سابق بیورو کریٹ فواد حسن فواد کو نگراں وفاقی وزیر مقرر کر دیا گیا۔پی پی آئی کے مطابق صدرِ مملکت عارف علوی نے فواد حسن فواد کی تقرری نگراں وزیر اعظم انوار الحق کاکڑ کی ایڈوائس پر کی۔
جنوبی افریقی کرکٹ بورڈ کی بگ تھر ی معاملے پر خفیہ ڈیل کی سخت تردید
لیجنڈری کرکٹر سچن ٹنڈولکر کو ’بھارت رتنا ‘ ایوارڈ سے نواز دیا گیا
کرکٹ کے عاشق ڈاکٹر محمد علی شاہ کی وفات کو ایک سال بیت گیا
نیوزی لینڈ کو بھارت کیخلاف ہوم سیریز سے 35ملین ڈالر کا فائدہ
ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
تازہ ترین خبریں
- April 25, 2026
- April 22, 2026
اشتہار
تازہ ترین
معاشی مسائل سے دوچار پی آئی اے مزید طیارے گراؤنڈ کرنے پر مجبور
کراچی (پی پی آئی)پاکستان انٹرنیشنل ایئرلائنز (پی آئی اے) نے آئندہ چند ماہ تک فلائٹ آپریشنز جاری رکھنے کے لیے فنڈز کے حصول میں دشواری کے سبب مزید طیارے گراؤنڈ کرنے کا فیصلہ کیا ہے، اس دوران اس کے بنیادی فنکشنز اور غیر اہم اثاثوں کو فروخت کے لیے پیش کیے جانے کا امکان ہے۔پی پی آئی کے مطابق وزارت ہوا بازی نے گزشتہ ہفتے ایک سخت انتباہ جاری کرتے ہوئے وفاقی حکومت کو بتایا کہ پی آئی اے اس وقت شدید معاشی بحران سے دوچار ہے، جس کی وجہ سے پی آئی اے پر قرض دہندگان، طیارے لیز پر دینے والوں، ایندھن فراہم کرنے والوں، بیمہ کنندگان، بین الاقوامی اور ڈومیسٹک ایئرپورٹ آپریٹرز اور حتیٰ کہ انٹرنیشنل ایئر ٹرانسپورٹ ایسوسی ایشن (آئی اے ٹی اے) کے بقایاجات واجب الادا ہیں۔نتیجتاً پی آئی اے اپنے 13 لیز پر لیے گئے طیاروں میں سے 5 کو گراؤنڈ کرنے پر مجبور ہے اور خدشہ ہے کہ مزید 4 طیاروں کے حوالے سے بھی یہی فیصلہ کرنا پڑے گا۔بڑھتے ہوئے خدشات میں اضافہ کرتے ہوئے وزارت ہوابازی نے انکشاف کیا کہ بوئنگ اور ایئربس ستمبر کے وسط تک اسپیئر پارٹس کی سپلائی بند کرنے والے ہیں۔
فٹبال کے 6 مغوی کھلاڑیوں کی بازیابی کے لیے سرچ آپریشن، 7 مشتبہ افراد گرفتار
ڈیرہ بگٹی (پی پی آئی)فٹبال کے 6 مغوی کھلاڑیوں کی بازیابی کے لیے سرچ آپریشن میں مصروف سیکیورٹی فورسز نیواقعے میں ملوث 7 مشتبہ افراد کو گرفتار کر لیاہے۔ پی آئی کے مطابق فٹبال کے 6 کھلاڑیوں کو نامعلوم مسلح افراد نے ضلع ڈیرہ بگٹی کی تحصیل سوئی کے علاقے کچھی کینال سے اس وقت اغوا کر لیا تھا جب وہ آل پاکستان چیف منسٹر گولڈ کپ فٹ بال ٹورنامنٹ کے کوالیفائنگ راؤنڈ میں شرکت کے لیے سبی جا رہے تھے۔
سندھ میں غیرقانونی مقیم افغان باشندوں کیخلاف بڑا کریک ڈاؤن، مقدمات درج
کراچی(پی پی آئی)سندھ میں غیر قانونی طور پر مقیم افغان باشندوں کے خلاف کریک ڈاؤن کے دوران رینجرز نے 41 اور پولیس نے بارڈر کراس کرنے والے 34 افغان باشندوں سمیت 120 کو دھرلیا۔پاکستان رینجرز سندھ کا غیر قانونی طور پر مقیم تارکین وطن کے خلاف کریک ڈاؤن جاری ہے۔ کراچی میں اسنیپ چیکنگ کے دوران حب چیک پوسٹ پر 41 غیر قانونی طور پر مقیم افغان باشندوں کو گرفتار کر لیا گیا۔ترجمان کے مطابق اسنیپ چیکنگ کے دوران شناختی کوائف کی جانچ پڑتال پر 25 افراد سے ایکسپائر افغانی شناختی کارڈ ملا جس پر بلوچستان کا ایڈریس بھی درج ہے۔۔دیگر 16 افراد کو شناختی دستاویزات نہ دینے پر گرفتار کیا گیا۔ زیرحراست افراد میں خواتین اور بچے بھی شامل ہیں۔ترجمان کے مطابق گرفتار تارکین وطن کو مزید قانونی کارروائی کے لیے پولیس کے حوالے کر دیا گیا۔ترجمان رینجرز نے عوام سے اپیل کی کہ وہ غیر قانونی طور پر مقیم افراد کی اطلاع فوری طور پر قریبی رینجرز چیک پوسٹ یا رینجرز ہیلپ لائن ون ون زیر ون پر دیں۔ اطلاع دینے والے کا نام صیغہ رازمیں رکھا جائے گا۔دوسری جانب ضلع غربی پولیس بے غیر ملکی افغان باشندوں کے خلاف کریک ڈاؤن کے دوران غیرقانونی طریقے سے بارڈر کراس کرنے والے 34 افراد کو گرفتار کرلیا۔افغان باشندے غیر قانونی طورپر بنا کسی ملکی شناخت کے مشکوک حالت میں موجود تھے۔گرفتاریاں تھانہ اورنگی، مومن آباد، منگھوپیر، پیرآباد، پاکستان بازار، اقبال مارکیٹ اور گلشن معمار کے علاقوں سے عمل میں لائی گئیں۔اس کے علاوہ کورنگی کے مختلف علاقوں سے 45، ضلع شرقی سے 18،ضلع ملیر سے 14 جبکہ سٹی پولیس نے 9 افغان باشندوں کو گرفتارکرلیا۔گرفتار افغان باشندوں کے خلاف متعلقہ تھانہ جات میں فارن ایکٹ کے تحت مقدمات درج کر کے تفتیش کا آغاز کردیا گیا ہے۔پولیس کے مطابق گرفتار افراد کا کریمنل ریکارڈ بھی بائیومیٹرک کے ذریعے چیک کیا جارہا ہے۔
تلاش کریں
خبریں

جنوبی افریقی کرکٹ بورڈ کی بگ تھر ی معاملے پر خفیہ ڈیل کی سخت تردید
(February 4, 2014)
ڈربن: جنوبی افریقہ کرکٹ بورڈ نے بگ تھری فارمولے کے حق میں ووٹ دینے کی خبروں کو بے بنیاد قرار دیدیا۔افریقن بورڈ نے بگ تھری کے معاملے پر کسی بھی قسم کی ڈیل کرنے سے انکار کر دیا۔جنوبی افریقہ کرکٹ بورڈ کی جانب سے جاری شدہ ایک اعلامئے میں کہا گیا ہے کہ بی سی سی آئی سے جوڑ توڑ کی خبریں بے بنیاد ہیں۔اس سے پہلے کرکٹ ویب سائٹ میں جنوبی افریقہ اور بی سی سی آئی میں گٹھ جوڑ کرنے کے بارے میں رپورٹ دی گئی تھی جس میں تحریر کیا گیا تھا کہ بی سی سی آئی کی ٹیم جنوبی افریقہ بھیجنے کے بعد پروٹیز بورڈ کا ووٹ بگ تھری کے حصے میں آ سکتا ہے۔جنوبی افریقہ کرکٹ بورڈ کے صدر کا کہنا ہے کہ کسی بھی ممبر ملک سے ڈیل کی خبریں جھوٹی ہیں۔انہوں نے کہا کہ آئی سی سی کے دیگر ممبران سے بگ تھری کے معاملے پر مذاکرات جاری ہیں۔جنوبی افریقن بورڈ کے صدر نے کہا کہ بگ تھری کے معاملے پر کسی قسم کی سودے بازی نہیں کریں گے۔افریقن بورڈ کے چیف ایگزیکٹو ہارون لورگاٹ نے کہا کہ اائی سی سی کو پوزیشن پیپر میں بگ تھری معاملے پر دوبارہ غور کرنے کی ضروت ہے۔ہارون لورگاٹ کے مطابق تین بڑوں کے حوالے تمام مالی اور انتظامی امور سونپنے سے پہلے آئی سی سی کو باقی ممبران کا بھی خیال رکھنا چاہئے۔

لیجنڈری کرکٹر سچن ٹنڈولکر کو ’بھارت رتنا ‘ ایوارڈ سے نواز دیا گیا
(February 4, 2014)
نئی دہلی: بھارت کے سابق لیجنڈری بیٹسمین سچن ٹنڈولکر کو بھارت کا سب سے بڑا”رتنا” ایوارڈ دیدیا گیا۔ سچن ٹنڈولکر بھارت رتنا کا اعزاز حاصل کرنیوالے پہلے کھلاڑی بن گئے۔گالف کلب میں ایک خصوصی تقریب کا اہتمام کیا گیا جہاں عالمی نمبر ایک امریکی گالفر ٹائیگرووڈز بھی موجود تھے۔ تقریب میں بھارتی صدر پرناب مکھر جی نے سابق عظیم بلے باز سچن ٹنڈولکر کو ملک کے سب سے بڑے سویلین ایوارڈ “بھارت رتنا” کے اعزاز سے نوازا۔ سچن ٹنڈولکر یہ اعزاز حاصل کرنیوالے پہلے سپورٹس مین بن گئے ہیں۔ 40 سالہ سچن ٹنڈولکر نے کرکٹ کی دنیا میں عظیم کارناموں کے ساتھ یادگار عالمی ریکارڈز بھی بنا رکھے ہیں۔
کرکٹ کے عاشق ڈاکٹر محمد علی شاہ کی وفات کو ایک سال بیت گیا
(February 4, 2014)
کراچی: پاکستان کے مایہ نازآرتھوپیڈک سرجن اور پاکستان کرکٹ بورڈ کی گورننگ باڈی کے رکن مرحوم ڈاکٹرمحمد علی شاہ کودنیا سے گزرے ایک سال بیت گیا۔محمد علی شاہ، پیشے کے لحاظ سے ڈاکٹر تھے لیکن ان کی پہچان کھیلوں کا فروغ رہی ۔2008 میں سندھ اسمبلی کے رکن بنے، کئی سال تک صوبائی وزیرکھیل رہے، اپنے والد اصغرعلی شاہ کے نام سے کراچی میں اسٹیڈیم تعمیرکرایا۔ سری لنکن ٹیم پرحملے کے بعد کوئی غیرملکی ٹیم پاکستان آنے کو تیارنہ تھی۔ ایسے میں محمد علی شاہ نے اپنے رسک پر ورلڈ الیون کوپاکستان بلایا۔ 2010 کے کامن ویلتھ گیمزمیں شامل قومی دستے کے چیف ڈی مشن رہے، خدمات کا اعتراف سرکاری سطح پر بھی کیا گیا، پاکستان کے اعلی ترین اعزازات پرائڈ آف پرفارمنس، تمغہ امتیاز اورستارہ امتیازسے نوازا گیا۔ ہر میدان میں سرگرم محمد علی شاہ چار فروری2013 کو زندگی کی جنگ تو ہار گئے لیکن قوم کی دلوں کو جیت گئے۔

نیوزی لینڈ کو بھارت کیخلاف ہوم سیریز سے 35ملین ڈالر کا فائدہ
(February 4, 2014)
ویلنگٹن: بھارت کے ساتھ جاری کرکٹ سیریز سے نیوزی لینڈ کرکٹ بورڈ کو اب تک 35ملین ڈالر کا فائدہ مل گیا ۔ اطلاعات کے مطابق یہ منافع نیوزی لینڈ میں ہونے والے کسی بھی میگا ایونٹ میں سب سے زیادہ ہے ۔ نیوزی لینڈ کرکٹ بورڈ کے چیف ایگزیکٹیو ڈیوڈ وائٹ نے اس بات کی تصدیق کی ہے کہ رواں سیریز سے ہونے والا منافع 2009میں بھارتی ٹیم کے دورے سے ہونے والے منافع سے کہیں زیادہ ہے ۔

ایشین اسنوکرچیمپئن شپ میں 4رکنی قومی ٹیم حصہ لے گی:عالمگیر شیخ
(February 4, 2014)
کراچی: رواں برس متحدہ عرب امارات میں شیڈول ایشین اسنوکرچیمپئن شپ میں 4رکنی قومی ٹیم حصہ لے گی۔ پاکستان بلیئرڈ اینڈ اسنوکرایسوسی ایشن کے صدرعالم گیرشیخ کا خصوصی گفتگو میں کہنا تھا کہ جونیئرز اور سینئر ایشیا ئی چیمپئن شپ کے لیے بہترین انداز میں تیاری کیا جائیں گی۔ انہوں نے بتایا کہ ایشین جونیئرایونٹ بھارتی پنجاب کے شہر چندی گڑھ میں ہوگا۔ جس میں ماجد علی کی وائلڈ کارڈ انٹری کنفرم ہے۔ ہ باقی تین کھلاڑی نیشنل جونیئر مقابلوں کے بعد کوالیفائی کریں گے۔ عالم گیرشیخ نے بتایا کہ سینئر ایشین ٹورنامنٹ کی میزبانی اس بارمتحدہ عرب امارات کا شہرالعین کرے گا۔ اس میں بھی پاکستان کے چار کھلاڑیوں کو شرکت کا موقع ملے گا۔ انہوں نے مزید بتایا کہ مارچ میں قومی چیمپئن شپ کے بعد چار کھلاڑی ایشین چیمپئن شپ کے لیے منتخب کے جائیں گے۔

نیوزی لینڈ کا بھارتی نژاد اسپنر اندر بیر کو پہلا ٹیسٹ کھلانے کا فیصلہ
(February 4, 2014)
ویلنگٹن: نیوزی لینڈ کرکٹ بورڈ کی سلیکشن کمیٹی نے بھارت کے خلاف 6فروری سے شروع ہونے والے پہلے ٹیسٹ میچ کے لئے بھارتی نژاد اسپنر اندربیر سنگھ کو حتمی اسکواڈ میں شامل کرنے کافیصلہ کرلیا ۔ بھارتی شہر لدھیانہ سے تعلق رکھنے والے اندربیر نے اس سے قبل نیوزی لینڈ کی طرف سے پانچ ٹیسٹ میچ کھیلے ہیں جس میں انہوں نے 11وکٹیں حاصل کی ہیں۔ذرائع کے مطابق سابق کپتان ڈینئیل ویٹوری کی عدم موجودگی پر اندربیر کو پہلے ٹیسٹ کے لئے نیوزی لینڈ کی ٹیم کا حصہ بنایا جارہا ہے ۔
