اسلام آباد (پی پی آئی)چیف جسٹس پاکستان عمر عطابندیال کے بطور چیف جسٹس پاکستان آخری کیس میں سماعت کے اختتام پر وکیل میاں بلال نے چیف جسٹس سے کہا کہ جب ہائی کورٹ میں آپ کا پہلا کیس تھا تو بھی میں ہی آپ کے سامنے پیش ہوا، آج سپریم کورٹ میں آپ کا آخری کیس ہے تب بھی پیش ہو رہا ہوں۔پی پی آئی کے مطابق چیف جسٹس عمر عطا بندیال نے وکیل سے کہا کہ آپ کا کیس تو غیر موثر ہو گیا ہے لیکن اگر دلائل دیں گے تو دل کو خوش رکھنے کو غالب یہ خیال اچھا ہے۔وکیل میاں بلال نے کہا کہ آپ نے ہمیشہ تحمل سے ہمیں سنا۔چیف جسٹس پاکستان عمر عطا بندیال نے جواب دیا کہ ہمارا فریضہ ہے کہ سب کو تحمل سے سنیں، بار کی طرف سے ہمیشہ تعاون اور سیکھنے کو ملا ہے۔
چار ماہ تک پی سی بی کا چیئرمین رہوں گا :نجم سیٹھی
مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
ثقلین مشتاق ویسٹ انڈیز ٹیم کے بولنگ کو چ مقرر کردیے گئے
پہلی آل پاکستان جمناسٹ چیمپئن شپ کا 22فروری سے کراچی میں آغاز
تازہ ترین خبریں
- April 25, 2026
اشتہار
تازہ ترین
شکر گزار ہوں اللہ نے مجھ سے ملک اور انصاف کی خدمت لی: چیف جسٹس
اسلام آباد (پی پی آئی)چیف جسٹس پاکستان عمر عطابندیال نے کہا ہے کہ شکر گزار ہوں اللہ نے مجھ سے ملک اور انصاف کی خدمت لی۔پی پی آئی کے مطابق چیف جسٹس عمر عطا بندیال نے آخری کیس میں وکلا سے گفتگو کرتے ہوئے کہا کہ “گڈ ٹوسی یو آل مائی فرینڈز”۔چیف جسٹس نے کہا کہ کالا کوٹ پہن کر ہم خود کو بار کا حصہ سمجھتے ہیں، جسٹس ساحر علی کہا کرتے تھے کہ بار تو ہماری ماں ہے، ان شااللّٰہ بار روم میں ملیں گے۔انہوں نے کہا کہ میڈیا کے ساتھیوں کا بھی شکریہ جنہوں نے مجھے مستعد رکھا، میڈیا کی تنقید کو ویلکم کرتے ہیں، میڈیا فیصلوں پر تنقید ضرور کرے لیکن ججز پر نہ کرے۔چیف جسٹس پاکستان نے کہا کہ تنقید کے جواب میں ججز اپنا دفاع نہیں کر سکتے، جج پر تنقید سے پہلے یہ ضرور دیکھیں کہ سچ پر مبنی ہے یا قیاس آرائیوں پر، ججز پر تنقید جھوٹ کی بنیاد پر نہیں ہونی چاہیے۔چیف جسٹس عمر عطا بندیال کا یہ بھی کہنا تھا کہ اللّٰہ تعالیٰ کا شکر گزار ہوں جس نے مجھ سے ملک اور انصاف کی خدمت لی، اللّٰہ کے لیے اپنا فریضہ ادا کیا۔
سابق صدر اور 6 سابق وزرائے اعظم کے نیب کیسز دوبارہ بحال
اسلام آباد(پی پی آئی) سپریم کورٹ کی جانب سے نیب ترامیم کو کالعدم قرار دیے جانے کے بعد عوامی عہدے رکھنے والی بہت سی شخصیات کے کیسز بحال ہوگئے ہیں، ان میں سابق صدر آصف علی زرداری، سابق وزیراعظم نواز شریف اور سابق وزیراعظم یوسف رضا گیلانی کے خلاف تمام ریفرنسز بھی شامل ہیں۔پی پی آئی کے مطابق سپریم کورٹ کی جانب سے نیب ترامیم کالعدم ہونے کے بعد سابق وزیراعظم نواز شریف، شہبازشریف، آصف زرداری اور یوسف رضا گیلانی کا توشہ خانہ کیس جبکہ آصف زرداری کیخلاف پنک ریزیڈنسی ریفرنس بھی بحال ہوگیا ہے۔سابق وزیراعظم شاہد خاقان عباسی کا ایل این جی کیس سپیشل جج سینٹرل سے احتساب عدالت کو واپس منتقل ہوگا۔اسی طرح سابق وزیراعظم شوکت عزیز، سابق وزیرخزانہ شوکت ترین کیخلاف مقدمات بھی دوبارہ کھل جائینگے۔سلیم مانڈوی والا کے خلاف کڈنی ہل ریفرنس اور سابق وزیرخزانہ اسحاق ڈار کے خلاف آمدن سے زائد اثاثہ جات ریفرنس بھی واپس احتساب عدالت کو منتقل ہوگا۔مراد علی شاہ کے خلاف نیب ریفرنس بھی واپس احتساب عدالت کو منتقل ہوگا۔سابق وزیراعظم راجہ پرویز اشرف کے خلاف رینٹل پاور کیسز بھی بحال ہوں گے۔لاہور کی احتساب عدالتوں میں متعدد کیسزبھی بحال ہوگئے ہیں، جن میں شہباز شریف اور حمزہ شہباز کے خلاف رمضان شوگر ملز ریفرنس، خواجہ سعد رفیق اور خواجہ سلمان رفیق کے خلاف پیرا گون ہاؤسنگ ریفرنس بھی بحال ہوگیا۔واضح رہے کہ چیف جسٹس پاکستان عمر عطا بندیال کی سربراہی میں 3 رکنی بنچ نے چیئرمین پاکستان تحریک انصاف کی نیب ترامیم کے خلاف درخواست منظور کرتے ہوئے نیب ترامیم کی 10 میں سے 9 شقوں کو کالعدم قرار دے دیا سپریم کورٹ نے اپنے فیصلے میں عوامی عہدوں پر موجود شخصیات کے خلاف کیسز بحال کر دیئے جبکہ نیب کو 50 کروڑ روپے سے کم مالیت کے کرپشن کیسز کی تحقیقات کی اجازت دے دی گئی ہے۔
سپریم کورٹ، پریکٹس اینڈ پروسیجر ایکٹ سماعت کیلئے مقرر
اسلام آباد (پی پی آئی)نامزد چیف جسٹس قاضی فائز عیسیٰ نے پہلا بڑا فیصلہ کرلیا،سپریم کورٹ، پریکٹس اینڈ پروسیجر ایکٹ سماعت کیلئے مقرر کردیا۔پی پی آئی کے مطابق سپریم کورٹ کا لارجر بنچ 18ستمبر کو کیس کی سماعت کرے گا،سپریم کورٹ کی جانب سے تمام فریقین کو نوٹسز جاری کردیئے گئے،رجسٹرار آفس کی جانب سے وفاقی حکومت، وزارت قانون،سیکرٹری قومی اسمبلی سمیت تمام فریقین کو نوٹسز جاری کئے گئے ہیں،نوٹسز میں کہا گیا ہے کہ سپریم کورٹ 18ستمبر کو سپریم کورٹ پریکٹس اینڈ پروسیجر ایکٹ کیخلاف ا?ئینی درخواستوں پر سماعت کرے گا۔واضح رہے کہ چیف جسٹس عمر عطا بندیال کی سربراہی میں 8رکنی لارجر بنچ نے حکم امتناع دیا تھا،جسٹس قاضی فائز عیسیٰ حلف اٹھانے کے بعد بنچ تشکیل دیں گے،پی پی آئی کے مطابق نامزد چیف جسٹس قاضی فائز عیسیٰ 17ستمبر کو عہدے کا حلف اٹھائیں گے،پریکٹس اینڈ پروسیجرل ایکٹ پر فل کورٹ بنانے کا بھی امکان ہے۔
تلاش کریں
خبریں

چار ماہ تک پی سی بی کا چیئرمین رہوں گا :نجم سیٹھی
(February 15, 2014)
لاہور: چیئرمین پی سی بی نجم سیٹھی نے کہا ہے کہ وہ چار ماہ تک اپنے عہدے کو سنبھالیں گے ۔ ایک خصوصی انٹرویو میں نجم سیٹھی کا کہنا تھا کہ سابق چیئرمین ذکاءاشرف نے رات کے اندھیرے میں اپنی مرضی کا آئین بنایا لیکن ہمارا آئین سپریم کورٹ کے تین ججز بنائیں گے ۔اپنے اوپر تنقید کے حوالے سے ان کاکہنا تھا کہ جو لوگ ان کے خلاف الزامات لگارہے ہیں ان کو وہ لیگل نوٹس بھجوانے کے لئے اپنے وکیل سے مشاورت کررہے ہیں ۔35پنکچر کے معاملے پر ان کا کہنا تھا کہ اگر عمران خان وہ ٹیپ منظر عام پر لے آئیں تو وہ خودکشی کرلیں گے ورنہ عمران خان خود کشی کرلیں اور اگر یہ نہ کرسکیں تو معافی مانگ لیں ۔

مچل جانسن کو ٹیسٹ کیرئیر کی 250وکٹوں کی تکمیل کیلئے ایک وکٹ درکار
(February 15, 2014)
سینچورین: آسٹریلوی فاسٹ بولر مچل جانسن کو ٹیسٹ کیرئیر میں 250وکٹیں حاصل کرنے کے لئے صر ف ایک وکٹ کی ضرورت ہے ۔جانسن یہ اعزاز حاصل کرنے والے ساتویں آسٹریلوی بولر بن جائیں گے ۔مچل جانسن نے 2007میں اپنے ٹیسٹ کیرئیر کا آغاز کیا تھا ۔

نجیب عامر ٹی ٹوئنٹی ورلڈکپ کےلئے ہانگ کانگ اسکواڈ میں شامل
(February 15, 2014)
ہانگ کانگ: کرکٹر نجیب عامر کو آئی سی سی ٹی ٹوئنٹی ورلڈکپ کے لئے دوبارہ ہانگ کانگ کی ٹیم میں طلب کرلیا گیا ۔ نوجوان فاسٹ بولر احسن نواز بھی 15رکنی اسکواڈ میں جگہ بنانے میںکامیاب ہوگئے ۔ نجیب نے 2004میں ہانگ کانگ کی طرف سے ڈیبیو کیا تھا۔میگا ایونٹ میں شرکت کی تیاری کے حوالے سے ہانگ کانگ کی ٹیم سری لنکا میں تربیت حاصل کرے گی ۔

ٹی ٹوئنٹی ورلڈ کپ کیلئے 14رکنی سری لنکن ویمن اسکواڈ کا اعلان
(February 15, 2014)
کولمبو: سری لنکن کرکٹ ٹیم کی سلیکشن کمیٹی نے آئی سی سی ویمن ٹی ٹوئنٹی ورلڈ کپ کے لئے 14رکنی اسکواڈ کا اعلان کردیا ۔سشیکا لاسروردھنے ٹیم کی قیادت کریں گی جبکہ چماری اتاپتو نائب کپتا ن ہوں گی ۔ سری لنکن ٹیم کو گروپ بی میں انگلینڈ ،ویسٹ انڈیز اور بھارت کے ساتھ رکھا گیا ہے اور وہ 24مارچ کو بھارت کے خلاف میچ سے اپنی مہم کا آغاز کریں گی ۔

ثقلین مشتاق ویسٹ انڈیز ٹیم کے بولنگ کو چ مقرر کردیے گئے
(February 15, 2014)
بارباڈوس: ویسٹ انڈیز کرکٹ بورڈ نے سابق پاکستانی آف اسپنر ثقلین مشتاق کو ویسٹ انڈین کرکٹ ٹیم کا بولنگ کوچ مقرر کردیا ۔ ویسٹ انڈین کرکٹ بورڈ کے اعلامیے کے مطابق بورڈ نے ثقلین مشتاق سے معاہد ہ کرلیا ہے اور اس کا آغاز یکم فروری سے ہوگیا ہے۔بورڈ نے ثقلین کو آئی سی سی ورلڈ ٹی ٹوئنٹی تک بولنگ کوچ مقرر کیا ہے تاہم اس ایونٹ کے بعد ان کے معاہدے میں توسیع کی جائے گی۔ ثقلین مشتاق پاکستان 15لاکھ روپے ماہانہ تنخواہ اور دیگر مراعات کے عوض ویسٹ انڈیز کے بولنگ کوچ مقرر ہوئے ہیں ۔

پہلی آل پاکستان جمناسٹ چیمپئن شپ کا 22فروری سے کراچی میں آغاز
(February 15, 2014)
کراچی: سندھ جمناسٹک ایسوسی ایشن کے زیر اہتمام فرسٹ آل پاکستان جمناسٹک چیمپئن شپ 22فروری سے کراچی میں شروع ہوگی ۔ دو روزہ چیمپئن شپ پاکستان اسپورٹس بورڈ نیشنل کوچنگ سینٹر کراچی میں کھیلی جائے گی ۔سندھ جمناسٹک ایسوسی ایشن کے ایسوسی ایٹ سیکریٹری امداد حسین اور سیکریٹری سرفراز عابد آرگنائزنگ سیکریٹر ی ہیں ۔
