پشاور (پی پی آئی) میڈیکل کے تعلیمی اداروں میں داخلے کیلئے دیئے جانے والے ایم ڈی کیٹ ٹیسٹ میں نقل کرنے والے طلبہ پر 2 سال کے لیے پابندی عائد کردی گئی۔پی پی آئی کے مطابق خیبر میڈیکل یونیورسٹی نے طلبہ پر پابندی عائد کرنے کے حوالے سے جاری اعلامیے میں کہا ہے کہ 219 طلبہ پر 2 سال کے لیے ایم ڈی کیٹ ٹیسٹ دینے پر پابندی عائد کی گئی ہے، جو پابندی کے اس عرصہ کے دوران وہ امتحان میں حصہ نہیں لے سکیں گے، طلبہ پر پابندی تفصیلی رپورٹ کی روشنی میں لگائی گئی۔
پا ک بھارت ہاکی سیریز چوتھی بارمنسوخ
پاکستان انٹرنیشنل اسکواش سرکٹ ون ناصر اقبال کے نام
ڈاکٹر محمد علی شاہ کے نام سے ایوارڈ کا اجرا
پیریبس ٹینس: ثانیہ مرزا کی جوڈی نے فائنل کے لیے کوالیفائی کر لیا
فٹ بال ورلڈ کپ: ٹکٹوں کی فروخت کے پہلے روز اسی فی صد ٹکٹ فروخت
ٹریفک وارڈن سے جھگڑے سے متعلق قومی کرکٹر عمر اکمل کا کیس خارج
تازہ ترین خبریں
- April 22, 2026
- April 22, 2026
اشتہار
تازہ ترین
کیپٹن ریٹائرڈ صفدر کے ناقابل ضمانت وارنٹ گرفتاری جاری
گوجرانوالہ (پی پی آئی) عدالت نے مسلم لیگ ن کے رہنما کیپٹن ریٹائرڈ صفدر کے ناقابل ضمانت وارنٹ گرفتاری جاری کر دئیے۔ گوجرانوالہ میں اداروں کے خلاف بغاوت اور اشتعال انگیز تقاریر کیس میں جوڈیشل مجسٹریٹ فیصل اسلام کی عدالت میں سماعت ہوئی، جہاں کیپٹن ریٹائرڈ صفدر عدالت میں پیش نہیں ہوئے، عدم پیشی کے باعث عدالت نے مسلم لیگ ن کے رہنما کے ناقابل ضمانت وارنٹ جاری کردیئے اور 24 اکتوبر کو انہیں گرفتار کرکے پیش کرنے کا حکم دے دیا۔
پاکستان نے ہتھیاروں کے نظام ابابیل کا کامیاب تجربہ کر لیا، آئی ایس پی آر
راولپنڈی (پی پی آئی) پاکستان نے ابابیل ویپن سسٹم کا کامیاب تجربہ کر لیا۔پاک فوج کے شعبہ تعلقات عامہ(آئی ایس پی آر) نے بتایا کہ پاکستان نے ہتھیاروں کے نظام ابابیل کا کامیاب تجربہ کر لیا جس کا مقصد مختلف ڈیزائن، تکنیکی پیرامیٹرز اور ہتھیاروں کے مختلف نظاموں کی کارکردگی کا جائزہ لینا ہے اور خطے میں ڈیٹرنس کو مضبوط بنانا ہے۔پی پی آئی کے مطابق آئی ایس پی آر کی جانب سے مزید بتایا گیا کہ چیئرمین جوائنٹ چیفس آف سٹاف کمیٹی جنرل ساحر شمشاد نے ابابیل ویپن سسٹم کے تجربے کا مشاہدہ کیا۔ سٹریٹجک فورسز کمانڈ کے افسران، سائنسدانوں اور انجینئرز نے بھی تجربے کو دیکھا۔اس موقع پر چیئرمین جوائنٹ چیفس آف سٹاف کمیٹی جنرل ساحر شمشاد نے سائنسدانوں اور انجینئرز کی لگن اور مہارت کو سراہا اور انہیں مبارکباد بھی دی۔صدر مملکت عارف علوی، نگران وزیراعظم انوارالحق کاکڑ، آرمی چیف جنرل عاصم منیر سمیت سروسز چیفس نے بھی سٹریٹجک فورسز کے تمام اراکین کو مبارکباد دی۔
2026تک 14 پاور پلانٹس کی مدت پوری، جام شورو کے دو اور کیپکو کے تین پاور پلانٹس شامل
اسلام آباد (پی پی آئی) 2026تک 14 پاور پلانٹس کی مدت پوری ہونے پر 3600 میگاواٹ مہنگی بجلی سسٹم سے نکل جائے گی۔دستاویزات کے مطابق مہنگی بجلی کی پیداوار والے پاور پلانٹس آئندہ دو سال میں آؤٹ ڈیٹ ہوجائیں گئے، پاور پلانٹس ایل این جی، قدرتی گیس اور فرنس آئل سے بجلی پیدا کرتے ہیں، سسٹم سے نکلنے والے پاور پلانٹس میں جام شورو کے دو اور کیپکو کے تین پاور پلانٹس شامل ہیں۔پی پی آئی کے مطابق دستاویز میں مزید بتایا گیا مظفر گڑھ کے چار پاور پلانٹس اور گدو کا ایک بجلی گھر شامل ہے، قدرتی گیس پر چلنے والے گدوii کے 5 سے 10 یونٹ ریٹائر ہوجائیں گے، گدو iiکے پاور پلانٹس چھ میگاواٹ صلاحیت کے جبکہ مظفر گڑھ کے چار پاور پلانٹس 750 میگاواٹ صلاحیت کے حامل ہیں۔دستاویزات کے مطابق مظفر گڑھ کے چار پاور پلانٹس فرنس آئل سے بجلی پیدا کررہے ہیں۔
تلاش کریں
خبریں
پا ک بھارت ہاکی سیریز چوتھی بارمنسوخ
(March 15, 2014)
لاہور: بھارتیحکومت کی طرف سے اجازت نہ ملنے پر چوتھی بار پاک بھارت ہاکی سیریز منسوخ ہوگئی۔ بھارتی ہاکی ٹیم نے 28مارچ کو تین ٹیسٹ میچز کی سیریز کھیلنے کے لیے پاکستان کا دورہ جبکہ پاکستان ٹیم نے اپریل کو جوابی دورہ بھارت کرنا تھا مگر ایک بار پھر بھارتی حکومت نے ہٹ دھرمی کا مظاہرہ کرتے ہوئے ہاکی ٹیم کو دورہ پاکستان کرنے کی اجازت نہ دی جس کی وجہ سے چوتھی بار پاک بھارت ہاکی سیریز کو منسوخ کرنا پڑا۔جبکہ دونوں ملکوں کی ہاکی فیڈریشنز دو طرفہ سیریز پر آمادہ تھیں۔
پاکستان انٹرنیشنل اسکواش سرکٹ ون ناصر اقبال کے نام
(March 15, 2014)
لاہور: ٹاپ سیڈ ناصر اقبال نے عامر اطلس کو سخت مقابلے کے بعد شکست دیکر پاکستان انٹرنیشنل اسکوائش سرکٹ ون ٹورنامنٹ جیت لیا۔ پنجاب اسکوائش کمپلیکس لاہور میں ہونے والے ٹورنامنٹ کا فائنل ٹاپ سیڈ ناصر اقبال اور عامر اطلس کے درمیان ہوا جو انتہائی سنسنی خیز رہا۔ ناصر اقبال نے سخت مقابلے کے بعد پانچ سیٹ کے میچ میں 3-2 سے کامیابی سمیٹ کر ٹورنامنٹ اپنے نام کیا۔اسکور 11-5، 6-11، 11-4، 11-9 اور11-9 رہا۔مہمان خصوصی پاکستان اسکوائش فیڈریشن کے صدر ائیر وائس مارشل رضی نواب نے انعامات تقسیم کئے۔
ڈاکٹر محمد علی شاہ کے نام سے ایوارڈ کا اجرا
(March 15, 2014)
کراچی: سابق صوبائی وزیرکھیل ڈاکٹر محمد علی شاہ مرحوم کی کھیلوں کیلئے خدمات کے اعتراف میں ان کے نام سے ایوارڈ کا اجراءکردیا گیا۔ ڈاکٹر محمد علی شاہ ایوارڈزکے اجراءکی تقریب ڈاکٹرشاہ لوورزفورم کی جانب سے کراچی جیمخانہ میں منعقد کی گئی۔ تقریب میں قومی اسمبلی کے رکن آصف حسنین، اقبال محمد علی، کمشنرکراچی شعیب احمد صدیقی، سابق ٹیسٹ کرکٹراقبال قاسم اورڈاکٹرمحمد علی شاہ کے صاحبزادے ڈاکٹر جنید علی شاہ سمیت کھیلوں سے وابستہ اہم شخصیات نے شرکت کی۔ مقررین نے ڈاکٹر محمد علی شاہ کوان کی خدمات کے اعتراف میں شاندار خراج تحسین پیش کیا۔ منتظمین نے کرکٹ، ہاکی اور دیگر کھیلوں کے آرگنائزرز کو ایوارڈ دئیے۔ دنیا بھر میں چار سو ٹیسٹ کور کرنے والے معروف صحافی قمراحمد، مرزا اقبال بیگ، شاہد ہاشمی، راشد علی صدیقی اور جاوید اقبال کوایوارڈ سے نوازا گیا۔
پیریبس ٹینس: ثانیہ مرزا کی جوڈی نے فائنل کے لیے کوالیفائی کر لیا
(March 14, 2014)
انڈین ویلز: پیریبس ٹینس ٹورنامنٹ میں ثانیہ مرزا کی جوڑی نے فائنل کے لیے کوالیفائی کرلیا۔ امریکی ریاست کیلیفور نیامیں جاری پیریبس اوپن ٹینس ٹورنامنٹ میں انڈیا کی ثانیہ مرزا اور ان کے جوڑی زمبابوے کی کارا بلیک نے چین کی جوڈی کو شکست دے کر وومنز ڈبلز کے فائنل کے لیے کوالیفائی کرلیا ۔ سیمی فائنل میں ثانیہ مرزا اور کارابلیک نے چین کی جیزنگ اور جمہوریہ چیک کی لیوسی ہریکا کو 3-6,6-4,اور7-10سے شکست دے دی۔ دوسرے سیمی فائنل کی کامیاب جوڈی سے ان کا فائنل میں مقابلہ ہوگا۔
فٹ بال ورلڈ کپ: ٹکٹوں کی فروخت کے پہلے روز اسی فی صد ٹکٹ فروخت
(March 14, 2014)
ریو ڈی جینرو: فٹ بال ورلڈ کپ 2014ءکے ٹکٹوں کی فروخت کے پہلے ہی دن 80فی صد ٹکٹ فروخت کر لیے گئے ۔ فیفا کی گورننگ باڈی کے مطابق ٹکٹوں کی فروخت کے پہلے دن 2لاکھ 84ہزارپانچ سو ٹکٹ فروخت کر لیے گئے ۔ فیفا کے مطابق پہلے روز فروخت کے لیے 3لاکھ 45ہزارٹکٹ پیش کیے گئے تھے جن میں سے اسی فی صد فروخت ہو چکے ہیں۔ٹکٹوں کی خرید سب سے ذیا دہ امریکی شائقین کی ہے جنھوں نے 20ہزار 9سو 81ٹکٹ خریدے جبکہ کولمبیا کے 5ہزار 9سو ایک ، آسٹریلیا کے 5ہزار7سو 93اور ارجنٹائن کے 4ہزار6سو 48شائقین نے ٹکٹ خریدے۔ ٹکٹوں کی فروخت کا یہ مرحلہ یکم اپریل تک جاری رہنے کی توقع ہے ، جبکہ آخری مر حلہ 15اپریل سے شروع ہو جائے گا۔ فٹ بال ورلڈ کپ 2014ءبارہ جون سے 13جولائی تک برازیل میں کھیلا جائے گا۔
ٹریفک وارڈن سے جھگڑے سے متعلق قومی کرکٹر عمر اکمل کا کیس خارج
(March 14, 2014)
ٓلاہور: پراسیکیوشن کی درخواست پر عدالت نے ٹریفک وارڈن سے جھگڑے سے متعلق قومی کرکٹر عمرکا اکمل کیس خارج کر دیا۔ماڈل ٹاون کچہری میں مقدمے کی سماعت ہوئی، پراسیکیوشن کی جانب سے عدالت میں اخراج مقدمے کی درخواست دائر کرتے ہوئے موقف اختیار کیا کہ فریقین کے درمیان راضی نامہ ہو چکا ہے اس لئے مقدمہ خارج کیا جائے۔ عدالت نے پراسیکیوشن کی درخواست پر ٹریفک وارڈن سے جھگڑے سے متعلق قومی کرکٹر عمر اکمل کا مقدمہ خارج کر دیا۔ گذشتہ سماعت پر عدالت نے پراسیکیوشن کی درخواست خارج کر دی تھی۔