بیونس آئرس: ارجنٹائن موٹو جی پی ریس کے پریکٹس سیشن میںدفاعی چیمپئن اور چیمپئن شپ لیڈر مارک مارکیز نے سب کو پیچھے چھوڑ دیا۔ورلڈ چیمپئن اسپین کے مارک مارکیز پہلی پوزیشن پر براجمان ہیں ،اسپین ہی کے ڈینی پیڈروسا صفر اعشاریہ ایک سات صفر سیکنڈ کے فرقسے دوسرے اور الیکس ایسپارگارو تیسرے تیز ترین رائیڈر قرار پائے۔ موٹو ٹو ایونٹ کے پریکٹس سیشن میں فرانس کے جان زارسرفہرست رہے،جرمنی کے جوناس فولجر کی دوسری اور سوئزرلینڈ کے ڈومینیک تیسرے نمبر پر رہے ۔

بارسلونا: عالمی نمبر ایک رافیل نڈال بارسلونا اوپن ٹینس ٹورنامنٹ میں ہم وطن نکولس المیگرو سے اپ سیٹ شکست کے بعد ٹورنامنٹ سے باہر ہو گئے ، ڈبلز میں اعصام الحق اور روہن بھوپانا کینیڈ ا،سربیاکی جوڑی سے شکست کھا گئے ۔اسپین کے شہر بارسلونا میں جاری اے ٹی پی سنگلز ایونٹ کے کوارٹر فائنل میںمیزبان سٹارورلڈ نمبر ایک رافیل نڈال کو ہم وطن کھلاڑی نکولس المیگرو سے اپ سیٹ شکست کا سامناکرنا پڑا۔ عالمی نمبر 20 المیگرو نے دو گھنٹے 47 منٹ کے طویل مقابلے کے بعد دفاعی چیمپئن کو ناک آوٹ کیا ، المیگرو کی فتح کا سکور 2-6 ،7-6 اور6-4 رہا۔اسے پہلے مقابلوں میں لٹویا کے ارنٹس گلبز نے روسی حریف تیمورز کوا سٹریٹ سیٹس میں 6-1اور6-4 سے شکست دے کر سیمی فائنل کے لیے کوالیفائی کرلیا،جاپان کے نیشی کوری نے کروشیا کے مارین سلک کو 6-1 اور6-3 سے شکست دی۔ڈبلز مقابلوں میں اعصام الحق اور روہن بھوپانا پر مشتمل پاک بھارت جوڑی کو کینیڈا کے ڈینئیل اور سربیا کے زیموجک نے 6-7، 7-5 اور10-7 سے شکست دے کر ٹورنامنٹ سے باہر کر دیا۔

ساﺅ پاﺅلو: سابق عظیم فٹبال پیلے کا کہنا ہے کہ برازیل ورلڈکپ فٹ بال2014 میں شامل کسی ٹیم سے خوف ذدہ نہیں، افتتاحی میچ اور گروپ میں کسی بھی ٹیم کا سامنا کرنے کے لئے تیار ہے۔ فٹبال عالمی کپ کے ڈراز جمعہ کو نکالے جائیں گے جس کے ذریعے طے ہوگا۔پیلے ساوپاولو میں اولمپک چیمپئن تیراک مائیکل فیلپس کے ساتھ تشہیری مہم میں مصروف ہیں۔اشتہاری فلم کی عکس بندی کے دوران صحافیوںسے گفتگو کر تے ہوئے پیلے نے کہا کہ پانچ مرتبہ کا عالمی چیمپئن برازیل کسی بھی ٹیم سے خائف نہیں اور وہ ہوم گراونڈ پر کھیلے جانے والے ورلڈ کپ میں کسی بھی ٹیم کا سامنا کرنے کو تیار ہے۔اس وقت جرمنی اور اسپین کی ٹیمیں بلاشبہ سب سے بہتر ہیں، لیکن عالمی کپ میں ہمیشہ غیر متوقع نتائج بھی سامنے آتے ہیں۔ توقع اور خواہش ہے کہ برازیل فائنل تک ضرور پہنچے۔ برازیل کے فٹبال لیجنڈ پیلے دنیا کے واحد کھلاڑی ہیں جنھیںمسلسل تین ورلڈ کپ کی فاتح ٹیموں کی نمائندگی کا اعزاز حاصل ہے۔

میڈرڈ: ریال میڈر ڈ کے اسٹرائکر کرسٹیانو رونالڈو کا کہنا ہے کہ ریال میڈرڈ دسویں بار چیمپئنز لیگ جیت کرنئی تاریخ رقم کرے گی۔ پرتگالی اسٹاراو ر ریال میڈرڈ کے فٹ بالرکرسٹیانو رونالڈواسپین میں ورلڈ کپ کی تشہیری مہم کے دوران ماڈل کرتے نظر آئے اور کیمروں کے مرکز نگاہ بن گئے۔ میڈرڈ میں کرسٹیانو رونالڈو کی ورلڈ کپ کٹ بھی متعارف کر وادی گئی۔تقریب میں میڈیا سے گفتگو کر تے ہوئے انھوں نے اس عزم کا اظہار کیا کہ ریال میڈرڈ چیمپئنز لیگ جیتنے میں کامیاب ہوگی۔ایک سوا ل پر کرسٹیانو رونالڈو نے کہا کہ ابھی فٹبال کے علاوہ کسی اور کیریئر کا نہیں سوچا لیکن اگر فلموں میں اداکاری کی آفر ہوئی تو انکار نہیں کروں گا۔

لاہور: پاکستانی فاسٹ بولر محمد عرفان نے انجری سے نجات کے بعد باقاعدہ بولنگ کا آغاز کردیا ، ان کا کہنا ہے کہ وہ جلد کرکٹ کے میدانوں میں ان ایکشن دکھائی دیں گے۔چار ماہ سے انجری کے شکار فاسٹ بولر محمد عرفان نے بلا آخر دوبارہ بولنگ شروع کردی ہے۔ ان کا کہنا ہے کہ وہ باﺅلنگ دوبارہ کرنے پر بے حد خوش ہیں ،تاہم ٹی ٹوئنٹی میں پاکستان کی نمائندگی نہ کرنے پر مایوس تھے مگر اب دوبارہ پاکستان کی نمائندگی کے لیے تیار ہیں۔حالیہ بری کارکردگی پر جہاں شائقین کرکٹ مایوس ہیںوہیں بعض کرکٹرز بھی قوم کی توقعات پر پورا نہ اترنے کے باوجود کم بیک کے کیے پر طول رہے ہیں جن میںنوجوان فاسٹ بولر عثمان شنواری بھی کم بیک کے لیے پر امید ہیں ۔فاسٹ بولر محمد عرفان کا دوبارہ بوﺅلنگ کرنا پاکستان کرکٹ کے لیے کسی خوش خبری سے کم نہیں شائقین کے ساتھ ٹیم منیجمنٹ بھی محمد عرفان کو جلد ان ایکشن میں دیکھنے پر جوش ہے