اسلام آباد(پی پی آئی)فردوس عاشق اعوان کا کہنا ہے کہ عمران خان سزا معطلی کے فیصلے سے مجرم سے محترم نہیں بن گئے۔ تفصیلات کے مطابق ترجمان استحکام پاکستان پارٹی فردوس عاشق اعوان نے پریس کانفرنس کرتے ہوئے کہا ہے کہ آج کے فیصلے سے نظامِ انصاف کی قلعی کھل چکی ہے،سزا معطلی سے یہ طے نہیں ہوا کہ عمران خان کو صادق و امین کا سرٹیفکیٹ مل گیا۔آئی پی پی ہر حال میں آئین و قانون کی بالادستی چاہتی ہے۔ انہوں نے مطالبہ کرتے ہوئے کہا کہ قیدی نمبر 804 کے کھانے دوسرے قیدیوں تک یقینی بنائے جائیں،عوام کو کسی کی سزا معطلی سے دلچسپی نہیں،عوام مہنگائی کی قید سے نجات چاہتی ہے۔ فردوس عاشق اعوان کا کہنا تھا کہ پاکستان میں مہنگائی بے لگام ہو چکی ہے،سابق حکومت نے آئی ایم ایف کے ساتھ گٹھ جوڑ کر کے ملک کو دلدل میں دھکیلا۔انہوں نے بتایا کہ 95 فیصد عوام مہنگائی اور بے روزگاری کی چکی میں پِس رہے ہیں،مہنگائی کی سزا بھگتنے والی عوام اس قیدر سے رہائی چاہتی ہے۔آئی ایم ایف معاہدے پر نظرِ ثانی کیلئے مذاکرات کئے جائیں۔ ترجمان استحکام پاکستان پارٹی نے مزید کہا کہ بجلی کے بلوں نے عوام کی آخری سانسیں بھی چھین لی ہیں۔ آئی پی پی مطالبہ کرتی ہے کہ بجلی کے بلوں پر عوام کو ریلیف دیا جائے،اب دو وقت کی روٹی متوسط طبقے کیلئے بھی چیلنج بن گئی ہے۔عوام کے بنیادی حقوق کا تحفظ بھی نگران حکومت کی ذمہ داری ہے۔ قبل ازیں فردوس عاشق اعوان نے کہا کہ مہنگائی نے عوام کا جینا محال کر دیا ہے مگر غریب عوم کا کوئی پرسان حال نہیں۔ ملک فلاحی ریاست کی بجائے پریشان حال مخلوق کی آماجگاہ بن چکا ہے،حکومت عوام کے مسائل کے حل کیلئے کوئی لائحہ عمل ترتیب دے۔ انہوں نے کہا کہ بجلی کے نرخ آسمان سے باتیں کر رہے ہیں، بلوں کی ادائیگی عام آدمی کے بس کی بات نہیں رہی۔
ماریہ شراپووا کا برسبین اوپن میں شرکت کی یقین دہانی سے انکار
ٹیم میں مستقل جگہ بنانے کے لئے سخت محنت جاری رکھوں گا : شرجیل خان
تسمانیہ کے بلے باز ایلکس ڈولان آسٹریلوی ٹیسٹ ٹیم میں شامل
متوازی پی او اے کے زیر اہتمام پنجاب گیمز غیر قانونی ہیں :عار ف حسن
پاکستان اپریل میں چار ملکی فٹبال ٹورنامنٹ کی میزبانی کرے گا
انڈر 19ایشیا کپ : روایتی حریف پاکستان اور بھارت آج آمنے سامنے ہونگے
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
متعدد ہلاکتوں کے بعد دریائے حب میں سرگرمیوں پر پابندی
- April 23, 2026
- April 22, 2026
- April 22, 2026
اشتہار
تازہ ترین
توشہ خانہ کیس کا فیصلہ دینے والے جج ہمایوں دلاور نے ہائیکورٹ رپورٹ کردیا
اسلام آباد(پی پی آئی) اسلام آباد: توشہ خانہ کیس کا فیصلہ دینے والے جج ہمایوں دلاور نے اسلام آبادہائیکورٹ رپورٹ کردیا۔ ایڈیشنل سیشن جج ہمایوں دلاور نے گزشتہ روز ہائیکورٹ رپورٹ کیا،3روز قبل جج ہمایوں دلاور کو ہائیکورٹ نے او ایس ڈی بنا دیا تھا،رجسٹرار ہائیکورٹ نے او ایس ڈی بننے کے بعد ہائیکورٹ رپورٹ کرنے کی ہدایت کی تھی۔ یاد رہے کہ جج ہمایوں دلاور نے سیکورٹی وجوہات کی بنا ہائی کورٹ کو خط لکھا تھا، جج ہمایوں دلاور نے سیشن کورٹ سے اسپیشل کورٹ یا ہائی کورٹ ٹرانسفر کی استدعا کی تھی۔
پریکٹس اینڈ پروسیجر ایکٹ سے عدلیہ میں مداخلت کی کوشش کی گئی: چیف جسٹس
اسلام آباد(پی پی آئی) چیف جسٹس پاکستان عمر عطاء بندیال نے نیب ترامیم کیس میں ریمارکس دئیے کہ سپریم کورٹ پریکٹس اینڈ پروسیجر ایکٹ میں اپیل کا دائرہ بڑھا کر عدلیہ میں مداخلت کی کوشش کی گئی ہے۔چیف جسٹس پاکستان عمرعطاء بندیال کی سربراہی میں تین رکنی بنچ نے نیب ترامیم کے خلاف چیئرمین پی ٹی آئی کی درخواست پر سماعت کی جس دوران چیف جسٹس نے کہا کہ اٹارنی جنرل نے تسلیم کیا تھا کہ پریکٹس اینڈ پروسیجر ایکٹ میں خامیاں ہیں۔اس دوران چیف جسٹس نے سپریم کورٹ پریکٹس اینڈ پروسیجر ایکٹ سے متعلق پچھلے عدالتی حکم نامے بھی پڑھے۔چیف جسٹس نے کہا کہ اٹارنی جنرل نے ریویو آف آرڈرز اینڈ ججمنٹس ایکٹ سے متعلق یکم جون کومطلع کیا، اٹارنی جنرل نے جون میں کہا تھا اس ایکٹ کو اسمبلی دیکھے گی لیکن اس اسمبلی نے ایکٹ کا دوبارہ جائزہ نہیں لیا، نہیں معلوم موجودہ حکومت کا اس قانون سے متعلق مؤقف کیا ہے۔جسٹس عمر عطا بندیال نے استفسار کیا کہ کیا معطل شدہ قانون کو اتنی اہمیت دی جائیکہ اس کی وجہ سے تمام کیس التواء کا شکار ہوں؟ اٹارنی جنرل نے سپریم کورٹ پریکٹس اینڈپروسیجر ایکٹ پر دوبارہ جائزے کے لیے دوبار وقت کیوں مانگا؟ کیا سپریم کورٹ اپنا کام بند کردے؟جسٹس اعجاز نے کہا کہ یکم اور 8 جون کا فیصلہ اس لیے سنایا کہ حکومت نے خود تسلیم کیا ناقص قانون سازی کی گئی، عدالتی حکم سے معطل شدہ قانون سازی کے تحت کارروائی متاثرتو نہیں کی جا سکتی۔دوران سماعت چیف جسٹس نے چیئرمین پی ٹی آئی کے وکیل خواجہ حارث سے مکالمہ کیا کہ گڈ ٹو سی یو اور ساتھ ہی کہا کہ امید ہے ایسا کہنے پر مجھے نشانہ نہیں بنایا جائے گا۔چیف جسٹس نے کہا کہ سپریم کورٹ پروسیجر بل میں حکومت نے اپیل کا دائرہ کاربڑھایا تھا، حکومت سپریم کورٹ کے دائرہ کار میں مداخلت کیسیکرسکتی ہے؟ اگر حکومت سمجھتی ہے قانون کو بہتر یا دوبارہ دیکھا جائے تو عدالت مداخلت نہیں کرے گی، سپریم کورٹ پارلیمنٹ پر غالب آنا نہیں چاہتی لیکن سپریم کورٹ پریکٹس اینڈ پروسیجر ایکٹ آئین کے خلاف ہے، اس ایکٹ سے عدلیہ میں مداخلت کی کوشش کی گئی۔چیف جسٹس نے کہا کہ نیب ترامیم کیس سپریم کورٹ کا یہی 3 رکنی بنچ ہی سنے گا، بعد ازاں عدالت نے کیس کی مزید سماعت کل تک ملتوی کردی۔
بغاوت کیس:ایمان مزاری 3 روزہ جسمانی ریمانڈ پر پولیس کے حوالے
اسلام آباد(پی پی آئی: انسداد دہشتگردی عدالت نے بغاوت کیس میں ایمان مزاری کو 3 روزہ جسمانی ریمانڈ پر پولیس کے حوالے کر دیا۔ایمان مزاری کے خلاف تھانہ بارہ کہو میں درج مقدمے کی سماعت انسداد دہشتگردی عدالت کے جج ابو الحسنات محمد ذوالقرنین نے کی۔دوران سماعت پراسیکیوٹر نے کہا کہ ایمان مزاری پر لوگوں سے رقم جمع کرنے اور ریاست مخالف سرگرمیوں کیلئے استعمال کرنے کا الزام ہے، تفتیش کیلئے جسمانی ریمانڈ دیا جائے، ملزمہ کے قبضے سے رقم برآمد کرنی ہے اور شریک ملزمان تک پہنچنا ہے۔ایمان مزاری کی وکیل زینب جنجوعہ نے کہا کہ 26 اگست 2023ء کو ایمان مزاری کے خلاف ایف آئی آر درج کی گئی، 26 اگست کو ایمان مزاری جیل میں تھیں، ان کی ضمانت کی درخواست پر سماعت ہونا تھی، پی ٹی ایم کو حکومت پاکستان نے جلسے کیلئے این او سی دیا۔زینب جنجوعہ نے عدالت کو بتایا کہ ایمان مزاری کی اڈیالہ جیل سے رہائی کے وقت تھانہ بارہ کہو پولیس وہاں موجود تھی، ایک واقعہ پر متعدد ایف آئی آر درج نہیں کی جاسکتیں، عدالت آج مقدمہ سے ڈسچارج کرے تو کسی اور کیس میں گرفتار کر لیا جائے گا، ایمان مزاری پی ٹی ایم کی عہدے دار نہیں ہیں۔ایمان مزاری کی وکیل نے مزید کہا کہ بینک سٹیٹمنٹ دینے کو تیار ہیں، فون اور لیپ ٹاپ پولیس کے پاس ہے، ایمان مزاری کے جسمانی ریمانڈ کی ضرورت کیوں ہے؟، ایمان مزاری ایف آئی آر درج کروانے والے سے نہ کبھی ملیں نہ پیسے لیے، ایمان مزاری کو مقدمہ سے ڈسچارج کیا جائے۔پراسیکیوٹر نے کہا کہ جلسے کیلئے این او سی دینے کا یہ مطلب نہیں کہ ریاست مخالف نعرے لگائے جائیں، عدالت ریمانڈ دے گی تو شواہد اکٹھے کریں گے۔وکیل زینب جنجوعہ کا مزید کہنا تھا کہ ایمان مزاری تفتیش میں تعاون کر رہی ہیں اس لیے جسمانی ریمانڈ کی ضرورت نہیں، عدالتوں کو سکور برابر کرنے کیلئے استعمال کیا جا رہا ہے، عدالتوں کو اس معاملے کو بھی دیکھنا ہے۔
تلاش کریں
خبریں

ماریہ شراپووا کا برسبین اوپن میں شرکت کی یقین دہانی سے انکار
برسبین: روسی ٹینس اسٹار ماریہ شروپووا نے برسبین انٹرنیشنل ٹینس ٹورنامنٹ میں شرکت کے حوالے سے یقین دہانی کرانے سے انکار کردیا ۔ یاد رہے کہ زخمی ہونے کے باعث وہ گزشتہ دوسا ل سے ایونٹ میں شریک نہیں ہوسکیں ۔ روسی ٹینس اسٹار کے حوالے سے مبصرین کا خیا ل ہے کہ آسٹریلین اوپن کی بھر پور تیاری کے سلسلے میں وہ برسبین انٹرنیشنل میں حصہ لے سکتی ہیں ۔

ٹیم میں مستقل جگہ بنانے کے لئے سخت محنت جاری رکھوں گا : شرجیل خان
حیدر آباد: قومی کرکٹ ٹیم کے اوپننگ بیٹسمین شرجیل خان نے کہا ہے کہ قومی ٹیم کی نمائندگی کرنا کسی اعزاز سے کم نہیں ہے اور وہ ٹیم میں مستقل جگہ بنانے کے لئے سخت محنت کریں گے ۔ ان کا کہنا تھا کہ بہترین پرفارمنس کے لئے سینئر کھلاڑیوں مصباح الحق ،محمد حفیظ اور شاہد آفریدی نے ان کی بہت حوصلہ افزائی کی ۔ انہوں نے کہا کہ حیدرآباد کے شہریوں کی جانب سے فقیدالمثال استقبال کو وہ کھبی فراموش نہیں کرسکتے ۔

تسمانیہ کے بلے باز ایلکس ڈولان آسٹریلوی ٹیسٹ ٹیم میں شامل
سڈنی: کرکٹ آسٹریلیا کی سلیکشن کمیٹی نے انگلینڈ کے خلاف کھیلے جانے والے ایشز سیریز کے پانچویں اور آخری ٹیسٹ میچ میں بیٹسمین ایلکس ڈولان کو ٹیم میں شامل کرلیا ۔ آسٹریلوی بورڈ کے ایک اعلامئے کے مطابق تسمانیہ سے تعلق رکھنے والے 28سالہ بلے باز کو آسٹریلیا کی موجودہ ٹیم میں شامل کھلاڑیوں کی فٹنس پر خدشات کی وجہ سے اسکواڈ میں شامل کیا گیا ہے ۔اس بات کا قوی امکان ہے کہ ان فٹ آل راﺅنڈر شین واٹسن کی جگہ پر انہیں آخری ٹیسٹ کھیلنے کا موقع دیا جائے گا ۔ڈولان اب تک 53فرسٹ کلاس میچوں میں 6سنچریاںاور18نصف سنچریاں اسکور کرچکے ہیں ۔

متوازی پی او اے کے زیر اہتمام پنجاب گیمز غیر قانونی ہیں :عار ف حسن
لاہور: پاکستان اولمپک ایسوسی ایشن کے صدر جنرل (ر) عارف حسن نے کہا ہے کہ متوازی تنظیم کے زیر اہتمام منعقد ہونے والے پنجاب گیمز کی کوئی قانونی حیثیت نہیں ہے،تاہم میں پرامید ہوں کہ پی او اے کے حوالے سے پیدا شدہ صورتحال جلد ٹھیک ہوجائے گی ۔ 60ویں نیشنل ریسلنگ چیمپئن شپ کے افتتاح کے موقع پر عارف حسن کا کہنا تھا کہ غیر قانونی گیمز کے انعقاد سے فائدہ ہونے کے بجائے الٹا نقصان ہورہا ہے ۔ایسے اقدامات سے بین الاقوامی تنظیموں کی جانب سے پاکستان کے حوالے سے تحفظات پیدا ہوجاتے ہیں جوکہ کھیلوں کے لئے بہت نقصان دہ ہیں ۔

پاکستان اپریل میں چار ملکی فٹبال ٹورنامنٹ کی میزبانی کرے گا
لاہور: پاکستان فٹبال فیڈریشن نے اسپورٹس بورڈ پنجاب کے تعاون سے اپریل کے آخری ہفتے میں چار ملکی ٹورنامنٹ کرانے کا اعلان کردیا ۔ایونٹ میں شرکت کے لئے افغانستان ،فلپائن اور فلسطین کی ٹیموں کو دعوت نامے بھیج دیئے گئے ہیں ۔ایونٹ کو مزید دلچسپ بنانے کے لئے انٹرنیشنل کھلاڑیوں کو بھی شرکت کی خصوصی دعوت دی جائے گی ۔ٹورنامنٹ کے تمام میچ پنجاب اسٹیڈیم لاہور میں کھیلے جائیں گے ۔افتتاحی تقریب کے مہمان خصوصی وزیراعلٰی پنجاب میاں شہباز شریف ہوں گے ۔

انڈر 19ایشیا کپ : روایتی حریف پاکستان اور بھارت آج آمنے سامنے ہونگے
دبئی: انڈر19 ایشیا کپ میں آج (منگل )روایتی حریف پاکستان اور بھارت مدمقابل ہوں گے۔متحدہ عرب امارات میں جاری انڈر نائنٹین کرکٹ ٹیموں کا ایشیا کپ جاری ہے،گروپ اے کی ٹیمیں پاکستان اور بھارت کی انڈر نائنٹین ٹیمیں آج میدان میں اتریں گی۔ گروپ مرحلے میں ابھی تک کے پوائنٹ ٹیبل پر بھارت سرفہرست ہے جبکہ روایتی حریف پاکستان کا دوسرا نمبر ہے ، جونیئر ٹیموں کے ایشیا کپ کا ٹائٹل مقابلہ چار جنوری کو شارجہ میں کھیلا جائے گا۔