اٹک(پی پی آئی) اٹک جیل کے باہر مٹھائی اور ہار لے کر پہنچنے والے پی ٹی آئی کارکنان کو گرفتار کر لیاگیا۔چئیرمین پی ٹی آئی کی سزا معطل ہونے کی خوشی میں اٹک جیل پہنچنیوالے تحریک انصاف کے 9 کارکن گرفتار کیا گیا۔۔دوسری جانب بتایا گیاہے کہ توشہ خانہ کیس میں سزا پانے والے اسیر سابق وزیر اعظم و چیرمین پی ٹی آئی کی مشکلات میں اضافہ برقرار ہے۔اسلام آباد ہائیکورٹ نے چئیرمین پی ٹی آئی عمران خان کی توشہ خانہ کیس میں سزا معطلی کی درخواست منظور کر لی ہے تاہم عمران خان کی اٹک جیل سے رہائی آج ممکن نہیں۔
بتایا جا رہا ہے کہ عمران خان کی سائفر کیس میں گرفتاری ڈال دی گئی ہے۔ عمران خان 30 اگست تک سائفر کیس میں جوڈیشل ریمانڈ پر ہیں۔عدالت نے عمران خان کو 30 اگست کو پیش کرنے کا حکم دے رکھا ہے۔ایف آئی اے کی جانب سے عدالت سے کل جسمانی ریمانڈ کی استدعا کی جائے گی۔عمران خان سزا معطلی کے باوجود اٹک جیل میں ہی رہیں گے۔خیال رہے سائفر کنٹینٹ،آڈیو لیک و گمشدگی پر ایف آئی اے انسداد دہشت گردی ونگ میں عمران خان کے خلاف آفیشل سیکرٹ ایکٹ کے تحت مقدمہ درج ہے جس میں انہیں وفاقی تحقیقاتی ایجنسی نے شامل تفتیش کرتے ہوئے گرفتار کرلیا ہے۔
جیک کیلس ٹیسٹ کرکٹ میں سب سے زیادہ رنز بنانے والے تیسرے کرکٹر بن گئے
ہوپ مین کپ : فرانس نے جمہوریہ چیک کو دو ایک سے شکست دیدی
سال 2013میں دنیائے کرکٹ کے چند عظیم کھلاڑیوں نے کھیل کو الوداع کیا
نئی ٹیسٹ رینکنگ:مصباح کی تنزلی ،سعیداجمل کی چوتھی پوزیشن برقرار
جیت کیلئے عمر کی قید نہیں ،دوبارہ گرینڈ سلم جیت کر دکھاﺅں گا : راجر فیڈرر
آئرلینڈ کرکٹ ٹیم ویسٹ انڈیز میں ڈومیسٹک ٹورنامنٹ کھیلے گی
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
- April 22, 2026
اشتہار
تازہ ترین
بجلی وپٹرول کے نرخ بڑھتے رہے تو گورنر ہاس پر دھرنا دیا جائے گا: حافظ نعیم الرحمن
کراچی(پی پی آئی) جماعتِ اسلامی کراچی کے امیر حافظ نعیم الرحمن نے کہا ہے کہ بجلی اور پٹرول کے نرخوں میں اضافیکا سلسلہ جاری رہا تو تاجروں اور رائے عامہ کے مختلف نمائندہ طبقات سے مشاورت کر کے گورنر ہاس پر دھرنا دیا جائے گا پھر ضروری نہیں کہ بات دھرنے تک محدود رہے ہر گذرتے دن کے ساتھ عوام کی پریشانیوں میں اضافہ ہورہا ہیسرنگ کے آگے روشنی نظر نہیں آ رہی یہ صورت حال ملکی سلامتی کے حوالے سے انتہائی نامناسب ہے،ان خیالات کا اظہار انہوں نے کراچی ایڈیٹرز کلب کے زیر اہتمام ”میٹ دی ایڈیٹرز” کے عنوان سے مقامی ریسٹورنٹ میں منعقدہ تقریب سے خطاب کرتے ہوئیکہا۔اس موقعے پر ایڈیٹرز کلب کے صدر مبشر میر، جنرل سیکریٹری اور ایڈیٹرز کلب کے اراکین بھی موجود تھے۔میٹ دی ایڈیٹر کی صدارت مختار احمد بٹ نے کی۔ قبل ازیں حافظ نعیم الرحمن کی آمد پر کلب کے صدر مبشر میر اور بانی رکن نعیم طاہر نے ان کا خیر مقدم کیا حافظ نعیم الرحمن نے صوبہ سندھ کے قومی عوامی دانشوروں کے روبرو سوال اٹھایاکہ رانی پور میں ظلم کا شکار ہونے والی کمسن فاطمہ فرڑو کے حق میں انکی آواز کیوں بلند نہیں ہورہی آخر وہ کون سی طاقت یا دبا ہے کہ انسانی تاریخ کے اتنے بڑے ظلم پر انکی زبان گنگ ہوکر رہ گئی ہے۔امر جلیل کہاں ہیں سندھ کی عورتوں کے حق کے لیے پھریرے لہرانے والی نور الہدی شاہ کہاں ہیں کیوں خاموش ہیں حافظ نعیم الرحمن نے ایک سوال کے جواب میں کہا کہ جماعت اسلامی ملک میں نئے صوبے بنانے کی حامی ہیں مولانا ظفر احمد انصاری کی رپورٹ کی روشنی میں 21 صوبوں کے مطالبے کی حمایت بھی کی جاتی رہی ہے لیکن صوبہ سندھ میں صوبے کے مطالبے کو نیا ملک بنانے سے بھی مشکل اور خونریزی کا مطالبہ بنا دیا گیا ہے۔اس لیے کسی بھی قسم کے فساد انارکی اور عوامی جانوں کے ضیاع سے بچا کے لیے جماعت اسلامی صوبہ سندھ میں کسی نئے صوبے کے حق میں نہیں البتہ کراچی کے بلدیاتی اختیارات میں اضافہ کردیا جائے تو ہم مستقبل میں بھی سندھ میں کسی صوبے کا نعرہ نہیں لگائیں گے۔ ایک سوال کے جواب میں حافظ نعیم الرحمن کا کہنا تھا کہ جو لوگ سیاسی مخالفت میں ہم پر وڈیروں کے خلاف بات کرنے کا الزام لگاتے ہیں وہ سندھ کے مزاحمتی ادب کو کہاں لے کر جائیں گے جو وڈیروں کے خلاف شاعری اور نثر سے بھرا پڑا ہے۔
وڈیروں میں اچھے لوگ بھی ہوتے ہیں لیکن یہاں عجیب منطق استعمال کی جا رہی ہے کہ سندھی بولنے والا وڈیروں کے خلاف بات کرے تو اعتراض کی بات نہیں، کوئی غیر سندھی اگر وڈیروں کے خلاف بات کرے تو سندھیوں کا دشمن ہے یہ منجن پیپلز پارٹی نے 15 برس حکمرانی کے دوران بیچا ہے۔ وڈیروں کے حقوق سندھ کے نام پر سندھیوں کو بے وقوف بنانے کی کوشش کرنے والوں کو اجاگر کرنے کی ضرورت ہے۔
آل پاکستان تاجران کی کال پر بجلی کے بلوں میں اضافے کے خلاف علامتی ہڑتال،احتجاج
لاہور(پی پی آئی)آل پاکستان انجمن تاجران کی کال پر بجلی کے بلوں میں ہوشربا اضافے کے خلاف انار کلی، ملحقہ مارکیٹوں اور بازاروں میں دو گھنٹے کی علامتی ہڑتال کر کے بھرپور احتجاجی مظاہرہ کیا گیا۔ احتجاجی مظاہرے کی قیادت آل پاکستان انجمن تاجران کے مرکزی صدر اشرف بھٹی اور دیگر عہدیداروں نے کی۔ احتجاج میں تاجروں اور عملے کی بڑی تعداد نے شرکت کی جو بجلی کی قیمت اور ٹیکسز میں کئے گئے اضافے کو واپس لینے کے مطالبے پر مبنی نعرے لگاتے رہے۔اس موقع پر مظاہرین سے خطاب کرتے ہوئے اشرف بھٹی نے کہا کہ بد ترین مہنگائی کی وجہ سے پہلے ہی کاروبار میں شدید مندی کا رجحان ہے۔ تاجرتمام شعبوں کے مقابلے میں مہنگی بجلی خرید کر استعمال کر رہے ہیں اور بجلی کے بلوں کی ادائیگی کی شرح بھی سو فیصد ہے۔آئی ایم ایف کی شرائط پر حکومت نے نہ صرف بجلی کا فی یونٹ مہنگا کر دیا ہے بلکہ ٹیکسز کی تعداد اور شرح بھی بڑھا دی گئی ہے۔موجودہ حالات میں جس شرح سے بل آرہے ہیں تاجر ان بلوں کی ادائیگی کے متحمل نہیں ہوسکتے۔ انہوں نے کہا کہ حکومت سے اپیل ہے کہ تاجروں کو بھی بلوں کی مد میں ریلیف دیا جائے، بیورو کریسی اور اشرافیہ کے لئے مفت بجلی کی سہولت ختم اور بجلی چوری کا خاتمہ کرکے بجلی کی قیمت میں کم از کم 40سی50فیصد کمی کر کے اسے دو سال کے لئے ایک سطح پر منجمد کیا جائے۔ انہوں نے کہا کہ پہلے مرحلے میں علامتی طور پر کاروبار بند کر کے اپنا احتجاج ریکارڈ کرایا ہے، اگر ہمارے مطالبات کو نہ سنا گیا دوبارہ فیصلہ کرکے راست اقدام اٹھانے پر مجبور ہوں گے اور اس سلسلہ میں دیگر تاجر تنظیموں سے بھی رابطے بڑھائے جائیں گے۔
کراچی:لانڈھی میں بجلی بلوں کے خلاف احتجاج
کراچی(پی پی آئی)کراچی میں کے الیکٹرک کے زائد بلوں کے خلاف عوام کا غصہ عروج پر پہنچ گیا۔ لانڈھی نمبر 3مین بس اسٹاپ پر انجمن تاجران بابر مارکیٹ لانڈھی کی میزبانی میں ہونے والے عوامی احتجاج میں بڑی تعداد میں بجلی بلوں کے متاثرین کی بھرپور شرکت۔جبکہ تاجربرادری، دکاندار، وکلاء برادری، علماء اکرام، سماجی، سیاسی مذہبی جماعتوں و تنظیموں کے رہنماؤں اورکارکنان کی بڑی تعداد بھی شریک ہوئی۔شرکاء نے کراچی میں عذاب نازل کرنیوالی کے الیکٹرک کے خلاف شدید احتجاج کیا گیا اور احتجاجی دھرنا دیا گیا۔ مظاہرے میں تاجر برادری کے رہنماء و انجمن تاجران بابرمارکیٹ کے صدر محمد شفیق پاپا، اینٹی اسٹریٹ کرائم فورم کراچی کے بانی و چیئرمین سید عثمان الحسن ایڈووکیٹ، عمران عزیز ایڈووکیٹ، آصف ابراہیم ایڈووکیٹ، عادل خان زئی ایڈووکیٹ، متحدہ قومی موومنٹ پاکستان، جماعت اسلامی، تحریک لبیک پاکستان، آل برادری قومی موومنٹ، فکشنل مسلم لیگ، ق لیگ،کراچی ڈویژن کے عہدہ دران، بلڈرز سمیت مختلف شعبہ ہائے زندگی کے ذمہ داران و کارکنان سڑکوں پر نکل آئے۔کے الیکٹرک کے زائد و ظالمانہ بلوں کے خلاف احتجاجی مظاہرے دھرنے سے خطاب کرتے ہوئے محمد شفیق پاپا، سید عثمان الحسن ایڈووکیٹ، کاشف امین، محمد رئیس، اکرم قریشی، شیر علی، جاوید، عظیم انصاری، اخلاق سونی، پارس، شفیق و دیگر نے کہا کہ ہم کراچی پر ظلم کے خلاف متحد ہیں، کسی بھی ظلم و جبر کو برداشت نہیں کرینگے۔مقررین نے کہا کہ نگراں حکومت کے الیکٹرک کا ظلم روکے اگر عوام پر ظلم روکنے کی طاقت نہیں تو واپس اپنے گھر جائے۔مقررین نے کہا کے آئی ایم ایف سے قرضہ لینے والے تمام حکمران حالات کے ذمہ دار ہیں۔ سب نے ملک کی ترقی کے نام پر صرف اپنی جھولیاں بھری ہیں۔ مظاہرین سے خطاب کرتے ہوئے وکلاء برادری نے پیشکش کی کہ کے الیکٹرک کے ظالمانہ اقدام کے خلاف وہ قانونی جنگ لڑیں گے اس سلسلے میں کے الیکٹرک کے متاثرین ہم سے رابطہ کرسکتے ہیں۔
تلاش کریں
خبریں

جیک کیلس ٹیسٹ کرکٹ میں سب سے زیادہ رنز بنانے والے تیسرے کرکٹر بن گئے
ڈربن: جنوبی افریقی آل راﺅنڈر جیک کیلس انٹرنیشنل ٹیسٹ کرکٹ میں سب سے زیادہ رنز بنا کر بھارتی بلے باز ڈریوڈ سے تیسری پوزیشن چھین لی۔ الوداعی مقابلے کو سنچری سے یادگار بنانے والے چوتھے پروٹیز کرکٹر بن گئے۔ جنوبی افریقہ کے سٹار آل راﺅنڈر جیک کیلس نے اپنے آخری ٹیسٹ میچ کو کئی ریکارڈز ایک ساتھ جڑ کر یادگار بنا لیا ہے۔ انھوں نے بھارت کے خلاف ڈربن میں جاری مقابلے میں 115 رنز سکور کئے۔ اس طرح انھوں نے بھارت کے سابق کپتان راہول ڈریوڈ سے ٹیسٹ کرکٹ میں تیسرے سب سے بڑے سکورر کا ریکارڈ چھین لیا ہے۔ ان کے مجموعی رنز کی تعداد اب 13289 ہو گئی ہے۔ اس فہرست میں ٹاپ پر سچن ٹنڈولکر ہیں جنھوں نے ریٹائرمنٹ سے قبل 15921 رنز بنائے جبکہ دوسرے نمبر پر رکی پونٹنگ 13378 رنز کے ساتھ موجود ہیں۔ جیک کیلس اپنے الوداعی ٹیسٹ میں سنچری سکور کرنے والے چوتھے پروٹیز کرکٹر بن گئے ہیں۔ ان سے قبل بیری رچرڈز، پی جی وی وان ڈیر بجل اور بی ایل ایئروائن یہ اعزاز حاصل کر چکے ہیں۔ یہ کیلس کی 45 ویں ٹیسٹ سنچری تھی۔ اس فارمیٹ میں وہ سب سے زیادہ سنچریاں سکور کرنے والے دوسرے کرکٹر ہیں۔ ٹاپ پر 51 تھری فیگر اننگز کے ساتھ سچن ٹنڈولکر موجود ہیں۔ 100 سے زائد ٹیسٹ میچز کھیلنے والوں میں الوداعی میچ میں سنچری جڑنے والے کیلس پہلے کرکٹر ہیں۔

ہوپ مین کپ : فرانس نے جمہوریہ چیک کو دو ایک سے شکست دیدی
پرتھ: ہوپ مین کپ ٹینس ٹورنامنٹ میں فرانس کی ٹیم نے جمہوریہ چیک کو دو ایک سے شکست دیدی۔ آسٹریلیا کے شہر پرتھ میں جاری ٹینس ٹورنامنٹ کے پہلے راونڈ میں فرانسیسی کھلاڑیوں نے شاندار کھیل کا مظاہرہ کیا۔ سنگلز ایونٹ میں فرانس کے جوویلفریڈ سونگا نے چیک کے راڈک سٹیپنک کو سٹریٹ سیٹس میں شکست دی۔ دوسرے خواتین سنگز کے میچ میں چیک نے پیٹراکوویٹوا نے کامیابی حاصل کر کے مقابلہ برابر کیا لیکن ایونٹ کے فیصلہ کن مکسڈ ڈبلز مقابلے میں فرانس کی ٹیم کو جمہوریہ چیک کے خلاف با آسانی فتح حاصل ہو گئی جس کے بعد فرانس کی ٹیم کو دو ایک سے کامیابی سمیٹنے کا موقع ملا۔

سال 2013میں دنیائے کرکٹ کے چند عظیم کھلاڑیوں نے کھیل کو الوداع کیا
کراچی: سال2013 میں دنیائے کرکٹ کے چند عظیم کھلاڑیوں نے ٹیسٹ کرکٹ سے کنارہ کشی اختیارکیں۔ کرکٹ میں کھلاڑی آتے اور جاتے ہی رہتے ہیں۔ لیکن سال دوہزار تیرہ کرکٹ کی تاریخ میں کبھی فراموش نہیں ہوسکے گا۔ اس سال دنیائے کرکٹ کے عظیم بلے باز سچن ٹنڈولکر کی حکمرانی کا سورج غروب ہوگیا۔ کئی برسوں تک کرکٹ میں بادشاہت قائم رکھنے والے ٹنڈولکر نے شاہی تخت چھوڑ دیا۔ ٹنڈولکر جاتے جاتے دوہزار تیرہ کے سال کو ریکارڈ بک میں ہمیشہ کے لئے زندہ کرگئے۔ بات صرف ٹنڈولکر تک ہی ختم نہیں ہوتی۔ سری لنکا کے مایہ ناز بیٹسمین تلکارتنے دلشان نے بھی ٹیسٹ کرکٹ سے کنارہ کشی اختیار کرلی۔دلشان کا شمار ان چند کھلاڑیوں میں ہوتا ہے جنہوں نے تن وتنہا اپنی ٹیم کو کئی فتوحات دلائیں۔ اب ایسے کھلاڑی کا متبادل تلاش کرنا مشکل ہی نظر آتا ہے۔ دو ہزار تیرہ میں کرکٹ مداحوںکو بری خبر اس وقت سننے کو ملی جب دنیا کے بہترین آل رﺅانڈر جیک کیلس نے ٹیسٹ کرکٹ سے ریٹائرمنٹ کا فیصلہ کیا۔بھارت کے خلاف کیرئیر کے آخری ٹیسٹ میں سنچری بناکر کیلس ٹنڈولکر ، پونٹنگ، ڈریوڈ سب ہی سے بازی لے گئے۔ ریٹائرمنٹ کی ہوا انگلینڈ میں بھی چلی۔انگلینڈ کے کامیاب آف اسپنر گریم سوان نے آسڑیلیا کے خلاف جاری ایشیز سیریز میں اچانک ریٹائرمنٹ کا اعلان کرکے سب کو حیران کردیا۔ کھلاڑی چلے جاتے ہیں لیکن کھیل کے لئے ان کی بے مثال خدمات یاد گار بن جاتی ہیں۔

نئی ٹیسٹ رینکنگ:مصباح کی تنزلی ،سعیداجمل کی چوتھی پوزیشن برقرار
دبئی: آئی سی سی نے ٹیسٹ کرکٹ کی نئی رینکنگ جاری کردی۔ جنوبی افریقی بیٹسمین جیک کیلس نے کیرئیرکا اختتام بارہویں پوز یشن پرکیا۔ قومی ٹیم کے کپتان مصباح الحق کی رینکنگ میں ایک درجے تنزلی جبکہ بالنگ میں سعید اجمل کی چوتھی پوزیشن برقرارہے۔ ڈربن میں بھارت کیخلاف کھیلے جانیوا لے دوسرے ٹیسٹ میں کیرئیرکی پینتالیسویں سنچری اسکورکرنیکی بدولت جنوبی افریقی بیٹسمین جیک کیلس کی رینکنگ میں تین درجے بہتری آئی اورانہوں نے کیرئیرکا اختتام بارہویں پوزیشن پرکیا۔بیٹسمینوں میں اے بی ڈی ویلئیرزکا پہلا نمبرہے۔ ویسٹ انڈیزکے چندرپال نے ہاشم آملہ سے دوسری پوزیشن چھین لی۔ آملہ دودرجے تنزلی کے بعد چوتھے نمبرپرچلے گئے۔ پاکستانی کپتان مصباح الحق ایک درجے تنزلی کے بعد نویں نمبرپرچلے گئے، یونس خان کا دسواں اوراسد شفیق بدستورسترویں نمبرپرہیں۔ بالنگ میں جنوبی افریقہ کے ورنن فلینڈرپہلے اورڈیل اسٹین دوسرین مبرپربراجمان ہیں۔ پاکستانی آف اسپنرسعید اجمل کی چوتھی پوزیشن برقرارہے۔ عبدالرحمن ایک درجے تنزلی کے بعد تیرہویں نمبرپرچلے گئے۔ آل راﺅنڈرزمیں بھارت کے آرایشون پہلے نمبرپرہیں۔ جیک کیلس نے آل راﺅنڈرکی حیثیت سے کیرئیرکا اختتام تیسری پوزیشن پرکیا۔

جیت کیلئے عمر کی قید نہیں ،دوبارہ گرینڈ سلم جیت کر دکھاﺅں گا : راجر فیڈرر
برسبین: سابق عالمی نمبر ایک سوئٹزلینڈ کے ٹینس اسٹار راجر فیڈرر نے کہا ہے کہ وہ 32سال کی عمر میں بھی گرینڈ سلم ٹائٹل جیت سکتے ہیں ۔ انہوں نے کہا کہ بدقسمتی سے متواتر انجریز کے باعث وہ سال 2013میں ایک سنگل ٹائٹل ہی جیت سکے تاہم نئے سال میں وہ شاندار کارکردگی سے گرینڈ سلم ٹورنامنٹ جیتنے میں کامیاب ہوجائیں گے ۔واضح رہے کہ راجر فیڈرر اس وقت عالمی درجہ بندی میں چھٹی پوزیشن پر براجمان ہیں ۔

آئرلینڈ کرکٹ ٹیم ویسٹ انڈیز میں ڈومیسٹک ٹورنامنٹ کھیلے گی
ڈبلن: آئر لینڈ کی ٹیم نے ویسٹ انڈیز کی ڈومیسٹک ون ڈے ٹورنامنٹ کھیلنے کی دعوت قبو ل کرلی ۔ ایونٹ جنوری کے آخر میں شروع ہوکر فروری کے وسط میں اختتام پذیر ہوگا۔ مہمان ٹیم ویسٹ انڈیز کے ڈومیسٹک ٹورنامنٹ میں سات ٹیموں کو جوائن کرے گی ۔ آئرلینڈ ٹیم کے کوچ فل سیمنز نے اپنے بیان میںکہا ہے کہ ویسٹ انڈیز کے ڈومیسٹک ٹورنامنٹ میں شرکت سے ہمارے کھلاڑیوں کے پاس اپنی صلاحیتوں کو منوانے اور بین الاقوامی تجربہ حاصل کرنے کا سنہر ی موقع ملے گا۔
