اسلام آباد (پی پی آئی)سابق وزیراعظم عمران خان کی ہمشیرہ علیمہ خان نے کہا ہے کہ خان صاحب پاکستان کے لیے ستائیس سال سے اس مشن پر ہیں،جیل ان کیلئے بے معنی چیز ہے،اگر جیل میں رہنا پاکستان کے لیے بھلائی ہے تو اسی میں رہیں گے اور سمجھوتہ نہیں کریں گے۔پی پی آئی کے مطابق اسلام آباد ہائی کورٹ کے باہر علیمہ خانم خان نے میڈیا سے گفتگو کرتے ہوئے کہا ہے کہ جو کہہ رہے ہیں ملک سے باہر چلے جائیں تو وہ اپنا گھر چھوڑ کر باہر نہیں جائیں گے،خان صاحب نے کہا ہے سیاسی پارٹی ہے اورپاکستان میں وہ یہی تبدیلی لانا چاہ رہے تھے،ہم اسوقت سیاست کے لیے نہیں اپنے بھائی کے لیے آ رہے ہیں۔انہوں نے کہا ہے کہ ہم کورٹ میں ریلیف کے لیے آئے ہیں کہ کم از کم جیل مینوئل کے مطابق جو اجازت ہے وہ تو دیں،یہاں پر دو سال کے بچے سے لے کر نوے سال کے بزرگ تک سبھی ہیں خان صاحب کے ساتھ ہیں۔
سارو گنگولی نے بی جے پی کے پارٹی ٹکٹ کی آفر ٹھکرادی
پاک سری لنکا کرکٹ سیریز : پولیس کا سٹہ بازوں کیخلاف سخت ایکشن کا فیصلہ
اسلام آبادہائیکورٹ میں نجم سیٹھی کیخلاف توہین عدالت کی درخواست دائر
پرتگال : کرسٹیانو رونالڈوکے اعزازات پر مشتمل میوزیم کا افتتاح
سالانہ ڈیزرٹ کار ریلی سندھ کے صوبائی وزیر نادر مگسی نے جیت لی
ٹی 20رینکنگ : قومی ٹیم ایک درجہ ترقی کے ساتھ تیسرے نمبر پر آگئی
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
(May 6, 2026)
متعدد ہلاکتوں کے بعد دریائے حب میں سرگرمیوں پر پابندی
(May 4, 2026)
- April 23, 2026
- April 22, 2026
اشتہار
تازہ ترین
ویڈیو پر ان کے پاکستانی مداحوں کا بھی ملا جلا ردعمل
مکہ مکرمہ (پی پی آئی)بھارتی ماڈل و اداکارہ راکھی ساونت عرف فاطمہ نے عمرے کی سعادت حاصل کرلی۔ راکھی کے انسٹاگرام اکاؤنٹ پر واحد علی خان نامی اکاؤنٹ سے خانہ کعبہ سے طواف کے دوران راکھی کی ویڈیو شیئر کرتے ہوئے مداحوں کو عمرہ ادائیگی کی اطلاع دی گئی۔ خودراکھی ساونت نے بھی مدینہ منورہ سے اپنی ویڈیو شیئر کی تھی جس میں راکھی سفید عبایا اور احرام پہنے منہ بولے بھائی بھابھی کے ساتھ خانہ کعبہ کا طواف کرتے اور خانہ کعبہ کے پاس تصاویر میں نمایاں تھیں۔ واضح رہے کہ اس سے قبل راکھی نے ایک ویڈیو جاری کی تھی جس میں انہیں مسجد نبویﷺ کے دروازے سے لپٹتے ہوئے دیکھا گیا تھا،پی پی آئی کے مطابق راکھی کی اس ویڈیو پر ان کے پاکستانی مداحوں نے بھی ملے جلے ردعمل کا اظہار کیا تھا۔
اسلام آباد اور خیبرپختونخوا کے مختلف علاقوں میں زلزلے کے جھٹکے
اسلام آباد (پی پی آئی)وفاقی دارالحکومت اسلام آباد اور خیبرپختونخوا کے مختلف علاقوں میں زلزلے کے جھٹکے محسوس کئے گئے ہیں۔پی پی آئی کے مطابق سوات، ملاکنڈ اور گردونواح میں زلزلے کے جھٹکے محسوس کئے گئے،مردان، لوئر دیر،پشاور اور باجوڑ میں بھی گھر لرز اٹھے،چترال شبقدر، مہمند اور ایبٹ آباد میں زلزلے کے جھٹکے محسوس کئے گئے ہیں۔پی پی آئی کے مطابق زلزلہ پیما مرکز کے مطابق ریکٹر سکیل پر زلزلے کی شدت 5اعشاریہ 2ریکارڈ کی گئی، زلزلے کی گہرائی 184کلو میٹر تھی جبکہ زلزلے کا مرکز ہندوکش ریجن افغانستان تھا،زلزلے کے جھٹکے محسوس ہونے پر لوگوں میں خوف و ہراس پھیل گیا اور کلمہ طیبہ کا ورد کرتے ہوئے گھروں اور دفاتر سے باہر نکل آئے۔
اسلام امن کا دین اور تمام مذاہب کے احترام کا درس دیتا ہے: چوہدری سرور
گلاسکو (پی پی آئی) سابق گورنر پنجاب اور چیف آرگنائزر پاکستان مسلم لیگ چوہدری سرور کا کہنا ہے کہ سویڈن کی حکومت کا قرآن پاک جلانے کی اجازت دینا شرمناک حرکت ہے، اسلام امن کا دین ہے اور تمام مذاہب کے احترام کا درس دیتا ہے۔ ان گھناؤنی حرکتوں کے مرتکب افراد کو سخت سے سخت سزا ملنی چاہیے، پی پی آئی کے مطابق سویڈن میں قرآن پاک کی بے حرمتی کے خلاف مسلم کونسل کی جانب سے سکاٹ لینڈ میں گلاسکو سیٹی سینٹر کے سامنے احتجاجی مظاہرہ کیا گیا۔ تفصیلات کے مطابق مظاہرے میں سابق گورنر پنجاب اور چیف آرگنائزر پاکستان مسلم لیگ چوہدری سرور بھی شریک ہوئے اور اپنے خطاب میں انکا کہنا تھا کہ سویڈن میں قرآن پاک کی بے حرمتی انتہائی دلخراش اور شیطانی حرکت ہے،بے حرمتی سے پتہ چلتا ہے کہ مغرب میں اسلاموفوبیا اور عدم رواداری میں اضافہ ہو چکا ہے، سویڈن میں قبیح اور شرمناک حرکت دنیا میں بسنے والے 2 ارب مسلمانوں کے جذبات مجروح ہوئے ہیں۔انکا کہنا تھا کہ دنیا بھر میں زیادہ تر مسلمان مذہبی امتیاز کا شکار ہیں،سکاٹ لینڈ میں احتجاج کا مقصد عالمی سطح پر انسانی حقوق کی پاسداری کوفروغ دینا ہے۔ قرآن کی توہین دو ارب مسلمانوں کے خلاف نفرت، تشدد اور دشمنی کو ہوا دینے کے مترادف ہے۔
تلاش کریں
خبریں
سارو گنگولی نے بی جے پی کے پارٹی ٹکٹ کی آفر ٹھکرادی
(December 17, 2013)
کولکتہ: بھارتی کرکٹ ٹیم کے سابق کپتان سارو گنگولی نے ملکی سیاست میں داخل ہونے سے انکار کردیا ۔سماجی رابطے کی ایک ویب سائٹ میں دیے گئے پیغام میں گنگولی نے کہا کہ سیاسی جماعت بھارتی جنتا پارٹی نے انہیں 2014میں ہونے والے انتخابات میں ٹکٹ کی آفر کی تھی لیکن انہوں نے انتخابات میں حصہ نہ لینے کا فیصلہ کیا ہے کیوں کہ وہ سمجھتے ہیں کہ ان کا اصل مقام کرکٹ کے میدان ہیں ۔
پاک سری لنکا کرکٹ سیریز : پولیس کا سٹہ بازوں کیخلاف سخت ایکشن کا فیصلہ
(December 17, 2013)
لاہور: پنجاب پولیس نے پاکستان اور سری لنکا کے مابین ہونے والے ون ڈے میچوں میں سٹے کھیلنے والے بکیوں کے خلاف سخت ایکشن لینے کا فیصلہ کرلیا،جس کے لئے مختلف اضلاع میں بکیوں کے ناموں کی لسٹ بنالی گئی ۔ذرائع کے مطابق پاکستان اور سری لنکا کے درمیان ون ڈے سیریز کے دوران مختلف اضلاع کے ڈی پی اوز نے سٹہ بازوں اور بکیوں کے خلاف کاروائی کے لئے ٹیمیں تشکیل دےدی ۔پاکستان اور سری لنکا کے درمیان پانچ ون ڈے میچوں کی سیریز کا پہلا میچ آج (بدھ ) کھیلا جائیگا۔
اسلام آبادہائیکورٹ میں نجم سیٹھی کیخلاف توہین عدالت کی درخواست دائر
(December 16, 2013)
اسلام آباد: چیئرمین پاکستان کرکٹ بورڈ نجم سیٹھی کیخلاف اسلام آباد ہائیکورٹ میں توہین عدالت کی درخواست دائر کر دی گئی۔ ملتان کرکٹ ایسوسی ایشن کے صدر احمد نواز نے عبدالرزاق رجب ایڈووکیٹ کے ذریعے اسلام آباد ہائیکورٹ میں دائر درخواست میں موقف اختیار کیا ہے کہ اسلام آباد ہائی کورٹ کے سنگل بنچ نے نجم سیٹھی کو کام کرنے سے روک دیا تھا اور ڈویڑن بنچ نے انھیں بحال نہیں کیا۔ اس کے باوجود نجم سیٹھی پی سی بی کے عبوری چیئرمین بنے ہوئے ہیں اور عبوری کمیٹی اجلاس کی صدارت کرتے ہیں جو توہین عدالت کے زمرے میں آتا ہے اس لئے نجم سیٹھی کے خلاف توہین عدالت کی کارروائی کی جائے۔
پرتگال : کرسٹیانو رونالڈوکے اعزازات پر مشتمل میوزیم کا افتتاح
(December 16, 2013)
لسبن: شہرہ آفاق فٹ بالرکرسٹیانو رونالڈو کی پذیرائی کیلئے پرتگال میں میوزیم بنادیا گیا ، جس کا افتتاح خود اسٹار فٹ بالر نے کیا۔ کرسٹیانو رونالڈو فٹ بال کا وہ شاہکار جو لاکھوں کا ہیرو ہے، میدان میں ہو تو حریفوں کا ہدف ہوتا ہے، باہر ہو تو نگاہوں کا مرکز۔ میوزیم میں جہاں اسٹار فٹ بالر کے اعزازات توجہ کا مرکز بنے ہوئے ہیں ساتھ ہی فٹ بال ہیرو کی قد آور تصاویر بھی دیکھنے سے تعلق رکھتی ہیں، لیکن نظر جہاں ٹھہرتی ہے، وہ ہے رونالڈو کا مجسمہ، پرتگالی اسٹار اس مجسمے کے برابر میں کھڑے ہوئے تو اصل اور نقل کی پہچان کرنا مشکل ہوگیا۔ رونالڈو پرامید ہیں کہ مزید ٹائٹلز اس میوزیم کی زینت بنیں گے۔
سالانہ ڈیزرٹ کار ریلی سندھ کے صوبائی وزیر نادر مگسی نے جیت لی
(December 16, 2013)
ڈیرہ مراد جمالی: بلو چستان کے علاقے جھل مگسی میں سالانہ ڈیزرٹ کار ریلی سندھ کے صوبائی وزیر نادر مگسی نے جیت لی۔ ریلی کے مہمان خصوصی سابق گورنربلوچستان ذوالفقار مگسی تھے۔ کار ریلی میں بیرون ملک سمیت سندھ ، پنجاب اورخیبر پختون خواہ سے نامور ڈرائیورز نے حصہ لیا۔ اے کیٹگری میں سندھ کے صوبائی وزیرنادرخان مگسی، ظفر علی مگسی اور مکیش کمار چاولہ میں سخت مقابلہ ہوا۔کار ریلی تین کیٹگری اے ، بی اور سی پر مشتمل تھی۔ اے کیٹگری میں دو سو کلو میٹرکا چکر لگا کر واپس نگورپہنچانا ہوگا۔دشوار گزار راستوں سے ہوکر نادر مگسی سب سے پہلے پہنچنے میں کامیاب رہے، رانا سمیر کی دوسری اور ظفر مگسی کی تیسری پوزیشن پر رہے۔ بی کیٹگری میں پہلی پوزیشن اسد کھوڑونے حاصل کی۔ سی کیٹیگری میں مکیش چاولہ کامیاب رہے۔ سابق گورنربلوچستان نواب ذوالفقار مگسی کامیاب ڈرائیورز میں انعامات تقسیم کی
ٹی 20رینکنگ : قومی ٹیم ایک درجہ ترقی کے ساتھ تیسرے نمبر پر آگئی
(December 12, 2013)
دبئی: سری لنکا کے خلاف سیریز کا فاتحانہ آغاز کرکے قومی ٹیم ٹی 20رینکنگ میں ایک درجہ ترقی کے ساتھ تیسرے نمبر پر آگئی۔سیریز کے افتتاحی ٹی ٹوئنٹی میچ میں پاکستان نے سری لنکا کو تین وکٹ سے ہرا دیا۔ اس سے گرین شرٹس نے سیریز کا فاتحانہ آغاز کیا۔ ساتھ ہی حفیظ الیون کو رینکنگ میں بھی ایک درجہ ترقی مل گئی ہے۔ پاکستان اب چوتھے سے تیسرے نمبر پر آ گیا ہے۔ 13دسمبر کو شیڈول اسی میدان پر سیریز کا دوسرا اور آخری ٹی ٹوئنٹی میچ جیت کر پاکستان ناصرف لنکن سے جیت کا خواب چھین سکتا ہے بلکہ مہمان ٹیم کو رینکنگ میں پہلی پوزیشن سے بھی محروم کر دے گا۔