کراچی (پی پی آئی) وفاقی تحقیقاتی ادارے ایف آئی اے نے انسانی اسمگلنگ پر قابو پانے کیلئے کراچی ائیر پورٹ پر نصب انٹیگریٹیڈ بارڈر مینجمنٹ سسٹم کو محکمہ پاسپورٹ اور نادرا سے منسلک کردیا ہے۔ اب کسی بھی مشکوک، مطلوب یا اشتہاری شخص کیلئے ملک سے فرار آسان نہیں رہے گا۔پی پی آئی کے مطابق آئی بی ایم ایس میں 22 کروڑ سے زائد مسافروں کا ریکارڈ محفوظ ہے،۔ایف آئی اے نے 34 بارڈر کراسنگ پوائنٹس پر 3 مراحل میں چیکنگ کا نظام بھی قائم کردیا۔ وفاقی ادارے نے ایک سال کے دوران شک کی بنیاد پر 19 ہزار 55 افراد کو سفر کرنے سے روکا۔ایف آئی اے حکام کے مطابق 388 مسافروں کو جعلی اور غیر قانونی دستاویزات پرآف لوڈ کیا گیا، غیرقانونی طور پر بارڈر کراس کرنیوالے 968 افراد کو بھی پکڑا گیا۔
اسپیکر قومی اسمبلی ایاز صادق کی پی ایچ ایف صدر سے ملاقات
سوات گالف کورس 21 سال بعد دوبارہ کھول دیا گیا
خواتین فٹبال چیمپئن شپ کا فائنل راﺅنڈ 4دسمبر سے شروع ہوگا
برطانوی گالفر میکلرائے کی جوناتھن ٹروٹ سے اظہار ہمدردی
بھارت نے ویسٹ انڈیز کے کیخلاف ون ڈے سیریز 1-2سے جیت لی
آل راﺅنڈ ر عبدالرزاق کے گھر میں چوری،نقدی اور زیورات سے محروم
تازہ ترین خبریں
اوکاڑہ میں اجتماعات ، شہدائے معرکہ حق کو خراج عقیدت پیش
(May 6, 2026)
متعدد ہلاکتوں کے بعد دریائے حب میں سرگرمیوں پر پابندی
(May 4, 2026)
- April 23, 2026
- April 22, 2026
- April 22, 2026
اشتہار
تازہ ترین
200 سے زائد ٹیلی میڈیسن سیٹلائٹ، ایمرجنسی سینٹرز میں ریموٹ ٹیلی میڈیسن سہولت فراہم
کراچی (پی پی آئی)پاکستان ٹیلی کمیونی کیشن کمپنی لمیٹڈ (پی ٹی سی ایل) اور چائلڈ لائف فاؤنڈیشن نے پاکستان بھر میں 200 سے زائد ٹیلی میڈیسن سیٹلائٹ اور ایمرجنسی سینٹرز میں ریموٹ ٹیلی میڈیسن سہولیات کو ٹیلی کام سروسز کی فراہمی کے لئے باہمی اشتراک قائم کرلیا ہے۔پی پی آئی کے مطابق پی ٹی سی ایل اور یوفون 4G کے گروپ چیف بزنس سلوشن آفیسر،ضرار ہشام خان اور چائلڈ لائف فاؤنڈیشن کے سی ای او، ڈاکٹر احسان ربانی نے حال ہی میں سول اسپتال کراچی میں چائلڈ لائف فاؤنڈیشن کے ایمرجنسی سینٹر میں منعقدہ تقریب کی صدارت کی۔ اس موقع پر پی ٹی سی ایل کے گروپ وی پی بشارت قریشی، پی ٹی سی ایل انٹرپرائز کے گروپ ڈائریکٹر عمر فاروقی، چائلڈ لائف فاؤنڈیشن کے جنرل منیجر انفارمیشن ٹیکنالوجی،سید علی حسین اور جنرل منیجر، کمیونیکیشنز چائلڈ لائف فاؤنڈیشن شہزاد ذکی بھی موجود تھے۔ پی ٹی سی ایل چائلڈ لائف فاؤنڈیشن کو جدید ترین کنیکٹیویٹی سلوشنز فراہم کر رہا ہے جو جدید ترین ٹیکنالوجی اور منظم خدمات سے لیس ہیں۔ تقریب کے دوران پی ٹی سی ایل اور یوفون 4G کے گروپ چیف بزنس سلوشن آفیسر ضرار ہشام خان نے کہا، ”ہم اپنے ملک کے بچوں کی مدد کے لیے چائلڈ لائف فاؤنڈیشن کے ساتھ شراکت داری پر فخر محسوس کرتے ہیں۔ پی ٹی سی ایل ایک قومی کمپنی ہونے کے ناطے پاکستان بھر میں ڈیجیٹلائزیشن کی کوششوں کی قیادت کر رہی ہے۔ اس طرح کی شراکت داریوں کے ذریعے صحت کے شعبے میں جدید اور محفوظ سہولیات کی فراہمی کے لیے پی ٹی سی ایل ٹیلی کام انفراسٹرکچر کی تعمیر کیذریعے ملک کی مجموعی سماجی ترقی میں اپنا کلیدی کردار جاری رکھے گی۔“ اس موقع پر چائلڈ لائف فاؤنڈیشن کے سی ای او، ڈاکٹر احسان ربانی نے کہا،”پی ٹی سی ایل کے ساتھ شراکت داری پسماندہ علاقوں میں صحت کی دیکھ بھال کے خلا کو پر کرنے کے لئے ٹیکنالوجی کے استعمال میں ایک اہم پیش رفت ہے۔ پی ٹی سی ایل کی مواصلاتی سہولیات سے چلنے والے یہ ٹیلی میڈیسن سیٹلائٹ سینٹرز دور دراز کی کمیونٹیز کو بچوں کے ڈاکٹروں کی مشاورت تک رسائی فراہم کریں گے اور معیاری صحت کی دیکھ بھال کی راہ میں حائل رکاوٹوں کو دور کرتے ہیں۔ چائلڈ لائف کا مقصد اس بات کو یقینی بنانا ہے کہ جغرافیائی فاصلوں کی وجہ سے بچے کی صحت پر سمجھوتہ نہ کرنا پڑے۔ ہمارا باہمی تعاون جدت طرازی اور قابل رسائی صحت کی دیکھ بھال کے ذریعے مثبت تبدیلی لانے کے عزم کا عکاس ہے۔“پی ٹی سی ایل اور چائلڈ لائف فاؤنڈیشن پاکستان بھر میں بچوں کو بہترین ہنگامی صحت کی خدمات فراہم کرنے کے عزم رکھتے ہیں۔ یہ معاہدہ آئی سی ٹی اور سیکیورٹی سلوشنز کے متنوع شعبوں میں تیز رفتار ترقی کا مظہر ہے جو پاکستان میں ڈیجیٹل ایکو سسٹم کی بنیاد ہے۔
آرمی چیف سے 9 ممالک کے زیرِ تعلیم طلبہ کی ملاقات
اسلام آباد (پی پی آئی)آرمی چیف جنرل عاصم منیر سے 9 ممالک میں زیرِ تعلیم طلبہ کی ملاقات ہوئی، خطے میں امن کے فروغ میں پاک فوج کے کردار پر تبادلہ خیال کیا گیا۔پاک فوج کے شعبہ تعلقات عامہ (آئی ایس پی آر) کے مطابق امریکا کی ہارورڈ یونیورسٹی کے 38 طالب علموں کے ایک گروپ نے جی ایچ کیو میں آرمی چیف سے ملاقات کی۔ ملاقات کے دوران آرمی چیف نے علاقائی سلامتی کے امور اور خطے میں امن و استحکام کے فروغ میں پاک فوج کے کردار پر تبادلہ خیال کیا۔آئی ایس پی آر کے مطابق آرمی چیف نے پاکستان کی بھرپور صلاحیتوں پر روشنی ڈالی اور شرکاپر زور دیا کہ وہ پاکستان میں اپنے قیام کے دوران اپنے تجربات کی بنیاد پر پاکستان کا جائزہ لیں۔اس موقع پر آرمی چیف نے کہا کہ پاکستان دہشت گردی کے خلاف محافظ کے طور پر کام کر رہا ہے اور عالمی برادری کو پاکستان کی بے پناہ قربانیوں کا ادراک کرنا چاہیے۔ آرمی چیف نے مقبوضہ کشمیر میں انسانی مصائب اور مظالم اور آبادیاتی حقائق کو تبدیل کرنے کی کوششوں پر بھی روشنی ڈالی۔پی پی آئی کے مطابق ملاقات کے دوران طلبا نے تعمیری بات چیت کا موقع فراہم کرنے پر آرمی چیف کی تعریف کی۔ آرمی چیف جنرل عاصم منیر نے پاکستان کی بھرپور صلاحیتوں پر روشنی ڈالی۔
پاکستان کے ارشد ندیم ورلڈ ایتھلیٹکس چیمپیئن شپ کے فائنل میں، پیرس اولمپکس میں بھی انٹر
بوڈاپسٹ(پی پی آئی)پاکستان کے ارشد ندیم ہنگری کے دارالحکومت بوڈاپسٹ میں جاری ورلڈ ایتھلیٹکس چیمپئین شپ میں جیولن تھرو کے فائنل مرحلے میں پہنچ گئے ہیں۔پی پی آئی کے مطابق جمعہ کو ہونے والے جیولن تھرو کے ابتدائی مقابلوں میں ارشد ندیم نے 86.79 میٹر کی تھرو کر کے نہ صرف فائنل میں جگہ بنائی بلکہ سنہ 2024 میں فرانس میں ہونے والے اولمپکس کے لیے بھی کوالیفائی کر لیا۔ارشد ندیم نے ابتدائی راؤنڈ میں مجموعی طور پر دوسری سب سے طویل تھرو کی جبکہ انڈیا کے نیرج چوپڑا 88.77 میٹر کی تھرو کے ساتھ سرفہرست رہے۔نیرج کے علاوہ مزید دو انڈین ایتھلیٹس نے بھی فائنل میں جگہ بنائی ہے اور یوں اتوار کو جیولن تھرو کے فائنل میں 12 ایتھلیٹس میں سے چار کا تعلق جنوبی ایشیا سے ہو گا۔ارشد ندیم اس ایونٹ سے قبل پاکستان کے لیے سنہ 2018 میں ایشین گیمز میں کانسی جبکہ 2022 میں ہونے والی کامن ویلتھ گیمز میں سونے کا تمغہ جیت چْکے ہیں۔
تلاش کریں
خبریں

اسپیکر قومی اسمبلی ایاز صادق کی پی ایچ ایف صدر سے ملاقات
(November 27, 2013)
لاہور: اسپیکر قومی اسمبلی ایاز صادق نے پاکستان ہاکی فیڈریشن کے نومنتخب صدر اختر رسول چوہدری سے خصوصی ملاقات کی ۔ نیشنل ہاکی اسٹیڈیم میں ہونے والی ملاقات میں ایاز صادق نے نے اختر رسول کو پی ایچ ایف کا صدر بننے پر مبارک باد دی ۔ اس موقع پر اختر رسول نے اسپیکر قومی اسمبلی کے ساتھ پی ایچ ایف کے معاملات پر تفصیلی بات چیت کی اور ان سے ہاکی کے فروغ کے لیے تعاون کی اپیل کی ۔ ایاز صادق نے پی ایچ ایف معاملات کو بہتر بنانے کے لئے اختر رسول کو ہر ممکن تعاون کی یقین دہانی کرائی ۔

سوات گالف کورس 21 سال بعد دوبارہ کھول دیا گیا
(November 27, 2013)
سوات: 21سال تک بند رہنے والے سوات کے کبل گالف کورس کو دوباہ کھول دیا گیا ۔ کبل میں آج (جمعرات )سے کلب کی تاریخ کے پہلے اوپن ٹورنامنٹ کا آغاز ہونے جا رہا ہے جس میں 27 سینئر پروفیشنل اور 54 پروفیشنل سمیت 200 گالفر شریک ہوں گے۔ اس موقع پر سوات کے ڈپٹی کمشنر امتیاز حسین نے بتایا کہ ٹورنامنٹ کیلیے تمام انتظامات مکمل ہیں۔ خیبر پختونخوا گالف ایسوسی ایشن کے سیکریٹری کرنل (ر) شہادت کے ہمراہ پریس کانفرنس کرتے ہوئے ڈپٹی کمشنر امتیاز حسین نے بتایا کہ 1964 میں سابق گورنر اور سوات کے ولی، میاں گل اورنگزیب کی جانب سے تعمیر کردہ گالف کلب نے 1992 تک متعدد ٹورنامنٹس کی میزبانی کی۔ انہوں نے بتایا کہ پچھلے کچھ سالوں سے علاقے میں شدت پسندی اور دیگر مسائل کے باعث یہاں قومی سطح کا کوئی بھی ایونٹ منعقد نہیں ہوسکا لیکن اب کلب کو فوج کی مدد سے بحال کر دیا گیا ہے۔ امتیاز نے بتایا کہ تین دن تک جاری رہنے والے اس ایونٹ سے وادی میں سیاحت کو فروغ دینے میں بھی مدد ملے گی۔ اس موقع پر کرنل شہادت نے بتایا کہ کبل میں ملک کا سب سے بڑا گالف کورس ہے۔ انہوں نے امید ظاہر کی کہ یہ گالف کورس ماضی کی طرح کھیل کی ترقی میں اپنا حصہ ڈالتا رہے گا۔

خواتین فٹبال چیمپئن شپ کا فائنل راﺅنڈ 4دسمبر سے شروع ہوگا
(November 27, 2013)
لاہور: پاکستان فٹبال فیڈریشن کے زیر اہتمام نویں خواتین فٹبال چیمپئن شپ کا فائنل راﺅنڈ 4دسمبر سے لاہور میں شروع ہوگا۔پنجاب اسٹیڈیم میں ہونے والی چیمپئن شپ میں ملک بھر سے 8ٹیمیں شرکت کریں گی ۔کوارٹر فائنل چار اور پانچ دسمبر کو کھیلے جائیں گے جبکہ سیمی فائنلز 7دسمبر اورفائنل 9دسمبر کو شیڈول ہے ۔ پاکستان فٹبال فیڈریشن کے ترجمان نوید حیدر خان کے مطابق ٹورنامنٹ کا مقصد گراس روٹ لیول پر خواتین کے اندر فٹبال کو فروغ دینا ہے ۔ان کا مزید کہنا تھا کہ ایونٹ کے انعقاد کی تمام تیاریاں مکمل کرلی گئی ہیں۔

برطانوی گالفر میکلرائے کی جوناتھن ٹروٹ سے اظہار ہمدردی
(November 27, 2013)
لندن: برطانوی گالف چیمپئن رائے میکلرائے نے ایشز سیریز سے ذہنی دباﺅکے باعث آﺅٹ ہونے والے کرکٹر جوناتھن ٹروٹ سے ہمدردی کا اظہار کیاہے ۔ برطانوی گالفر کا کہنا تھا کہ کھیل کی موجودہ صورتحال کی اکثر کھلاڑی دباﺅ کا شکار ہوجاتے ہیں۔میکلرائے نے خود بھی گالف کے پورے سال میں انتہائی سخت حالات کا سمامنا کیاہے ۔ ان کا مزید کہنا تھاکہ کھیلوں میںپریشر کی وجہ سے اس طرح کی بیماریاں عام ہورہی ہے ۔

بھارت نے ویسٹ انڈیز کے کیخلاف ون ڈے سیریز 1-2سے جیت لی
(November 27, 2013)
کانپور: بھارت نے ویسٹ انڈیز کو تیسرے ون ڈے میں شکست دیکر تین میچوں کی سیریز دو ایک سے جیت لی ۔ سیریز کے تیسرے اور فیصلہ کن میچ میں میزبان ٹیم نے ٹاس جیت کر فیلڈنگ کا فیصلہ کیا۔ مہمان ویسٹ انڈینز کا آغاز اچھا نہ رہا۔ سیموئلز 71 اور کیرون پاول 70 رنز کے ساتھ ٹوٹل کو 263 رنز تک پہنچانے میں کامیاب ہوئے۔ بھارت کی جانب سے روی چندران ایشون نے 2 وکٹیں حاصل کیں۔ جواب میں میزبان ٹیم نے مقررہ ہدف چھیالیس اعشاریہ ایک اوور میں پانچ وکٹوں کے نقصان پر حاصل کر لیا۔ شیکھر دھون نے ذمہ دارانہ بیٹنگ کرتے ہوئے 119 رنز کی شاندار اننگز کھیلی۔ یو وراج سنگھ نے 55 رنز اسکور کر سکے۔

آل راﺅنڈ ر عبدالرزاق کے گھر میں چوری،نقدی اور زیورات سے محروم
(November 26, 2013)
لاہور: قومی ٹیم کے آل راونڈر عبدالرزاق کے ستارے گردش میں آ گئے۔ دبئی میں مختصر فارمیٹ میں آوٹ آف فارم کھلاڑی کو گھر آنے کے چند دن بعد بدقسمتی نے گھر میں چوری کا سامنا بھی کروا دیا۔ قومی آل راونڈر عبدالرزاق کی ٹی ٹوئنٹی ٹیم میں ایک سال کے بعد واپسی ہوئی بہت ساری امیدیں لے کر دبئی کے میدان میں اترے لیکن وہ پہلے میچ میں دس رنز سے زیادہ سکور نہ کر سکے۔ سیریز کے دوسرے میچ میں بھی قسمت نے ساتھ نہ دیا اور انہیں بغیر کھاتہ کھولے ہی پویلین لوٹنا پڑا۔ عبدالرزاق دبئی سے مایوس گھر پہنچے تو چند دن بعد ہی بدقسمتی نے انہیں دوبارہ آن لیا۔ لاہور کے پوش علاقے ڈیفنس میں عبد الرزاق کے گھر چور لاکھوں روپے کی مالیت کے زیورات اور کرنسی لے اڑے۔ قومی کرکٹر کے مطابق چور گھر میں واش روم کی کھڑکی سے داخل ہوئے اور لاکر اٹھا کر لے گئے۔ قومی کرکٹر عبدالرزاق کا کہنا ہے کہ لاکر میں پاسپورٹ، کاغذات اور لاکھوں مالیت کے زیوارت موجود تھے۔ صبح ہوتے ہی پولیس بھی موقع وردات پر پہنچی اور گھر کا جائزہ لیا۔ قومی کرکٹر عبدالرزاق کا کہنا ہے ڈیفنس جیسے علاقے میں چوری ہونا قابل افسوس بات ہے۔

