نیویارک (پی پی آئی) نگراں وزیراعظم انوارالحق کاکڑ پانچ روزہ دورے پر امریکا پہنچے ہیں گے، جہاں وہ اقوام متحدہ کی جنرل اسمبلی کے اٹھہترویں اجلاس سے خطاب کریں گے۔پی پی آئی کے مطابق وزیر اعظم انوار الحق کاکڑ کی اہم ملاقاتوں کا سلسلہ 19 ستمبر سے شروع ہوگا۔وزیراعظم انوار الحق کاکڑ کا امریکی میڈیا سے انٹرویوز طے کر دیئے گئے ہیں، واشنگٹن پوسٹ سمیت، سی این این، بلومبرگ، اے پی، نیوزویک وزیر اعظم کا انٹرویو کریں گے۔اس کے علاوہ انوار الحق کاکڑ کی مائکروسافٹ کے فاؤنڈر بل گیٹس سے ملاقات طے ہیں جبکہ وہ چین کے نائب صدر، ایران کے صدر، ترکی کے صدر طیب اردوان سے بھی اہم ملاقاتیں ہوگی۔نگراں وزیر اعظم امریکی صدر جوبائیڈن کی جانب سے دیئے گئے عشائیے میں شرکت کریں گے اور امریکی بزنس کونسل سے بھی اہم ملاقات کریں گے۔انوار الحق کاکڑ کی امریکی سینیٹرز اور کانگریس مین سے بھی ملاقاتیں طے ہیں جبکہ کونسل آف فارن ریلیشنز سے بھی خطاب کریں گے۔
خیبر پختونخواہ اور دہلی کرکٹ ایسوسی ایشن کے درمیان سیریز کا معاہدہ
ناراض اولمپئنز کو منانے کیلئے پی ایچ ایف نے تین رکنی مفاہمتی کمیٹی قائم کردی
مارک مارکویز کا پاﺅں زخمی ،ایک ماہ کیلئے ریسنگ ٹریک سے باہر
انگلش کرکٹ بورڈ نے ہیڈ کوچ کے لئے اشتہار جاری کردیا
بحرین فارمولا ون ٹیسٹنگ ریس میں جرمن ڈرائیور تیز ترین قرار
ذکاءاشرف برطرفی کیس میں وزیراعظیم نواز شریف کو نوٹس جاری
تازہ ترین خبریں
- April 25, 2026
- April 22, 2026
اشتہار
تازہ ترین
جرمنی میں بے روزگار افراد کے لیے مالی الاؤنس 563 یورو ماہانہ کرنے کا فیصلہ
برلن (پی پی آئی)جرمنی میں موجود بے روزگار افراد کیلئے خوشی کی خبر سامنے آگئی اس رقم سے وہ تارکین وطن بھی مستفیض ہو سکیں گے جووہاں مقیم ہیں۔پی پی آئی کے مطابق بالغ افراد جو کسی شریک حیات یا پارٹنر کے ساتھ رہتے ہیں ان کے لئے یہ مالی ادائیگی بڑھا کر 506 یورو ماہانہ کر دی جائے گی۔ اس فیصلے سے تقریباً پانچ ملین افراد فیضیاب ہوں گے۔بے روزگاری کے باعث ملنے والی مالی امداد میں اضافے کے متوازی، پناہ کے متلاشی افراد کو ملنے والے مالی فوائد بھی مہنگائی کی شرح کی نسبت سے سالانہ بنیادوں پر ایڈجسٹ کیے جائیں گے۔
پی آئی اے کی یورپ اور برطانیہ میں براہ راست فلائٹ آپریشن کی منصوبہ بندی
کراچی (پی پی آئی)یورپ اور برطانیہ میں پی آئی اے کی پروازوں کی بحالی کا معاملے پر اہم پیشرفت سامنے آئی ہے۔ ذرائع کا کہنا ہے کہ پی آئی اے کی انتظامیہ نے یورپ اور برطانیہ میں براہ راست فلائٹ آپریشن کی منصوبہ بندی تیز کردی ہے۔ترجمان پی آئی اے کے مطابق یورپی یونین ایوی ایشن اور برطانوی محکمہ ٹرانسپورٹ (ڈی ایف ٹی) کی آڈٹ رپورٹ میں کامیابی کا یقین ہے،پی پی آئی کے مطابق پی آئی اے نے برطانیہ اور یورپی ملکوں کے فلائٹ آپریشن کی منصوبہ بندی شروع کردی ہے،ذرائع پی آئی اے کا کہنا ہے کہ امید ہے کہ دسمبر تک یورپی یونین ایوی ایشن ایجنسی اور برطانیہ کی سی اے اے سیفٹی آڈٹ میں پی آئی اے کی بحالی کا گرین سگنل دے دینگے۔،یورپی یونین نومبر اور برطانیہ کی ٹیمیں آئندہ ماہ اکتوبر میں پاکستان آکر پی آئی اے اور سی اے اے کا سیفٹی آڈٹ کرینگی۔ذرائع کے مطابق پی آئی اے یورپ اور برطانیہ میں پروازوں کی بحالی سے اربوں روہے کی آمدنی متوقع ہے، یاد رہے کہ جولائی 2020 سے پی آئی اے پر برطانیہ اور یورپی ملکوں میں پروازوں پر پابندی عائد ہے۔
چین کی کار ساز کمپنی پاکستان میں الیکٹرک گاڑیوں کا پلانٹ قائم کرے گی
کراچی (پی پی آئی) چین کی معروف کار ساز کمپنی نے پاکستان میں الیکٹرک گاڑیوں کا پلانٹ قائم کرنے کا اعلان کیا ہے۔تفصیلات کے مطابق چینی کارساز کمپنی کے اسسٹنٹ چیئرمین جی یو زونگ کی سربراہی میں وفد نے ایف پی سی سی آئی کے نائب صدر امین اللہ بیگ سے ملاقات میں یہ خوشخبری سنائی۔پی پی آئی کے مطابق جی یو زونگ کا اس موقع پر کہنا تھا کہ وہ پاکستانی مارکیٹ میں داخل ہو رہے ہیں اور مینوفیکچرنگ یونٹ اور شورمز قائم کرنا کمپنی کے مفاد میں ہے اور یہ طویل مدتی کاروباری منصوبے کا حصہ ہے۔ مذکورہ کمپنی 5 صنعتوں میں مصروف عمل ہے، جن میں الیکٹرومیکنیکل اور ہائیڈرولک، لائٹ پاور، گاڑیوں، عالمی تجارت اور پیدوار اور خدمات شامل ہیں۔دوران ملاقات جی یو زونگ کو بتایا گیا کہ پاکستان میں کاریں ٹرانسپورٹ کا اہم ذریعہ ہیں جبکہ عالمی قیمتوں میں اضافے کے سبب پیٹرولیم مصنوعات کی قیمتیں تیزی سے بڑھی ہیں، جس کے سبب صارفین کی توانائی کے نئے ذرائع پر منتقلی ناگزیر بن چکی ہے۔ ان کا کہنا تھا کہ طویل مدت میں الیکٹرک کاروں کے استعمال سے پیٹرول کے مقابلے میں ایندھن کی لاگت میں بہت زیادہ بچت ہوگی۔
تلاش کریں
خبریں

خیبر پختونخواہ اور دہلی کرکٹ ایسوسی ایشن کے درمیان سیریز کا معاہدہ
نئی دہلی: خیبر پختونخواہ کی حکومت اور دہلی ڈسٹرکٹ کرکٹ ایسوسی ایشن کے درمیان ایک معاہدہ طے پاگیا جس کے تحت پشاور اور دہلی کی کرکٹ ٹیمیں ایک دوسرے کے ملک کا دورہ کرسکیں گی ۔معاہدے پر دستخط کی تقریب دہلی میں ہوئی ۔خیبر پختونخواہ کے صوبائی وزیر محمود خان اور دہلی کرکٹ ایسوسی ایشن کی جانب سے مسٹر پردیپ کمار اگروال نے معاہدے پر دستخط کیے ۔بھارت میں پاکستان کے ہائی کمشنر سلمان بشیر ،انڈین کرکٹ بورڈ کے نائب صدر بھی اس موقع پر موجودتھے ۔ معاہدے کے مطابق رواں سال پشاور کی ٹیم دوستانہ میچ کھیلنے کے لئے دہلی کا دورہ کرے اور آئندہ سال دہلی کرکٹ ٹیم خیبر پختونخواہ کے دورے پر آئے گی ۔

ناراض اولمپئنز کو منانے کیلئے پی ایچ ایف نے تین رکنی مفاہمتی کمیٹی قائم کردی
لاہور: پاکستان ہاکی فیڈریشن کے صدر اختر رسول نے سابق اولمپئنز پر مشتمل 3رکنی مفاہمتی کمیٹی تشکیل کردی ۔ ذرائع کے مطابق کمیٹی پی ایچ ایف سے ناراض سابق اولمپئنز سے ملاقات کرکے انہیں قومی دھارے میں واپس لانے کی کوشش کرے گی تاکہ قومی کھیل کی بہتری کے لئے سب مل کر کام کرسکیں ۔ کمیٹی میں لیفٹیننٹ کرنل (ر) ظفر علی خان ،خواجہ ذکاءالدین اورافتخار سید شامل ہیں ۔

مارک مارکویز کا پاﺅں زخمی ،ایک ماہ کیلئے ریسنگ ٹریک سے باہر
میڈرڈ: اسپین کے 21سالہ موٹو جی پی ورلڈ چیمپئن مارک مارکویز پاﺅں ٹوٹنے کے باعث ایک ماہ تک ریسنگ ٹریک سے باہر ہوگئے ۔ مارکویز بارسلونا کے قریب واقع علاقے لیلائیڈ ا میں ٹریننگ سیشن کے دوران خراب کے باعث حادثے کا شکار ہوگئے تھے ۔ ان کی قطر میں 23مارچ کو موٹوجی پی سیزن شروع ہونے سے قبل مکمل صحت یابی کی توقع کی جارہی ہے ۔

انگلش کرکٹ بورڈ نے ہیڈ کوچ کے لئے اشتہار جاری کردیا
لندن: انگلش کرکٹ بورڈ نے ٹیم ڈائریکٹر کے عہدے کی جگہ ہیڈ کوچ کے لئے اشتہار جاری کردیا ۔ خواہش مند امیدواروں کے لئے درخواست جمع کرانے کی آخری تاریخ 28مارچ مقرر کی گئی ہے جبکہ شارٹ لسٹ امیدواروں کے انٹرویوز کا سلسلہ چھ اپریل سے شروع ہوگا ۔

بحرین فارمولا ون ٹیسٹنگ ریس میں جرمن ڈرائیور تیز ترین قرار
بحرین: بحرین فارمولا ون ٹیسٹنگ ریس میں جرمن ڈرائیور تیز ترین قرار پائے۔بحرین میں فارمولا ون کی ٹیسٹنگ ریس ہوئی۔ دنیا بھر سے ڈرائیورز نے ریس میں جیت کے لیے خوب زور لگایا۔ جرمن ڈرائیور نائیکو ہلکنبرگ نے مقررہ فاصلہ 1 منٹ 36 اعشاریہ 8 سیکنڈ میں طے کر کے پہلی پوزیشن اپنے نام کی۔ اسپینش فرنینڈو آلانسودوسری، برطانوی ڈرائیور لیوئس ہملٹن تیسری پوزیشن کے حقدار ٹھہرے۔ عالمی چیمپئن سباستین ویٹل پانچویں نمبر پر رہے۔

ذکاءاشرف برطرفی کیس میں وزیراعظیم نواز شریف کو نوٹس جاری
اسلام آباد: اسلام آباد ہائی کورٹ میں ذکاءاشرف کی برطرفی اور نجم سیٹھی کی تقرری کے خلاف درخواست کی سماعت پرعدالت نے وزیر اعظم اور دیگر فریقین کو نوٹس جاری کر دیئے۔ درخواست کی سماعت نورالحق قریشی پر مشتمل سنگل بنچ نے کی۔ عدالت میں درخواست میں فریق بننے کے لئے ون ٹین کے تحت درخواست کی سماعت ہوئی۔ ون ٹین میں فریق بننے کے لئے مرزا احمد سابق کمانڈر اور پی سی بی کے گورننگ باڈی کے ممبر نے اپنے وکیل عبد الرزاق رجب کے ذریعے دائر کی۔ وکیل نے موقف اپنایا ہے کہ پی سی بی کے رولز کے مطابق وزیر اعظم پاکستان غیر آئینی طور پر پی سی بی کے آئین میں ترمیم کی جو کہ صدر پاکستان پیٹرن آف چیف کو کرنی چاہیے تھی۔ عدالت نے وفاق، وزیر اعظم، پی سی بی اور دیگر فریقین کو نوٹس جاری کر دیئے اور جلد جواب اسلام آباد ہائیکورٹ میں جمع کرانے کا حکم دیا۔