حیدرآباد(نامہ نگار)کراچی،لاہورکے درمیان چلنے والی شالیمار ٹرین کا روٹ ریلوے انتظامیہ نے عوام کی سہولت کے پیش نظر تبدیل کرک دیا ہے اب یہ ٹرین براستہ جہانیاں کی بجائے وایا ملتان، فیصل آباد شورکوٹ سے ہوتی ہوئی لاہور پہنچے گی۔پی پی آئی کے مطابق شالیمار ٹرین (27اپ28/ ڈاون) کراچی کینٹ سے صبح چھ بجے روانہ ہو کر اگلے روزرات01بج کر 45 منٹ پر لاہور پہنچے گی۔ اسی طرح 28ڈاو ن شالیمار ٹرین لاہور سے صبح چھ بجے روانہ ہو کر اگلے روز براستہ ملتان ہوتی ہوئی رات 02 بج کر 45 منٹ پر کراچی کینٹ پہنچے گی۔ جبکہ ڈرگ روڈ، حیدرآباد، نواب شاہ، روہڑی، گھوٹکی، رحیم یار خان، خانپور، بہاولپور خانیوال، ٹوبہ ٹیک سنگھ، فیصل آباداسٹاپ ہوں گے۔اس کے علاوہ لانڈھی صرف ڈاون سائیڈ سے اس کا سٹاپ ہوگا۔
سوچی اولمپکس : افتتاحی تقریب کی ریہرسل کیلئے شاندار آتش بازی کا مظاہرہ
جرمن فٹبال لیگ : بائرن میونخ نے فرینکفرٹ کو 0-5سے ہرادیا
انگلش پریمیئر لیگ : آرسنل نے کرسٹل پیلس کو دوصفر سے شکست دیدی
رانجی ٹرافی جیت کر کرناٹک ٹیم بھارت کی ڈومیسٹک چیمپئن بن گئی
سابق ہاکی کھلاڑی امین خان کیلئے لائف ٹائم اچیومنٹ ایوارڈ
محسن خان کا قومی کرکٹ ٹیم کی کوچنگ کیلئے درخواست دینے کافیصلہ
تازہ ترین خبریں
- April 25, 2026
- April 22, 2026
اشتہار
تازہ ترین
ڈالرا سمگلنگ اور حوالہ ہنڈی کیخلاف کارروائیوں میں 59ملزم گرفتار
کراچی (پی پی آئی)ایف آئی اے حکام نے ملک بھر میں ڈالر اسمگلنگ اور حوالہ ہنڈی کے خلاف48 کارروائیوں میں منی لانڈرنگ میں ملوث 59ملزموں کو گرفتار جبکہ 48ایف آئی آر درج کی جاچکی ہیں،کارروائیوں کے دوران ابتک ایک لاکھ 6ہزار ڈالر برآمد کئے جاچکے ہیں۔پی پی آئی کے مطابق ملزموں سے دیگر غیر ملکی کرنسی بھی برآمدکی گئی ہے جس کی مالیت 21ملین روپے بنتی ہے،ایف آئی اے کی جانب سے کارروائیوں میں تقریباً اب تک ٹوٹل 150ملین روپے سے زا ئدکرنسی برآمدگی کی جاچکی ہے۔
عسکری ٹاور حملہ کیس، مزید 3 ملزمان گرفتار، شناخت پریڈ کے بعد 14 روز کیلئے جیل منتقل
لاہور(پی پی آئی) عسکری ٹاور پر حملہ میں ملوث 3مزید ملزمان کو گرفتار کر لیا گیا، عدالت نے ملزمان کو شناختی پریڈ کے لیے 14روزہ جوڈیشل ریمانڈ پر جیل بھیج دیا۔ تفصیلات کے مطابق انسداد دہشت گردی عدالت کی جج عبہر گل خان نے سانحہ 9 مئی کے حوالے سے عسکری ٹاور پر حملہ کیس کی سماعت کی، ملزمان فیصل سلطان، کامران، ابراہیم کو چہرے ڈھانپ کر عدالت پیش کیا گیا،عدالت نے ملزمان کو شناخت پریڈ کے لیے 14روزہ جوڈیشل ریمانڈ پر جیل بھیج دیا۔پی پی آئی کے مطابق ملزمان کی جانب سے ایڈوکیٹ عرفان علوی پیش ہوئے اور کہا کہ ملزمان کے خلاف کوئی ثبوت نہیں ہیں، عدالت ملزمان کو ڈسچارج کرنے کا حکم دے۔
حضرت شاہ قاتل اجمیری ؒکا عرس کل شروع ہوگا،تیاریاں مکمل
کراچی (پی پی آئی) مخدوم سندھ حضرت شاہ قاتل اجمیری کا چار روزہ عرس بدھ13ستمبر سے شروع ہوگااور ہفتہ 16ستمبر تک کراچی میں جامع کلاتھ مارکیٹ ایم اے جناح روڈ پر مزار مقدس واقع احاطہ بابا عالم شاہ بخاری میں جاری رہے گا۔پی پی آئی کے مطابق کراچی میں جامع کلاتھ مارکیٹ ایم اے جناح روڈ پر حضرت شاہ قاتل اجمیری کے تین روزہ عرس کی تیاریاں مکمل ہیں اور تقاریب میں شرکت کیلئے ان کے عقیدت مند ملک بھرسے ہرسال کی طرح کراچی پہنچ رہے ہیں۔۔
تلاش کریں
خبریں
سوچی اولمپکس : افتتاحی تقریب کی ریہرسل کیلئے شاندار آتش بازی کا مظاہرہ
(February 3, 2014)
سوچی: سوچی اولمپکس کی افتتاحی تقریب کی ریہرسل کے لیے ہونیوالی شاندار آتش بازی نے رات کو دن میں تبدیل کر دیا۔ روس میں سوچی اولمپکس سے کچھ دن پہلے آتش بازی کا مظاہرہ کیا گیا۔ افتتاحی تقریب کے لیے آتش بازی اور میوزک کی شاندار ریہرسل کی گئی۔ اس موقع پر اسٹیڈیم کو خوبصورت رنگا رنگ روشنیوں سے سجایا گیا تھا۔ تقر یب کی ریہرسل دو گھنٹے تک جاری رہی۔ سوچی اولمپکس گیمز کا آغاز سات فروری سے ہو رہا ہے۔ تفصیلات کے مطابق روسی صدرولا دیمیر پیوٹن نے اس پراجیکٹ کے لیے 50 ملین ڈالرز سے زائد رقم خرچ کی ہے۔
جرمن فٹبال لیگ : بائرن میونخ نے فرینکفرٹ کو 0-5سے ہرادیا
(February 3, 2014)
برلن: جرمن فٹبال لیگ میں بائرن میونخ کی ٹیم نے فرینکفرٹ کو پانچ صفر سے زیر کر کے اپنی ٹاپ پوزیشن مستحکم بنا لی۔ فٹبال لیگ کے میچ میں دلچسپ مقابلہ ہوا۔ کھیل کے بارہویں منٹ میں میزبان ٹیم کے مڈفیلڈرماریو گوئیٹزنے گول کر کے ٹیم کو ایک صفر کی برتری دلائی۔ 44ویں منٹ میں ایک اور گول نے ٹیم کی برتری دو صفر کی۔ دوسرے ہاف میں بھی میزبان ٹیم کے کھلاڑیوں نے جارحانہ کھیل کا مظاہرہ کیا اور مزید تین گول اسکور کر کے مہمان فرینکفرٹ کو پانچ صفر سے ٹھکانے لگایا۔ اس شاندار فتح کے بعد لیگ میں نا قابل شکست ٹیم بائرن میونخ کی 53 پوائنٹس کے ساتھ پہلی پوزیشن پر برقرار ہے۔
انگلش پریمیئر لیگ : آرسنل نے کرسٹل پیلس کو دوصفر سے شکست دیدی
(February 3, 2014)
لندن: انگلش فٹبال کلب آرسنل نے کرسٹل پیلس کو شکست دیکر انگلش پریمیئر لیگ میں ٹاپ پوزیشن حاصل کرلی ۔ ایمریٹس اسٹیڈیم میں کھیلے جانے والے میچ میں آرسنل نے کرسٹل پیلس کو دوصفر سے زیر کیا ۔ پہلے ہاف میں دونوں ٹیموں کے درمیان سخت مقابلہ ہوا۔کوئی بھی ٹیم گیند کو جال کی راہ دکھانے میں کامیاب نہ ہوسکی ۔دوسرے ہاف کا آغاز ہوا ابتداءہی میں آرسنل نے ایک گول کردیا ۔73ویں منٹ میں چیمبرلین نے بہترین کارکردگی دکھاتے ہوئے دوسراگول کرکے آرسنل کی برتری کو دگنا کردیا ۔حریف ٹیم نے مقابلہ برابر کرنے کے لئے جان توڑ کوششیں کیں لیکن آرسنل کے ڈیفینڈر ز نے تمام حملوں کو ناکام بناتے ہوئے میچ دو صفر سے جیت لیا ۔شاندار کامیابی کے بعد آرسنل 55پوائنٹس کے ساتھ پریمیئر لیگ میں سرفہرست آگئی ہے ۔
رانجی ٹرافی جیت کر کرناٹک ٹیم بھارت کی ڈومیسٹک چیمپئن بن گئی
(February 3, 2014)
حیدر آباد دکن: کرناٹک نے مہاراشٹرا کو ہرا کر 7ویں مرتبہ رانجی ٹرافی کا فائنل جیت لیا ۔ فاتح ٹیم کو آخری اننگز میں جیت کے لئے 157رنز کا ہدف ملا جو اس نے تین وکٹوں کے نقصان پر حاصل کرلیا۔ ٹورنامنٹ جیتنے پر کرناٹک کی ٹیم کو 2کروڑ جبکہ رنر اپ مہاراشٹرا کو ایک کروڑ روپے انعام دیا گیا ۔ پہلی اننگز میں سنچری بنانے والے بیٹسمین راہول مین آف دی میچ قرار پائے ۔
سابق ہاکی کھلاڑی امین خان کیلئے لائف ٹائم اچیومنٹ ایوارڈ
(February 3, 2014)
لاہور: انٹرنیشنل ہیومن رائٹس کمیشن نے سابق ہاکی کھلاڑی امین خان کو لائف ٹائم اچیومنٹ ایوارڈ سے نواز دیا ۔ امین خان اس وقت خواتین ہاکی کھلاڑیوں کی کوچنگ کے فرائض سرانجام دے رہے ہیں ۔امین خان کو گزشتہ روز لاہور میں انٹرنیشنل ہاکی فیڈریشن کے تعاون سے ہونے والی تقریب میں ہیومن رائٹس انٹرنیشنل کی طرف سے لائف ٹائم اچیومنٹ ایوارڈ دیا گیا۔
محسن خان کا قومی کرکٹ ٹیم کی کوچنگ کیلئے درخواست دینے کافیصلہ
(February 3, 2014)
کراچی: سابق ٹیسٹ کرکٹر محسن خان نے قومی کرکٹ ٹیم کی کوچنگ کرنے کے لئے باقاعدہ درخواست دینے کا فیصلہ کرلیا ۔ خصوصی بات چیت میں محسن خان کا کہنا تھا کہ ذاتی ٹریک ریکارڈ کی وجہ سے انہیں ہیڈ کوچ کی آسامی کے دیگر امیدواروں پر برتری حاصل ہوگی ۔انہوں نے کہا کہ بحیثیت کوچ انہوں نے مختصر عرصے میں قومی ٹیم کو فتح کی راہ پر گامزن کردیا تھا ۔ انہوں نے مزید کہا کہ ان کی کارکردگی دنیا کے سامنے ہے اورانگلینڈ کو ٹیسٹ سیریز میں وائٹ واش کرنا کوئی اتفاق نہیں تھا ۔