اسلام آباد (پی پی آئی)جمعیت علمائے اسلام کے سربراہ مولانا فضل الرحمان نے امن و امان کی صورتحال پر بات کرتے ہوئے کہا کہ قبائلی علاقہ اور صوبہ جل رہا ہے اورعوام جن سے امید لگائے بیٹھے ہیں ان کے پاس حالات سے نمٹنے کی صلاحیت نہیں۔ پی پی آئی کے مطابق مستونگ میں حافظ حمد اللہ پر ہونے والے حملے میں مولانا فضل الرحمان نے کہا کہ باجوڑ جلسے میں میرے 70 ساتھی شہید ہوئے اور مستونگ میں حافظ حمداللہ کو نشانہ بنایا گیا۔ انہوں نے کہا کہ 12 آپریشن کیے گئے، قبائل نے گھربار چھوڑے، کہاں ہے امن و امان؟ قبائلی علاقہ اور صوبہ جل رہا ہے، ہم نے کوئی فرقہ وارانہ جنگ نہیں لڑی، نہ ہی کسی کا خون بہانا کبھی بھی جائز قرار دیا۔ مولانا فضل الرحمان کا مزید کہنا تھا کہ سیاسی محاذ پر اپنی لڑائی جاری رکھیں گے، عوام نے بھی اپنی سمت ٹھیک رکھنی ہے، عوام جن سے امید لگائے بیٹھے ہیں ان کے پاس حالات سے نمٹنے کی صلاحیت نہیں، پاکستان کو منصوبہ بندی کے تحت دلدل میں دھکیلا گیا۔
ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
بھارتی بلائنڈ کرکٹ ٹیم واہگہ کے راستے پاکستان پہنچ گئی
ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
نجم سیٹھی کو پی سی بی کے قوانین کا علم نہیں ہے : عامر سہیل
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
تازہ ترین خبریں
- April 25, 2026
اشتہار
تازہ ترین
عالمی تبلیغی اجتماع رائیونڈ اس سال بھی2 مرحلوں میں منعقدہوگا
رائیونڈ (پی پی آئی) عالمی تبلیغی اجتماع رائیونڈ اس سال بھی دو مرحلوں میں منعقدہوگا۔ پی پی آئی کے مطابق پہلے مرحلہ کا اجتماع 2 نومبر کو نماز عصر سے شروع ہوگا جبکہ دوسرے مرحلہ کے ا جتماع کی تاریخ 9نومبر مقرر کی گئی ہے اور یہ 9نومبر کو بعد نماز عصر شروع ہوگا۔
سینیٹر اسحاق ڈار کی زیر قیادت پارلیمانی وفد کی جنیوا آمد
جنیوا (پی پی آئی)بین الپارلیمانی یونین کی دعوت پر پاکستانی سینیٹ میں قائد ایوان سینیٹر اسحاق ڈار کی قیادت میں ایک وفد جنیوا پہنچا ہے۔پی پی آئی کے مطابق اسحاق ڈار، اعظم نذیر تارڑ، مظفر حسین شاہ اور کامران مرتضیٰ پر مشتمل یہ وفد ورلڈ ٹریڈ آرگنائزیشن کے پبلک فورم میں شرکت کر رہا ہے۔ وفد نے یو این سی ٹی اے ڈی کے سیکرٹریٹ کا دورہ کیا جہاں ان کا پرتپاک استقبال کیا گیا۔
دنیا کے تقریباً 33کروڑ 30لاکھ بچے انتہائی غربت کی زندگی گزارنے پر مجبور
کراچی (پی پی آئی) دنیا کے ہر 6بچوں میں سے ایک یعنی تقریباً 33کروڑ 30لاکھ بچے انتہائی غربت کی زندگی گزار رہے ہیں۔اقوام متحدہ کے ادارہ برائے اطفال یونیسیف اور عالمی بینک نے مشترکہ تیار کردہ رپورٹ شائع کی ہے،پی پی آئی کے مطابق رپورٹ میں بین الاقوامی شرح غذائی قلت اور مفلسی کے شکار بچوں کا جائزہ لیا گیاہے۔ رپورٹ کے مطابق یومیہ 2.15ڈالر آمدن والے افراد کو مفلس قرار دیا گیا ہے۔ مفلس بچوں کی تعداد 2022 میں 2013کے مقابلے میں 13 فیصد کمی کے ساتھ 38 کروڑ 30لاکھ سے کم ہو کر 33کروڑ 30لاکھ ر ہوگئی ہے مفلسی کے شکار بچوں کی تعداد میں کمی کورونا وائرس کی وجہ سے طے شدہ ہدف یعنی 30کروڑ سے نیچے رہی ہے رپورٹ میں کہا گیا ہے کہ صحارائے افریقاکے بچے اس غربت کا سب سے بڑا بوجھ اٹھائے ہوئے ہیں دنیا کے مفلس ترین بچوں کے 40 فیصد کا تعلق اس علاقے سے ہے علاقے میں 2013میں غربت کے شکار بچوں کی تعداد 54.8 فیصدتھی جو 2022 میں بڑھ کر 71.1 فیصد ہو گئی ہے
تلاش کریں
خبریں
ویلنگٹن ٹیسٹ : بھارت نے پہلی اننگز میں 2 وکٹ پر 100 رنز بنا لیے
ویلنگٹن: ویلنگٹن ٹیسٹ کے پہلے روز کھیل کے اختتام پر بھارت نے پہلی اننگز میں 2 وکٹ پر 100 رنز بنا لیے۔ نیوزی لینڈ کے خلاف اننگز کی برتری ختم کرنے کے لیے اسے مزید 92 رنز درکار ہیں۔ سیریز کے دوسرے ٹیسٹ میچ میں مہمان بھارتی ٹیم نے ٹاس جیت کر فیلڈنگ کا فیصلہ کیا جو اس کے لیے مفید ثابت ہوا۔ میزبان کیویز پہلی اننگز میں 192 رنز پر آوٹ ہو گئی۔ کین ولیم سن 47 رنز کے ساتھ ٹاپ اسکورر رہے۔ بھارت کی جانب سے ایشانت شرما نے 6 اور محمد شامی نے 4 وکٹیں حاصل کیں۔ بھارت کو بھی پہلی اننگز کے آغاز میں نقصان ہوا۔ 2 رنز پر اوپنر مرلی وجے پویلین لوٹے تو پوجارا بھی19رنز کا اضافہ کر کے آوٹ ہوئے۔ ذمہ دارانہ بیٹنگ کرتے ہوئے شیکھر دھون نے نصف سنچری مکمل کی۔ دھوان71 اور ایشانت شرما 3رنز کے ساتھ کریز پر موجود ہیں۔
بھارتی بلائنڈ کرکٹ ٹیم واہگہ کے راستے پاکستان پہنچ گئی
لاہور: بھارتی بلائنڈ کرکٹ ٹیم پاکستان پہنچ گئی۔ مہمان ٹیم یہاں تین ٹی 20 اور تین ون ڈے میچ کھیلے گی۔ انڈین بلائنڈ کر کٹ ٹیم پاکستان میں واہگہ کے راستے تین ٹی 20 اور تین ون ڈے میچ کھیلنے کے لئے لاہور پہنچ گئی ہے۔ اس موقعہ پر میڈیا سے گفتگو میں منیجر انڈین بلائنڈ ٹیم ڈیوڈ جون کا کہنا تھا کہ ہر کھیل محبت کا پیغام دیتا ہے۔ پاکستان آکر خوشی ہوتی ہے۔ بھارت کے مقابلے میں پاکستان کرکٹ بورڈ اپنی بلائنڈ ٹیم کی زیادہ سپورٹ کرتا ہے یہ امر قابل قدر ہے۔
ورلڈ انڈور ٹینس : اینڈی مرے اور ڈیل پوٹرو تیسرے راﺅنڈ میں پہنچ گئے
روٹرڈیم: عالمی نمبر چھ برطانوی ٹینس اسٹار اینڈی مرے اور ارجنٹائن کے یوآن مارٹن ڈیل پوٹرو ورلڈ انڈور ٹینس ٹورنامنٹ کے تیسرے راونڈ میں پہنچ گئے۔ ہالینڈ کے شہر روٹر ڈیم میں کھیلے گئے ٹینس ٹورنامنٹ کے دوسرے راونڈ میں ومبلڈن چیمپئن اینڈی مرے نے جارحانہ کھیل کا مظاہرہ کیا۔ اینڈی مرے نے آسٹریا کے ڈومینیک کو دو گھنٹے اور21 منٹ کے طویل مقابلے کے بعد شکست دی۔ اینڈی مرے کی فتح کا اسکور چھ چار، تین چھ اور چھ تین رہا۔ سنگلز مقابلوں میں ارجنٹائن کے ڈیل پوٹروفرانس کے پال ہنری کے خلاف ان ایکشن ہوئے،پوٹرو نے حریف کھلاڑی کو پانچ دو اور سات چھ سے زیر کیا۔ دوسری جانب گیلبس ارنیسٹ نے ڈمرٹوف کو چھ دو، ایک چھ اور چھ چار سے جبکہ جمہوریہ چیک کے تھامس برڈیج نے فرانسیسی حریف نکولس میہوٹ کو چھ چار، چھ دو، سے ہر ا کر اگلے راونڈ میں جگہ بنائی۔
نجم سیٹھی کو پی سی بی کے قوانین کا علم نہیں ہے : عامر سہیل
روٹرڈیم: سابق ٹیسٹ کرکٹر عامر سہیل نے کہا ہے کہ نئے چیئرمین کو پی سی بی کے قانون کا علم ہی نہیں۔ وزیر اعظم کو غلط مشورے دیے گئے، جب انتظامی ڈھانچہ ہی معطل ہے تو یہ نیا آ ئین کیسے بنا سکتے ہیں۔ ایک نجی ٹی وی سے گفتگو کرتے ہوئے انھوں نے کہا کہ آج پاکستان کی کرکٹ کی حالت دیکھ کر مجھے ہنسی بھی آتی ہے اور افسوس بھی ہوتا ہے کہ کرکٹ کی باگ ڈور کیسے کیسے لوگوں کے ہاتھ میں جا رہی ہے۔ ذکا اشرف منتخب چیئرمین تھے، نئے چیئرمین کو اخلاقیات کا مظاہرہ کرتے ہوئے وزیراعظم سے کہنا چاہیے تھا کہ ان کو نہ ہٹائیں، اگر موجودہ وزیراعظم پرویز مشرف کے اقدام کو غلط قرار دیتے ہیں تو یہ اقدام بھی ویسا ہی ہے۔ مجھے کرکٹ بورڈ میں آنے کی ضرورت نہیں، میں میڈیا سے جڑا بندہ ہوں۔ ایک نجی ٹی وی پر کامیاب پروگرام بھی کر رہا ہوں۔ کرکٹ کو جب بھی میری ضرورت ہوئی میں اپنی خدمات پیش کروںگا لیکن نجم سیٹھی کے ساتھ کام کرنے کا سوال ہی پیدا نہیں ہوتا۔ ٹیم کے انتخاب میں فیورٹ ازم ہے، اچھے کھلاڑی کو بھی سفارش یا رشوت کی ضرورت ہوتی ہے، میں کسی کا نام نہیں لینا چاہتا لیکن بہت کچھ ہو رہا ہے۔مجھے بھی کئی مرتبہ پیسے کی آفرز ہوئیں لیکن میں نے اس کو حرام سمجھا، پی سی بی کا آئین بنانے کا اختیار وزیراعظم کے پاس بھی نہیں ہے، یہ انتہائی غلط فیصلے کر رہے ہیں۔ جب جنرل باڈی ہی معطل ہے تو پھر ترمیم کیسے ہوسکتی ہے۔ خرابی آئین میں نہیں، بورڈ ممبران میں ہے اور بورڈ کو چلانے کے طریقے میں خرابی ہے۔ بگ تھری کا معاملہ آیا تو ان کو9 جنوری کو ہی پتہ چل گیا تھا لیکن انہوں نے پتہ نہیں کیوں معاملے کو دبائے رکھا، چپ رہے اور کوئی تیاری ہی نہیں کی۔ اس ایشوکا مقصد یہ تھا کہ جتنے بھی بڑے کرپشن کے معاملات ہیں ان کو دبایا جاسکے اور وہ اس میں کامیاب بھی ہو گئے ہیں۔ آئی پی ایل میں پاکستان اور سری لنکا کے کسی کھلاڑی کی بولی نہیں لگائی گئی۔ شکیل شیخ نے لائیو ٹی وی شو میں مجھ سے معافی مانگ لی، میرے لئے اتنا ہی کافی ہے۔ اس موقع پر پی سی بی مینجمنٹ کمیٹی کے رکن شکیل شیخ نے کہا کہ میں نے اگر جذبات میں آکر عامر سہیل اور باسط علی کے بارے میں کچھ غلط باتیں کی تھیں تو میں وہ واپس لیتا ہوں۔
ایشیاکپ،ٹی20ورلڈکپ کیلئے محمدعرفان کی جگہ عمرگل ٹیم میں شامل
لاہور: آئندہ ماہ بنگلہ دیش میں ہونے والے ایشیاءکپ اور ٹی ٹوئنٹی ورلڈ کپ کیلئے فاسٹ بولر محمد عرفان کی جگہ عمر گل کو ٹیم میں شامل کرلیا گیا ۔ راولپنڈی کرکٹ اسٹیڈیم میں پی سی بی سلیکشن کمیٹی کا اجلاس اظہر خان کی زیر صدارت ہوا۔ ذرائع کے مطابق ایشیا کپ اور ٹی ٹونٹی ورلڈ کپ کیلئے عمر گل کو ٹیم میں شامل، جب کہ محمد عرفان کو ڈراپ کر دیا گیا ہے۔ ہیڈ کوچ معین خان اور بولنگ کوچ محمد اکرم نے کمیٹی کو تمام کھلاڑیوں کی فٹنس کے بارے میں آگاہ کیا۔ کمیٹی اپنی تجاویز جلد چئیرمین پی سی بی نجم سیٹھی کو بھجوائے گی جس کے بعد ایشیا کپ اور ٹی ٹونٹی ورلڈ کپ کیلئے ٹیم کا باضابطہ اعلان کیا جائے گا۔
ٹی ٹوئنٹی ورلڈ کپ کیلئے 14رکنی قومی ویمن ٹیم کا اعلان
لاہور: بنگلہ دیش کیخلاف سیریزاورویمنزورلڈ ٹی ٹوئنٹی کیلئے 14رکنی قومی ویمن ٹیم کا اعلان کردیا گیا۔ ثنائ میرکوکپتان برقراررکھا گیا ہے۔پاکستان ویمنزکرکٹ ٹیم آئندہ ماہ بنگلہ دیش میں ہونے والے ورلڈ ٹی ٹوئنٹی سے قبل دوسے پندرہ مارچ تک بنگلہ دیشی ٹیم کیخلاف تین ون ڈے اورپانچ ٹی ٹوئنٹی میچزکی سیریزکھیلے گی۔ پاکستان کرکٹ بورڈ نے دونوں ایونٹس کیلئے 14 رکنی قومی ویمن ٹیم کا اعلان کردیا ہے۔ ثناءمیرکوکپتان برقرارکھا گیا ہے بسمہ معروف ان کی نائب ہوں گی۔ دیگرکھلاڑیوں میں نین عابدی، ندا راشد، جویریہ ودود، بتول فاطمہ، اسماویہ اقبال، قانیطہ جلیل، سمیہ صدیقی، سادیہ یوسف، ناہیدہ بی بی، ثانیہ اقبال، سدرا امین اورمرینہ اقبال شامل ہیں۔ دونوں ایونٹس کی تیاری کیلئے ٹیم کا ٹریننگ کیمپ 17فروری سے یکم مارچ تک مریدکے میں لگایا جائیگا۔