سوئٹزرلینڈ کی بلینڈا بینکک کو2-6اور1-6سے شکست دے دی۔

برلن:جرمنی کے شہر برلن میں منعقدہ میراتھن میں کینیا کے ایتھلیٹ ڈینس کی میٹو نے نیا عالمی ریکارڈ قائم کر دیا۔ 41ویںبرلن میراتھن میں130 ممالک کے 40ہزار ایتھلیٹ نے حصہ لیا۔ برلن کے میئر نے اسٹارٹرگن سے فائر کر کے میراتھن کا آغاز کیا، کینیا کے ڈینس کی میٹو نے 42.195 کلومیٹر کا فاصلہ 2 گھنٹے، 2 منٹ اور 57 سیکنڈمیں طے کیا اور 26 سیکنڈز کے فرق سے میراتھن میں نیاعالمی ریکارڈ قائم کر ڈالا۔ اس سے قبل یہ ریکارڈ کینیا کے ہی ولسن کپسانگ کے پاس تھا جنھوں نے گذشتہ سال برلن میراتھن کے دوران دو گھنٹے تین منٹ اور ت23 سکینڈمیں طے کرکے عالمی ریکارڑ بنایا تھا۔

انچیون:دفاعی چمپین چین کی زھو یو نے ایشین گیمز ویمنز 5سوسنگلز ریس میں گولڈ میڈل حاصل کرلیا۔جنوبی کوریا میں جاری 17ویں ایشین گیمز کے 5سو میٹر کے ویمنزسنگلز ریس میں مقررہ فاصلہ ایک منٹ51اعشاریہ 334سیکنڈ میں طے کرکے پہلی پوزیشن حاصل کرکے ایک دفعہ پھر گولڈ میڈل حاصل کیا۔قازقستان کی نتایا سرگییوا نے ایک منٹ 52اعشاریہ107سیکنڈ میںطے کرکے دوسری،جنوبی کوریا کی لی سوجنا ایک منٹ 54اعشاریہ852سیکنڈ میں طے کرکی تیسری پوزیشن حاصل کرلی۔گولڈ میڈل کا کامیاب دفاع کرنے کے بعد زھو نے میڈیا کو کہا کہ میں فائنل جیت گئی ہوں لیکن میں اپنی کارکردگی سے مطمئن نہیں ہوں،مجھے اسے بہتر کرنا چاہیے تھا۔زھو نے 2سومیٹر کے فائنل بھی حصہ لیں گی زھو نے چارسال قبل گوان زھوو کے ایونٹ میں سلور میڈل حاصل کیاتھا۔