کراچی: پاکستان ٹیلی کمیونیکیشن کمپنی لمیٹڈ(پی ٹی سی ایل)نے پاکستان سول ایوی ایشن اتھارٹی کے ساتھ مینیجڈ ماڈل کے طور پر سی ٹی خدمات کی فراہمی اور قومی سطح پر اس کے انتظام کے معاہدے پر دستخط کئے ہیں۔پی ٹی سی ایل کے چیف ڈیجیٹل سروسز آفیسر ، کمال احمد اور CAAکے ڈپٹی ڈائرکٹر جنرل ائر وائس مارشل خاور حسین نے کراچی میں سول ایوی ایشن کے ہیڈ کوارٹر میں جدید ترین کمیونیکیشن سسٹم کے قیام کے معاہدے پر دستخط کئے۔ اس پراجیکٹ سے پاکستان سول ایوی ایشن ریڈار سائٹ اور ائر پورٹ پر فاضل بوجھ کے مقابلے میں ائر ٹریفک کنٹرولرز کو ڈیٹا کی بروقت وصولی اور ٹرانسمیٹنگ کی تیز تر اور قابل اعتماد انداز میں مدد ملے گی۔نئے سسٹم کے نفاذ سے ائر ٹریفک کنٹرولرز اور پائلٹ کے درمیان آواز کو بہتر بنانے میں بھی مدد ملے گی، کیونکہ تمام مواصلات کسی بھی رکاوٹ کے بغیر بروقت ہوں گے۔ یہ نظام سول ایوی ایشن کے تمام آپریشنل اور کاروباری ضروریات کو پورا کرنے کے لئے ایک مؤثر ،توسیع پذیر اور قابل اعتماد مواصلاتی نظام فراہم کرے گا۔ائر وائس مارشل خاور حسین نے اس موقع پر کہا کہ نیا نظام پاکستان ائر اسپیس کو نہ صرف زیادہ محفوظ اور بے خطر بنائے گا بلکہ یہ جدید ترین ٹیکنالوجی کے حصول کا ذریعہ بھی ثابت ہوگا۔پی ٹی سی ایل کے چیف ڈیجیٹل سروسز آفیسرکمال احمد نے اس موقع پر اظہار خیال کرتے ہوئے کہا کہ ہم سول ایوی ایشن اتھارٹی کے ساتھ شراکت پر بہت خوش ہیں اور سول ایوی ایشن اتھارٹی کے پی ٹی سی ایل کے جدید ترین ICT انفرا اسٹرکچر اور خدمات پر اعتماد کے لئے سی اے اے کی تعریف کرنا چاہیں گے۔پی ٹی سی ایل ، سول ایوی ایشن اتھارٹی کے لئے اس طرح کی حکمت عملی اور جدید مواصلاتی نظام فراہم کرنے کی مکمل صلاحیت کی حامل ہے۔

نیودہلی:سچن ٹنڈولکر کو بہت سے مداح دیوتا کی طرح پوجتے ہیں لیکن لیجنڈ بیٹسمین کا کہنا ہے کہ میں کرکٹ کا دیوتا نہیں۔ ٹنڈولکر کا کہنا ہے کہ فیلڈ میں مجھ سے بہت سی غلطیاں ہوئی ہیں،کرکٹ کھیلنا میری محبت ہے لیکن میں عام سا ٹنڈولکر ہوں اور ایسا ہی ہونا چاہیے۔ ٹنڈولکر کا کہنا تھا کہ میں خوش قسمت ہوں کہ لوگ مجھ سے پیار کرتے ہیں یہ میرے لیے خاص رحمت ہے اور خدامجھ پر مہربان ہے،ایک سوال پرکہ لوگ انھیں پوجتے ہیں توان کا کہنا تھا کہ میں کسی بات کو اپنے مرہون منت نہیں سمجھتا،میں عام انسان ہوں لوگوں کے پیار کرنے پر میں ان کا شکر گزار ہوں۔

برلن:جرمنی کے مشہور فٹ بال میسوت اوزل کے خلاف ان کے والد مصطفیٰ نے کیس دائر کردیا۔ میسوت اوزل نے اپنے والد کو اوزل مارکیٹنگ کمپنی کے منیجنگ ڈائرکٹر کے عہدے سے ہٹادیا تھا جس کے بعد ان کے والد عدالت میں چلے گئے اور چمپین اسٹار کو عدالت میں حاضر کرادیا۔ میسوت اوزل کو پاﺅں میں ہلکا فریکچرہونے کے باعث تین مہینوں کے لیے مقابلوں سے باہر کردیا گیاہے۔ مصطفی اوزل نے میسوت کی ہسپانوی کلب ریال میڈرڑ سے آرسنل میں ریکارڑ42.5ملین یورو میں معاہدے کرانے میں اہم کردار ادا کیا تھا تاہم اس پر 6لاکھ 30ہزار پاﺅنڈ کے نقصان کی بھی شکایت درج کی گئی تھی۔جرمن میڈیا کے مطابق میسوت اوزل کا اپنے والد سے صلح صفائی ہوئی ہے جس کے بعد کمپنی کی بھاگ دوڑ میسوت کے بھائی مطلو اوزل کو دی گئی ہے۔

لندن:انگلش پریمئر لیگ میں آسٹن ولاز اور ٹوٹنہم ہاٹسپر کے درمیان میچ میں کھلاڑیوں کی جانب سے قواعد کی خلاف ورزی پر جرمانہ عائد کیا گیا۔ آسٹن اور ٹوٹنہم کے درمیان2نومبر کو کھیلے گئے میچ کے اختتام پر دونوں طرف کے کھلاڑیوں نے اپنے جذبات کاشدید طریقے سے اظہار کیا۔ فٹ بال ایسوسی ایشن کی جانب سے جاری بیان میں کہا گیاہے کہ دوونوں کلبوں سے قواعد کے خلاف ورزی کا اعتراف کیا ہے جس کے بعد انھیں31ہزار8سو52ڈالر جرمانہ کیا گیاہے۔مذکورہ مقابلے میں ٹوٹنہم نے آسٹن کو1-2سے شکست دے دی تھی۔