کراچی: قومی جونیئراسنوکرچیمپئن شپ 15 فروری سے کھیلی جائے گی، ملک بھر سے ٹاپ32کھلاڑی حصہ لیں گے۔ کراچی جمخانہ میں پریس کانفرنس سے خطاب کرتے ہوئے پاکستان بلیئرڈ اینڈ اسنوکرایسوسی ایشن کے صدرعالم گیر شیخ نے سال2014 کے کلینڈر شیڈول کا اعلان کیا۔ انہوں نے بتایا کہ محدود وسائل کے باوجود قومی اسنوکر کھلاڑی رواں سال14 قومی اوربین الاقوامی مقابلوں میں شرکت کریں گے۔ نئے سیزن کا آغاز قومی جونیئر چیمپئن شپ سے ہوگا۔ جس میں32 کیوئیسٹ کو مدعو کیا گیا ہے۔ ایونٹ کے بعد تین بہترین کھلاڑی ایشیئن چیمپئن شپ میں پاکستان کی نمائندگی کے اہل ہوں گے۔ پا کستان رواں سال اگست کے دوران ایشیئن ٹیم اور سکس ریڈ اسنوکر ایونٹ کی کراچی میں میزبانی کرے گا۔

میڈرڈ: بارسلونا نے ریال سوسیڈ اڈ کو شکست دے کر اٹالین فٹبال کپ کے فائنل میں جگہ بنالی ۔ دونوں ٹیموں کے درمیان سیمی فائنل لیگ کا دوسرا میچ ایک ایک گول سے برابری پر ختم ہوا ۔بارسلونا کی ٹیم پہلے لیگ میچ میں دو صفر سے کامیابی پر فائنل میں جگہ بنانے پر کامیاب ہوئی ۔

کراچی: پاکستان تائیکوانڈو کے بلیک بیلٹ احمد امین یوایس اے مارشل آرٹس کے ہال آف فیم میں شامل ہوگئے ۔ امریکی ریاست ایریزونا میں بورڈ آف ڈائریکٹرز کے اجلاس میں احمد امین کو ہال آف فیم میں شامل کرنے کافیصلہ کیا گیا ۔ احمد امین کو رواں برس جون میں شیڈول ہال آف فیم کی تقریب میں شرکت کی دعوت دی گئی ہے ۔

کراچی:  پاکستان کرکٹ ٹیم کے فیلڈنگ کوچ شعیب محمد کا کہنا ہے کہ کھلاڑیوں میں فیلڈنگ کا شوق پیدا کرنے کی پوری کوشش کروں گا، بین الاقوامی کرکٹ کیلئے عمر اکمل اور احمد شہزاد جیسے پھرتیلے فیلڈرز چاہئیں۔کراچی میں میڈیا سے بات کرتے ہوئے ان کا کہنا تھا کہ پاکستان ٹیم کی کوچنگ ایک چیلنج سمجھ کر قبول کی ہے، فیلڈنگ کا شعبہ طویل عرصے سے پاکستان کرکٹ کیلئے مسئلہ بنا ہوا ہے جس میں بہتری کیلئے اپنی انتہائی صلاحیتوں کا استعمال کروں گا۔شعیب محمد نے مزید کہا کہ جادو کی چھڑی نہیں جو پلک جھپکتے نتائج دے دوں، نتائج وقت کے ساتھ ہی آئیں گے۔شعیب محمد کے مطابق حالیہ پرفارمنسز کے باعث پاکستان کی ٹیم ایشیاءکپ کیلئے فیورٹ ہے۔