ریوڈی جینرو: ورلڈ کپ فٹ با ل 2014کے شروع ہونے میں محض تین ماہ رہ گئے ہیں،برازیلی حکومت ابھی تک تین اسٹیڈیمز کی تعمیر مکمل نہیں کر سکی۔ برازیل کے 12ا سٹیڈیمز ٹورنامنٹ کی میزبانی کریں گے جن میں سے ساﺅپالو، کیوری ٹیبا اور کیووابا ابھی تک مکمل نہیں ہو سکے۔ افتتاحی میچ میں برازیل اور کروشیا کی ٹیمیں ساﺅ پالو اسٹیڈیم میں مدمقابل ہوں گی۔ برازیل کے اسٹیڈیم کا افتتاح 15 اپریل کو کیا جائے گا اگرچہ یہ مکمل طور پر تیار نہیں ہو گا۔ گزشتہ ماہ فیفا نے کیوری ٹیبا کو کپ کی میزبانی سے محروم کرنے کی دھمکی کو واپس لے لیا تھا اور اس کے نتیجے میںا سٹیڈیم میں کام مکمل کرنے کا عمل تیز ہو چکا ہے۔ فیفا چاہتی تھی کہ دسمبر تک تمام 12 سٹیڈیمز مکمل کر لئے جائیں۔ فیفا نے اپریل کے آخر میںفیفا سیکرٹری والکے کے آئندہ دورے کے دوران کچھ ا سٹیڈیمز کے معائنے کا شیڈول طے کر رکھا ہے۔ والکے 24 سے 27 مارچ کو دورہ کر رہے ہیں ، میچوں کی میزبانی کرنیوالے ا سٹیڈیمز میں پریس رومز اور ایکسرے سکیورٹی سہولیات کے لئے عمارات کی تعمیر اور دیگر سہولیات کے حوالے سے تاخیر پر فیفا کوتشویش لاحق ہے۔

کراچی: انٹرنیشنل ہاکی فیڈریشن نے ہاکی کے انٹرنیشنل میچ کا دورانیہ کم کر دیا ہے۔ جس کے مطابق اب ہر میچ 70 کی بجائے 60 منٹ کا ہوگا۔ جس میں اب 15,15 منٹ کے چار ہاف ہونگے۔ اس سے قبل 35,35 منٹ کے دو ہاف کھیلے جاتے تھے۔ نئے فیصلے کے مطابق ہر گول اور پنلٹی کارنر کے بعد 40 سیکنڈ کا ٹائم آﺅٹ بھی دیا جائے گا نئے قانون کا اطلاق دسمبر میں چیمپئنز ٹرافی سے ہوگا۔

ڈھاکا: ورلڈ کپ ٹی 20 میچ میں زمبابوے نے متحدہ عرب امارات کی ٹیم کو 5 وکٹوں سے شکست دے دی۔سلہٹ میں ہونے والے ٹی ٹوئنٹی عالمی کپ کے میچ میں یو اے ای ٹیم نے پہلے بیٹنگ کرتے ہوئے مقررہ اوورز میں 9 وکٹوں پر 116 رنز بنائے۔سواپنل پٹیل نے 30 رنز کا اضافہ کیا۔ زمبابوے کی جانب سے سین ولیمز نے 3 ، سکندر رضا اور چتارا نے 2 ، 2 وکٹیں حاصل کیں۔ جوابی بیٹنگ میں زمبابوے کی ٹیم نے مقررہ ہدف 13 اعشاریہ 4 اوورز میں پورا کر لیا۔ایلٹن چیگمبرا نے 53 رنز ناٹ آوٹ کی اننگز کھیلی۔

ڈھاکا: پاکستانی نژاد انگلش اوپننگ بیٹسمین معین علی کاکہنا ہے وہ ٹی ٹوئنٹی ورلڈ کپ میں انگلینڈ کی جیت کے لیے اہم کر دار اداکریں گے۔ انگلینڈ اپنا پہلا میچ نیوزی لینڈ کے خلاف آج چٹا گانگ میں کھیل رہاہے۔ معین علی انگلینڈ کے ڈومیسٹک کرکٹ میں وارسسٹر شائر کی نمائندگی کر تے ہیں ، معین بیٹنگ کے علاوہ آف اسپن باﺅلنگ بھی مہارت سے کرتے ہیں، ڈومیسٹک میں بہترین کارکردگی کی بنیاد پر انھیں بنگلہ دیش میں بلا یا گیا ہے، انگلینڈ کی حالیہ فارم کو دیکھتے ہوئے کہا جا رہا ہے کہ انھیں اپنے گروپ میں مضبوط ٹیموں کا سامنا کر نا پڑے گا جہاں وہ مشکلات کا شکار ہو سکتے ہیں۔معین علی اس بارے میں مطمئن ہیں ان کا کہنا ہے کہ وہ انگلینڈ ٹیم کا حصہ ہونے پر خوش ہیں اور اپنا زیادہ تر وقت کوچ اور ساتھی کھلاڑیوں کے ساتھ گزارتے ہیں۔ ان کا مزید کہنا ہے کہ وہ انڈیاکے خلاف اپنی فارم سے خوش ہیں انھیں ہارنے پر ملال نہیں ہے کیونکہ وہ میدان میں مقابلہ کر کے ہارے ہیں ،انھوںنے کہا کہ وہ ٹاپ لیول کی کر کٹ میں زیادہ سے زیادہ وقت گزارنا چاہتے ہیں۔علی کا ماننا ہے کہ انگلش ٹیم ورلڈ کپ کی فیورٹ ٹیموں میں سے ایک ہے اور ٹیم ہار کو بھول کر میدان میں اترے گی ۔