ٹنڈو محمد خان (پی پی آئی)سندھ آبادگار اتحاد نے پالیسی ساز اداروں پر واضح کیا ہے کہ اس وقت سندھ کے آبادگاروں کو نہری پانی کی قلت،بجلی اور پٹرولیم مصنوعات کی ہوشرباقیمتوں. یوریا کھاد کی بلیک مارکیٹنگ اور نقلی ادویات سمیت متعدد مسائل کا سامنا ہے. پھر یہ بھی کہ آبادگاروں کو ان کی تیارفصلوں کی مناسب قیمت نہیں دی جا رہی ہے جس کے باعث لاگتی اخراجات بھی بمشکل پورے ہو رہے ہیں۔سندھ آبادگار اتحاد کے سالانہ کنونشن میں جوٹنڈو سائنداد میں منعقد ہوا سندھ بھر کے آبادگاروں نے بڑی تعداد میں شرکت کی. آبادگار کنونشن سے زبیر تالپور،محمد انور کمبوہ،پیر اشفاق جان سرہندی،شریف نظامانی، محب خان مری، و دیگر نے خطاب کیا اور بتایا کہ سندھ میں چاول کی فصل پر ناجائز کٹوتی اور گنے کا مناسب ریٹ نہ دے کر آبادگاروں کا معاشی استحصال کیا جار ہا ہے۔کنونشن میں سندھ آباد گار اتحاد کے لئے پیر آغا عبدالرحمن جان سر ہندی کو سندھ کا نائب صدر،پیر ثاقب جان سرہندی کو سینٹرل ایگزیکٹو کمیٹی کا ممبر، نوید تالپور کو تحصیل ٹنڈو محمد خان کا صدر،اکبر قریشی کو جنرل سیکرٹری مقرر کیا گیا
ٹام لیتھم ڈیبیو ٹیسٹ میں صفر پر آﺅٹ ہونیوالے 35ویں کیوی کرکٹر بن گئے
پاکستان باکسنگ ٹیم کیلئے کیوبن کوچ کی آمد مزید التواءکا شکار
5مارچ سے 12ویں قومی ایشن اسٹائل کبڈی چیمپئن شپ کا آغاز
ابراہام ڈی ویلیئرز کا مسلسل 11ٹیسٹ میں نصف سنچریاں بنانے کا ریکارڈ
سوچی اولمپکس : امریکی ایتھلیٹس حادثے میں بال بال بچ گئیں
ڈوپ ٹیسٹ پر آسٹریا کی شکایت آئی او سی نے مسترد کردی
تازہ ترین خبریں
- April 25, 2026
- April 22, 2026
اشتہار
تازہ ترین
کچے کے ڈاکوؤں کی سرکوبی سے قبل پکے کے سرپرستوں کو گرفتارکیاجائے:ڈاکٹر سلیم حیدر
کراچی (پی پی آئی)مہاجر اتحاد تحریک اور مہاجر صوبہ ہماری منزل تحریک کے بانی و چیئرمین ڈاکٹر سلیم حیدر نے کہا ہے کہ کچے کے ڈاکو اس وقت تک گرفتار نہیں کئے جاسکتے جب تک ان کے سرپرست شہروں میں آباد پکے کے ڈاکوؤں کو گرفتار نہیں کیا جاتا۔ کراچی اور حیدرآباد کو مکمل طور پر ڈاکوؤں کے رحم وکرم پر چھوڑ دیا گیا ہے، وردی اور بغیر وردی کے ڈاکو سارا دن شہروں کو لوٹ رہے ہیں، تاجروں اور عام شہریوں کو ڈاکوؤں نے یرغمال بنایا ہوا ہے۔ پی پی آئی کے مطابق انہوں نے کہاکہ پیپلزپارٹی کے کئی قومی و صوبائی ارکان اسمبلی ڈاکوؤں کی سرپرستی میں ملوث ہیں جبکہ اکثر و بیشتر پیپلز پارٹی پر علیحدگی پسند، سندھو دیش کی حمایت اور کچے میں آباد ڈاکوؤں اور اغوا برائے تاوان کی سرپرستی کرنے اور ان کو اپنے مفادات کیلئے استعمال کرنے کے الزامات لگتے رہے ہیں۔ ڈاکٹر سلیم حیدر نے نگراں حکومت اور خاص طور پر مختلف اداروں سے تعلق رکھنے والے پالیسی سازوں سے دردمندانہ اپیل کی کہ وہ اس گھمبیر صورتحال سے کراچی اور حیدرآباد کے بے بس و مظلوم عوام کو نجات دلائیں۔ ڈاکٹر سلیم حیدر نے کہا کہ کراچی اور حیدرآباد میں قتل، ڈکیتی و لوٹ مار کرنے والے ڈاکو اب اس حد تک بے لگام ہوچکے ہیں کہ راہ چلتی خواتین اور بچے بھی ان سے محفوظ نہیں ہیں۔ انہوں نے کہا کہ اب تو یہ صورت حال ہے کہ گلیوں، محلوں اور گھروں میں گھس کر کھلے عام وارداتیں کی جارہی ہیں اور عوام کا کوئی پرسان حال نہیں ہے۔ ڈاکٹر سلیم حیدر نے کہا کہ مہاجر قوم پہلے ہی معاشی بدحالی کا شکار ہے اوپر سے کراچی اور حیدرآباد میں وردی اور بغیر وردی کے ڈاکوؤں نے ان کا جینا دو بھر کیا ہوا ہے۔ مہاجر اتحاد تحریک اور مہاجر صوبہ ہماری منزل تحریک کے بانی و چیئرمین نے کہا افسوس کا مقام ہے کہ کراچی، حیدرآباد کی پولیس اور انتظامیہ میں ایک بھی مقامی افسر نہیں سب دیہی علاقوں سے لاکر یہاں لگائے گئے ہیں جو دھڑلے سے جرائم پیشہ افراد اور ڈاکوؤں کی سرپرستی کر رہے ہیں، ان سے جواب طلبی اور باز پرس کرنے والا بھی کوئی نہیں ہے۔ ڈاکٹر سلیم حیدر نے کہا کہ کراچی اور حیدرآباد کے ٹیکس پر پورا ملک مستفید ہوتا ہے اگر یہاں کے تاجروں اور شہریوں کو تحفظ فراہم نہیں کیا جاتا تو پھر یہ تاجر اور شہری ٹیکس نہ دینے کا اپنا حق استعمال کرنے پر مجبور ہوجائیں گے۔
انسداد پولیو کی قومی مہم2 اکتوبر سے شروع ہو گی،تیاریاں جاری
حیدرآباد(پی پی آئی) انسداد پولیو کی قومی مہم2 اکتوبر سے 8 اکتوبر 2023 تک چلائی جائے گی تاکہ مستقبل کے معماروں کو ہمیشہ کی معذوری سے بچایا جا سکے،اس سلسلہ میں ایک اجلاس کمشنر حیدر آباد خالد حیدر شاہ کی زیر صدارت منعقد ہوا جسمیں گزشتہ پولیو مہم کی کارکردگی کا جائزہ لیا گیا۔اس موقع پر متعلقہ افسران کو ہدایت کی گئی کہ آئندہ پولیو مہم کے دوران سو فیصد نتائج حاصل کرنے کیلئے اپنا بھر پور کردار ادا کریں یہ ہدایت بھی دی گئی کہ انسداد پولیو مہم کے دوران کم کارکردگی والی یو سیز کی کارکردگی کو مزید بہتر بنایا جائے- اور پولیو کے قطرے نہ پلوانے والے والدین کو بھی آمادہ کریں تاکہ تمام بچے پولیوجیسے موذی مرض سے محفوظ رہ سکیں –
دنیا بھر میں مقیم جونا گڑھ کے باشندوں نے”یوم الحاق پاکستان” منایا
ستمبر15 کی تاریخ ہمیں ریاست جونا گڑھ کی پاکستان سے الحاق کی یاد دلاتی ہے۔ ریاست جونا گڑھ کے نائب دیوان معین خان نے پی پی آئی کو بتایا کہ15 ستمبر 1947کو محسن پاکستان نواب جونا گڑھ مہابت خانجی اور بانی پاکستان قائم اعظم محمد علی جناح کے درمیان الحاق کا معاہدہ ہوا۔ جس کو انسٹرومنٹس آف ایکسیشن کہتے ہیں۔ جس کے تحت نواب صاحب نے اپنی ریاست کا الحاق جس کا شمار ہندوستان کی عظیم اور امیر ترین ریاستوں میں ہوتا تھا۔ اسلام اور پاکستان کی محبت کی خاطر پاکستان کے ساتھ کر دیا لیکن9نومبر 1947 کو ہندوستان کی فوج نے اس ریاست پر حملہ کر کے کشمیر کی طرح غاصبا نہ قبضہ کر لیا۔ اس وقت کے وزیر خارجہ سر ظفر اللہ خاں نے یو این او میں ریاست کشمیر کے ساتھ ریاست جونا گڑھ کا معاملہ اٹھایا جو آج تک سکیورٹی کونسل کے سردخانوں میں ہے۔محسن پاکستان نواب مہابت خانجی کے اس تاریخ ساز فیصلے نے پاکستان کی معیشت کو سہارا دیا اور ریاست جونا گڑھ کی تاجر برادری نے نواب صاحب کے اس فیصلے پر لبیک کرتے ہوئے پاکستان ہجرت کی جبکہ سردار ولب بھا ئی پٹیل نے جس کا تعلق خود گجرات سے تھا ان کو روکنا چاہاتا کہ پاکستان کی معیشت اپنے پاؤں پر کھڑی نہ ہو سکے۔جونا گڑھ کی تاجربرادری نے پاکستان کی نوزائیدہ معیشت کو سنبھالا جس میں آدم جی، دادا فیملی، داؤ داور رنگوں والا خاندان سرفہرست ہیں۔پٹنی برادری کے محمد انور پٹنی کا کہنا ہے کہ ہم حکومت پاکستان کے شکر گزار ہیں جس نے ریاست جونا گڑھ کو اپنے سیاسی نقشے میں شامل کر لیا اور ہمقابل فخر مسلح افواج کا شکر یہ ادا کرتے ہیں جنہوں نے ہمیشہ ہمیں سپورٹ کیا۔ جونا گڑھ کی نوجوان نسل اپنے نئے نواب علی مرتضی خانجی کی قیادت میں مسلح افواج کے ساتھ ہے اور کشمیر اور جونا گڑھ کیلئے کسی بھی قربانی سے دریغ نہیں کرے گی۔
تلاش کریں
خبریں

ٹام لیتھم ڈیبیو ٹیسٹ میں صفر پر آﺅٹ ہونیوالے 35ویں کیوی کرکٹر بن گئے
ویلنگٹن: نوجوان وکٹ کیپر بلے باز ٹام لیتھم ڈیبیو ٹیسٹ میں صفر پر آﺅٹ ہونے والے 35ویں کیوی کرکٹر بن گئے ۔ٹام لیتھم اب تک 13ون ڈے اور7ٹی ٹوئنٹی میچوں میں ملک کی نمائندگی کرچکے ہیں لیکن اپنے ٹیسٹ کیرئیر کا آغاز شاندار طریقے سے نہ کرسکے ۔ لیتھم کو بھارت کیخلاف دوسرے ٹیسٹ میچ میں روز ٹیلر کی جگہ کیپ دی گئی تھی ۔

پاکستان باکسنگ ٹیم کیلئے کیوبن کوچ کی آمد مزید التواءکا شکار
کراچی: پاکستان اسپورٹس بورڈ کی نااہلی کی وجہ سے کیوبن کوچ کے پاکستان آنے کا معاملہ التواءکا شکار ہوگیا ۔ کیوبن کوچ نے پاکستان باکسنگ ٹیم کی کوچنگ کیلئے 2013میں ٹیم کو جوائن کرنا تھا لیکن پی ایس بی نے وزارت داخلہ کو ویزے کے لئے بھیجی گئی سمری کو دوبارہ شنوائی نہ کرنے پر معاملہ تعطل میں پڑگیا ۔ غیر ملکی کوچ کی آمد میں تاخیر سے پاکستان باکسنگ ٹیم کی انٹرنیشنل مقابلوں میں تیاری نہ ہونے کے برابر ہے ۔

5مارچ سے 12ویں قومی ایشن اسٹائل کبڈی چیمپئن شپ کا آغاز
اسلام آباد: پاکستان کبڈی فیڈریشن کے زیراہتمام 12ویں قومی ایشن اسٹائل کبڈی چیمپئن شپ5مارچ سے پی او ایف واہ میں شروع ہوگی ۔پاکستان کبڈی فیڈریشن کے سیکریٹر جنرل رانا محمد سرور کے مطابق چیمپئن شپ میں فیڈریشن سے منسلک محکموں کی ٹیمیں حصہ لیں گی جبکہ چیمپئن شپ کے ڈراز کے اعلان اور قوانین کی آگاہی کے لئے 4مارچ کو منیجرز میٹنگ ہوگی ۔

ابراہام ڈی ویلیئرز کا مسلسل 11ٹیسٹ میں نصف سنچریاں بنانے کا ریکارڈ
سینچورین: جنوبی افریقا کرکٹ ٹیم کے مایہ ناز بیٹسمین ابراہام ڈی ویلیئرز نے مسلسل 11ٹیسٹ میچوں میں نصف سنچریاں بنانے کا ویون رچرڈ ز ،گوتم گمبھیراوروریندر سہواگ کا ریکارڈ برابر کردیا ۔ ڈی ویلیئرز نے آسٹریلیا کے خلاف جاری پہلے ٹیسٹ کی پہلی اننگز میں 91رنز کی دلکش اننگز کھیل کر یہ کارنامہ سرانجام دیا ۔ پہلی اننگز میں ڈی ویلیئرز کے سوا جنوبی افریقا کا کوئی بلے باز بھی کینگروز بالرز کا مقابلہ نہ کرسکا ۔ ڈی ویلیئرز نے انتہائی شاندار بیٹنگ کا مظاہرہ کرکے ٹیم کو فالو آن سے بچالیا ۔

سوچی اولمپکس : امریکی ایتھلیٹس حادثے میں بال بال بچ گئیں
ماسکو: سوچی میں جاری ونٹر اولمپکس میں باب سلیڈ مقابلوں کے لئے ٹریننگ کے دوران دو امریکی ایتھلیٹس حادثے کا شکار ہوگئیں تاہم اس واقعے میں کوئی زخمی نہیں ہوا ۔ پہلے ٹریننگ راﺅنڈ میں امریکی نمبر ایک کھلاڑی ایلینا مائرز اور کیٹی ایبرلنگ کا باب سلیڈ کریش ہوگیا البتہ حادثے میں دونوں امریکی کھلاڑی محفوظ رہیں ۔

ڈوپ ٹیسٹ پر آسٹریا کی شکایت آئی او سی نے مسترد کردی
سوچی: انٹرنیشنل اولمپک کمیٹی نے ان شکایات کو مسترد کردیا جن کے مطابق کھلاڑیوں کے ڈوپنگ ٹیسٹ پریشان کن حالات میں رات کو لئے گئے اور کھلاڑیوں کو تیاریوں کے عمل میں دشواری کا سامنا کرنا پڑا ۔آسٹریا کی اولمپک کمیٹی نے آئی او سی سے شکایت کی تھی کہ اس کی اسکی اسٹار الیزبتھ جارجل کا ڈوپنگ ٹیسٹ منگل کو رات گئے اس وقت لیا گیا جب اگلے روز انہیں ڈاﺅن ہل مقابلے میں حصہ لینا تھا ۔آئی اوسی کے ترجمان مارک ایڈمز نے کہا ہے کہ ٹیسٹ لینے کے حوالے سے قواعد وضوابط طے ہیں اور جارجل کا ٹیسٹ معیاری طریقے سے لیا گیا ہے ۔
