اسلام آباد (پی پی آئی)سائفر گمشدگی کیس میں آفیشل سیکرٹ ایکٹ عدالت نے شاہ محمود قریشی کا مزید 3 روزہ جسمانی ریمانڈ منظور کرلیا۔ایف آئی اے نے سابق وزیر خارجہ شاہ محمود قریشی کو 4 روزہ جسمانی ریمانڈ مکمل ہونے پر اسلام آباد کی آفیشل سیکرٹ ایکٹ عدالت میں پیش کیا، تفتیشی ٹیم کی جانب سے ملزم کے مزید 9 روزہ جسمانی ریمانڈ کی استدعا کی گئی۔پی پی آئی کے مطابق شاہ محمود قریشی کے وکیل شعیب شاہین نے جسمانی ریمانڈ کی مخالفت کردی۔ خصوصی عدالت کے جج ابوالحسنات ذوالقرنین نے دلائل سننے کے بعد ملزم کو مزید 3 روزہ جسمانی ریمانڈ پر ایف آئی اے کے حوالے کردیا۔شعیب شاہین ایڈووکیٹ نے جوڈیشل کمپلیکس کے باہر میڈیا سے گفتگو کرتے ہوئے کہا کہ شاہ محمود قریشی کا سائفر کے حوالے سے کیس لگا ہوا تھا، عدالت نے مزید دن کا جسمانی ریمانڈ دے دیا۔ذرائع کا کہنا ہے کہ تحریک انصاف کے اسلام آباد جلسے کا سارا ریکارڈ حاصل کرلیا گیا ہے اور ویڈیو و دیگر مواد کی مدد سے انکوائری آگے بڑھائی جائے گی۔سائفر گمشدگی کیس میں شاہ محمود قریشی کیخلاف مقدمہ نمبر 6/2023 ایف آئی اے انسداد دہشت گردی ونگ میں 15 اگست کو سیکریٹری داخلہ یوسف نسیم کھوکھر کی مدعیت میں درج کیا گیا تھا۔

کراچی (پی پی آئی)سندھ ہائیکورٹ نے نگران وزیراعلیٰ سندھ جسٹس (ر)مقبول باقر کیخلاف درخواست مسترد کردی۔پی پی آئی کے مطابق سندھ ہائیکورٹ میں نگران وزیراعلیٰ سندھ جسٹس(ر)مقبول باقر کیخلاف درخواست کی سماعت ہوئی،درخواست گزار وکیل ابراہیم ابڑو عدالت کے رو برو پیش ہوئے،جسٹس یوسف علی سعید نے کہاکہ آپ پاکستان سروسز رولز نکال لیں،آپ غلط قانون بتا رہے ہیں،عدالت نے نگران وزیراعلیٰ سندھ کے خلاف درخواست مسترد کردی۔

کراچی (پی پی آئی) پاکستان میں غربت،افلاس کے عوامل پر ریسرچ کرنے والوں کا کہنا ہے کہ ملک میں آبادی کی اکثریت خط غربت سے نیچے  زندگی گزارنے پر مجبور ہے نیز مہنگائی کی حالیہ لہرنے مزید کئی کروڑ افراد کو انتہائی غربت میں دھکیل دیا ہے۔پی پی آئی کے مطابق  رپورٹ میں کہا گیاہے کہ  مہنگائی نے غربت کو ختم کرنے کی کوششوں میں پیش رفت کو شدید متاثر کیا۔2017 کے اعداد و شمار کے مطابق  دنیا میں انتہائی غربت کی تعریف 2.15 ڈالر یومیہ سے کم پر زندگی گزارنے کے طور پر کی گئی ہے جس کا پاکستان  میں تصور بھی نہیں کیا جاسکتازیادہ تر ممالک میں افراط زر گزشتہ سال کئی برس کی بلند ترین سطح پر پہنچ گیا ہے جس سے تقریباً ہر شخص متاثر ہوا،لیکن غربت کا شکار افراد زیادہ بری طرح متاثر ہوئے ہیں۔

لاہور(پی پی آئی)امریکہ کی لاہور میں نئی قونصل جنرل ’کرسٹین کے ہاکنز‘ نے’ولیم کے‘ کی جگہ عہدے کا چارج سنبھال لیا ہے۔پی پی آئی کے مطابق مس ہاکنز نے کہا کہ میں پاکستان اور امریکہ کے درمیان شراکت داری کو مضبوط بنانے کیلئے صوبہ پنجاب کے لوگوں کے ساتھ ملنے اور کام کرنے کی منتظر ہوں۔ہے۔مس ہاکنز لاہور میں امریکہ کی 34 ویں قونصل جنرل ہیں، وہ امریکی فارن سروس کی ممبر بھی ہیں، حال ہی میں انہوں نے اسلام آباد میں امریکی سفارت خانے میں اقتصادی اور ترقیاتی امداد کے کوارڈی نیٹر کے طور پر خدمات انجام دی ہیں۔اس  سے قبل مس ہاکنز 2015 سے 2017 تک امریکی سفارتخانے کے پبلک ڈپلومیسی سیکشن میں کام کرتی رہیں، وہ امریکی ریاست ورجینیا کی رہائشی  اور یونیورسٹی آف ورجینیا سے بین الاقوامی تعلقات کے شعبے میں بیچلر کی ڈگری  کی حامل  نیز روسی، یوکرینی اور فرانسیسی زبان پر بھی مہارت رکھتی ہیں۔