کراچی (پی پی آئی) کراچی کے علاقے بن قاسم میں ڈکیتی مزاحمت پر شہری کے قتل کیخلاف لاش کے ساتھ احتجاجی مظاہرہ کرنے والے لواحقین نے پولیس سے مذاکرت کے بعد نیشنل ہائی وے پر جاری دھرنا ختم کردیا۔پی پی آئی کے مطابق لواحقین اور علاقہ مکیں مقتول علی گل کی لاش کو نیشنل ہائی وے پر رکھ کر قاتلوں کی فوری گرفتار کا مطالبہ کررہے تھے۔احتجاجی مظاہرے کے باعث سڑک بند ہونے پر نیشنل ہائی وے پر گاڑیوں کی لمبی قطاریں لگ گئیں، واضح رہے کہ مقتول علی گل کو گزشتہ شب ڈاکوؤں نے فائرنگ کر کے قتل کیا تھا۔پولیس سے مذاکرت کے بعد مظاہرین نے قاتلوں کی گرفتاری کی یقین دہانی پر احتجاجی دھرنا ختم کیا۔
ٹرانسپرنسی انٹرنیشنل نے بگ تھر ی منصوبے کو کرپشن قرار دیدیا
فیفا ورلڈ کپ 2014کی ٹرافی کولمبیا کے دارلحکومت بگوٹا پہنچ گئی
ماریہ شراپووا نے پیرس انڈور ایونٹ میں کامیبابی کیلئے عزم کا اظہار کردیا
آسٹریلین بگ بیش کرکٹ لیگ کا پہلا سیمی فائنل 4فروری کو ہوگا
چیلسی کے مڈفیلڈر مائیکل ایسن اے سی میلان منتقل ہوگئے
دھونی 8ہزار رنز کا سنگ میل عبور کرنے کیلئے ایک قدم کی دوری پر
تازہ ترین خبریں
- April 22, 2026
اشتہار
تازہ ترین
اسرائیل کو تسلیم نہ کرنے والوں میں قطر، بنگلہ دیش، کویت، یمن، ملائیشیا،سعودیہ، عمان، برونائی، فغانستان شامل
کراچی (پی پی آئی)فلسطینی سر زمین پرقبضہ کر کے قائم کیے جانے والے اسرائیل کی حیثیت اب تک متنازع ہی ہے۔ پاکستان اسرائیل کو تسلیم نہیں کرتا، یہ بات سب کے علم میں ہے لیکن دنیا بھرمیں پاکستان کے علاوہ بھی متعدد ممالک اسرائیل کا قیام تسلیم نہیں کرتے۔پی پی آئی کے مطابق ان ممالک میں پاکستان کے علاوہ قطر، ایران، بنگلہ دیش، کویت، یمن، ملائیشیا، بھوٹان، سعودی عرب، عمان، برونائی، لیبیا، صومالیہ اورافغانستان شامل ہیں۔یہ بات قابل ذکرہے کہ ایران اسرائیل کو تسلیم کرنے والا دوسرا مسلم اکثریتی ملک تھا لیکن انقلاب ایران کے بعد یہ ملک اسرائیل کو تسلیم نہیں کرتا۔
خیبر پختونخوا کے سابق وزیر خزانہ تیمور سلیم جھگڑا 5 ماہ روپوش رہنے کے بعد منظرعام پر
پشاور (پی پی آئی)خیبر پختونخوا کے سابق وزیر خزانہ تیمور سلیم جھگڑا نے کہا ہے کہ ’تحریک انصاف کے رہنماؤں اور کارکنوں پر دباؤ ڈال کر انہیں پارٹی چھوڑنے پر مجبور کیا گیا، روپوش رہنا میری سیاسی حکمت عملی تھی۔‘ تیمور سلیم جھگڑا پانچ ماہ روپوش رہنے کے بعد منظرعام پر آگئے ہیں۔پی پی آئی کے مطابق انہوں نے بتایا کہ ’مجھے 150 دن گھر سے دْور رہنا پڑا جو مشکل کام تھا۔‘’تاہم یہ فیصلہ میری سیاسی حکمتِ عملی کا حصہ تھا، پارٹی رہنماؤں اور کارکنوں کو مجبور کیا جا رہا ہے کہ وہ خوفزدہ ہو کر پارٹی کو چھوڑ دیں۔‘
غیر قانونی تارکین وطن چلے جائیں، بعد میں ’نو کمپرومائز‘: وفاقی وزیر داخلہ
اسلام آباد (پی پی آئی)نگران وزیر داخلہ سرفراز بگٹی نے کہا ہیکہ پاکستان میں غیر قانونی تارکین وطن میں سے جو یکم نومبر تک جانا چاہتا ہے چلا جائے اس کے بعد کوئی کمپرومائز نہیں ہوگا۔افغان شہریوں کے حوالے سے جاری بیان میں نگران وزیر داخلہ سرفراز بگٹی نے کہا کہ افغان باشندوں کی بے دخلی کے حوالے سے ڈسکشن ہوئی تھی اور فیصلہ ہوا تھا کہ افغان باشندوں کو ایک گریس پیریڈ دیا جائے۔پی پی آئی کے مطابق نگران وزیر داخلہ نے کہا کہیہ صرف افغان بیسڈ پالیسی نہیں ہے، یہ پالیسی غیر قانونی ایلین کی ہے چاہے جس بھی ملک سے تعلق رکھتے ہوں۔سرفراز بگٹی کا کہنا تھا کہ بات غیر قانونی تارکین وطن کے حوالے سے ہورہی ہے تو وہ افغانی ہوں یا کوئی بھی، جن کے پاس ویزا ہے انہیں کچھ نہیں کہنا صرف غیر قانونی مقیم غیر ملکیوں کو بھیج رہے ہیں۔
تلاش کریں
خبریں
ٹرانسپرنسی انٹرنیشنل نے بگ تھر ی منصوبے کو کرپشن قرار دیدیا
(January 29, 2014)
دبئی: ٹرانسپرنسی انٹرنیشنل نے بھی آئی سی سی میں بگ تھری مسودے پرکڑی تنقید کردی ۔ان کا کہنا ہے کہ ایسے اقدام سے کرکٹ میں کرپشن بڑھے گی۔ ایک بیان میں ٹرانسپرنسی انٹرنیشنل کے ترجمان کا کہنا تھا کہ انٹرنیشنل کرکٹ کونسل میں بگ تھری کی تجاویز سے کرکٹ میں کرپشن بڑھے گی۔ نئی تجاویز گڈ گورننس کے اصولوں کی خلاف ورزی بھی ہے۔ ان کا کہنا تھا کہ تنظیم میں کسی کو بڑے یا چھوٹے کی حیثیت حاصل نہیں ہوسکتی۔ سب کو برابری کا حق حاصل ہوتا ہے۔ادھر جنوبی افریقہ کرکٹ بورڈ نے بھی آئی سی سی بیان کی وضاحت کرتے ہوئے کہا ہے کہ پوزیشن پیپر کی حمایت کا حتمی فیصلہ بورڈ اجلاس میں کریں گے۔ مجوزہ ترامیم بورڈ ممبران کی منظوری سے ہی ہوگا۔دوسری جانب بھارتی میڈیا کا کہنا ہے کہ آئی سی سی اجلاس میں پاکستان اور سری لنکا کی مخالفت سے آئی سی سی میں ایشیائی یکجہتی کو نقصان پہنچا ہے۔
فیفا ورلڈ کپ 2014کی ٹرافی کولمبیا کے دارلحکومت بگوٹا پہنچ گئی
(January 29, 2014)
بگوٹا: فیفا ورلڈ کپ 2014کی ٹرافی کولمبیا کے دارلحکومت بگوٹا پہنچ گئی۔ رواں سال برازیل میں ہونے والے فٹبال ورلڈ کپ سے قبل ایونٹ کی ٹرافی کولمبیا پہنچ گئی۔ بوگوٹا میں کولمبیا کے صدریوآن مینیول نے لوکل فٹبال ہیروز کے ساتھ ٹرافی کا استقبال کیا۔ ورلڈ کپ کے حوالے سے جنوبی امریکہ میں خاصا جوش وخروش پایا جاتا ہے۔ فیفا ٹرافی کوال کیمپن اسٹیڈیم میں نمائش کیلئے رکھا جائے گا جہاں ہزاروں شائقین اس کا دیدارکریں گے۔
ماریہ شراپووا نے پیرس انڈور ایونٹ میں کامیبابی کیلئے عزم کا اظہار کردیا
(January 29, 2014)
پیرس: روسی ٹینس اسٹار ماریہ شراپووا نے آسٹریلین اوپن میں اپنی ناقص کارکردگی کو بھول کر پیرس ڈبلیو ٹی اے انڈور ایونٹ میں کامیابی کے لئے نئے عزم کا اظہار کردیا ۔شراپووا آسٹریلین اوپن کے چوتھے راﺅنڈ میں اب سیٹ شکست کے بعد ایونٹ سے باہر ہوگئیں تھی ۔ عالمی نمبر تین شراپووا پیرس میں شیڈول ایونٹ میں ٹاپ سیڈ کے طور پر اتریں گی جہان انہوں نے 2012میں فرنچ اوپن کا ٹائٹل جیتاتھا ۔
آسٹریلین بگ بیش کرکٹ لیگ کا پہلا سیمی فائنل 4فروری کو ہوگا
(January 29, 2014)
میلبورن: آسٹریلین بگ بیش لیگ کی سیمی فائنل لائن اپ مکمل ہوگئی ۔ اہم مرحلے کا آغاز 4فروری کو ہوگا ۔میلبورن اسٹارز ،ہوبارٹ ہریکنز ،پرتھ اسکارچرز اورسڈنی سکسرز نے آخری چار ٹیموں میں جگہ بنالی ۔پہلے سیمی فائنل میں میلبورن اسٹارز اور ہوبارٹ ہریکنز کی ٹیمیں آمنے سامنے آئیں گی جبکہ دوسے مرحلے میں پرتھ اسکارچرکا مقابلہ سڈنی سکسرز کے ساتھ ہوگا ۔ ایونٹ کا فائنل 7فروری کو کھیلا جائے گا۔
چیلسی کے مڈفیلڈر مائیکل ایسن اے سی میلان منتقل ہوگئے
(January 29, 2014)
میلان: چیلسی کے مڈفیلڈر مائیکل ایسن کا اے سی میلان میں ٹرانسفر مکمل ہوگیا ۔مائیکل ایسن کی خدمات اطالوی فٹ بال لیگ سیرا اے میں 17ماہ کے لئے حاصل کی گئی ہیں ۔ واضح رہے کہ 2005میں چیلسی نے گھانا سے تعلق رکھنے والے 31سالہ کھلاڑی کو 24.4ملین پاﺅنڈ ز کی ریکارڈ قیمت میں حاصل کیا تھا۔
دھونی 8ہزار رنز کا سنگ میل عبور کرنے کیلئے ایک قدم کی دوری پر
(January 29, 2014)
کراچی: بھارتی کرکٹ ٹیم کے کپتان مہندر سنگھ دھونی کو اپنے ون ڈے کیریئر میں 8ہزار رنز مکمل کرنے کیلئے صرف ایک رن درکار ہے ۔توقع ہے کہ وہ نیوزی لینڈ کے خلاف جاری ون ڈے سیریز کے آخری میچ میں یہ سنگ میل عبور کرنے میں کامیاب ہوجائیں گے ۔دھونی یہ اعزاز حاصل کرنے والے بھارت کے ساتویں کرکٹر بن جائیں گے ۔ دسمبر 2004میں بنگلہ دیشن کے خلا ف ڈیبیو کرنے والے دھونی 242میچوں کی 213اننگز میں 53.32کی اوسط سے اب تک 7999رنز بناچکے ہیں جس میں 9سنچریاں اور 54نصف سنچریاں شامل ہیں ۔