کراچی (پی پی آئی)عالمی ادارہ صحت کا کہنا ہے کہ موسمیاتی تبدیلیوں کی وجہ سے ہیضہ وباکی صورت اختیار کرگیا ہے افغانستان سمیت 24 ممالک میں ہیضے کے کیسز میں غیرمعمولی اضافہ ہوا ہے۔نیزپولیو کی طرح پاکستان کو خدشات لاحق ہیں ڈبلیو ایچ اوکی رپورٹ کے مطابق سال 2022 میں ہیضہ کے کیسز پچھلے سال کی نسبت دگنے ہوگئے تھے، اس سال بھی ہیضے کے کیسز میں غیرمعمولی اضافہ ریکارڈ ہوا ہے۔پی پی آئی کے مطابق جن ممالک میں ہیضے کے مرض میں اضافہ ہورہا ان میں افغانستان، کیمرون، ڈیموکریٹک ریپبلک آف کانگو، ملاوی، نائیجیریا، صومالیہ، شام میں 10 ہزار سے زائد مشتبہ اور مصدقہ کیسز رپورٹ ہوچکے ہیں۔عالمی ادارے کی رپورٹ میں بتایا گیا ہے کہ پچھلے سال اکتوبر میں ہنگامی ویکسین فراہم کی گئی، جس کے بعد سے 2 خوراکوں پر مشتمل ویکسین کی فراہمی کا سلسلہ منقطع ہے، رواں سال متعدی بیماری میں اضافہ سامنے آرہا ہے۔۔رپورٹ کے مطابق ہیضہ کھانے اور پانی کے ذریعے پھیلتا ہے، سیلاب، طوفان اور خشک سالی کے دنوں میں اس کے پھیلاؤ میں اضافہ ہوجاتا ہے۔
ایشیا کپ اور ورلڈ ٹی 20کیلئے قومی اسکواڈ کا حتمی فیصلہ آج ہوگا
پاکستان کی 6رکنی ٹیم ایشین ٹین پن باﺅلنگ چیمپئن شپ میں شرکت کریگی
جسٹس شوکت عزیز کا ذکاءاشرف برطرفی کیس کی مزید سماعت سے انکار
ڈائریکٹر پاکستان اسپورٹس بورڈامیر حمزہ گیلانی انتقال کرگئے
آئی پی ایل نیلامی میں یووراج سنگھ 14جبکہ کیون پیٹرسن 9کروڑ میں فروخت
مولاناسمیع الحق نے تمام مسالک کے علماکااجلاس15فروری کوبلالیا
تازہ ترین خبریں
اشتہار
تازہ ترین
حکومت کا ڈالر خریدنے والے افراد کا ڈیٹا جمع کرنے کا فیصلہ
کراچی (پی پی آئی)حکومت نے بڑے پیمانے پر ڈالر خریدنے والے افراد کا ڈیٹا جمع کرنے کا فیصلہ کیا ہے۔تاکہ ڈالر چھپا کر رکھنے والے افراد کے خلاف شکنجہ سخت کیا جاسکے۔پی پی آئی کے مطابق تفصیلات جمع کرنے کیلئے فنانشل مانیٹرنگ یونٹ کی خدمات حاصل کی جا رہی ہیں۔ ذرائع نے مزید بتایا ہے کہ ڈیٹا فنانشل مانیٹرنگ یونٹ اور ایکسچینج کمپنیوں کی مدد سے جمع کیا جائے گا۔پی پی آئی کے مطابق ذخیرہ اندوز سرکاری افسران، سیاسی اور کاروباری شخصیات پر ہاتھ ڈالا جائے گا۔۔
پاکستان بھر میں فری لانسرز اور اسٹارٹ اپس کی سہولت والے ای ورکنگ سینٹر قائم ہونگے
اسلام آباد (پی پی آئی)حکومت پاکستان نے ملک بھر میں فری لانسرز اور اسٹارٹ اپس کی سہولت کے لیے جدید ترین سہولیات سے لیس 5 ہزار ای ورکنگ سینٹرز قائم کرنے کا اعلان کردیا۔پی پی آئی کے مطابق ای ورکنگ سینٹرز امیں آئی ٹی پروفیشنلز کو ایک ہی چھت کے نیچے تمام سہولیات فراہم کی جاتی ہیں۔عام طور پر حکومتیں ایسے سینٹرز میں تمام سہولیات ابتدائی طور پر مفت فراہم کرتی ہیں، تاہم ایسے سینٹرز میں سہولیات کی فراہمی انتہائی کم قیمت پر بھی کی جاتی ہے۔پاکستان میں پہلے ہی نجی سطح پر یا حکومتی سطح پر کچھ ای سینٹرز کام کر رہے ہیں۔نگران وفاقی وزیر آئی ٹی و ٹیلی کمیونیکیشن ڈاکٹر عمر سیف کے مطابق مشترکہ ای سینٹرز کے قیام سے ملک میں سرمایہ کاری بڑھے گی اور روزگار کے نئے مواقع پیدا ہوں گے۔ڈاکٹر عمر سیف کے مطابق مشترکہ ای سینٹرز کے قیام کے سلسلے میں ہی وہ جلد سعودی عرب کا دورہ بھی کریں گے جب کہ مذکورہ سینٹرز میں کام کرنے والے فری لانسرز اور اسٹارٹ اپس کو بلاسود قرضے بھی دیے جائیں گے۔
شرمین عبید چنائے کے پروجیکٹ کے تحت 19 خواتین فلم سازوں کی دستاویزی فلمیں تیار
کراچی (پی پی آئی)’آسکر‘ اور ’ایمی‘ ایوارڈز یافتہ پاکستانی فلم ساز شرمین عبید چنائے نے کراچی میں امریکی قونصلیٹ کے تعاون سے ’خواتین فلم میکرز‘ کے نام سے اختتامی تقریب منعقد کی گئی۔ پی پی آئی کے مطابق تقریب کا مقصد ’پٹاخہ پکچرز‘ کے پلیٹ فارم کے تحت علاقائی ٹیلنٹ کی حوصلہ افزائی تھا۔خواتین فلم سازوں کی جانب سے تیار کی گئی 20 سے 30 منٹ کے دورنیے کی 10 دستاویزیں فلموں کی جھلک تقریب میں دکھائی گئی۔19 خواتین فلم سازوں نے ان دستاویزی فلم کی تخلیق کے لیے شوٹنگ میں حصہ لیا، کئی ماہ تک انہوں نے اپنی صلاحیتوں کو نکھارا اور دستاویزی فلمیں تیار کیں جبکہ آن لائن فلم سازی کی ورکشاپ میں بھی شرکت کی20 سے 30 منٹ کے دورنیے کی 10 دستاویزیں فلموں میں ’طوفان کے بعد خاموشی‘، ’کراچی بیگمز‘، ’نسواں نامہ-ویمن، تھیٹر، ایکٹیوزم- پاکستان سے ایک کہانی‘، ’نیئر-ایک آرٹ کہانی‘، ’میڈ وِد لوو‘، ’اسکلپٹڈ‘، Defiance’، ’پہچان‘، ’تم نہیں چارا گر‘، ’کاوش‘ اور ’From Rocks to Gold – Doch The Art of Balochistan‘ شامل تھیں۔
تلاش کریں
خبریں
ایشیا کپ اور ورلڈ ٹی 20کیلئے قومی اسکواڈ کا حتمی فیصلہ آج ہوگا
اسلام آباد: بنگلہ دیش میں ہونے والے ایشیا کپ اور ورلڈ ٹی ٹوئنٹی کیلئے قومی ٹیم کے انتخاب کے سلسلے میں سلیکشن کمیٹی کا اجلاس آج (جمعرات )اسلام آباد میں ہوگا۔ ذرائع کے مطابق قائم مقام چیف سلیکٹر اظہر خان نے سلیکشن کمیٹی کا اجلاس جمعرات کواسلام آباد میں طلب کرلیا ہے۔ اجلاس میں ایشیا کپ اور ورلڈ ٹی ٹوئنٹی کیلئے پاکستانی ٹیم کا انتخاب کیا جائے گا۔ ون ڈے ٹیم کے کپتان مصباح الحق اور ٹی ٹوئنٹی ٹیم کے قائد محمد حفیظ بھی اجلاس میں شرکت کریں گے جبکہ ہیڈ کوچ معین خان بھی اجلاس میں شرکت کیلئے کراچی سے اسلام آباد پہنچیں گے۔ کپتانوں اور کوچ سے مشاورت کے بعد سلیکشن کمیٹی کھلاڑیوں کے نام فائنل کر کے منظوری کیلئے چیئرمین پی سی بی کو بھجوادے گی۔ امکان ہے کہ دونوں ایونٹس کیلئے ٹیم کا اعلان جمعہ تک کر دیا جائے گا۔
پاکستان کی 6رکنی ٹیم ایشین ٹین پن باﺅلنگ چیمپئن شپ میں شرکت کریگی
اسلام آباد: پاکستان کی چھ رکنی ٹین پن باﺅلنگ ٹیم 19سے 30مئی تک بنکاک میں کھیلی جانے والی 23ویں ایشین ٹین پن باﺅلنگ چیمپئن شپ میں شرکت کرے گی ۔ پاکستان باﺅلنگ فیڈریشن کے جنرل سیکریٹری اعجاز رحمان نے کہاہے کہ ہمارے قومی کھلاڑی چیمپئن شپ میں شاندار کارکردگی کا مظاہر ہ کرے گی ۔انہوں نے کہا کہ اگر حکومتی سطح پر باﺅلنگ کلب بن جائے تو اس سے کھلاڑیوں کو بہت فائدہ ہوگا۔
جسٹس شوکت عزیز کا ذکاءاشرف برطرفی کیس کی مزید سماعت سے انکار
اسلام آباد: اسلام آباد ہائیکورٹ کے جسٹس شوکت عزیز صدیقی نے ذکاءاشرف کی بر طرفی اور نجم سیٹھی کی تقرری کے خلاف درخواست کی مزید سماعت سے معذرت کر لی۔ اسلام آباد ہائیکورٹ کے جسٹس شوکت عزیز صدیقی نے سابق چیئرمین پی سی بی ذکاءاشرف کی برطرفی، بورڈ کی معطلی اور نجم سیٹھی کی بطور چیئرمین پی سی بی تقرری کے خلاف درخواست کی سماعت کی۔ دوران سماعت جسٹس شوکت عزیز صدیقی نے درخواست کی سماعت سے معذرت کر لی۔ ان کا کہنا تھا کہ ذکاءاشرف کی بر طرفی کا فیصلہ اسی عدالت نے کیا تھا اس لیے کیس چیف جسٹس کو بھجوا رہے ہیں۔ ملتان کرکٹ بورڈ کے ممبر احمد نواز نے عبد الرزاق رجب ایڈووکیٹ کی وساطت سے درخواست دائر کی تھی۔ درخواست میں بورڈ کی معطلی اور نجم سیٹھی کی تعیناتی کو غیر قانونی اور غیر جمہوری قرار دیا تھا۔
ڈائریکٹر پاکستان اسپورٹس بورڈامیر حمزہ گیلانی انتقال کرگئے
لاہور: پاکستان اسپورٹس بورڈ کے ڈائریکٹر جنرل امیر حمزہ گیلانی انتقال کر گئے۔ خاندانی ذرائع کے مطابق ڈی جی پاکستان سپورٹس بورڈ گذشتہ آٹھ روز سے اسلام آباد کے نجی ہسپتال میں زیر علاج تھے جہاں وہ بدھ کی صبح خالق حقیقی سے جاملے۔ ان کی نماز جنازہ لاہور کینٹ میں ادا کی گئی جس کے بعد انہیں سپرد خاک کر دیا گیا۔
آئی پی ایل نیلامی میں یووراج سنگھ 14جبکہ کیون پیٹرسن 9کروڑ میں فروخت
ممبئی: انڈین پریمئر لیگ کی نیلامی میں بھارت کے مایہ ناز کرکٹر یوراج سنگھ کو رائل چیلنجرز نے سب سے زیادہ بولی دیکر خرید لیا۔ تفصیلات کے مطابق انڈین پریمئر لیگ کی نیلامی میں یورواج سنگھ کو14 کروڑ دیکر رائل چیلنجرز نے خرید لیا ہے۔ بولی میں وریندر سہواگ کو کنگز الیون نے تین کروڑ بیس لاکھ جبکہ انگلینڈ کے بلے باز کیون پیٹرسن کو دہلی ڈیرڈیولز نے 9 کروڑ میں خریدا۔
مولاناسمیع الحق نے تمام مسالک کے علماکااجلاس15فروری کوبلالیا
اسلام آباد: کالعدم تحریک طالبان پاکستان کی مذاکراتی کمیٹی کے سربراہ مولانا سمیع الحق نے 15 فروری کو تمام مسالک کے علماءاور مشائخ کا مشاورتی اجلاس لاہور میں طلب کرلیا۔ذرائع کے مطابق مولانا سمیع الحق کی جانب سے بلائے گئے اجلاس میں مختلف مسالک کے 200 سے زائد علماءاور مشائخ شریک ہوں گے۔ مولانا سمیع الحق طالبان کے ساتھ ہونے والے مذاکرات پر علماءاور مشائخ کو اعتماد میں لیں گے اور حکومتی کمیٹی کا موقف بھی علماءکے سامنے رکھا جائے گا۔مولانا سمیع الحق کا کہنا ہے کہ پشاور میں ہونے والے حالیہ بم دھماکے طالبان نے نہیں کرائے، بلکہ ملک دشمن قوتیں مذاکرات سبوتاڑ کرانا چاہتی ہیں۔ آرمی چیف اور ڈی جی آئی ایس آئی سے ملاقات کیلئے باضابطہ درخواست کر دی ہے، حکومت سے جواب ملنے کے بعد دوبارہ وزیرستان جائیں گے۔ پاکستان علماءکونسل کے چیئرمین مولانا طاہر اشرفی کا اجلاس طلب کرنے پر کہنا ہے کہ وہ طالبان اور حکومتی مذاکراتی کمیٹی کو ہر قسم کا تعاون فراہم کرتے رہیں گے، انہوں نے کہا کہ پاکستان علماءکونسل مولانا سمیع الحق کی کوششوں کی مکمل تائید کرتی ہے۔